- إنضم
- 7 فبراير 2006
- المشاركات
- 354
- مستوى التفاعل
- 10
- النقاط
- 0
الرباعيات الرهيبة< صائد الذباب>
---------------------------------------------------------------
رباعيات صائد الذباب الحزين
***************
1 يا طير
يا طيريا مسافر لبلادى وارضها .....سلم
دة الغربة صبار ومن شوكها انا......بتألم
حياتى فى غربتى يا طير عدم ومرار
ودمعتى جوايا بتجرحنى.....وتعلم
وعجبى !!
*****************
2 ياليل
يا ليل يا ابو الحيارة...دة انا معاك محيرنى
أحلام بتكبر وتكبر....وضيها فى عيونى بتبهرنى
ومهما ياليل حلمت برجع من تانى
برجع لنهارى واعيشة....مهما كان مدمرنى
**********************
3 ألاهمال
حاولت اعرف سبب الضياع.......وأهاتة
لقيت الاهمال شريك في حياتى.....بحياتة
قلت لة أرجوك ...ارحل من حياتى!!
ما لقيت جواب اللا....أنا الاهمال ذاتة !!
وعجبى !!!
*********************
4 مجنونة
مجنونة يادنيا وفيكي الجنون .....الوان
ما بتهدى التاية وبتخللى الغريب..حيران
نفسى اسئلك سؤال....لو تسمحى
أمتى تعدلى المايل؟.امتى تريحى التعبان؟؟
وعجبى!!!
*********************
5 نجوم
نجوم الليل والقمر أصحاب.......غربتى
والحلم الجميل بيكبر والامل بقى ..سلوتى
والفكرة المبهرة بتترح فى عقلى....أشجار
والنور بيفتح طريق...لكنة نور...دمعتى
وعجبى!!!!
*********************
6 يا خسارة
يا خسارة الحلم الجميل لم انتهى مع ....الايام
النحس ركب على اكتافى وخطى سنين..أعوام
ياريت كفاية كدة ..وانزل من على اكتافى
دة انت طحنت عضامى ..وخلليت سنينى ..ضلام
وعجبى!!!!!
*************************
7 كرسى
كرسى انحدف على ....كلوب ......أفراحى
والفرح اصبح موت.... واتولد منة...أتراحى
مين اللى عمل كدة ..وقلب الفرح ...احزان؟؟
ما جوابنى غير الصدا..وما شفت غير اشباحى.
وعجبى!!!!!
*************************
8 دة انا
دة انا كل ما اطلع من مصيدة اقع فى ......فخ
وكل ما ابعد عن الريح الاقى دمعتى......ترخ
هو مفيش غيرى انا....... للدنيا...... وللايام
أتعدل ياصحبى بقى..اتعدل وخاللى عندك..مخ
وعجبى!!!
***************************
9 بتجرح
بتجرح لية يازمن....ضربتك زلزلت....حياتى
كفك شديد يا عم....لما رسمت قدامى ..اهاتى
يا صحبى اهدى ورووق ..وكفاية ضرب والتزم
دة اخوك غلبان وضعيف...ولا عمرى كنت ..فلاتى
وعجبى!!!!
***************************
10 اية ؟؟؟
اية اللى حصل ...الكل لدم القبطى ...عطشان
اية اللى جرا....الكل للحم النصارة.....جوعان
لا قوة لى يااللهى....غير قوتك انت
دة ميزان العدل ..والانصاف...فى البلد...عطلان
وعجبى!!!!!
**************************
11 برنيم
برنم...فى اى وقت...برنم فوق الصعاب
برنم ...بقلب الجبل....برنم فوق السحاب
برنم....ولا عمرى تعبت من ترانيمى
برنم...فى ضى القمر...برنم وسط الذئاب
وعجبى!!!
*******************************
صائد الذباب