موضوع تافه بس عايزا رايكم فيه

+coptic+ قال:

طبعا الموضوع مش تافة لانة يخصك
الرسئل دي ليس لها اي تاثير طبعا لانها كذب انا اول واحد يتحدها ومنتظرها تيجي تنام جنبي لو تحب من دلوقت السرير عندي كبير ويساع 5 عفريت
انت وصلي للبنت ان الاهتمام بالكلام ده ممكن يوصلها الي انها يجي يوم و تصدقة و في مثل مصري بيقول
اللي يخاف من العفريت يطلعله
يعني اللي بيخاف من شيء عقلة بيخلية يفتكر ان اي حادث عابر هو بسبب الخرافة دي
وخدي بالك ان ممكن اللينكات دي تكون مفيرسة و تنقل الفيروسات للجهاز عن طريق نشرها بين الناس
ربنا معاكي و يحافظ عليكي و علي اولادك

أنقر للتوسيع...

youhnna قال:

الاخت بسم الصليب​

الموضوع مش تافه بس موضوع الرساله كله تفاهات​

ببساطة فهمى الامورة بنتك وطبعا كويس انها فاهمه انه دة كدب​

فيه ناس كتير تؤمن بالخرفات حسب عقائدها واحيانا حسب العادات السائدة​

بالنسبه ان بنتك بتقول دة ممتع
فهميها ببساطة ان كانت كل الاشياء تحل لى لكن ليس كل الاشياء توافق​

فده حرام ويزعل المسيح اننا نتسلى بما لايوافق ايماننا ووسائل التسليه المفيدة والممتعة كثيره​

الله الذى اعطانا السلطان ان ندوس الحيات والعقارب وكل قوات العدو
يزعل مننا جدا لو اتسلينا بكلام الشيطان​

شكرااا بسم الصليب معلش طولت بالكلام​

أنقر للتوسيع...

+coptic+ قال:

كويس يوحنا كمل كلامي اللي كنت عاوز اقولة انا بس كتبت الرد مستعجل بسرعة لاني كنت خايف يكون في لينكات او اي شيء ممكن يضر الجهاز

- يا ترى النوع ده من التفاهات بيكون غرضه ايه بالظبط
في ناس بتعمل كده بغرض التسلية فقط
و ناس بغرض نشر افكار غلط هو مؤمن بيها
او لنشر افكار غلط عن عقيدة هو لا يؤمن بيها فيسئ اليها بالتفاهات

عندك حق في كلامك لان انا فكرت كتير في الاسباب اللي ممكن تكون وملقتش غير اللي حضرتك كتبته

- تفتكرو في ناس ممكن تصدق الحاجات دي بجد
مع الاسف ده بيحصل كتير وانا استغربت ان في العالم المتقدم مثل بلدك في الكلام ده برضة

لا في للاسف صاحبت ميمو وحده من عدد كبير بيرسل الرسايل دي

ومن شويه جوجو قالي ان ليه كمان جت رساله بهالشكل من صديقه


- لو جتلك رساله زي دي هل تهزق اللي بعتها ولا تطنش وتسكت عادي
طبعا مش هبعتها ولا هرد علي اللي بعتها لي غير لو كان شخص مقرب ليا وعاوز افهمة انه غلط
وعلي فكرة قداسة البابا رد علي كلام زي كده بيحصل في مصر عن طريق رسائل دينية تلزم الشخص انه يرسلها لعدد معين من الناس لينال مكسب وان تجاهل الامر يصيبة الضرر
فكان رد قداسة البابا ان ده غلط و مفيش كلام زي كده في المسيحية


الفرق بس ان هنا مش بيقولك هتكسب حاجه او كده انما تخويف

- واتصرف ازاي مع بنوتتي اللي بتقولي ان مجرد فكرة الموضوع والتدوير فيها شي ممتع
انت لو منعتيها ده ممكن يخليها تتمسك بالموضوع فهميها تفاهة الامر وانه خسارة تضيع وقت في شيء معروف انه غير مجدي في حجات غريبة كتير ممكن تدور فيها مثل مثلث برموده
ربنا معاكي و يحافظ عليكي و علي كل الاسرة


