طوباك يا ابونا صموئيل +

كم عروس سترتها
وكم بيوت عمرتها
دا ياما نفوس الشيطان حبسها
جيت انت وحررتها
اصلك اب واب حنين
تعبنا كله معاك كان هين
قلبك قارورة طيب للمسيح
وبالفضايل متزين
اصل انت راعي ومش اجير
متنامش لو جاع الفقير
واول ما ربنا يبعت عطايا
لازم تتوزع بلا تأخير
الفقير معاك اتمتع
مبتستناش تاني يوم
بتفرحه وتوزع
وربنا يبعت بالكوم
ربنا للخدمة دعاك
فخدمت بحب كبير
وشافوا وشك ملاك
ساعة النفس الاخير
برحمة ونقاوة قلب
وبحب مالوش مثيل
خدمت اخوة الرب
طوباك يا ابونا صموئيل
كلماتي مينا اميل كامل


يشرفني ويفرحني ويباركني
ان كتاباتي البسيطة
اضع بعض منها في قلب
منتديات الكنيسة الثمين

والغالي عليا بكل اخواتي وامهاتي
وابائي

من اول مديره المبارك
والمشرفين
لغاية كل الاعضاء الفاعلين والنشيطين
والمتميزين والمباركين

وبفرح بكل اعضاءه الجدد

تبع الاية

"وكان الرب يضم الي الكنيسة يوما فيوما
الذين يخلصون" اعمال الرسل

وبفرح بكل زواره النشيطين ال احسنه
فعلا الاختيار بزيارته

انا اسف طولت عليكو
بس حبيت اشارككم بالقطعة ال
الفتها بمعونة ربنا
وجناب القمص الموقر
بولس ثابت نشرها
ف كتاب ذكري الاربعين

لكم مني كل التحية
صلوا من اجل ضعفي