- إنضم
- 18 أبريل 2013
- المشاركات
- 302
- مستوى التفاعل
- 110
- النقاط
- 0
سلام ملك السلام مع جميع اخوتى
انا اختكم مارينا (حاليا)
بصراحه انا سمعت كتير عن منتديات الكنيسه بس مفكرتش اشترك فيها لسبب واحد فقط و هو انى عضوه اصلا فى منتدى مسيحى اخر فلم احب ان اتشتت بين الاثنين
بس اليومين دول كل لما اعمل بحث فى جوجل عن موضوع حابه اقراه تظهر لى النتائج فى منتديات الكنيسه فأعجبت بيها و قررت الاشتراك
مكنتش ناويه اعلن انى عابره لان بصراحه العابرين بيعانوا من نبره الشك فيهم من المسيحيين و طبعا انتوا عارفين معامله العابر من اهل ديانته بالميلاد بتبقى عامله ازاى يعنى العاب بيبقى ( مجتمعيا ) زى اللى رقص على السلم ... فبيفضل يبقى فى حاله مع المسيح تجنبا للالام النفسيه
المهم ,,, قصتى مع حبيبى السيد المسيح رب المجد طويله و يا رب اعرف اعبر عنها لانى لا املك موهبه الكتابه
انا نشأت فى بيئه ( غير معظم العابرين ) لا تعرف شىء عن التعصب ... ناس متسامحه لاقصى الحدود ... كنت فى مدارس اجنبيه مسيحيه تشرف عليها الراهبات ... عشان كده مكنش عندى اى حساسيه تجاه المسيحيين او المسيحيه و الصليب معلق امامى فى كل ارجاء و فصول المدرسه ... كلنا بنحب بعض و عمر ما كان فيه تمييز دينى بيننا ابدا
اما فى البيت فكنت ارى اصدقاء والدى و صديقات والدتى المسيحيين مقربين جدا لهم و اول تليفون تهنئه باى عيد كان دايما من طنط نجوى صديقه مامتى و كذلك فى الاعياد المسيحيه كنا اول المهنئين ... عمر ما حد قال لى متاكليش اكلهم و الحاجات اللى بنسمعها اليومين دول .. مامتى متربيه هو و اخواتها مع جيرانهم المسيحيين لم يكونوا يفترقون الا وقت النوم ... حتى القساوسه فكنت ارى منهم اصدقاء للعائله
اسفه انى طولت بس ده مهم لمعرفه النشاه النفسيه بالنسبه لى
لما كبرت و اتخرجت و اتجوزت و خلفت و بدا انتشار الانترنت ... لقيت واحده بتقول لى فى دردشه عاديه شوفى الموقع ده عمالين يشتموا فينا ( كمسلمين يعنى) و بيتكلموا باسلوب وحش خالص
الفضول باه قتل القطه زى ما بيقولوا فقلت اشترك و اشوف ايه اللى بيحصل ... للاسف لقيتنى فى عالم تانى خالص عمرى ما عرفته و لا تخيلت ان فيه الجدال و الخناق ده متبادل بالشكل ده ... فين العالم بتاعى فين الناس اللى اعرفهم؟؟؟ اتصدمت جدا فقررت انى ماليش دعوه بالمناقشات دى و لا هدخل القسم ده
و بقيت اشارك فى المنتدى فى المواضيع العاديه و انا فى حالى لا اصادق احدا
لحد ما فى مره لقيت انتشرت فتوى غبيه بتقول محدش يعيد على المسيحيين ... اتغظت جداااااااااااا و قلت بالعند فيهم لازم اعمل موضوع اعيد على اخواتى و اهو يبقى اسمى بطيب خاطرهم و يحسوا ان فيه ناس بتحبهم ,,, و عملت الموضوع
بعد كام شهر لقيت اغلى اخت فى حياتى بتتعرف عليا و تشكرنى على الموضوع و بدات علاقتى بيها و بقيت تعرفنى على الناس و بقى عندى اسره رائعه بعشقهم و بعشق اختى دى اكتر واحده
و من هنا بدات القصه:
============
بدات اشوف تعليقات الناس فى الاقسام المسيحيه و اقرا مواضيع روحيه و سير قديسين و كده
بقيت اقول لنفسى هى الناس دى عامله كده ليه ؟؟ هو ايه السلام اللى جواهم ده؟؟؟ اه احنا كلنا بنحب المسيح بس ايه الغرام اللى هم فيه ده؟؟و الثقه دى جايه منين؟؟؟
