عرض مشاركة واحدة
قديم 17-10-2010, 12:52 AM   #29
apostle.paul
...............
 
تاريخ التسجيل: Dec 2009
المشاركات: 15,909
ذكر
 نقاط التقييم 6591306 نقاط التقييم 6591306 نقاط التقييم 6591306 نقاط التقييم 6591306 نقاط التقييم 6591306 نقاط التقييم 6591306 نقاط التقييم 6591306 نقاط التقييم 6591306 نقاط التقييم 6591306 نقاط التقييم 6591306 نقاط التقييم 6591306
افتراضي

رد: هل أنت مسيحي جديد؟ هل أنتي مسيحية جديدة؟


انا اتشرفت بانضمامى لهذا المنتدى العريق الذى اصبح مرارة فى حلق اضداد المسيح فهو قد كشف زيفهم وتفاهاتهم عن اعمق واعظم ايمان تعرفه البشرية
الايمان بالمخلص يسوع المسيح الكلمة المتجسد
لكى ينطبق قول المسيح
وَمَنْ سَقَطَ عَلَى هذَا الْحَجَرِ يَتَرَضَّضُ، وَمَنْ سَقَطَ هُوَ عَلَيْهِ يَسْحَقُهُ!
حسب فهمى للموضوع انا لن اسهب فى اختبارى فهو موجود بالفعل
لكن هحدد بعض نقاط عشتها قبل معرفتى بالمسيح وخلال طريق رحلتى اليه وبعدها
قبل معرفتى بالمسيح
مكنتش افرق اى حاجة عن اى مسلم يدافع عن دينه بشتى الطرق المشروعة وغير المشروعة لنصرة الله ورسوله ولعز الاسلام وهيمنته
كانت لغتى قاسية مع كل من يكلمنى بشئ عن الاسلام واحول دفة الحوار الى تريقة على المسيحية(النصرانية)الوثنية اللى هندمرها بعون الله ونكسر الصليب ونحرق قلب النصارى ولما نشوف معبود الكنيسة(يسوع)هيعمل ايه
كان جوايا بركان من ثورة عارمة لرفض كل شئ يقدم لى ولو حتى بطريقة محترمة
من كتر ماقرأته فى المنتديات وماشاهدته فى القنوات كرهت النصرانية وكرهت النصارى (على غير طبعى)فانا لا اكره احد ولكن دخولى فى هذة الحوارات حولتنى من انسان محب بطبعى للجميع الى كاره لكل شئ نصرانى(مسيحى)
تحولى للهدوء النسبى وانخفاض حدة التوتر النفسى والغضب اللى كان فيا قولته بالتفصيل فى اختبارى لكن شاء يهوه القدير الهنا ان يضمنى الى خرافه فدخلت لرحلة بحث عميقة استمرت شهور طويلة من قراءة ردود اسلامية بعقلانية وابحاث مسيحية
رحلة البحث
بدا يراودنى تتابع افكار رهيب بداية من شك فى الاسلام مرورا بمعرفتى لاشياء لم اكن اسمع بها من قبل ومعرفتى باشياء فى المسيحية تلقنتها من اولاد الافاعى بتدليس ووصلت لمرحلة ملل
لاانا عارف انسى اللى عرفته فى الاسلام وقادر اتاقلم عليه
ولا قادر اسيبه
ولا عارف اعمل ايه
وبعد دخولى للعالم دا بسنين دخلت هنا المنتدى وكنت شبه واخد القرار انى هتبع المسيح بس كنت خايف ومتحير ومش مركز
دخلت وسالت بعض اسئلة وساعدنى ناس كتير مولكا ونيو مان لن انساهم
وما كان لى سوى انى اسمع صوت المسيح بداخلى بيقولى
انا هو
وامنت باعظم اله بل الاله الحى الوحيد الذى له ينبغى ان نسجد ولا غير سواه
بعد ايمانى
اتغيرت مفاهيم كتتتتتتتتير فى حياتى وبقيت عطشان للمعرفة بقرا اقرا اى كتاب يقع فى ايدى وقولت لازم انفذ مقولة الانجيل وابقى مستعد لمجاوبة كل من يسالنى
وبقيت اتقدم واسال فى اللى انا مش عارفه وبقى عندى حماس انى افهم واتعلم واتلمذ
بقيت اعدى على كنيسة ابقى نفسى ادخل واشم ريحتها واكلم المسيح فى بيته اخاف وارجع
لغاية ملاقيت صوت جوايا بيوجهنى لكنيسة فى بلد غير بلدى ودخلتها
اول لما دخلت شميت ريحة السما حسيت باحساس رهيب حسيت انى داخل مش مكان زى الارض اللى احنا عايشين فيها
وهناك قعدت مع كاهن حكتله قصتى وقعدنا مع بعض كتير واتاكد فعلا من ايمانى وانه ايمان حقيقى وعلمنى ازاى اصلى وازاى اعيش فى حياتى الروحانية واشكر الهى بقيت اتقدم فى حياتى الروحية
ونسيت كل اللى فات من حياتى والان لى كلمة اقولها لكل مسلم باختلاف مستويات تفكيرهم بسيط او عميق
اقرا قد متقرا
صلى
صوم
حج
اعمل كل اللى تقدر عليه واتعب واشقى فى حياتك وطيع الله ورسوله واشتاق لحور العين وجنة الغلمان المخلدون
الى ان ياتى يوم ستغادر فيه روحك جسدك فلن تتذكر اى شئ فعلته سوى انك ستلاقى حتفك بعيدا عن الله الى الابد منفذا فيك عدله المطلق الانهائى الابدى
لحظة الموت مش سهلة ياما ملحدين اتمسكوا بكل نظرياتهم ورفضوا الله
ولما جه ساعة الموت كانوا فى رعب لا يوصف
المسيح مش زعلان انك بتشتمه ولا بتحاربه ولا انك عايز تجرده من كل صفات شخصه الالهى
فهو كلمة الله الخالق شئت ام ابيت
لكن حزن قلب المسيح الفعلى انه شايف مصيرنا اللى احنا مش شيفينه
انا مش بقولك تصحى من النوم تبقى مسيحى
بس على الاقل هدى نفسك سيبك من الثورة العارمة اللى فعلها الاسلام فيك ورغبتك فى انك تتدافع عنه ولو حتى على حساب حياتك الابدية
سيب الله يشتغل معاك زى مشتغل معايا واشتغل مع كثيرين
الله لا يعمل وسط الهياج الله يعمل وسط السلام والهدوء والنقاء
خلاص معدش فى وقت والساعات بتعدى ومصيرك هيتحدد ومحدش فينا ضامن حياته ولو لثانية واحدة
ولا صلاة ولا صوم ولا حج ولا كل تعبك هينفعك
لو فكرت ان ممكن بعضلاتك توصل لكلى الكمال اعرف انك مخدوع
غيرك تعبوا وكدوا اكتر منك بمراحل وصرخوا وقالوا الى متى يارب تنسانا حتى متى تحجب وجهك عنا
مفيش غير كلمة الله هو اللى هياخدنا ويجلسنا معاه فى سماه
صلاتى لمسيحى الذى تذوقت معه معنى الحياة وعرفت معاه قيمتى قيمتى اللى دفع فيها اغلى تمن دمه على الصليب
انك تتصالح مع الله فى شخص المسيح
انت مازلت فى صلب ادم الخاطى ولن تتحرر ان لم تتركه وتتدخل فى صلب يسوع البار كلمة الله وصورته ورسم جوهره وبهاء مجده لكى تسمع الصوت الالهى الممتلئ فرحا
«هُوَذَا مَسْكَنُ اللهِ مَعَ النَّاسِ، وَهُوَ سَيَسْكُنُ مَعَهُمْ، وَهُمْ يَكُونُونَ لَهُ شَعْبًا، وَاللهُ نَفْسُهُ يَكُونُ مَعَهُمْ إِلهًا لَهُمْ.
4 وَسَيَمْسَحُ اللهُ كُلَّ دَمْعَةٍ مِنْ عُيُونِهِمْ، وَالْمَوْتُ لاَ يَكُونُ فِي مَا بَعْدُ، وَلاَ يَكُونُ حُزْنٌ وَلاَ صُرَاخٌ وَلاَ وَجَعٌ فِي مَا بَعْدُ، لأَنَّ الأُمُورَ الأُولَى قَدْ مَضَتْ».
5 وَقَالَ الْجَالِسُ عَلَى الْعَرْشِ: «هَا أَنَا أَصْنَعُ كُلَّ شَيْءٍ جَدِيدًا!». وَقَالَ لِيَ: «اكْتُبْ: فَإِنَّ هذِهِ الأَقْوَالَ صَادِقَةٌ وَأَمِينَةٌ».
6 ثُمَّ قَالَ لِي: «قَدْ تَمَّ! أَنَا هُوَ الأَلِفُ وَالْيَاءُ، الْبِدَايَةُ وَالنِّهَايَةُ. أَنَا أُعْطِي الْعَطْشَانَ مِنْ يَنْبُوعِ مَاءِ الْحَيَاةِ مَجَّانًا.
7 مَنْ يَغْلِبْ يَرِثْ كُلَّ شَيْءٍ، وَأَكُونُ لَهُ إِلهًا وَهُوَ يَكُونُ لِيَ ابْنًا.

الكلام دا مش وعظ
الكلام دا ممكن تكون رسالة لكل واحد لسه بيدافع عن سراب ووهم
انت مش هتقدر تستحمل دينونة الله
انت مش هتقدر تستحمل دينونة الله
اهرب منها ودور على مخلصك

متسمعش كلام الفريسيين المسلمين دول واقفين على الباب ولا راضيين يدخلوا ولا سايبين الناس الىل عايزه تتدخل تتدخل
دور على خلاصك بنفسك الخلاص اللى فتش عنه الاباء والانبياء
انت بلا عذر ايها الانسان
دور بنفسك

وَلكِنْ شُكْرًا للهِ الَّذِي يَقُودُنَا فِي مَوْكِبِ نُصْرَتِهِ فِي الْمَسِيحِ كُلَّ حِينٍ، وَيُظْهِرُ بِنَا رَائِحَةَ مَعْرِفَتِهِ فِي كُلِّ مَكَانٍ.
15 لأَنَّنَا رَائِحَةُ الْمَسِيحِ الذَّكِيَّةِ للهِ، فِي الَّذِينَ يَخْلُصُونَ وَفِي الَّذِينَ يَهْلِكُونَ.
16 لِهؤُلاَءِ رَائِحَةُ مَوْتٍ لِمَوْتٍ، وَلأُولئِكَ رَائِحَةُ حَيَاةٍ لِحَيَاةٍ. وَمَنْ هُوَ كُفْوءٌ لِهذِهِ الأُمُورِ؟
17 لأَنَّنَا لَسْنَا كَالْكَثِيرِينَ غَاشِّينَ كَلِمَةَ اللهِ، لكِنْ كَمَا مِنْ إِخْلاَصٍ، بَلْ كَمَا مِنَ اللهِ نَتَكَلَّمُ أَمَامَ اللهِ فِي الْمَسِيحِ.

التعديل الأخير تم بواسطة apostle.paul ; 17-10-2010 الساعة 01:45 AM
apostle.paul غير متصل   رد مع اقتباس الرد السريع على هذه المشاركة