شهادة القرآن للتوراة والإنجيل

بصراحة انا زهقت من كتر المواضيع اللى بتتكتب وللأسف بنلاقى المناقشة مش عقلانية اطلاقا يا جماعة لو سمحتم للمرة الألف المواضيع دى بتتكتب للى بيدور على طريق الحق والحياة لكن اللى مقتنع باللى هو فيه يلاش يشارك فى الموضوع وربنا يباركله فى دينه لكن اللى بيدور على الحق من خقه يسأل زى ما هو عاوز بس من غير تعصب ولا اساءة
وللمرة المليون كل ما يتفتح موضوع يتقال ان الأنجيل محرف والتوراة محرفة وان الكتاب الصحيح هو القرأن قبل ما تقولوا كلام وخلاص هاتوا النسخة الأصلية اللى تثبت صحة ادعائكم واعلنوها للعالم كله ويفحصها علماء الأثار لأثبات صحتها فى التاريخ وبعد كده قولوا اللى انتوا عاوزينه واحنا هنصدق بس اثبتوا لنا الأول
ولو ما فيش نسخة من الأنجيل الأصلى اللى قبل التحريف
مش موجودة فى العالم كله يبقى القرأن ده مش صحيح لسبب لأنه اعترف بالأنجيل على انه ذكر اى كتاب من عندالله
وان الله منزل الذكر وله حافظ
حاجة من اتنين يا القران اعترف بكتاب عادى على انه من عند الله
او ان الله ما قدرش يحفظ نسخة واحدة بس من كتابه المنزل حاشا لله عدم القدرة فهو القادر على كل شئ

ارجوكم بلاش اسطوانة الأنجيل محرف
لأنكم مش قادرين تثبتوها ومش ها تقدروا تثبتوها لأنها مش حقيقة
من منكم يريد الحق يبحث و يستمع و يقرأ بموضوعية فى الديانات كلها و عندما يصعب عليه شئ فى الفهم يسأل للمعرفة و ليس للأستخفاف
و بعيدا عن التعصب و يطلب من الخالق عز و جل ان يهديه الطريق الصحيح للخلاص
و سوف يجد النتيجة حتما لأنه يطلب مساعدة الخالق والله لايبخل عن من يبحث عنه بل يهديه
ولتكن بركة الرب مع جميعكم وليهدينا الله جميعا لما فيه الخير​