ساعتها حسيت انى عاوزة اعرف المسيحيه دى عن قرب و اقرا الانجيل ...و كنت فاكراه زى نفس طريقه القران ... بس اول لما بدات لوحدى و مكنتش عاوزة اعرف حد ( عشان المحبه اللى بينى و بين اخواتى تكون نقيه بلا اسباب ) اتعقدت جدا و مكنتش فاهمه حاجه و معرفش اصلا انى المفروض اقرا تفاسير و ان الكلام له خلفيات انا مش عارفاها ... فبعدت و قلت خلاص مش لازم
بس فضل جوايا شىء بيشدنى للانجيل بس المره دى مش فضول لكن شعور غريب جدااا و قوى جدا انى لازم احاول تانى
راسلت الاخوه فى اللاهوت بس اتاخروا جداااا عليا فى الرد لانها لم تدخل المنتدى
فقلت مفيش غير اختى الحبيبه هقول لها و هى تفكر معايا ,,, قلت لها و هى وصلتنى باخت اخرى من فريق اللاهوت و الاخت دى انا بجد حاليا بموت فيها لانها فهمتنى بسرعه لما قلت لها امشى معايا بالراحه كانى طفله فى الحضانه لانى لا اعلم اى شىء .... و بالفعل كانت نعم الرفيقه لى فى دربى توجهنى الى ما اقراه و تفسر لى اى شىء لا افهمه مره و اتنين و تلاته لحد ما استوعب تماما ... كنت اقضى وقتى كله فى قراءه الكتاب المقدس على النت لانى لا استطيع ان امتلكه ورقيا فى منزلى
فى الوقت ده دخلت الاخت بتاعه اللاهوت الى المنتدى و ردت على رسالتى و بقيت برضه توجهنى و لا احد منهما يعرف انى اتابع مع الاخرى فكنت انفذ تعليمات الاثنتين
مع التقدم فى معرفه المسيحيه و المسيح بشخصه الخلاب و اهم شىء المحبه المسيحيه صرت واقعه فى حيره ... معقوله انا كنت غلط؟؟؟ طيب انت يا يسوع بجد الاله ؟؟؟ طيب عرفنى بنفسك و قول لى انك الاله؟؟؟
لحد حبيبى و الهى ما رد عليا بصوره حيه تكلمنى بنظراتها ... قال لى انه يحبنى و هو الهى و وجدت وعد منه بان اصير من اولاده( اشعر ان هذا كان وعدا من الله بالمعموديه)
الصوره اللى كلمتنى دى لم تفارق عيناى لحظه سواء صاحيه او نايمه مفتحه او مغمضه كان ربنا دايما معايا عشان يؤكد لى انه الهى اللى بيحبنى
فتحت له الباب و قبلته و احببته جدا و صار هو اقرب الى من نفسى و قررت اتعمد
و ااااااااااااااااااااه من رحله المعموديه اللى بقالى فيها شهور و لسه لم تتم بس انا واثقه فى وعد الله ليا و هتعمد حتى لو كان اخر شىء اعمله فى حياتى
كل ما اوصل لكاهن و نتفق تحصل كارثه فى كنيسه و هجوم و الحاجات اللى انتوا عارفينها يقوم الكاهن يخاف على كنيسته و يبعد ,,, بس على مين بدور و اروح لغيره و ربنا يسهل و يتمم مشيئته قريب ( صلولى كتير)
الكوميديا بجد كل لما احب ادخل اصلى فى كنيسه ,,, لو فى مدينه اخرى بتكون سهله من غير اسئله عشان بكون من غير حجاب
اما فى مدينتى فكل مره اخترع حجه شكل ,,, مره داخله المكتبه و بعدين اقول لصاحب المكتبه عاوزة اولع شمعه
و مره اقول عليا نذر للست العدرا و برضه بالمره اولع شمعه
و طبعا الصلاه بتكون صامته و بالتصوير السريع عشان الكردون و الناس الكتير اللى بتكون حواليا و بصالى كانى جايه من الفضاء
نوادر مارينا فى الكنيسه ههههههههه
طولت عليكم ؟؟؟ معلش سامحونى بس انا اتشجعت اوى انى اكتب هنا بحريه عشان فى المنتدى التانى كتبت قصتى مختصره جدا لانى معروفه هناك و معروف انى مسلمه ( انا كتبت قصتى هناك من اكونت مختلف)
صلولى كتير لانى مش بقدر اروح كنايس و اصلى بنفسى الا قليلا كما ذكرت فقلت على الاقل احاول اعرف الناس بالمسيح اللى عرفته و حبيته و عملت صفحه على الفيسبوك و نشكر ربنا فيه ناس هناك بتسالنى على الخاص و برد عليهم بعد استشاره اساتذتى و بصلى انى اقدر اعمل حاجه تنفع الناس
ربنا معانا جميعا
نسيت اقول حاجه .... جمله يسوع بيحبك دى زى السحر و اسالونى انا يا ريت تكون موجوده دايما فى كلامنا مع الاخر
