- تخيل ان ابنك اللي بتحبه كل يوم الصبح ..
- بس انا معنديش اولاد!
- هيبقي عندك ياعم ..
- هيبقي عندي ازاي وانا مش متجوز!
- يادي النيلة، بلاش ابنك، تخيل أن ابني الصغير ..
- بس انت معندكش اولاد !
- اللهم طولك يا روح.. ما تعرفش يعني ايه تخيل !! أوهم نفسك يا أخي..
- اه ، اوك .. ما تقول كده م الصبح .. اه ماله الواد ابن اللذينا ابني ده ..
- تخيل انك بتحبه اوي
- ده حبيبي من ايام الجيزة
- والولد قرر يعبر ليك عن حبه ..
- واد أصيل الواد ده
- فراح لمدرس اللغة العربية ، قاله عايز نشيد اغنيه لبابا الصبح
- اه ، واد ناصح زي أبوه
- وكل يوم الصبح، الواد يقف يسمع النشيد المجعلص اللي هو مش فاهم منه حاجة..
- اخص، الله يكسفه
- ويقولك، ابي انت مزلاج الحب في ارض الوفاء ومرساة الحنو في هوج الجفاء
- ايه مريلة الحنو في ارض الجفاف دي!!
- الجفاء يا أخي، يعني الجفا ..
- الجفا اللي هو القسوة، ولا الجفا اللي بنضرب عليه ..
- لا القسوة..
- طب وبعدين
- الواد كل يوم الصبح يسمع نفس القصيدة بلهوجة و بسرعة و يتلخبط فيها ويمشي ..
- كل يوم!
- اه كل يوم، صبح وليل .. وهو متخيل أنه كده بيعبر عن حبه، ايه رأيك؟ هتقوله ايه؟
- هقوله تعالي هنا يا حبيبي، حلوة القصيدة اللي بتقولها دي ، انت فاهم معناها؟
- وهو هيقول ايه؟
- وانا ايش عرفني ..
- تخيل يا اخي، تخيل ..
- هيقولي الصراحة لأ
- تمام
- هقوله أسأل عن معناها وشوف هل انت فعلا عايز تقولي الكلام والمعاني دي،
وخلي كل كلمة طالعة من قلبك، علشان توصل لقلبي علطول، وهقوله اتعلم تعبر عن نفسك بألفاظك انت وتعبيراتك انت لأني كأب عايز اسمع كلامك انت ومشاعرك انت ، وهقوله كمان حلو انك تدور علي قصيدة جميلة تقولهالي، بس لو انت مش عارف معني اللي بتقوله ، يبقي اللي بتقوله ملوش معني ..
اقتبس تعبيرات تعبر عن مشاعرك بدقة،
او انحت تعبيرات جديدة،
او ردد كلام بسيط من القلب ..
قول ما شئت، بس قوله بوعي ..
...........
المزامير و صلوات الكتاب المقدس، صلوات مكتوبة بالروح القدس، معطاة لينا نصلي بيها، بس نصلي بوعي و بفهم مش نردد الكلام باطلاً .
الصلاة بالمزامير تعليم كتابي:
مَتَى ٱجْتَمَعْتُمْ فَكُلُّ وَاحِدٍ مِنْكُمْ لَهُ مَزْمُورٌ، لَهُ تَعْلِيمٌ، لَهُ لِسَانٌ، لَهُ إِعْلَانٌ، لَهُ تَرْجَمَةٌ. فَلْيَكُنْ كُلُّ شَيْءٍ لِلْبُنْيَانِ.
كُورِنْثُوسَ ٱلأُولَى 14 : 26
لكن انت لازم تبقي واعي انت بتصلي بتقول ايه ..
- بس انا معنديش اولاد!
- هيبقي عندك ياعم ..
- هيبقي عندي ازاي وانا مش متجوز!
- يادي النيلة، بلاش ابنك، تخيل أن ابني الصغير ..
- بس انت معندكش اولاد !
- اللهم طولك يا روح.. ما تعرفش يعني ايه تخيل !! أوهم نفسك يا أخي..
- اه ، اوك .. ما تقول كده م الصبح .. اه ماله الواد ابن اللذينا ابني ده ..
- تخيل انك بتحبه اوي
- ده حبيبي من ايام الجيزة
- والولد قرر يعبر ليك عن حبه ..
- واد أصيل الواد ده
- فراح لمدرس اللغة العربية ، قاله عايز نشيد اغنيه لبابا الصبح
- اه ، واد ناصح زي أبوه
- وكل يوم الصبح، الواد يقف يسمع النشيد المجعلص اللي هو مش فاهم منه حاجة..
- اخص، الله يكسفه
- ويقولك، ابي انت مزلاج الحب في ارض الوفاء ومرساة الحنو في هوج الجفاء
- ايه مريلة الحنو في ارض الجفاف دي!!
- الجفاء يا أخي، يعني الجفا ..
- الجفا اللي هو القسوة، ولا الجفا اللي بنضرب عليه ..
- لا القسوة..
- طب وبعدين
- الواد كل يوم الصبح يسمع نفس القصيدة بلهوجة و بسرعة و يتلخبط فيها ويمشي ..
- كل يوم!
- اه كل يوم، صبح وليل .. وهو متخيل أنه كده بيعبر عن حبه، ايه رأيك؟ هتقوله ايه؟
- هقوله تعالي هنا يا حبيبي، حلوة القصيدة اللي بتقولها دي ، انت فاهم معناها؟
- وهو هيقول ايه؟
- وانا ايش عرفني ..
- تخيل يا اخي، تخيل ..
- هيقولي الصراحة لأ
- تمام
- هقوله أسأل عن معناها وشوف هل انت فعلا عايز تقولي الكلام والمعاني دي،
وخلي كل كلمة طالعة من قلبك، علشان توصل لقلبي علطول، وهقوله اتعلم تعبر عن نفسك بألفاظك انت وتعبيراتك انت لأني كأب عايز اسمع كلامك انت ومشاعرك انت ، وهقوله كمان حلو انك تدور علي قصيدة جميلة تقولهالي، بس لو انت مش عارف معني اللي بتقوله ، يبقي اللي بتقوله ملوش معني ..
اقتبس تعبيرات تعبر عن مشاعرك بدقة،
او انحت تعبيرات جديدة،
او ردد كلام بسيط من القلب ..
قول ما شئت، بس قوله بوعي ..
...........
المزامير و صلوات الكتاب المقدس، صلوات مكتوبة بالروح القدس، معطاة لينا نصلي بيها، بس نصلي بوعي و بفهم مش نردد الكلام باطلاً .
الصلاة بالمزامير تعليم كتابي:
مَتَى ٱجْتَمَعْتُمْ فَكُلُّ وَاحِدٍ مِنْكُمْ لَهُ مَزْمُورٌ، لَهُ تَعْلِيمٌ، لَهُ لِسَانٌ، لَهُ إِعْلَانٌ، لَهُ تَرْجَمَةٌ. فَلْيَكُنْ كُلُّ شَيْءٍ لِلْبُنْيَانِ.
كُورِنْثُوسَ ٱلأُولَى 14 : 26
لكن انت لازم تبقي واعي انت بتصلي بتقول ايه ..