اثبات حضور

+Nevena+ قال:

صباحك جميل ومميز جدا
تمنياتي لك بيوم سعيد

أنقر للتوسيع...

أشكرك يا نيفينا الغالية، ولك أيضا تمنياتي بنهار سعيد وبأحلى الأوقات. :16_4_10:

(وطبعا لا ترهقي نفسك بأي تعليق هنا، لأن الصباحات والمساءات كلها في الحقيقة مميزة رائعة، كلها تأتي حاملة عطر صاحبها المميز، خاصة من نجوم التوبيك أساتذتنا ماران وبيتر ومن أميراته كلدانية وحبو وكل المشاركين عموما بارك الرب الجميع).

​

candy shop قال:

مساء الفل على الكل . . .
نفسي نرجع ايام زمان بس للاسف الاغلبيه مش موجودين
. . . . . . .

أنقر للتوسيع...

وعليكي أيضا يا قمرتنا مساء الفل والورد والياسمين أمنا الغالية كاندي الطيبة الجميلة!

عندما أصبحت بعض مواقع الشبكة تحقق أرباح خيالية، التفتت علوم الاقتصاد والتسويق لدراسة الظاهرة دي وازاي بعض المواقع بتنجح بهذا الشكل وليه؟ إيه اللي بيجذب ملايين الزوار لموقع معين ويصرفهم عن موقع تاني بيقدم تقريبا نفس الخدمة؟ إيه اللي يجعل إنسان يختار موقع معين بعينه بينما يكون عنده حرفيا ملايين المواقع يختار بينها؟ حسبوا حتى الوقت: ليه الزائر بيخرج بعد ثواني من الموقع أو أحيانا بمجرد دخوله، وليه تمتد زيارته حتى لساعات في بعض مواقع أخرى؟

الخلاصة: أول كلمة، مفتاح السر، هي "الخبرة": خبرة الزائر في أي موقع يذهب إليه. هل خبرته إجمالا إيجابية أم سلبية؟ هل مشاعره أثناء الزيارة جيدة أم سيئة؟ هل وجد ما يحتاجه أو يبحث عنه؟ هل وجده بسهولة وبسرعة أم بعد مشقة ومعاناة؟ وهكذا. هو أصلا محتاج إيه الزائر ده اللي بيجيلك؟ إنت أولا "بتبيع" إيه وبالتالي متوقع مين يجيلك؟ جنسه إيه؟ تعليمه إيه؟ عمره كام؟ دخله كام؟.....

المقصود: عودة الناس يا أمي، أو على الأقل طهور ناس جديدة، مسألة ليست بالتمني! مسألة أصبحت علم بحد ذاتها! مسألة محتاجة ناس تقعد بكل إخلاص وحياد تراقب وتحلل وتناقش فين الخلل؟ ليه الناس أصلا رحلت؟ فين المشاكل؟ إيه حلها؟ إحنا مين أصلا وبنبيع إيه؟ فاتحين المنتدى ده أساسا ليه؟ مين الزائر "المستهدف" في رؤيتنا وازاي نوصل ليه؟ هل موقع زي فيسبوك ده مثلا نجح كل هذا النجاح ببركة دعا الوالدين؟ وللا بالأحرى لأن فيه إدارة كاملة مئات على الأقل قاعدين كل يوم بيدرسوا ويناقشوا ويسألوا نفس الأسئلة دي؟ بالتالي احنا كمان ـ بقدر إمكانياتنا ـ لازم نسأل ونفهم على الأقل إيه هدفنا أصلا؟ إيه قيمنا؟ إيه دورنا؟ وإيه خطتنا؟ لازم يكون فيه "وعي" بكل ده، وعند الجميع مش بس الإدارة. على الأقل حتى لا نقع في هذه التناقضات العجيبة التي نراها أحيانا!

(مثلا: إذا كان "غير المسيحي" هدف رئيسي من أهدافي أو حتى "هدف استراتيجي": ازاي بعد كده اتعامل بالذات مع غير المسيحي بكل ريبة وشك وتعالي وحتى رفض أحيانا؟! هل انا كده حققت "الخبرة" اللي تجعله يستمر؟! هل أنا كده كسبته وللا بالعكس ضيّعته؟! لا ومش بس معاملة سيئة مُنفرة وكأنك عايز "تتخلص" منه: ده انت اللي بتفصله بنفسك في الآخر وتتخلص منه فعلا! ده إيه الجمال ده!

طيب ليكن، داكور، بس أوعى بقا بعد كده تقول أو حتى تفكر إنك منتدى "تبشيري"! وده مثال واحد فقط للتناقضات! يعني حتى لو حددناها أو عرّفناها على إنها فقط "كنيسة"، فقط للمسيحيين، سنجد على الأغلب تناقضات أخرى عديدة وهكذا)!

قصر الكلام: عودة الناس أو على الأقل استحضار ناس جديدة جميلة تقوم بالمكان بعدنا هي رغبتنا لا شك جميعا وهي حلم رائع، لكنها ستبقى فقط رغبة ومجرد حلم ما لم نعيد التفكير بكل أمورنا، نصحح جذريا كل أخطائنا، ونبدأ العمل بشكل جدّي مختلف تماما! نصلي أن يعطينا الرب الحكمة والقدرة والشجاعة على ذلك.


عذرا للإطالة، ويسعد مساكي يا رب ومسا أستاذنا الكبير النهيسي ـ بركة كبيرة حضوركما إلى هذا الموضوع ـ ويسعد مسا مضيفتنا صاحبة المقام بالطبع ومسا الأحباء جميعا.


​

صباح الخير على عيونك وكل سنة وانت طيب مع إن ضعفي شخصيا لا أشارك بأعياد الميلاد. على أي حال عندما يزيد نشاطك ويعرفك الناس أكثر، ويعرفك عدد أكثر، ستجد على الأرجح احتفالا كبيرا بك في يوم كهذا وفي موضوع مستقل أيضا. أهلا بحضورك ونتمنى لك جميعا عاما سعيدا مباركا في نور الرب تبارك اسمه. لا أعرف ذوقك ولكن عندي "ألماظة" سعودية أهديها لك بمناسبة عيد ميلادك، ومن لا يحب على الأقل مقطع "ليلة ليلة ليلة" الذي أخذوه حتى في الغرب ورقصوا عليه؟ أطيب الأمسيات وأحلى الأوقات!
​