سلام الرب يسوع مع الجميع
انا اختكم مارينا (حاليا)
بصراحه انا سمعت كتير عن منتديات الكنيسه بس مفكرتش اشترك فيها لسبب واحد فقط و هو انى عضوه اصلا فى منتدى مسيحى اخر فلم احب ان اتشتت بين الاثنين
بس اليومين دول كل لما اعمل بحث فى جوجل عن موضوع حابه اقراه تظهر لى النتائج فى منتديات الكنيسه فأعجبت بيها و قررت الاشتراك
مكنتش ناويه اعلن انى عابره لان بصراحه العابرين بيعانوا من نبره الشك فيهم من المسيحيين و طبعا انتوا عارفين معامله العابر من اهل ديانته بالميلاد بتبقى عامله ازاى يعنى العاب بيبقى ( مجتمعيا ) زى اللى رقص على السلم ... فبيفضل يبقى فى حاله مع المسيح تجنبا للالام النفسيه
المهم ,,, قصتى مع حبيبى السيد المسيح رب المجد طويله و يا رب اعرف اعبر عنها لانى لا املك موهبه الكتابه
انا نشأت فى بيئه ( غير معظم العابرين ) لا تعرف شىء عن التعصب ... ناس متسامحه لاقصى الحدود ... كنت فى مدارس اجنبيه مسيحيه تشرف عليها الراهبات ... عشان كده مكنش عندى اى حساسيه تجاه المسيحيين او المسيحيه و الصليب معلق امامى فى كل ارجاء و فصول المدرسه ... كلنا بنحب بعض و عمر ما كان فيه تمييز دينى بيننا ابدا
اما فى البيت فكنت ارى اصدقاء والدى و صديقات والدتى المسيحيين مقربين جدا لهم و اول تليفون تهنئه باى عيد كان دايما من طنط نجوى صديقه مامتى و كذلك فى الاعياد المسيحيه كنا اول المهنئين ... عمر ما حد قال لى متاكليش اكلهم و الحاجات اللى بنسمعها اليومين دول .. مامتى متربيه هو و اخواتها مع جيرانهم المسيحيين لم يكونوا يفترقون الا وقت النوم ... حتى القساوسه فكنت ارى منهم اصدقاء للعائله
اسفه انى طولت بس ده مهم لمعرفه النشاه النفسيه بالنسبه لى
لما كبرت و اتخرجت و اتجوزت و خلفت و بدا انتشار الانترنت ... لقيت واحده بتقول لى فى دردشه عاديه شوفى الموقع ده عمالين يشتموا فينا ( كمسلمين يعنى) و بيتكلموا باسلوب وحش خالص
الفضول باه قتل القطه زى ما بيقولوا فقلت اشترك و اشوف ايه اللى بيحصل ... للاسف لقيتنى فى عالم تانى خالص عمرى ما عرفته و لا تخيلت ان فيه الجدال و الخناق ده متبادل بالشكل ده ... فين العالم بتاعى فين الناس اللى اعرفهم؟؟؟ اتصدمت جدا فقررت انى ماليش دعوه بالمناقشات دى و لا هدخل القسم ده
و بقيت اشارك فى المنتدى فى المواضيع العاديه و انا فى حالى لا اصادق احدا
لحد ما فى مره لقيت انتشرت فتوى غبيه بتقول محدش يعيد على المسيحيين ... اتغظت جداااااااااااا و قلت بالعند فيهم لازم اعمل موضوع اعيد على اخواتى و اهو يبقى اسمى بطيب خاطرهم و يحسوا ان فيه ناس بتحبهم ,,, و عملت الموضوع
بعد كام شهر لقيت اغلى اخت فى حياتى بتتعرف عليا و تشكرنى على الموضوع و بدات علاقتى بيها و بقيت تعرفنى على الناس و بقى عندى اسره رائعه بعشقهم و بعشق اختى دى اكتر واحده
و من هنا بدات القصه:
============
بدات اشوف تعليقات الناس فى الاقسام المسيحيه و اقرا مواضيع روحيه و سير قديسين و كده
بقيت اقول لنفسى هى الناس دى عامله كده ليه ؟؟ هو ايه السلام اللى جواهم ده؟؟؟ اه احنا كلنا بنحب المسيح بس ايه الغرام اللى هم فيه ده؟؟و الثقه دى جايه منين؟؟؟
ساعتها حسيت انى عاوزة اعرف المسيحيه دى عن قرب و اقرا الانجيل ...و كنت فاكراه زى نفس طريقه القران ... بس اول لما بدات لوحدى و مكنتش عاوزة اعرف حد ( عشان المحبه اللى بينى و بين اخواتى تكون نقيه بلا اسباب ) اتعقدت جدا و مكنتش فاهمه حاجه و معرفش اصلا انى المفروض اقرا تفاسير و ان الكلام له خلفيات انا مش عارفاها ... فبعدت و قلت خلاص مش لازم