انا فعلا متفقه معك اني لو عندت معها او ركزت كتير عالموضوع ممكن يخليها تهتم بالموضوع اكتر

وخصوصا انها هي كمان مقتنعه بكدب الموضوع

اشكرك اخي على دعوتك الغاليه

أنقر للتوسيع...

youhnna قال:

خدى الموضوع ببساطة
ونقشيها فيه بدون اظهار اهتمام
قوليلها مثلا لو حد راح لمنجم او عراف عشان يعرف المستقبل على سبيل التسليه دة حلال ولا حرام
لو اولاد اخلاقهم وحشه واللعب معاهم مسلى دة حلال ولاحرام
ولانى عارف ان فكر جيل النت مختلف تماما وزي ماحضرتك قلتى انك لو تعمقت فى الكلام هى هتهتم اكتر
عشان كده نقشيها بدون اظهار اهتمامك وبعد كام يوم كمان مع ملاحظه انها لو تركت الموضوع ده
متنقشهاش فيه بس بصوره غير مباشره فهميها ان دى حاجات بتزعل ربنا
وفهميها بصورة مرحة انها من يوم اتعمدت فيه ملاك بيحرسها ولو عملت حاجه تزعل ربنا بيسيبها الملاك
عشان كده تحاول انها تحافظ على رعايه ربنا ليها

أنقر للتوسيع...

abotarbo قال:

عارفة تاسونى ممكن تاخديها وتقفوا قدام صورة بابا يسوع وتصلوا...
وياريت تحكيلها مواقف الله مع القديسين.
فى آية حلوة بس يمكن سن بنت حضرتك صغير مش هتفهمها....بس ممكن حضرتك تفهميها
الآية اللى بتقول :
من ذا الذى يقول فيكون والرب لم يامر.
وفى ايه تانى بتقول من يمسكم يمس حدقة عينى.
وخليها تحفظها.
والرب يباركها.
سلام ونعمه لكم

أنقر للتوسيع...

netta قال:

اختي بس الصليب
الموضوع تافهه بالنسبه لنا احنا الكبار
اما بالنسبه لاولادنا لازم ناخده جد شويه
ممكن بنتك دلوقتي مصدقاكي
لكن طول ماهه مع صحبتها في المدرسه
والمصيبه لو صحبتها مصدقه الموضوع ده
ها تبقي مشكله بعد كده لا سمح الله
انا من رأي انك تحذفيه خالص من علي
الكومبيوتر وفهمي بنتك كويس ان احنا
ديننا واخلاقنا ما يؤمنوش بالخرافات دي
وصحبتها دي بالذات خلي عنيكي عليها
وربنا يستر علي اولادنا

أنقر للتوسيع...

michael mourad قال:

أنا في ؤأي انه مش تفكير الجيل الجديد ولا حاجه هو بس شئ غريب وممتع فعلا اهنا كلنا كدا بنحب نخلق لنفسنا عالم أخر فيه أبعاد غامضه ودا المثير بالنسبه للموضوع هي بتصرفها دا كأنها بتعمل فيلم رعبمثلاً لنفسها بدل ما تتفرج علي فيلم يعجبها نصه والنص تاني لأ فابتختلق القصه وتعيشها وبتحب انها تصدق الحاجات دي لأنها بتكون فعلا ممتعه لأننا طبعا لو أتفرجنا عليها في فيلم هانستمتع هي دي الحكاية مش أكتر هي بس بتحس بالمتعه الي في افلام الرعب الي بنتفرج عليها ونطفي النور ونخوف نفسنا او في افلام الاكشن الي ممكن يكون فيها ضرب او قتل او انفجارات ودا رأي الشخصي في تشخيص الوضع اما بالنسبة لصحية الموضوع فانا شايف اننا مش المفروض نعمل كدا وجدير بينا اننا نفصل بين عالمنا الواقعي وعالم الخيالات ونكون عايشين الحياة علي أرض الواقع ونخلي الافلام جوة شاشة السنيما ومنطلعهاش تشاكرنا حياتنا


ومتأسف علي الاطاله ​

أنقر للتوسيع...

netta قال:

رايك اسعدني كتير بس يا ريت توضحيلي احذف ايه بالظبط


الايميل اللي جالها من صحبتها

أنقر للتوسيع...