يشفي الأعماق ( 2 ).. آلام وجروح الماضي

إنضم
1 فبراير 2007
المشاركات
19
مستوى التفاعل
1
النقاط
0
للأسف كتير مننا بيبني أسوار يخفي وراها حاجات كتير
وبيتصرفوا كأن مفيش جروح ولا آلام في حياتهم الشخصية


تعالوا مع بعض نشوف ليه ده بيحصل ؟
ليه نخبي ونداري ؟ وليه نعلن ونتكلم ؟
ليه نخاف من مواجهة ماضي كان متعب بالنسبة لنا ؟



أي انسان فقد السيطرة على حياته ..
أو الانسان اللي عايش بعيد عن ربنا ..
بيكون في طريقه للهلاك لو متكلمش وأعلن احتياجه للمساعدة


كتير من الناس بيتألموا وبيتعبوا كل ما بيفتكروا موقف معين
او مشهد معين او حادثة أو أمور صعبة مروا فيها قبل كده

احيانا مينفعش الكلام خالص عن الأمور دي
علشان ابدا الكلام ما هيوصف قد أيه كان الامر ده صعب



ده يخلينا نفكر ونقول انه لازم نتعلم ازاي نتعامل
مع جروح الماضي ومعالجتها


+ فيه ناس احيانا بتتعامل مع كده بإنها بتسكت مبتتكلمش ..
بتدفن الجروح على أمل انهم ممكن ينسوها



فيه كتير من الناس عايزين شفاء داخلي
وبرغم ان ربنا عايز يشفي لهم مشاعرهم
لكن فيه اساسيات وخطوات انا شايف انها ضرورية ومهة
لازم احنا ناخدها بنفسنا علشان ننال الشفاء ده


بمعنى



اني لو عايز شفاء لمشاعري
( مهما كان نوع المشاعر وسببها )

مشاعر حزن جوايا او إحساس بجرح قديم
أو اي حاجة صعبة مريت بيها .. يبقى لازم


1- إعلان الاحتياج :


أعلن احتياجي للمساعدة لكده
ومنكرش اني محتاج معونة
منكرش اني محتاج حد يقف جنبي
وكأن مفيش حاجة واتظاهر اني كويس


طب ليه مهم اني أعلن عن جرح قديم مش قادر انساه .. ؟



اكيد هتكون الاجابة .. علشان بنفكر في رد فعل الناس ..
وتفكيرهم فينا بعد كده ... بنخاف من رفضهم لينا او ان المعاملة تتغير
او انهم يفهمونا غلط .. أونخسر حب شخص معين لو عرف الظروف
اللي مرينا بيها


2- الاعتراف بالخطأ :


من المهم ان يكون فيه حد قريب مني قوي يشاركني اللي حصل في حياتي
علشان مجرد الكلام بس مع الشخص ده عن اللي انا بحس بيه
( حتى ولو من غير حلول ) ده لوحده هيريحني من جوايا ..

ده مش معناه اني بكلامي معاه يبقى كده برمي حمولي عليه
لا .. خالص .
بس ده يخلينا نقول اننا نخلي بالنا ونكون حكماء
في اختيارنا للشخص اللي هنتكلم معاه ويسمعنا ويعرف عننا
الحاجات اللي محدش عارفها
لازم يكون شخص موثوق فيه قوي

شوية الموضوع صعب مش سهل
وأكيد ده رد فعل طبيعي .. اننا نخاف
بس صدقوني ده في البداية بس

لكن بعدها هحس اني بتكلم وكأني بحكي عن مشكلة حد تاني
ده علشان من جوايا بقيت مرتاح بعد ما اتكلمت
الراحة دي معناها شفاء من تعب اللي فات
شفاء من كل مشاعر متعبة وحزينة


ومع ان كتير من اللي بيحصل معانا من مشاكل او ظروف صعبة أو جرح من اقرب الناس .. بيكون خارج عن إرادتنا
لكن مش هنكون صح .. أو مش هنعيش حياة كويسة
لو سمحنا للمشكلة دي تعيش جوانا وتتسلط علينا


علشان كده .. لازم نواجه مشاكلنا .. أتعابنا .. جروحنا
نواجه مشاعرنا اللي انجرحت من أقرب ما لينا ومنسكتش


المواجهة
هتكون بداية لحياة نفسية مستقرة ..
وحياة اجتماعية سليمة
وحياة روحية قوية





من أجل حياة أفضل


 

ميرنا

مشرف سابق
مشرف سابق
إنضم
15 أكتوبر 2005
المشاركات
22,034
مستوى التفاعل
562
النقاط
0
الإقامة
عند اقدامك اجثوا
فيه ناس احيانا بتتعامل مع كده بإنها بتسكت مبتتكلمش ..
بتدفن الجروح على أمل انهم ممكن ينسوها

انا للاسف كده

موضوع قيم جداا يا شفاء ربنا يباركك
 

sparrow

علي صدرك ربي تتكاني
عضو مبارك
إنضم
1 أكتوبر 2006
المشاركات
4,726
مستوى التفاعل
482
النقاط
0
من المهم ان يكون فيه حد قريب مني قوي يشاركني اللي حصل في حياتي
علشان مجرد الكلام بس مع الشخص ده عن اللي انا بحس بيه

صعب الايام دي يبقي في حد قريب اوووووووي نحكي معاة عن مشاعرنا بالذات لوكانت حاجة صعب يتحكي عنها او الانسان من النوعية الي صعب تتكلم
بس طبعا اعلان الاحتياج(( لربنا ))دا شي لازم لان الاكيد ان مفيش حد غيرة هو الي هيشفي الجروح مهما كانت عمقها كمان الاعتراف بالخطا ضروري لمواجه نفسنا ومعرفة اخطائنا وضعفنا وطلب معونة لربنا ليقوينا ويساعدنا
موضوع جميل ومهم
ومنور المنتدي بكلماتك
ربنا معاك
 

بنت الفادى

عضو مبارك
عضو مبارك
إنضم
26 سبتمبر 2006
المشاركات
2,644
مستوى التفاعل
22
النقاط
0
الإقامة
++ قلب يسوع ++
الله على الموضوع الجميل
ربنا يبارك حياتك ويعوضك
اذكرنى فى صلواتك
 
أعلى