بس فضل جوايا شىء بيشدنى للانجيل بس المره دى مش فضول لكن شعور غريب جدااا و قوى جدا انى لازم احاول تانى
راسلت الاخوه فى اللاهوت بس اتاخروا جداااا عليا فى الرد لانها لم تدخل المنتدى
فقلت مفيش غير اختى الحبيبه هقول لها و هى تفكر معايا ,,, قلت لها و هى وصلتنى باخت اخرى من فريق اللاهوت و الاخت دى انا بجد حاليا بموت فيها لانها فهمتنى بسرعه لما قلت لها امشى معايا بالراحه كانى طفله فى الحضانه لانى لا اعلم اى شىء .... و بالفعل كانت نعم الرفيقه لى فى دربى توجهنى الى ما اقراه و تفسر لى اى شىء لا افهمه مره و اتنين و تلاته لحد ما استوعب تماما ... كنت اقضى وقتى كله فى قراءه الكتاب المقدس على النت لانى لا استطيع ان امتلكه ورقيا فى منزلى
فى الوقت ده دخلت الاخت بتاعه اللاهوت الى المنتدى و ردت على رسالتى و بقيت برضه توجهنى و لا احد منهما يعرف انى اتابع مع الاخرى فكنت انفذ تعليمات الاثنتين
مع التقدم فى معرفه المسيحيه و المسيح بشخصه الخلاب و اهم شىء المحبه المسيحيه صرت واقعه فى حيره ... معقوله انا كنت غلط؟؟؟ طيب انت يا يسوع بجد الاله ؟؟؟ طيب عرفنى بنفسك و قول لى انك الاله؟؟؟
لحد حبيبى و الهى ما رد عليا بصوره حيه تكلمنى بنظراتها ... قال لى انه يحبنى و هو الهى و وجدت وعد منه بان اصير من اولاده( اشعر ان هذا كان وعدا من الله بالمعموديه)
الصوره اللى كلمتنى دى لم تفارق عيناى لحظه سواء صاحيه او نايمه مفتحه او مغمضه كان ربنا دايما معايا عشان يؤكد لى انه الهى اللى بيحبنى
فتحت له الباب و قبلته و احببته جدا و صار هو اقرب الى من نفسى و قررت اتعمد
و ااااااااااااااااااااه من رحله المعموديه اللى بقالى فيها شهور و لسه لم تتم بس انا واثقه فى وعد الله ليا و هتعمد حتى لو كان اخر شىء اعمله فى حياتى
كل ما اوصل لكاهن و نتفق تحصل كارثه فى كنيسه و هجوم و الحاجات اللى انتوا عارفينها يقوم الكاهن يخاف على كنيسته و يبعد ,,, بس على مين بدور و اروح لغيره و ربنا يسهل و يتمم مشيئته قريب ( صلولى كتير)
الكوميديا بجد كل لما احب ادخل اصلى فى كنيسه ,,, لو فى مدينه اخرى بتكون سهله من غير اسئله عشان بكون من غير حجاب
اما فى مدينتى فكل مره اخترع حجه شكل ,,, مره داخله المكتبه و بعدين اقول لصاحب المكتبه عاوزة اولع شمعه
و مره اقول عليا نذر للست العدرا و برضه بالمره اولع شمعه
و طبعا الصلاه بتكون صامته و بالتصوير السريع عشان الكردون و الناس الكتير اللى بتكون حواليا و بصالى كانى جايه من الفضاء
نوادر مارينا فى الكنيسه ههههههههه
طولت عليكم ؟؟؟ معلش سامحونى بس انا اتشجعت اوى انى اكتب هنا بحريه عشان فى المنتدى التانى كتبت قصتى مختصره جدا لانى معروفه هناك و معروف انى مسلمه ( انا كتبت قصتى هناك من اكونت مختلف)
صلولى كتير لانى مش بقدر اروح كنايس و اصلى بنفسى الا قليلا كما ذكرت فقلت على الاقل احاول اعرف الناس بالمسيح اللى عرفته و حبيته و عملت صفحه على الفيسبوك و نشكر ربنا فيه ناس هناك بتسالنى على الخاص و برد عليهم بعد استشاره اساتذتى و بصلى انى اقدر اعمل حاجه تنفع الناس
ربنا معانا جميعا
نسيت اقول حاجه .... جمله يسوع بيحبك دى زى السحر و اسالونى انا يا ريت تكون موجوده دايما فى كلامنا مع الاخر
سلام الرب يسوع مع الجميع
التعديل الأخير بواسطة المشرف:
