بسم الآب و الابن و الروح القدس الإله الواحد ..آمين
سلام المسيح رب المجد ....
أنا بنت ..عمري 18 سنة ... من عائلة معقدة اسلامياً ... كل شي بعملو مقاس بمقياس اسمو الاسلام ... حتى حكيي و تصرفاتي كنت من قبل اتخيل انو الصفات يلي ممكن انا بشوفا حلوة فيي رح افقدا ازا بعدت عن رب الاسلام و رح افقد حب الناس حتى بمجرد ابتعادي عن اللي اسمو إله الاسلام هالشي التغى بمجرد ايماني بالنور الحقيقي ربنا يسوع المسيح يلي حببني اكتر
من أنا و صغيرة بتلفت نظري الكنايس مو بشكلا وبس بشغلتين الأولى إني كل ما شوف كنيسة أول شي بحب شوفو فيا الصليب يلي بيرتفع فوقا و التانية إني بس مر من إدام كنيسة بحس براحة نفسية رهيبة ..كان صوت جواتي دايما يقلي هالمكان مقدس هيدا مكاني .. مكان راحتي ..بس كنت سكت صوت الحقيقة يلي بقلبي ... صوت الايمان ... وقول أنو هيدا حكي مانو صحيح ... أنا مسلمة و هيدا مكان مقدس عند المسيحيين ... حب الاطلاع عندي خلاني اسأل اي شخص مسيحي بتعرف عليه عن شي معين بدينو ... هالشي من وقت ما كان عمري 13 تقريبا بس هالشي ما كان يولد جواتي احساس أنو أنا مغيبة عن النور ...كنت اسعى إني اسأل من ناحية الاطلاع و الفضول مو أكتر .. اسأل بابا عن رفقاتو المسيحيين .. حب اتعلم
هالشي ضل مرافقني فترة بعدين صرت ابتعد عن التفكير بهالأمور
لغاية شهر ديسمبر 2009.. تعرفت عالنت على شب كتير طيوب صرنا اصحاب هو مسيحي و كان يعطيني احسن صورة عن المسيحيين ..الصورة يلي كنت شوفا بكل شخص بيآمن بيسوع المسيح
كنا كتير نتناقش بأمور دينية اسلامية و بين من خلال وجهات نظري تعصبي الشديد للاسلام و دافع عنو بشراسة .. ظناً مني بأنو هو دين الحق ..لغاية مرة قرالي موضوع عالنت عن المسيحيين تعدادهن , توزعهن و من هالقصص
حبيت اطلع اكتر ع معلومات تانية و كان يساعدني كتير كتير عن طريقو بلشت فكر و اتأمل بتعاليم الاسلام و مفهوماتو الخاطئة ..بلشت اقرا الكتاب المقدس ...كان كل ما نتناقش بشي يغلبني بوجهة نظرو و اسكت ما قول شي علماً أنو أنا مو من المتعمقين بتعاليم الاسلام بس اقتنع تماماً بوجهة نظرو يلي بتمثل وجهة النظر المسيحية
مرة قلتلو بدي قلك شي بس مترددة ... بدي صير مسيحية-اتنصر-..كان سبب ترددي المجتمع أولاً بكل صراحة ..تاني شي ديني يلي عشت طول عمري و أنا مؤمنة فيه و تربيت عهالأساس ...
بس نور الرب ما بينمنع عن العيون و حلاوة الايمان بيسوع هي معنى الحياة ... تنصرت و صديقي كتير ساعدني و هلأ أنا عم اتعلم و فوت عالمنتدى ووسع معرفتي بالمسيحية و اقرا الانجيل و اتعرف اكتر ع محبة الرب لأبناؤه و انسانية المسيحية .... يسوع معي بكل خطوة من خطوات حياتي .. صلاتي بتقويني بتقوي ايماني و الرب ما بيغفل عني لحظة .. عم يعطيني توفيق ... محبة... فوق فدائو إلي و لكل المسيحيين
أنا لسه ما تعمدت و عم واجه مشاكل بهالقصة و ازا ما قدرت رح اطلع لبرا بلدي و اتعمد بس حصلت قبل كل شي على معمودية الروح بايماني بيسوع ... و بتمنى كل مسلم يرد ع صوت الخير جواتو بس مرة و رح يشوف كيف الرب رح يفتحلو طريق للنور
صلواتكن اخوتي
سلام المسيح
سلام المسيح رب المجد ....
