موسوعة نصايح مهمه للمطبخ !!!( متجدد )

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
تخزين الخضار لتطبخى بدون مجهود ووقت طويل
أولاً : تخزين البامية
بتجيبي البامية عادي جدااااااااااا وتقمعيها وتغسليها طبعا وبعدين تخلي مية تغلي علي النار وتعصري فيها ليمونة وتنزلي البامية يادوب ثواني وتشيليها علي طول علي مية بتلج ضروووووووووووووووري وتسيبيها لحد متبقي ساقعة اوي صفيها كويس وفي اكياس وعلي الفريزر
ثانياً : تخزين البسلة
بتجيبي البسلة وتفصصيها عادي وتغسليها وتصفيها كويس اووووووووووي وتجيبي جزر واغسليه وقشريه وقطعيه مكعبات وحطي بسلة علي الجزر وقسميهم في اكياس وعلي الفريزررابعا : تخزين ورق العنب
جيبي ورق العنب واغلي مية بحبة كمون صغيرين ونزلي ورق العنب ثواني وطلعيه علي مية بتلج واول ميسقع صفيه كويس وفي اكياس وعلي الفريزر من غير متشيلي عنقوداته ولا تفكيه اصلا لما تطلعيه عشان تطبخيه ابقي اعملي كدة
خامساً : تخزين الكرنب
هاتي الكرنب واغلي مية برضه بحبة كمون ونزلي الورق فيه لحد ميطري وشيليه علي مية ساقعة وبعدين امسكيه قطعيه علي مقاس مبتلفيه وبعدين كيسي وعلي الفريزر يادوب هتطلعيه يفك وتحشيه وتسويه
سادساً : خضرة المحشي
تجيبى الشبت والبقدونس والكزبرة يتغسلوا كويس ويتشال الجذور وبعدين قطعيها وكيسيها وعلي الفريزر ولما تحبي تستخدميها اوعي تطلعيها تفك ابدااااااااااا كدة هتنزل ميتها وهتبقي عاملة زي العجينة انتي حابة تستخدميها يبقي متطلعيهاش غير لما تكوني هتحطيها علي طول في الطبخ يعني تطلعيها مجمدة علي النار عدل
سابعاً : خلطة المحشي
بتجيبي بصل وتحطي سمنة علي النار واول متسخن انزلي بالبصل ولما يبقي ذهبي حطي عليه الطماطم المعصورة وملح وفلفل اسود وبهارات مشكلة وفي بهارات بتتجاب من عند العطار اسمها بهارات محشي وسيبيها لحد متتسبك وبعدين اطفي عليها وسيبيها لما تبرد خالص وشيليها في الفريزر ولما تحبي تستخدميها يبقي تطلعيها تحطيها علي النار وبعدين تحطي عليها الخضرة تاخد غلوة بالظبط واطفي وبعدين تكوني غاسلة الرز ومصفياه وحطيه عليها
ثامناً : الثوم
اظن ده مفيش اسهل منه جيبي التوم وفصصي وعلي الكبة افرميه وشيليه علي الفريزر حبيتي تستخدميه طلعيه قبل متستخدميه بخمس دقايق بالظبط هيفك بسيط وتاخدي اللي تاخديه والباقي شيليه تاني
تاسعاً : الليمون
اعصريه وحطيه فى مكعبات التلج واحفظيه فى برطمان فى الفريزر ولما تحتاجى طلعى مكعب
عاشراً : الطماطم
بصوا يا جماعة ناس كتير بتعصر الطماطم وتشيلها معصورة بس اللي بيحصل انها بتعمل طبقة مية كتيرة جدا فانا بعمل ايه بأه بجيب الطماطم واغسلها واقطعها اربع واحطها على النار بدون اضافات لحد ماتغلى وتنزل ميتها للنص بضربها فى الخلاط واصفيها واعبيها فى اكياس
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
نصائح تريح ست البيت
===========
1 . لو طعم الثوم كان زايد في الاكل و حسيتي انك مزوده الثوم اوي حطي على الاكل بشرة جنزبيل خفيفة .. هتقلل شوية من طعم الثوم الزايد في الاكل
2 . لو الرز اتلسع منك ( اساسي ) اوعي تجيبي المعلقة و تقلبي و تجيبي فوقيها تحتيها .. الي هتعمليه بالظبط الاتي :
هتجيبي رغيف عيش عندك .. و تشيلي الحلة من فوق النار خالص . و تحطي رغيف العيش على وش الحلة دقايق . عشان يمتص ريحة الشياط ..
