- إنضم
- 21 نوفمبر 2009
- المشاركات
- 30,377
- مستوى التفاعل
- 2,102
- النقاط
- 0
- الإقامة
- Je rêve que je suis un papillon
بجد ست شاطرة خااالص _ (ميزانية الأكل طول الأسبوع كله كلفت64.5 جنيه فقط لاغير..!!!!!!
تعالوا نشوف إزااااااااااااى ؟
اليوم الاول
الغداء
مكرونة وكفتة
طلعت كيس كفتة من عندى + كيلو مكرونة 4.5+ برطمان صلصلة 3 = 7.5
الحلو
ايس كريم
2 ايس كريم دريم ب 5+ نص لبن 3= 8
عمل 12 كوباية
كفونا على يومين
يعنى تكلفة اليوم الواحد 4 جنيه
وانتى لو عددكم اقل نزلى لحماتك ومامتك يدعولك
العشاء
بطاطس محمرة وكاتشب بيتى وسلطة
البطاطس عندى من مشتروات اول الشهر+ نصف برطمان صلصة عملته كاتشب بيتى1.5 = السلطة = 1.5
كدة الاجمالى لليوم الاول
7.5+4+1.5= 12 جنيه
اليوم الثانى
الغداء
شوربة عدس ومخلل بيتى
ربع عدس ب 2 جنيه+ الخضار من مشترواتى = 2 جنيه
والعيش بلدى شرياه وحطاه فى الفريزر لوقت عوزة
يعنى جايبينه من مشتريات اول الشهر
الحلو
باقى الايس كريم
= 4 جنيه
العشاء
جبنة تلاجة ب 2 + 1.5 طعمية+ مخلل بيتى + فول بجنيه= 4.5
اجمالى اليوم الثانى
2+4+4.5= 10.5
اليوم الثالث
الغداء
محشى ورق عنب
ودة كان متخزن عندى فى الفريزر والرز والخلطة كمان
انتى ممكن تشتريه مجمد (بسمة) نظيف وحلو
الغداء مكلفنيش ولا مليم
العشاء
عندى عيش فينو كتييييييييييييييير فى الفريزر باجمعه من بواقى العشاء
فرمته فى الكبة
وطلعت الجبنة القديمة ولبن وزيت
ضربت ربع كوباية لبن مع حتة جبنة قديمة
وعجنتها مع العيش المفروم
وكورتها ودهنت الصنية زيت
ودخلتها الفرن بس مش كتير عشان متنشفش
وطلعتها وحطيت عليها كاتشب وهى سخنة
طبعا العشاء كمان ماتكلفتش ولا مليم
الحلو
فرمت برضو عيش فينو وطلعت شربات كان عندى من رمضان وجوز هند باقى من رمضان والزيت
واعجنى
وكورتها بس الكور صغيرة عشان تبقى شيك يعنى
وحطيتها فى الفرن
واما طلعت حطيت عليها عسل تانى
انتى ممكن اما تطلع تحطى عليها سكر بودرة او نسكويك بالسكر
وطبعا ماكلفنيش ولا مليم
اليوم الرابع
دة كان يوم التحدى بالنسبة لى
اة
بيجيلى هافة كدة
اقول النهاردة مش هاصرف ولا مليم
وهاشوف با البيت فيه ايه
ساعات الاقى مكرونات فى الفريزر وبواقى كيك
وزى اليوم دة عيش فينو بالهبل
اهو انتى با اعملى يوم تحدى كدة
وافتحى الفريزر والتلاجة
وهتلاقى خير ربنا
اليوم الســــــــــــــــــــــــــــــادس
الغداء
صنية كوسة باللحمة المفرومة
الكوسة الكيلو ب 6
انا عملت كيلو ونصف لانه على يومين 9 جنيه + كيس لحمة مفرومة معصجة من الفريزر + كيلو رز ب 3.5=12.5
الحلو
عصير الربيع
عندى مكلفنيش ولا مليم
العشاء
جبت ب 3 جنيه طعمية
وعملت ساندوتشات طعمية للولاد فى البيت
وبجنيه طحينة
تكلفة العشاء= 3+1=4 جنيه
يعنى تكلفة اليوم السادس= 12.5+4= 16.5
اليوم الســـــــــــــــــــــــــــــابع
الغداء
بقية صنية الكوسة + كيلو ارز 3.5= 3.5
الحلو
عصير الربيع
مكلفنيش ولا مليم برضو
العشاء
جبت ب 2 جنيه فول وعملتهم ساندوتشات حواوشى الفول
وب 2 جنيه مخلل
التكلفة = 2+2=4 جنيه
تكلفة اليوم السابع = 3.5+4=7.5 جنيه
اجمالى تكاليف الاسبوع الاول
اليوم الاول 12 جنيه
اليوم الثانى 10.5 جنيه
اليوم الثالث 0 جنيه
اليوم الرابع 7.5 جنيه
اليوم الخامس 10.5 جنيه
اليوم السادس 16.5 جنيه
اليوم السابع 7.5 جنيه
------------------------
اجمالى الاسبوع 64.5 جنيه فقط لاغير
اذا فرضا انتى عاملة للاسبوع 100 جنيه
هاتى بباقى الفلوس خضار ورز عشان الاسبوع اللى بعده
اودقيق
يعنى على حسب مااتبقالك..
منقووول للأمانة
التعديل الأخير: