ملف خاص للاكلات الصيامي

god love 2011 · 22 فبراير 2009

كوسة محمرة

كوسة كبيرة
معلقة صغيرة ثوم مفروم
معلقتين كبار دقيق او بقسماط(ممكن معلقة ومعلقة)
ملح وفلفل و كمون
معلقة صغيرة نعناع اخضر مفروم

الطريقة
نكحت الكوسه بالسكينة المشرشرة وقطعيها بالطول
شرائح متوسطة التخانة و تغسل
تبليها بالثوم والملح والفلفل والكمون والنعناع
وضعيها فى الثلاجة لمدة نص ساعة
نضع الدقيق او البقسماط فى طبق
ونضع فيهم الكوسة ونقلبها كويس
نحمرها فى زيت غزير ونشيلها على الورق الماص

كوسة بالمشروم

3 كوسات كبار >>
1ملعقة زيت>>
بصلة متوسطة مبشورة>>
2 فص ثوم مفروم>>
1 كوب عش غراب ( مشرووم) مقطع شرا ئح.>>
طماطماية متوسطة الحجم مقطعة صغير>>
1 ملعقة صغيرة بقسماط>>
1/4 ملعقة صغيرة بقدونس.>>

الطريقة:
>>
تقطع الكوسة إلى نصين بالطول و فضيها من جوة( الاحتفاظ بقلب الكوسة).>>
نضع الزيت على النار وشوحي فيه البصل و الثوم لحد ما يصفروا>>
يضاف عش الغراب وقلب الكوسة.>>
يقلب الخليط لمدة دقيقتين وبعدين شيلية من على النار.>>
تضاف الطماطم والبقسماط والبقدونس والفلفل.>>
ترص الكوسة في صينية ثم يوضع هذا الخليط على الكوسة.>>
تغطى الصينية بورق الألومنيوم وندخلها الفرن لمدة نص ساعة>>
نشيل الورق الفويل ونسيبها تحمر من الوجه شويه>>
طاجن الكوسة بالشبت

كيلو كوسة
كوب عصير طماطم
نص كيلو طماطم
معلقة شبت مفروم
بصلة مفرومة
ملح وفلفل
الطريقة
اكحتى الكوسة واغسليها وقطعيهاحلقات وكزلك الطماطم
ضعى الكوسة والطماطم والبصل و الشبت فى طاجن فرن
رشى عليهم التتبيلة الملح والفلفل وعصير الطماطم
دخليهم الفرن لحد ما تستوى الكوسة (وممكن اضافة شوية ماء ازا احتاجت)

كوسه تركى

1/4 كيلو كوسه مبشوره
1/4 كيلو بطاطس مبشوره
3 بصلات مبشورين
ملح - فلفل - ليمون
دقيق
تقلب جميع المقادير معا وتأخذ كمية بالملعقة وتحمر فى زيت ساخن مثل الطعميه وتوضع بعد ذلك على ورق مناديل لزوم التخلص من الزيت
البامية بالبصل القاورمة

كيلو بامية - نص كيلو بصل قاورمة - نص معلقة صغيرة ثوم مهروس - معلقة كبيرة زيت - ملح وفلفل - نص كيلو طماطم مقشرة ومقطعة مكعبات
الطريقة
قمعى البامية عادى يعنى شيلى الكاس الاخضر اللى فوق والبوز الصغير اللى تحتضعى الزيت على النار وشوحى فية البصل القاورمة لحد ما يصفر ثم ضعى الثوم المهروس والبامية وقلبيهم لمدة دقيقة وبعدين ضعى الطماطم وقلبى كله لمدة دقيقتين ثم ضعى الملح والفلفل ضعى عليهم كوب ماء مغلى لحد ما الخليط كله يغلى وبعدين وطى النار لحد ما تستوى البامية
الملوخية الناشفة
كوب ملوخية ناشفة
نص راس ثوم مفروم ناعم
2 معلقة زيت
ملعقة كبيرة كزبرة ناشفة
2 حزمة سلق
حوالى 4 كوبايات شوربة خضروات

