اسباب ضياع الهدف ( للنقاش

ميرنا · 24 ديسمبر 2009

كنا فى امسية امبارح شباب كنا بنتكلم عن ضياع الهدف وهل الشباب اصلا بقى عنده هدف
انا يمكن كان ردى سلبى جداا لانى مجتمعنا مقفول اوى وكل متفكر تعمل مشروع تلاقى حد ضربهولك بمعنى انو ممكن يفتح نفس مشروعك جنب المكان اللى اخترته وبتالى اضرب
اتنقشنا فى حاجات كتير
هل فعلا فى هدف لينا فى الحياة ؟ هل تحقيق الهدف سهل ؟ هل كل انسان ليه هدف ؟
وكيفية تحقيق الهدف ؟
وايه الامكانيات اللى تساعدنى فى تحقيق هدفى ؟ ورفض اللى حواليا من هدف او حلم ليه رده بيكون ازاى ?
طبعا المنتدى اوسع مكان نتكلم فيه لانى الكل شباب طبعا كلنا مكبوتين كشباب من الموضوع دا لانى فعلا مجتمعنا مقفول بس ضياع هدف ليك بيكون رد فعلك ايه ؟ اسئلة كتير ونبتدى النقاش

Dona Nabil · 24 ديسمبر 2009

هل فعلا فى هدف لينا فى الحياة ؟
مش كلام انشا اننا نقول انه لازم يكون عندنا هدف والا وقتها هيكون ايه لازمة اننا نعيش اساسا وعلى فكره مش لازم يكون الهدف فردى او شخصى ممكن نكون محددين هدف يخص حد عزيز علينا ونكرس حياتنا كلها علشان نخليه يحقق الهدف ده
هل تحقيق الهدف سهل ؟ هل كل انسان ليه هدف ؟
مستحيل يكون تحقيق اى هدف فى الدنيا شىء سهل لازم تعب وجهد وتخطيط سليم ولازم يكون اولا واخيرا الهدف ده محاط ومحمى بارادة ربنا ومشيئته وزى ما قلت قبل كده اه لازم كل انسان يكون عنده هدف بيسعى له ده الطبيعى
وكيفية تحقيق الهدف ؟
انا شايفه انه اهم خطوه هى تحديد الهدف لانه للاسف اصبح دلوقتى فى ناس كتير وخصوصا من الشباب مش عارفين هما عاوزين ايه ودى علامه مش صحيه ودليل كبير على ان الشاب منعدم الهدف ده بيعانى من مشكله خطيره بعد تحديد الهدف لازم الانسان يبتدى يفكر يساعد نفسه ازاى ولازم كمان يفهم ان مفيش هدف هيتحقق بدون تعب وجهد واصرار ومش كل فشل يبقى النهايه بالعكس الفشل تجربه لازم نتعلم منها اننا نغير اى غلط موجود فينا
وايه الامكانيات اللى تساعدنى فى تحقيق هدفى ؟
اول واهم الامكانيات هى الاراده والاصرار وعدم خداع النفس ومصارحتها ومحاسبتها اول باولورفض اللى حواليا من هدف او حلم ليه رده بيكون ازاى ?
لو الرفض ده محدد سببه لازم اخده بجديه وابتدى افكر فى اللى ممكن يكون خفى عنى ولا خاب من استشار
طبعا المنتدى اوسع مكان نتكلم فيه لانى الكل شباب طبعا كلنا مكبوتين كشباب من الموضوع دا لانى فعلا مجتمعنا مقفول
مش عارفه انا مش متفقه معاكى فى دى المجتمع مش لازم يكون تأثيره سلبى على ارادتنا لاننا احنا اللى بنأثر فيه مش العكس اهم حالجه نكون واثقين فى نفسنا وفى قدراتنا وقتها بس هنقدر نعمل كتييير اوووى
بس ضياع هدف ليك بيكون رد فعلك ايه ؟
من حقنا نحزن ومن حقنا نعيد تفكير فى سبب ان الهدف ده فشلنا فى تحقيقه لكن كمان مش لازم نستسلم ونبدأ من جديد ومش مشكله لو فشلنا كذا مره بس مهم اوووى اننا نتعلم وناخد درس من فشلنا يساعدنا ننجح بعد كده
موضوع جميل يا مرنون بس يا رب مكونشى طولت عليكى

KOKOMAN · 24 ديسمبر 2009

هل فعلا فى هدف لينا فى الحياة ؟

مافيش انسان فينا ماعندهوش هدف
وإلا ماكناش نقدر نعيش يوم واحد

هل تحقيق الهدف سهل ؟

مافيش حاجه بتيجى بالساهل
يعنى نفسى فى كذا وكذا
مش انا وقاعد فى بيتنا الحاجه دى هتتحقق
او انزل يومين شغل وبعدين ارجع تانى بيتنا
يبقى كده عمرى ما هعرف احقق اى حاجه
بالتالى لازم يكون عندى طموح ولازم اجتهد
واعمل بجد لكى استطيع ان احقق اهدافى
هل كل انسان ليه هدف ؟
بالتأكيد كل انسان ليه هدف فى الحياه
وكيفية تحقيق الهدف ؟

1- اكون واثق ان ربنا معايا وهيساعدنى
2- يكون عندى امل فى بكره
3- اجتهد واعمل لاكى استطيع تحقيق الهدف
4- اكون صبور (عندى صبر )
5- مايكنش فى يأس من اول مره افشل فيها
لازم يكون عندى تفائل

وايه الامكانيات اللى تساعدنى فى تحقيق هدفى ؟

اكون واثق فى نفسى كويس واكون من جوايه عايز احقق الهدف ده

ورفض اللى حواليا من هدف او حلم ليه رده بيكون ازاى ?

طيب مايمكن هما عندهم فكره احلى
لازم اسمع اراء ده وده واشوف وجهه نظرهم ايه فى الفكره دى
يمكن القى حاجه افضل

طبعا المنتدى اوسع مكان نتكلم فيه لانى الكل شباب طبعا كلنا مكبوتين كشباب من الموضوع دا لانى فعلا مجتمعنا مقفول بس ضياع هدف ليك بيكون رد فعلك ايه ؟ اسئلة كتير ونبتدى النقاش

ضياع هدف شىء صعب جدا وليس سهل
بالتأكيد هيكون تأثيره على الشخص ده هو الحزن والاحباط فى بعض الاوقات . بس اهم حاجه اننا نتعلم من اخطائنا وتكون بنائه لبكره
موضوع اكثر من راااائع يا ميرنا
شكرا ليكى
سورى على الاطاله
ربنا يبارك حياتك

ميرنا · 24 ديسمبر 2009

شكرا دونا وكوك لردكم ونقاشكم بس فعلا فى ناس عايشة بلا هدف يمكن لانى لما اتربينا متعملناش يعنى ايه هدف فى رائى بيقول عدم وجود هدف للشباب لانى فى سن المرهاقة مش بيتعلمو دا ورائى تانى بيقول عدم وجود هدف فى سن الجامعة انتو بترشحو ايه يعنى عدم تعليم او دراسة او معرفة للمراهق يعنى ايه هدف هو اللى عمل فينا كدا ولا للى فى سن الجامعة
بس ليا تعليق على ردكم فى سؤال ايه الامكانيات اللى تخلينى احقق هدفى هو انى لازم اعرف نفسى الاول لازم اعرف مواهبى امكانياتى لانى دى هتساعدنى كتير انى احقق هدف قدامى سؤا مادى او عاطفى ولو متحققش بيوجع بصراحة سؤا دا او دا بس فى البداية نصلى لانى ربنا مسبناش كدا
سليمان اللى عاش كل حياته بطول والعرض مفيش حاجة معملهاش قلنا فى اخر سفر الجامعة

: 13 فلنسمع ختام الامر كله اتق الله و احفظ وصاياه لان هذا هو الانسان كله

أنقر للتوسيع...

وبرضو فى سفر الجامعة فى اية تانى بتقول

كَمَا أَنَّكَ لَسْتَ تَعْلَمُ مَا هِيَ طَرِيقُ الرِّيحِ، وَلاَ كَيْفَ الْعِظَامُ فِي بَطْنِ الْحُبْلَى، كَذلِكَ لاَ تَعْلَمُ أَعْمَالَ اللهِ الَّذِي يَصْنَعُ الْجَمِيعَ.

tomy tomy · 24 ديسمبر 2009

[حياة بلا هدف دنيا يحياها قلب سقيم
يملائة احزان وانين[/.

kalimooo · 26 ديسمبر 2009

هل فعلا فى هدف لينا فى الحياة ؟

يجب ان يكون هناك هدف

هل تحقيق الهدف سهل ؟

لو اعتمدنا التنظيم بحياتنا

هل كل انسان ليه هدف ؟

اكيد يا ميرنا لا يوجد انسان لا هدف له

وكيفية تحقيق الهدف ؟

التصميم والمثابرة والجهد المضاعف

وايه الامكانيات اللى تساعدنى فى تحقيق هدفى ؟

يعني استعمل الامكانيات المتاحة لياً وافضلها الارادة القوية والتصميم

ميرنا · 26 ديسمبر 2009

tomy tomy قال:
[حياة بلا هدف دنيا يحياها قلب سقيم
يملائة احزان وانين[/.

فعلا معاك حق

ميرنا · 26 ديسمبر 2009

كليمو قال:
هل فعلا فى هدف لينا فى الحياة ؟

يجب ان يكون هناك هدف

هل تحقيق الهدف سهل ؟

لو اعتمدنا التنظيم بحياتنا

هل كل انسان ليه هدف ؟

اكيد يا ميرنا لا يوجد انسان لا هدف له

وكيفية تحقيق الهدف ؟

التصميم والمثابرة والجهد المضاعف

وايه الامكانيات اللى تساعدنى فى تحقيق هدفى ؟

يعني استعمل الامكانيات المتاحة لياً وافضلها الارادة القوية والتصميم

بس عارف يا كليمو احنا اتنقشنا بشكل واسع جداا يمكن كلنا اتنقشنا من الحياة اللى عايشنا كان موجود الصحفى والمحاسب والدكتور كلنا اتنقشنا بطريقة حلوة جداا وفعلا استفدت كتير وفى كلام برضو قلتوه فادنى جداا ويعنى ايه اهمية الهدف فى حياتنا

النهيسى · 27 ديسمبر 2009

هل فعلا فى هدف لينا فى الحياة ؟

الحياه بلا هدف ___ حياه ميته
حتى الأنسان بيصلى ويصوم وهكذا هدفه السماء

هل تحقيق الهدف سهل ؟

بالطبع ممكن يكون سهل أو صعب حسب طبيعه الهدف

بمعنى

واحد عاوز يدخل طب __ ممكن بالجهد والأصرار

لكن واحد عاوز يتزوج بنت وزير أهذا هدف ؟؟

لازم الأهداف ___ تكون على مستوى طبيعه الانسان

أه فيه أهداف__ لكن أحددها وأعلم أننى قادر لتحقبقها

هل كل انسان ليه هدف ؟

طبعا والسوال ده مكرر فوف
كل واحد له هدف

وكيفية تحقيق الهدف ؟

الأصرار .

الهدف مثل الحلم نفسى أحققه

مادمت مقتنع بهدفى اسعى لذلك بالمثابره

مثال

واحد بعيد عن ربنا وعاوز يتوب
بيعترف ,, ويتناول وهكذا
ثم ___ هل يستمر فى طريقه الروحى

ام يعود الى حياته المظلمه

وايه الامكانيات اللى تساعدنى فى تحقيق هدفى ؟

1- ممكن لو امكانياتى بسيطه اشترك معصديق محبوب لى

وفلوسى على فلوسه المشروع يكبر

2- المحبه - لو انا وصاحبى لا نحب بعض كل شيئ هيفشل

3- محبه الهدف ذاته _ هذا يجعل الشخص مصرا على تنفيذه

4- عدم اليأس والاحباط من الفشل ___

ورفض اللى حواليا من هدف او حلم ليه رده بيكون ازاى ?

أستخدم فكرى ولا أتسرع

اللى حواليه ( مثلا أسرتى ) ( حبايبى وخايفين عليه 9

أراجع هدفى بفكر واع ---- لو صح أصمم وأقنعهم

ممكن يكون هدفى خطأ محتاج لتوجيه من اللى حواليه

لا أصمم ----- أفكر

ملوظه

أعرف شاب

ترك بلدتنا وسافر للقاهره , وسكن مع أخته المتزوجه هناك
وعمل مندوب

تعالوا شوفوا فكر أزاى

؟...؟؟

وهو بيلف على الناس بالمنتج _- يسأل فيه شغل ليه؟
فيجد فى طريقه عمل احسن بأجر أفضل

وهكذا

ألى أن وصل فىالنهايه لعمل عظيم

لم يستسلم لوظيفته هذه ,والأن هو أفضل حال

هدفه كا ن العمل محاسبا كبيرا لا مندوب

وصل ؟؟ أه وصل !! وحقق هدفه

ملحوظه

فيه شباب يقول لنفسه يا عم الدتيا سوده ومظلمه

سيبها تمشى

هذا الشاب لا تجلس معه . هذا من رواد النوادى والمقاهى ولعب الطاوله

انت لازم تمشى كشاب مع اللى يشجعوك

زى المسيحى أبن ربنا ____ أبحث عن أصدقاؤه __ ستجده أصدقاؤه الخادم فلان

وأحباؤه القس فلان ... ناس تشجعه على الأستمراريه فى التوبه والصلاح

+++++++++++++======

معذره طولت .... لأن الموضوع جميــــــــــــــــــــــــــــــــــل

اسباب ضياع الهدف ( للنقاش

ميرنا

مشرف سابق

Dona Nabil

خادمة الرب

KOKOMAN

.

ميرنا

مشرف سابق

tomy tomy

Member

kalimooo

عضو مبارك

ميرنا

مشرف سابق

ميرنا

مشرف سابق

النهيسى

مشرف سابق