انخلع حق فخذه : هو رمز لاستعداد شعب الله لتلقى بركة الفداء .
بارك الله يعقوب : باركنا الله واعطانا الفداء بدمه
غير الله اسم يعقوب الى اسرائيل : غير الله اسمنا من الامم الى اولاد الله وشعبه (عميئيل)
ربما يظن انسان ، ان هذا الامر كان رمزا فقط لفداء المسيح ، وهذا خاطئ ، فنحن لن نستمتع بمعونة الله وبركته ونعمة الفداء الا عندماة يُكسر حق فخذنا ، اى يكُسر كبريائنا ويصير الله هو وحده مصدر فخرنا وقوتنا . انكر ذاتك ، حتى تشعر بالمسيح فى حياتك.
الانسان بيكون عايز من ربنا ماديات . فى العهد القديم ، كان الانسان بيطلب نسل واولاد وعزوة فى وقتنا المعاصر يطلب الانسان المال والمركز والراحة من الامراض والراحة النفسية و ...........
ربنا بيطلب مننا دايما فى العهد القديم او الجديد ، الروحانيات (قلبك) .
انت بتلوم ربنا لانه مش بيديك مادياتك ، وربنا بيلومك لانك مش مديله الاهتمام والقلب . هذا هو الصراع المستمر من القديم وحتى الان بين الله والانسان .
بالنسبة ليعقوب هذا الصراع كان واضحا فى تكوين 28 20وَنَذَرَ يَعْقُوبُ نَذْرًا قَائِلاً: «إِنْ كَانَ اللهُ مَعِي، وَحَفِظَنِي فِي هذَا الطَّرِيقِ الَّذِي أَنَا سَائِرٌ فِيهِ، وَأَعْطَانِي خُبْزًا لآكُلَ وَثِيَابًا لأَلْبَسَ، 21وَرَجَعْتُ بِسَلاَمٍ إِلَى بَيْتِ أَبِي، يَكُونُ الرَّبُّ لِي إِلهًا،
ربنا عايز قلب يعقوب وظهر له فى رؤية ، بينما يعقوب عايز ماديات (مأكل وثياب ) اولا
فقط توضيح : يعقوب كان بيحاول يستخدم قوته فى اخضاع الاخر لطلباته المادية . ولكن الله لم يكن ستخدم قوته مع يعقوب وانما فقط يصده وهذا نراه فى الترجمة العبرية الاصلية للعهد القديم . فاللفظ الدقيق ل (ضرب حق فخذه) هو (لمس حق فخذه) مجرد لمسة من الله اعجزت يعقوب . فالصراع كان صراعا فقط من وجهة نظر الضعيف اى يعقوب ، وانما الله كان فقط يصد هجومه بدون ادنى مجهود .
الصورة اللى جايبها يمكن توضح اللى انا بقوله ، هتلاقى يعقوب بيحاول بكل قوته ، بينما ملاك الرب ثابت .
اه تمام
يعنى يعقوب فى الوقت ده كان تفكيره فى حاجات بعيدة عن ربنا
ازاى يقابل اخوه عيسو ازاى يتكلم هيدافع عن نفسه ازاى و ..و ..و .. و كان ربنا اخر حاجة فى حياته عشان كدة ربنا حب يرجعه و يفهمه ان هو الاولية و ان ربنا هو الاهم من اى حاجة تانية عشان كدة اتصارع معاه
انا فاهمة كدة صح ولا غلط ؟!!!
طب معلش سؤال تانى يا ترى يعقوب فهم الدرس ده ولا لا ؟؟ يعنى المعنى وصله زى ما وصلنا كدة ؟!!
اه تمام يعنى يعقوب فى الوقت ده كان تفكيره فى حاجات بعيدة عن ربنا ازاى يقابل اخوه عيسو ازاى يتكلم هيدافع عن نفسه ازاى و ..و ..و .. و كان ربنا اخر حاجة فى حياته عشان كدة ربنا حب يرجعه و يفهمه ان هو الاولية و ان ربنا هو الاهم من اى حاجة تانية عشان كدة اتصارع معاه
بعدها على طول، لما يعقوب عرف ان عيسو جاى للقائه ومعاه 400 راجل . هنلاقى يعقوب لم يقول تكوين 29 20وَنَذَرَ يَعْقُوبُ نَذْرًا قَائِلاً: «إِنْ كَانَ اللهُ مَعِي، وَحَفِظَنِي فِي هذَا الطَّرِيقِ الَّذِي أَنَا سَائِرٌ فِيهِ، وَأَعْطَانِي خُبْزًا لآكُلَ وَثِيَابًا لأَلْبَسَ، 21وَرَجَعْتُ بِسَلاَمٍ إِلَى بَيْتِ أَبِي، يَكُونُ الرَّبُّ لِي إِلهًا،
خدتى بالك من الترتيب !؟ ابتدأ بالروحانيات (يا إله ابى) وختمها بالماديات (نجنى من يد) على عكس زمان ، لما بدأ بالماديات (كن معى واحفظنى ، واعطنى المأكل والمشرب) وكانت هى الاولوية ثم بعد ذلك روحانيات (حتى تكون لى الها)