الطريقة

اغسلى السلق كويس و افصلى الورق عن السيقان وخرطية بالمخرطة
اعملى التقلية بانك تضعى السمنة على النار و عليها الثوم لحد ما يصفر و بعدين حطى الكزبرة تقليبة لحد ما تحمر
ضعى الشوربة على النار وضعى عليها نص كمية التقلية لحد ماتغلى
ضعى السلق على الشوربة وسيبيهم يغلوا حوالى من 5 ل 7 دقائق
ضعى عليهم الملوخية مع التقليب المستمر يا دوب يغلوا غلوتين ثم ضعى باقى كمية التقلية وقلبى واطفى النار

god love 2011 · 22 فبراير 2009

ارز خفيف

ارز
شبت وبقدونس
طماطم طازة معصورة
ملح وفلفل
بصلة مبشورة
قالب شوربة خضروات

الطريقة

تخرطى البصل والشبت والبقدونس تخين بالسكينة وتضعيهم على الارز بعد غسلة مع الملح والفلفل وتخلطيهم زى المحشى بالضبط.
ضعى الارز على النار وعلية الشوربة المزابة فى الماء او ممكن تستبدلى الشوربة بالماء فقط ولما تغلى توطى النار زى ما بتعملى الارز العادى بالظبط ولما يستوى وتطفى علية وتغرفية وتاكلية مع السلطة او الخضار او اللحوم وطعمة فى منتهى الجمال

god love 2011 · 22 فبراير 2009

ارز بالبقوليات

2 كوب ارز – 3/4 كوب لوبيا مسلوقة – 3/4 كوب حمص الشام مسلوق – فلفل رومى احمر
2 بصلة شرائح – زيت زيتون – 2 ورقة لاورا – كرفس – ملح وفلفل

الطريقة

نشوح البصل فى الزيت ثم نضع اللورا ونقلب
ثم نضع الفلفل المخرط ثم نضع ارز ونقلبهم مع بعض كويس
ثم نضع اللوبيا والحمص ونقلب كويس
وملح وفلفل ونقلب ثم نضع الماء الساخن
ونكمل تسوية الارز عادى ولما يستوى نضعه فى قالب ونقلبه فى طبق التقديم
سلطة تركى

طماطم – خيار – بصل – خس – ورق نعناع – بقدونس – بصل – جزر - زيت زيتون – خل – عصير ليمونة – ملح

الطريقة

نقطع كل المقادير فى طبق تقطيع ناعم صغير جدا ثم نتبلها ونقلبها ونقدمها
سمبوسك بالمشروم

جلاش – بصل مقطع – 250 ج مشروم – ملح وفلفل – كمون – بهارات – 1/ 2 م صويا صوص

الطريقة

نضع كل المقادير على بعض ماعدا الجلاش.
نفرد الورقة بالطول ونضع على طرفها الحشوة ونلفها زى الصباع ونحمرها فى الزيت
القطايف

كوب دقيق
كوب ماء
معلقة كبيرة خميرة جافة اوفورية
معلقة صغيرة ممسوحة سكر
ملح

الطريقة

ضعى كل المقادير كلها فى الخلاط (بتاع العصير) واضربيهم كويس .
هاتى مقلاية تيفال وامسحيها بالفرشاة بالزيت .
ضعى العجينة فى كوب او بالكبشة (المغرفة ) نزلى يا دوب شوية مقاس القطايف حتلاقيها بتفقفق يعنى تعمل كور وبتبقى شكل القطايف اللى بتشتريها بالظبط بس بشررررررررط ماتسبيهاش على النار تنشف من تحت يعنى اول ماتلاقيها بتعمل الدوائر المفرغة من فوق والعجينة البيضاء اختفت تروحى شايلة القطايف وتكررى العملية لحد ما العجينة تخلص وبعدين تحشيها
طريقـــــــــه اخرى

عجينة القطايف

المقادير

1 كوب دقيق سميد ناعم
2 كوب دقيق ابيض1
ملعقة صغيرة خميرة( فورية اوعادية)
2 معلقة صغيرة بيكنج بودر
نص معلقة صغيرة ملح
3 اكواب ماء دافى

الطريقة:

تخلط السميد مع الدقيق مع الملح و البيكنج بودر مع بعض
ندوب الخميرة مع كوب ماء دافيء و شوية سكرنحطها على باقى المواد السابقة
مع باقي الماء ال كوبايتين و نضربهم فى الخلاط ( دورق العصير)
لحد ما يتخلطوا كلهم و تتكون عجينة
العجينة حتكون متوسطة السمك ولا هى خفيفة سايلة و لا هى تخينة
و نضعها فى طبق بلاستيك ونسيبها تخمرحوالى نصف ساعة
هاتى مقلاية تيفال و حطيها على النار على نار هادية جدا
ضعى شوية من العجينة فى فنجان وصبى منه او حطى العجينة فى قمع مع سد الفاتحة حتى لاتنزل العجينة و بعد ما تنزلى الشوية اللى عوزاهم سدى تانى بصابعك
اول مرة بس هاتى الفرشاة و امسحى المقلاية بالزيت يا دوب مسح
و ابدئي بصب العجينة بالمقاس اللى انتى عيزاة يعنى يا اما صغيرة عصافيرى او متوسطة او كبيرة
بعد ما تنزليها في المقلاية حتشوفى بانت فقاقيع على الوجه و لما تلاقيها من تحت بقى لونها بني شيلى القطايف و حطيها على طبق و هكذا فى باقى العجينة لحد ما تخلصى العجينة كلها

god love 2011 · 22 فبراير 2009

ورق عنب محشى بالمكرونة

نص كيلو ورق عنب - مكرونة اسباجتى مسلوقة - جزر – بسلة- طمطاطم بيورية

الطريقة

نسلق الورق عنب .
نضع الجزر المقطع والبسلة على المكرونة ونقلبهم.
نضع امامنا 3 ورقات ورق عنب بجانب بعض على هيئة دايرة.
نضع فى المنتصف شوية مكرونة ونقفل الورق العنب كويس على المكرونة ونلفها بدوبارة كويس .
نضعه فى صينية بجانب بعض ونضع على الوش طماطم بيورية وندخله الفرن
\ارز دمياطى
نص كيلو ازر مصرى - زيت - بصلة كبيرة محمره - 2 قرن فلفل حامى بدون تقطيغ- طماطماية متوسطة مقطعه مكعبات - بصلة متوسطة مقطعه شرائح - فلفلة رومى مقطعة شرائح - ملح - توابل

الطريقة

نضع الزيت على النار ونضع البصلة ونشوحها لحد ماتحمر ثم نضع علية الارز ونقلب ثم نضع الماء ونضع الطماطم والفلفل الحامى سليم زى ما هو بدون تقطيع ونضع الفلفل الرومى شرائح زى ماهو ونضع البصل الشرائح زى ماهو والملح ونقلب كله ونستنى لحد الماء مايغلى و نعصر ليمونة ونضعها فى الماء زى ماهى بقشرها ونكمل سواه عادى
سلطة مغربى

شرائح برتقال – كنتالوب – شرائح بلح – نعناع - لوز – ماء زهر

الطريقة

نسلق اللوز ونقشره ونحمره خفيف.
نقشر البرتقال ونقطعه شرائح وكذلك الكنتالوب والبلح.
نرصص شرائح البرتقال فى طبق تقديم وعليه شرائح الكنتالوب
وعليه شرائح البلح ونرش عليه ماء زهر ثم نضع اللوز ثم نزين بالنعناع
السبانخ بالطحينة

½ كيلو سبانخ – طحينة – ثوم – ليمون

الطريقة

نخرط السبانخ ونسلقها وناخد شوية منها بس.
نضع زيت فى المقلاية ونضع فيها شوية السبانخ مع الثوم
ونقلبهم تقليبتين ثم نضع شوية كمون وملح ونكمل التشويح وبعدين نطفى.
نضع على جزء السبانخ التانى الطحينة ونخلطهم ثم نضعهم على السبانخ المتشوحة
ونقلب ثم نضع عصير ليمون ونقلب نقلب ونغرفها فى الطبق
ارز محمر على الطريقة الصينية

2 كوب ارز ابيض مستوى عادى- كوساية مقطعه صغير – نص كوب بسلة – 2 معلقة زيت – 2 معلقة بصل اخضر – جزرة مقطعه صغير.

الطريقة

فى حلة نضع زيت ومعلقة بصل مبشورة والجزر والكوسة والبسلة ونقلبهم كويس تقليبتين تلاتة ثم نضع الارز عليهم ونقلب كله مع بعض ونتركه حوالى 5 دقايق ونغرفه
همبرجر خضروات

المقادير

1بصل
4فص ثوم
1ملعقة كبيرة زنجبيل مفروم
1كوب برغل (أسمر منقوع)
1كوب حمص (مسلوق)
1/2كوب عدس أصفر منقوع
1/4كوب جزر مبشور
1/4كوب بسلة (مسلوقة)
1/4كوب دقيق أرز
ملح وفلفل

الحشو

1/2كوب مكسرات مجروشة
1/4كوب مشمش جاف مفروم
1بصل مفروم

الصلصة

2ملعقة كبيرة زيت
1بصل مفروم
1/2كوب لوز مفروم
1/2كوب عين جمل مفروم
1/2كوب عدس أصفر (منقوع)
2كوب مرق خضروات

الطريقة

- يُخلط البصل، الثوم، الزنجبيل، الحمص، البرغل،العدس، الجزر ويُتبل الخليط بالملح والفلفل.
- يُوضع في الخلاط الكهربائي حتى يُصبح عجين لين ( يُمكن إضافة دقيق الأرز إذا كان العجين غير متماسك والعكس يُمكن إضافة ماء أو مرق إذا كان صلباً).
- تُضاف البسلة للخليط ويُشكل على هيئة كور ويُحشى بخليط الحشو.
- يُمكن أن يُشكل على هيئة أقراص وتُقلي وتُقدم ساخنة.
- يُسخن الزيت في إناء على نار متوسطة ويُضاف البصل ويُقلب والعدس والمكسرات ويُضاف المرق.
- يُترك الخليط حتى يُبدأ في الغليان ثم تُضاف كورالخضروات وتُترك حتى تُنضج ثم تُقدم ساخنة.

[/center]

god love 2011 · 22 فبراير 2009

ارز بخــــارى

نص كيلو ارز بسمتى – ليمون ناشف – كركم – ملح – فلفل – كمون - حبهان – قرفة – قرنفل – جزر – بصل – طماطم – زيت– مكعب مرقة خضروات

الطريقة

نقطع الجزر والبصل والطماطم كله مكعبات.
نضع زيت على النار لحد ما يقدح ثم نضع الجزر والبصل والطماطم ونفضل نقلب نقلب لمدة عشر دقائق
ثم نضع الليمون الناشف والكركم والملح والفلفل والكمون والحبهان
والقرفة والقرنفل ونقلب
ثم نضع الارز ونقلب كله مع بعض كويس
ثم نضع الماء ومكعب مرقة خضروات ونكمل السوى عادى
همبورجر صيامى

2جزر مبشور
3 بصل اخضر
300 جرام مشروم
2 جرام فاصوليا بيضة مسلوقة
ملح وفلفل
بهارات
صويا صوص

الطريقة

كل المقادير توضع فى الخلاط
ثم يوخذ قطعة قطعة تعمل مثل الكرة وتبطط
وتفرش فى اكياس نايلون
توضع فى الفريزر لمدة ساعة ونصف
ثم نخرجها وتحمر بعد ذلك

