منتديات الكنيسة

العودة   منتديات الكنيسة المنتديات العامة ركن الاجتماعيات و الشبابيات

إضافة رد

الموضوع: اجعلنى سوسنه بين الاشواك

أدوات الموضوع
قديم 04-11-2017, 04:59 PM   #1
soso a
Jesus Loves Me
 
الصورة الرمزية soso a
 
تاريخ التسجيل: Mar 2011
الدولة: فى حضن يسوع
المشاركات: 18,063
انثى
 نقاط التقييم 19821266 نقاط التقييم 19821266 نقاط التقييم 19821266 نقاط التقييم 19821266 نقاط التقييم 19821266 نقاط التقييم 19821266 نقاط التقييم 19821266 نقاط التقييم 19821266 نقاط التقييم 19821266 نقاط التقييم 19821266 نقاط التقييم 19821266
افتراضي

اجعلنى سوسنه بين الاشواك


رغم إنّي قريتها مرّات بعدد شعر راسي في كروت الأفراح
و عدِّت عليَّ كتير في قراياتي الخاصه في الانجيل،
إلّا إنّي اول مره اقف عندَها
و ابقي عاوزه اَخُد غُطس في المعني!
في السِفر الأقرَب لِقلبي
سِفر النَشيد ❤
الاصحاح التاني ..
الايه التانيه ..

" كَالسَّوْسَنَةِ بَيْنَ الشَّوْكِ كَذلِكَ حَبِيبَتِي بَيْنَ الْبَنَاتِ."

هي ايه حلوه ،
بس كان كل اللي بفهمه فيها من نظره سريعه ان
" بين بنات كتير مش حلوه ، حبيبتي حلوه! ✋😂 "

امّا عن " السَّوْسَنَةِ " في المعجم ..
فهي إحدي اجناس نبات اسمه الايرس
- و دي معلومه ملناش دعوه بيها 😃 -

" مرتَفِعه " نحو ال 60 سم!!

تنتهي بزهره او عِدّة زهور " جذَّابه "

" متعدِّدَة الألوان "

و " جذورها طيّبه " ..
..
و عَن الشوك ..
فَهو ما يخرج مِن الشَجَر او النباتات و يكون :

" دقيقاً " .. " صلباً " .. " مُحَدَّدْ الرأس كالإبره " !!!

الشوك :
هي البنت الدَقيقه ،
اللي مجرَّبتش حلاوة عشوائيه الكلام الصادق ،
و تلَعثُم حروف المحبّة علي طَرف اللسان!

هي البنت الصَلبه ،
اللي قلبَها مَجرَّبش حلاوة الانصهار في قَلب الحبيب!

هي البنت المُحَدَّدَة الرأس كالإبره ،
اللي بتجرَح اي ايد تحاول تحتويها و تحضُنها بالكامِل!
..
امّا السَّوْسَنَةِ :
فهي الحَبيبه المُرتَفِعه
المُرتَفِعه فوق الارض بكُل مشاعِرها الفانيه
المُرتَفِعه فوق عِلاقات مؤسَّسه علي الرمل
المُرتَفِعه بِقَلبِها لا الي مُجَرَّد رَجُل - اي رَجُل ، انما ..
مُرتَفِعه لحَبيب يكون لها " مسيح "
و في وَسط عالم غرقان في علاقات ملهاش معالم ،
هي مُرتَفِعه لمعرفة ملامح العلاقه المطلوبه ،
لانّها عارفه ملامح مسيحها المنتَظَرْ!!
..
السَّوْسَنَةِ: هي الحبيبه الجذّابه
المُمَغنَطه بريحة السما ..
فتشِد القلب و مفيش قلب حَي يقاوِمها!
اللي بتجذِب عريسها ، بحلاوِة فِكر المسيح الساكِن فيها ..
اللي بتجذِب بجمال روحها .. و بطُهرَها !
نَعَمْ ،
هي جذّابه كَرائِحة المسيح الذكيّه ..
كَرائِحة المسيح اللي مَطِلعتش من حُضنه طول فترة انتظار عريسها!
..
السَّوْسَنَةِ : مُتَعَدِّدَة الألوان
مُتَعَدِّدَة الفضايل
و كمان مُتَعَدِّدَة الضَعَفات !!
و تعَدُّدها بيصنَع لها جمال - جمال خاص ،
بيتشاف بكُل عين بتشوف بعين المسيح!
..
السَّوْسَنَةِ :
هي الحبيبه اللي جذورها طيّبه
جذورها ، و اعماقها ، و قُدس اقداسها ، و كل ما فيها ! ..
طيّبة كقلب الارض اللي اتزرعت فيها فكبَّرتها ..
ارضي يسوع اللي كل ثمرها شَهي! ..
......
و لذلك ،
اكليل سمائي علي راس عريسها هي :
كل بنت زرعت نفسها في ارض المسيح ،
فكبرت سوسنه مش شوك!
..
و ربنا يحمّي كل شاب نقي ، تقي ، مُحب حسب قلبه ،
من بنت ينطبق عليها مواصفات الاشواك!
..
و ختاماً :
يا بخت
كل عريس
لقي سوسنته السمائيه النادره
بين اشواك كتير! ..

#تأمُلات_في_سِفر_النَشيد
#إجعَلني_سَّوْسَنَةِ_بينَ_الشَوك
--------------------------
نيرفانا نبيل
soso a غير متصل   رد مع اقتباس الرد السريع على هذه المشاركة
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
كالشمس اجعلني يا رب mary naeem مخدع الصلاة 1 09-07-2013 10:22 PM
† ربي اجعلني دوما لك † .. كلدانية مخدع الصلاة 10 23-09-2012 10:10 PM
انا صاحب الاشواك ava_kirolos_son القصص و العبر 3 14-02-2010 10:48 AM
انا صاحب الاشواك KOKOMAN القصص و العبر 10 10-02-2010 11:53 AM
{} فيلم القديسة سوسنه العفيفة برابط مباشر وبجودة عاالية جدااا Meriamty المرئيات و الأفلام المسيحية 41 04-06-2009 04:07 AM


الساعة الآن 01:13 PM.



دعم خاص من vBulletin لمنتديات الكنيسة
©2000 - 2018، Jelsoft Enterprises Ltd
جميع حقوق الطبع محفوظة لمنتديات الكنيسة