عرض مشاركة واحدة
قديم 04-03-2007, 06:00 PM   #2
egyfinance
عضو مبارك
 
الصورة الرمزية egyfinance
 
تاريخ التسجيل: Feb 2007
الدولة: alexandria
المشاركات: 475
ذكر
 نقاط التقييم 11
Smile

الى صديقى مستر قدورة


جائنى سؤال من الصديق مستر قدورة على موضوع الاسلام و الارهاب و لعدة اسباب منها اولا انى عايز اكسب صداقة المستر قدورة و ثانيا لانت سؤاله مسيحى بحت و سئله فى غرفة اسلامية و لانى فاتح فى نفس الغرفة مناظرة حول حقيقة لاهوت المسيح فقررت انى اجاوبه على سؤاله لكل الاعتبارات دى و وعدته انى هاعتبر سؤاله ضمن ملاحظات الاعضاء ، سؤاله هو :
هل يسوع المسيح ليه كل المجد رسول واللا ابن الله واللا الله ؟
طبعا السؤال ذكى جدا و فى الصميم من مناظرتى فقررت اجاوبه و بردو بادى لصديقى الحبيب الاخ عمر الفاروق انه يقرء الاجابة و ممكن يقتبس منها فى مناظرتنا لو اعطته اى سؤال يحب يسئله .
الاجابة طبقا لنصوص العهد الجديد الحرفية فربنا و الهنا و مخلصنا يسوع المسيح هو :
رسول - ابن الله - الله
يا ربى ؟ طيب تيجىلا ازاى دى ؟ اولا فى موضوع رسول نرجع لمثل صاحب الحقل و الكرامين اللى كل ما مالك الكرم يبعتلهم انسان عادى ( يعنى فى التفسير نبى و رسول ) يقوموا يصربوه و يدولوا الطريحة المعتبرة كل ما يبعتلهم واحد يعملوا معاه كده فراح قال انه يبعت لهم ابنته لعلهم يخافوه فيبطلوا الجنان ده فتفتكر عملوا ايه ؟ بيقول لنا رب المجد يسوع اللى ادانا المثل ده فى العهد الجديد بيقول انهم قالوا يالا بينا نقبض على الجدع ابنه ده و بعدين نقتله فبصفته الوارث للمالك اللى هوة ( الملك ) فكده نضمن نورث احنا الكرم ده .
من هنا نعرف ان كل الناس اللى ارسلهم مالك الكرم للكرامين كانوا ايه؟ كانوا رسل من عنده ، طيب و ابنه عمل ايه بخصوصه مع الكرامين ؟ بردوا ارسله ليهم يعنى الابن هنا كان بردوا رسول بس موش اى رسول لا ده رسول ابن المالك رسول عنده كل حقوق و قوة و نفوذ المالك بعكس الرسل العاديين اللى قبله ، و ده بيثبته رب المجد فى كلمته فى العهد الجديد فى يوحنا اصحاح 8 :
(( انا انسان قد كلمكم بالحق الذى سمعه من الله )) فهو فى ناسوته الكامل سمع كلاما من الله فجاء مرسلا منه لنا و لكن هنا هو ايضا فى لاهوته مرسل من الله ايضا مصداقا لقول رب المجد : (( انا معكم زمانا يسيرا بعد ثم امضى الى الذى ارسلنى ) و هنا حين عاد المسيح الى الاب هل عاد كلوجوس الهى فقط هل عاد كابن الله فقط ام عاد ايضا بناسوته؟ عاد بناسوته فالناسوت اذا كان يحمل صفة الرسالة انه مرسل من الاب و على هذا الناسوت ان يعود هو كذلك الى الاب السماوى و و يقودنا الى موضوع ان المسيح ابن الله لاوضح ان المسيح موش بس ابن الله فى انه اقنوم الابن الكلمة او اللوجوس الالهى الازلى الابدى لا بل و ايضا الابن بالجسد ايضا فلا يمكن لناسوت المسيح ان ينفصل عن لاهوته فالطبيعتان لا تنفصلان و لا تمتزجان.
هذا عن كونه رسول اما عن كونه ابن الله فهذا لانه اقنوم الابن او الكلمة اللوجوس و هنا يروق لى ان اضع بين يديك يا صديقى كلمات العلامة اوريجانوش حين قال ان المسيح يسوع هو ابن الله بالجسد و الروح بالجسد لانه فعلا كان المركبة التى تقدست لاقصى درجات التجسد و تطهرت لاقصى درجات الطهارة لتحمل الكلمة او اللوجوس الالهى و تعيش و هى تحمله لثلاثة و ثلاثون عاما و فى الوقت نفسه هو ابن الله بالروح لانه اقنوم الابن ضمن الاقانيم الثلاثة المشكلة بجوهر الخالق اهية او يهوه هذا الجوهر هو الثالوث المقدس الاب و كلمته ( الابن ) و روحه ( الروح القدس ) فلانه الابن او لانه الكلمة او اللوجوس فهو هنا فى الحالتين يستحق انه ابن الله ( الوحيد ) ، اما الحقيقة الثالثة فى انه هو الله فاطلب منك متابعة مناظرتى لتعلم ذلك و لكن بشكل عام فالله و الاب و الابن و الروح القدس فهؤلاء الاقانيم الثلاثة هم واحد و عليه فالاب و الابن و الروح القدس هم الله و فى ذات الوقت فالاب هو الله و الابن هو الله و الروح القدس هو الله لان الاب فى الابن و الابن فى الاب و الاثنين فى الروح القدس و الروح القدس فيهما و كل اقنوم من تلك الاقانيم الثلاثة يحمل ذات جوهر الاه الخالق من قدرة و علم و سرمدية و اى صفة او قدرة اخرى مهما كانت و من هذا المنطلق فقولك ان الاب هو الله صح و الابن هو الله صح و الروح القدس هو الله صح و الثلاثة هو الله و موش هاقول و الثلاثة هم لا ابدا لان هؤلاء الثلاثة هم واحد ، لكن انا عارف انك يصعب عليك مبدئيا تقبل هذا و لكنى اعدك لو كان فى العمر بقية هاعمل مناظرة بعد منالظرتى دى عن الثالوث المقدس هتستوعب فيها كل ده بس بردو لازم تطهر روحك علشان يقدر ربنا يرشدك للحق فصلى معايا ان ربنا يطهر روحك علشان تفهم حتى من غير ما تسئل حد
فى النهاية اقول لك ان المسيح كلة القدرة و الاله القادر على كل شىء استطاع هو وحده و بقدرته ان يجمع بين كل الثلاثة تعريفات التى ذكرتها ارجو ان اكون قد وفقت فى ان اوصل لك بعض الحقيقة فالحقيقة كاملة لا استطيع توصيلها الا لاصحاب الارواح الطاهرة بالكامل او على الاقل اصحاب العقول المحايدة التى لا تتاثر باى دين او عقيدة والا حتى المسيحية لكن واحد متاثر بفكر مخالف صعب اوى انه يفهم اللى باقول له .
و فى النهاية اعتذر لاصدقاء و الاخوة الاعزاء ان لم استطع الرد على اى اسئلة قادمة حتى انتهاء المناظرة و هذا فقط كان لمصالحة مستر قدورة لانى حاسس او لنقل مقتنع بانى احتديت عليه شوية فى ردى فى موضوع الارهاب و الاسلام و شكرا ليكم جميعا.
egyfinance غير متصل   رد مع اقتباس الرد السريع على هذه المشاركة