اصابع زينب

½ كيلو دقيق – 125 ج سامولينا – 150 ج زيت – 15 ج خميرة فورية – 250 ماء-

الشيرة (العسل – القطر) 2 كيلو سكر + كيلو ماء وعصير ليمونة بعد الغليان

الطريقة

نضع الخميرة مع شوية ماء دافىء فى كوب واذوبها .
نضع كل المقادير فى الخلاط ونضع عليهم الخميرة المذابة الى ان تتكون عندى العجينة حوالى 5 دقايق وحلاقى العجينة خلاص مبتلزفش فى اليد.
اغطى العجينة واتركها شوية تخمر .
اضع العجينة امامى على هيئة صباع طويل او رول ثم اخد منها قطعه قطعه واضغطها على وش المبشرة الصغير الخشن
والف لفة بصوابعى اضعها فى صينية واتركها تانى لتخمر لمدة ربع ساعه
ثم احمرها فى زيت ساخن لحد ما لونها يحمر واشيلها على طول من على النار على الشيرة الباردة واقلبها كويس فى الشيرة وتقدم

god love 2011 · 22 فبراير 2009

كوسة بالفلفل والطماطم

المقادير
كيلو كوسة - - بصلة -ربع كيلو طماطم - سمن نباتي-توابل -فلفل اخضر مفروم

الطريقة

تقشر الكوسة وتقطع وتغسل وتوضع فى الماء على النار وتترك حتى تسلق . تقدح ويشوح البصل المفروم والفلفل المفروم جيدا ثم يضاف عصير الطماطم وتتبل ويترك على النار لتسبك . تضاف الكوسة السابق اعدادها وتترك على النار مدة 10 دقائق وتزود بالماء اذا لزم ثم تغرف وتقدم ساخن

بسبوسه صيامى

المقادير :
3 كوب دقيق سمادينا
1 ونص كوب سكر
2 معلقه صغيره بيكنج بورد
4معلقه كبيره زيت
1 ونص كوب عصير برتقال
الطريقه
نضع دقيق السمادينا على السكر على البيكنج بودر ونضيف الزيت ثم عصير برتقال ونضربهم جيدا
وندهن الصينه زيت وتكون الصينيه متوسطه ونضع الخليط ونحطها فى الفرن درجه حرارته متوسطه
الشراب:
2 كوب سكر
1كوب ماء
1 معلقه كبيره عصير ليمون
ارز مشوى

كوب ارز مسلوق – ربع كيلو جزر – ربع كيلو فاصوليا – ربع كيلو بسلة - ذرة – ذبدة فول سودانى

الطريقة

نضع الارز وعلية الخضار وذبدة الفول السودانى والملح
ونخلط نخلط لحد ماتحسى ان كله بقى متجانس مع بعضه وندهن مقلاية بالذيت .
ناخد قطعه من الخليط كأننا بنعمل كفته بالظبط
ونعمله صوابع على عيدان خشب ونرش عليهم رشة دقيق صغيرة علشان يمسكوا نفسهم
نضع فى الطاسة شوية زيت صغيرين لحد ما يسخن.
نضع الصوابع ونفضل نهز الطاسة لحد ماتستوى وتحمر
كفتة صيامى انما اية

--------------------------------------------------------------------------------

ربع ك عدس بجبة
بصلة صغيرة
ملح وفلفل اسمر
كيس فيجتار (حار او عادى)
بهارت كباب وجوزة الطيب
فحمة واحدة الطريقة
]انقع العدس فى الماء لمدة 12 ساعة وانشلة من الماء واضعة فى الكبة مع البصلة والبهارات والملح والفلفل وجوزة الطيب
بعد زلك اخرجة من الكبة او الخلاط واضع عليه كيس الفيتجار وابشر عليه جوزة الطيب واصبعها واقليها فى الزيت
عندما يحمر اخرجها من على النار وارصها فى حلة او صينية واكون حطه الفحمة على النار وعندما تستوى الفحمة اضعها
على قشرة بصلة عليها نقطة زيت فى الصينية او الحلة التى بيها الكفتة واغطيها بسرعة حتى يتسرب دخان الفحمة الى الكفتة
مكرونه باذنجان (صيامى)