أنا بنت ..عمري 18 سنة ... من عائلة معقدة اسلامياً ... كل شي بعملو مقاس بمقياس اسمو الاسلام ... حتى حكيي و تصرفاتي كنت من قبل اتخيل انو الصفات يلي ممكن انا بشوفا حلوة فيي رح افقدا ازا بعدت عن رب الاسلام و رح افقد حب الناس حتى بمجرد ابتعادي عن اللي اسمو إله الاسلام هالشي التغى بمجرد ايماني بالنور الحقيقي ربنا يسوع المسيح يلي حببني اكتر
من أنا و صغيرة بتلفت نظري الكنايس مو بشكلا وبس بشغلتين الأولى إني كل ما شوف كنيسة أول شي بحب شوفو فيا الصليب يلي بيرتفع فوقا و التانية إني بس مر من إدام كنيسة بحس براحة نفسية رهيبة ..كان صوت جواتي دايما يقلي هالمكان مقدس هيدا مكاني .. مكان راحتي ..بس كنت سكت صوت الحقيقة يلي بقلبي ... صوت الايمان ... وقول أنو هيدا حكي مانو صحيح ... أنا مسلمة و هيدا مكان مقدس عند المسيحيين ... حب الاطلاع عندي خلاني اسأل اي شخص مسيحي بتعرف عليه عن شي معين بدينو ... هالشي من وقت ما كان عمري 13 تقريبا بس هالشي ما كان يولد جواتي احساس أنو أنا مغيبة عن النور ...كنت اسعى إني اسأل من ناحية الاطلاع و الفضول مو أكتر .. اسأل بابا عن رفقاتو المسيحيين .. حب اتعلم
هالشي ضل مرافقني فترة بعدين صرت ابتعد عن التفكير بهالأمور
لغاية شهر ديسمبر 2009.. تعرفت عالنت على شب كتير طيوب صرنا اصحاب هو مسيحي و كان يعطيني احسن صورة عن المسيحيين ..الصورة يلي كنت شوفا بكل شخص بيآمن بيسوع المسيح
كنا كتير نتناقش بأمور دينية اسلامية و بين من خلال وجهات نظري تعصبي الشديد للاسلام و دافع عنو بشراسة .. ظناً مني بأنو هو دين الحق ..لغاية مرة قرالي موضوع عالنت عن المسيحيين تعدادهن , توزعهن و من هالقصص
حبيت اطلع اكتر ع معلومات تانية و كان يساعدني كتير كتير عن طريقو بلشت فكر و اتأمل بتعاليم الاسلام و مفهوماتو الخاطئة ..بلشت اقرا الكتاب المقدس ...كان كل ما نتناقش بشي يغلبني بوجهة نظرو و اسكت ما قول شي علماً أنو أنا مو من المتعمقين بتعاليم الاسلام بس اقتنع تماماً بوجهة نظرو يلي بتمثل وجهة النظر المسيحية
مرة قلتلو بدي قلك شي بس مترددة ... بدي صير مسيحية-اتنصر-..كان سبب ترددي المجتمع أولاً بكل صراحة ..تاني شي ديني يلي عشت طول عمري و أنا مؤمنة فيه و تربيت عهالأساس ...
بس نور الرب ما بينمنع عن العيون و حلاوة الايمان بيسوع هي معنى الحياة ... تنصرت و صديقي كتير ساعدني و هلأ أنا عم اتعلم و فوت عالمنتدى ووسع معرفتي بالمسيحية و اقرا الانجيل و اتعرف اكتر ع محبة الرب لأبناؤه و انسانية المسيحية .... يسوع معي بكل خطوة من خطوات حياتي .. صلاتي بتقويني بتقوي ايماني و الرب ما بيغفل عني لحظة .. عم يعطيني توفيق ... محبة... فوق فدائو إلي و لكل المسيحيين
أنا لسه ما تعمدت و عم واجه مشاكل بهالقصة و ازا ما قدرت رح اطلع لبرا بلدي و اتعمد بس حصلت قبل كل شي على معمودية الروح بايماني بيسوع ... و بتمنى كل مسلم يرد ع صوت الخير جواتو بس مرة و رح يشوف كيف الرب رح يفتحلو طريق للنور
صلواتكن اخوتي
سلام المسيح