--------------------------------------------------------------------------------

للباذنجان المشوي

باذنجان مقطع حلقات عريضة
زيت زيتون

للصلصة

بصل مفروم ناعم
طماطم مقطعة مكعبات صغيرة
طماطم قطع كبيرة مهروسة
صلصة طماطم
زعتر جاف
أوريجانو جاف
فص ثوم مفروم ناعم
بقدونس مفروم ناعم
ريحان جاف
سكر

للمكرونة

مكرونة فيتوتشيني مسلوقة
بقدونس مفروم ناعم
ثوم مفروم ناعم
ملح وفلفل
زيت زيتون

الطريقة
للباذنجان المشوي

- يُسخن قليل من زيت الزيتون على نار متوسطة ثم يُضاف الباذنجان ويُحمر من
الناحيتين حتى يصبح لونه ذهبياً فاتح.
- يُرفع الباذنجان عن النار ويوضع على شواية ساخنة حتى يتغير لونه ويأخذ
من علامة الشواية ثم يُرفع ويُحفظ جانباً.

للصلصة

- في نفس أثناء شوي الباذنجان وفي نفس وعاء تحميره يُضاف البصل ويُقلب
لمد دقيقتين حتى يذبل قليلاً.
- تُضاف الطماطم المكعبات والمهروسة وصلصة الطماطم للبصل.
- يُضاف الزعتر الجاف والأوريجانو للخيلط ويُتبل بالملح والفلفل ويُقلب
الخليط ويُترك لمدة 10 دقائق.
- يُضاف للخليط البقدونس والريحان وقليل من السكر ويُقلب وتُترك لمدة
دقيقتين ثم تُرفع عن النار.

للمكرونة

- يُخلط جيداً في وعاء عميق البقدونس والثوم والملح والفلفل وزيت الزيتون.
- يُضاف الخليط إلى المكرونة وتُقلب جيداً حتى تتداخل كل المكونات ثم تُصب
في طبق التقديم.
- تُرص حلقات الباذنجان المشوي حول المكرونة ثم يوضع فوقها من الصلصة. [/center]

god love 2011 · 22 فبراير 2009

سلطة خضار بالمايونيز

2 بطاطس مسلوقه
2 طماطم
كوب بسله مسلوقه
1 جزر مسلوقه
2 ملعقه كبيره مايونيز نباتى
1 ملعقه زيت زيتون للتزيين
قليل من الملح.

الطريقة:

تقشر البطاطا وتقطع مكعبات
وكذلك الطماطم وكذلك الجزرة
يجب ان تكون المكعبات المقطعه بنفس الحجم
تخلط معها البسله والملح ويضاف المايونيز ويخلط جيد جدا
ثم يوضع في اناء التقديم
ويزين بزيت الزيتون
الارز بالخضروات

ارز
¼ كيلو جزر
¼ كيلو كوسة
¼ كيلو بطاطس
¼ كيلو فاصوليا
¼ كيلو سبانخ
(اى خضار عندك )

الطريقة

نسلق كل الخضروات ونضربها فى الخلاط كويس
ونصفيه ونخلطهم بالارز ونضعهم فى قالب
وندخلهم الفرن

عيش السرايا

ديسك توست (حنشرح طريقته)
[عسل (قطر – شيرة) كيلو ماء – 1 و1/2 كيلو سكر – ليمونة ]
لون طعام احمر
كريمه نباتى
فستق مفروم

الطريقة

اضع فى صينية كبيرة العسل وعليه نقط من لون الطعام الاحمر
ثم نضع فيه دائرة التوست ونتركها لحد ما تتشرب تماما من العسل
ثم نضعها فى طبق واسيبها تبرد كويس قوى ثم اضع عليها الكريمة والفستق المفروم

طريقة عمل قالب التوست

1/2كيلو دقيق
50ج سامولينا
12ج ملح
10ج خميرة
10ج سكر
25ج زيت

نضع الخميرة مع الزيت مع الملح مع السكر مع سنة ماء دافىء
ونقلبهم كويس جدا
ثم نضعهم على الدقيق والسامولينا لحد ما تتكون العجينة
نضعها فى الصينية واضغط على العجينة بايدى كويس
ثم اتركها فى مكان دافىء لحد ما تعلى وتخمر
ثم اخرمها من فوق بالعصاية الخشب كذا خرم وادخلها الفرن لمدة ساعة درجة حرارة 190
ولما يطلع من الفرن ويبرد اقطعه بالسكينة بالعرض على هيئة دائرة كبيرة

god love 2011 · 22 فبراير 2009

شوربة العدس
ربع كيلو عدس اصفر
ملح – فلفل – كمون – بصلة متوسطة مخرطة رفيع – طماطماية – بطاطساية صغيرة – جزرة صغيرة
شطة حسب الرغبة
الطريقة
نضع العدس فى حلة على النار و علية الطماطماية مقطعة اربع و الجزرة مقشرة و مقطعة قطع صغيرة و البطاسطاية مقشرة و مقطعة نصين
ونضع الماء يغطى العدس بكوب ماء و نتركة لحد ما يستوى مع التقليب و نشيل الريم و نراقب الماء كل ما ينقص نزود شوية بشوية
بعد ما يستوى اما نضعة فى الخلاط فى دورق العصير و نضربة ( او ) نصفية بمصفة الطماطم ام ايد )
وانا بفضل المصفاة
ثم نضع شوربة العدس فى الحلة و نبدأ فى وضع الملح و الفلفل و الكمون بس زودى الكمون شوية بيديها طعم جميل وقلبى و ظبطى تخانة العدس زى ما انتى شايفة امامك يعنى لو تخينة زودى ماء و قلبى
هاتى معلقتين زيت و عليهم البصلة المبشورة لحد ما تصفر وحطيها على العدس تقليبة و اطفى النار

كنــــــافه عثمنلى بالمانجة

طريقة عمل ديسك الكنافة
نقطع الكنافة كويس ونخلطها كويس بزيت وسكر بودرة ثم نضعها فى صينية على هيئة راقة خفيفة رفيعه وندخلها الفرن وبعد ماتستوى نسقيها بالعسل الخفيف وبعد ماتبرد ناخدها ونكسرهاخالص

مقدار الكريم
كيلو كريمة نباتى – 80 جرام سكر

المقادير
كريم نباتى – مانجو مقطعه – 2 ديسك كنافة – ديكور

الطريقة

نضع ديسك الكنافة فى طبق وعليه بالقمع دايرة كريمة داير ما يدور الطبق
ثم نضع دائرة مانجة مكعبات ثم دائرة كريمة بالقمع ثم نضع ديسك الكنافة الثانى ثم نزوقها بالمانجة
لقمة القاضى

½ كيلو دقيق- ½ كيلو ماء- 75 ج زيت-- 10 ج خميرة- 40 ج سكر- شيرة تقيلة

الشيرة التقيلة: كيلو ماء – 2 كيلو سكر – عصير ليمونة

الطريقة

نذوب فى كوب الخميرة مع السكر مع شوية ماء .
اضع الكوب المذوب على الدقيق واخلطهم بالمعلقة الخشب كويس قوى
ثم اغطيها بفوطة واتركها تخمر لمدة نص ساعه نعملها كور بالمعلقة الصغيرة .
نقليها فى الزيت الساخن نص سوى فقط وبعدين بعد مانخلص الكمية كلها نعيدها تانى فى الزيت لحد ما كله يحمر باللون الذهبى وياخد نفس اللون ثم فى الشيرة
شوربة خضار بالكريمة

200 ج جزر – 200 جكوسة – معلقة زيت – معلقة دقيق – ½ كوب كريمة نباتى- بصلة – ملح – فلفل– 2 مكعب خضروات

الطريقة

نضع شوية زيت فى حلة وبصله مخرطة ونقلبها لحد ما تصفر
ثم نضع معلقة دقيق ونضع الخضار ونقلب تقليبة ثم اضع 2مكعب خضروات
وماء لحد ما كله يغلى (بس متغطيهاش علشان لونها ميغيرش) ونتركها علىالنار حوالى ربع ساعه
ثم نضعها فى الخلاط ونضربها ثم نضع عليها الكريمة ونقلبها بالمعلقة وبعدين نغرفها.

Dona Nabil · 23 فبراير 2009

صوفيا مجدى · 23 فبراير 2009

مرسى لكى كتير على الوصفات الجميلة

الرب يبارك حياتك

candy shop · 23 فبراير 2009

ملف اكتر من راااااااااااااااااااااااااائع يا سيمون

ميرسى يا قمر

كل سنه وانتى طيبه يا حبيبتى

SALVATION · 24 فبراير 2009

تسلم ايدك سيمون مجهود جامد
مشكوره كتيييييييييييييير

god love 2011 · 24 فبراير 2009

candy shop قال:
ملف اكتر من راااااااااااااااااااااااااائع يا سيمون

ميرسى يا قمر

كل سنه وانتى طيبه يا حبيبتى

ميرسى كتيرررررررررررررررررر لتشجيعك الدائم
وانتى طيبه وبالصحه والسلامه
وربنا معاكى ويبارك خدمتك

god love 2011 · 24 فبراير 2009

.تونى.تون. قال:
تسلم ايدك سيمون مجهود جامد
مشكوره كتيييييييييييييير

ميرسى كتيررررررررررررررررر لتشجيعك الدائم
وكل سنه وانت طيب
وربنا معاك ويبارك خدمتك

god love 2011 · 24 فبراير 2009

dona nabil قال:

ميرسى كتيررررررررررررررر لتشجيعك الدائم
وكل سنه وانتى طيبه
وربنا معاكى ويبارك خدمتك

god love 2011 · 24 فبراير 2009

صوفيا مجدى قال:
مرسى لكى كتير على الوصفات الجميلة

الرب يبارك حياتك

ميرسى كتيرررررررررررررررررر لردك الجميل
وكل سنه وانتى طيبه
وربنا معاكى ويبارك خدمتك

god love 2011 · 24 فبراير 2009

كليمو قال:
سيمون يوسف

هايل هايل

شكرااااااااا لكي اختي

ايضا" بالوقت المناسب

شكراااا لمجهودك الرائع

ربنا يبارك حياتك

ميرسى كتيرررررررررررررررررر لتشجيعك الدائم
وكل سنه وانت طيب
وربنا معاك ويبارك خدمتك

god love 2011 · 24 فبراير 2009

swety koky girl قال:
موضوع اكتر من رائع يا سيمون

ميرسى كتيرررررررررررررررررررر لتشجيعك الدائم
وكل سنه وانتى طيبه
وربنا معاكى ويبارك خدمتك

ملف خاص للاكلات الصيامي

god love 2011

احببتنى للمنتهى

god love 2011

احببتنى للمنتهى

god love 2011

احببتنى للمنتهى

god love 2011

احببتنى للمنتهى

god love 2011

احببتنى للمنتهى

god love 2011

احببتنى للمنتهى

god love 2011

احببتنى للمنتهى

god love 2011

احببتنى للمنتهى

Dona Nabil

خادمة الرب

صوفيا مجدى

عضو مبارك

candy shop

مشرفة منتدى الاسرة

SALVATION

فداكى يا كنستى

god love 2011

احببتنى للمنتهى

god love 2011

احببتنى للمنتهى

god love 2011

احببتنى للمنتهى

god love 2011

احببتنى للمنتهى

god love 2011

احببتنى للمنتهى

god love 2011

احببتنى للمنتهى