طيب لو افترضنا ان معندكيش عيش ...
هتجيبي بطاطساية صغيره ,, و تقطعيها صوابع كانك هتحمريها .. و رشقيها في الحلة و غطي الحلة دقايق .. هتمتص بقي ريحة الشياط تماما . . وبعدين انقلى الرز اللي فوق من غير ما تكحتي الحلة .. في حلة جديدة سواء هيكمل تسوية أو لاء
طيب لو مفيش عيش ولا بطاطس .. ارمي الرز بقي واعملى واحد جديد .. عشان انتي كده خنقتيني
3 . لو بتديقك ريحة الجمبري وهو بيتسلق و بيأثر على ريحة البيت كله .. وهو بيتسلق حطى في ماية السلق كسبرة خضرة .. هتمتص الريحة الى حد كبير
4 . عشان تدي للفراخ وقت السلق نكهة جميلة و مميزة .. قبل ما تحطيها تتسلق .. احشي ما بين الجلد و لحم الفرخة نفسة .. خلطة عبارة عن .. بطل مفروم و ملح وفلفل و قرنفل و حبهان و عودين قرفة .. ادعكي الخلطة دي كويس في بعضها و احشي بيها الجزء الي قولتك عليه .. هتلاقي طعمها بعد السلق احلى
5 . لما تيجي تغسلى اي خضار .. هاتي طب
ق كبير و امليه ماية و معلقتين تلاتة كبار خل و معلقتين ملح .. وخطي الخضار 3 او 4 دقايق بس .. هيقضي على كتير من الجراثيم .. و هيسهل عليكي عمليه التنضيف
6 . لو عندك كمية كبيرة من الطماطم و قررتي تعمليها صلصة و تحفظيها في التلاجة .. هتفرميها و تصفيها عادي و تحطيها تتسبك عالنار .. عشان تحافظي على جودتها فترة اطول .. وهي في مرحلة التسبيك .. حطي عليها معلقتين صلصة طماطم جاهزة .. هتعيش معاكي اطول بكتير
7 . وانتي بتحمري بتنجان او فلفل او ممبار او فراخ او اي حاجة من الحاجات الي بتحدف زيت و تلسوع ايدينا دي .. وانتي بتسخنى الزيت في الاول قبل ما تحطي اي حاجة حطي معلقة ملح و قلبيها في الزيت .. هتقلل كتير من الطرطشة الي بتحصل دي .
8 . لو بتسلقى لوبيا او فاصوليا بيضاء .. متارميش ماية السلق .. ابقي خدي نصها مثلا في الصلصة الي هتعملى فيها الطبيخ . بتدي للاكل قوام و نكهة احلى من لما تستعملى شوربة عادية
9 . لما تيجي تعملى الفراخ البانية .. احنا بنحطها في البيض و بعدين نغطيها بالفيجيتار او البقسماط المطحون ..
مرحلة انك تغمسيها في البيض دي بقي .. هتجيبي البيضة او البيضتين الي هتستعمليهم . و اكسريهم في الطبق و حطي معاهم ربع كوباية حليب واضربيهم .. هتفرق معاكي في ايه بقي:
اولا : هتدي طعم لذيذ للفراخ الي المفروض انك متبلاها طبعا من فترة
ثانيا : هتساعد ان الفيجيتار او البقسماط مينفصلش عن الفراخ وقت التحمير
وعشان تضمني اكتر واكتر ان البقسماط او الفيجيتار ميسرحش في الطاسة و يسيب الفراخ او حتي البفتيك .. هتعملى الي قولتك عليه و تجيبي طبق كبير ترصي فيه البوفتيك او الفراخ البانية بعد ما غطتيها بالفيجيتار او البقسماط وحطيها في الفريزر عشر دقايق قبل التحمير .. اتحداكي لو فكت منك
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
(طريقة النوتيلا بنكهة البندق )
1 كوب قشطه -- نصف كوب سكر --6 ملاعق كبيره لبن بودره -- كيس فانيليا -- ظرف كريم كراميل -- 3 ماعق كاكاو نسكويك -- نصف كوب بندق محمص ومقشر --(ببساطه ) اطحني البندق مع السكر كويس وبعدين ضيفي كل المقادير في الخلاط مع ملقة زيت ذره واضربيهم مع بعض كويس وحطيه في برطمان محكم في الثلاجه
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
طريقة الفسييييييخ
هنغسله وتسبيه يصفي خالص لمدة ساعة ونحضر كميه من الملح وشويه شطه بارده ونقلبهم اما نحضر علبه بغطاء محكمه او اكياس نظيفه وبعدين نفتح الخياشيم ونحط الملح فيها وبعدين نرش عليه رشه الملح والشطه راقات علي كل رصه ونقفل الكبس ثم ندخله في اكياس ونقفل حوالي خمس اكياس وتحته طبق وبعد 3 اسابيع ونفتح وبالف هنا
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
تكات بالطبخ تخليه روووعة
1- للبسله المسبكه - قرب انتهائها وعندما تتسبك اضيفي لها 2 فص ثوم صحاح الطعم هيكون جنان
2-للكوسه المطبوخه والمحشيه- إضافة النعناع الناشف أو الأخضر يضفي نكهه مميزه جدا
3- لصينية البطاطس - أضيفي الثوم المدقوق والكسبره وجوزة الطيب المبشوره
4-للباميه اطحني الثوم مع الفلفل الرومي البارد وحمريهم في الزبده واضيفي عصير الطماطم
5- للملوخيه لا تغطيها وهي سخنه اتركيها تبرد بعد إضفة التقليه- حتي لا تسقط ولا تسود
6- للقلقاس - بعد إضافة السلق لا تتركيه يغلي - لونه يصفر
7-الخرشوف - لا تسلقيه كثيرا اذا كنتي ستقومين بتخزينه في الفريزر- وبصفه عامه الخرشوف يقدم مسلوق افيد واحلي من المطبوخ
8- للفراخ المشويه او الشيش طاووك اضيفي عصير الليمون بكثره في التتبيله
9-للكفته المشويه تتبل بعصير البصل فقط وليس بصل كاملا
10-للفراخ البانيه اضيفي الكاري البودر في التتبيله وفي بقسماط التغطيه
11-لورق العنب لا تكشفي غطائه وهو ساخن حتي لا يسود لونه(عكس الملوخيه) واضيفي الليمون اثناء التسويه
12-للبشاميل وانواع الصوصات البيضاء وشوربة الكريمه اضيفي جوزة الطيب المبشوره
13-للخيار المخلل اضيفي الكرفس وفصوص الثوم
14-تسلق المعكرونه لمدة 7 دقائق في ماء مغلي = 3اضعاف كميه المكرونه -اما المكرونه المستخدمه في صينيه بالبشاميل تحتاج لمزيد من التسويه
-15للبفتيك -يتبل ويغطي بالبقسماط ويدق ثم يغطي بالدقيق ثم البيض ثم البقسماط ثاني -يترك في الفريزرربع ساعه قبل القلي -ويطلع علي القلي علي طول ومش هاتشتكي تاني انه بيكش او قشرته بتتفك
16-للأرز بالبسله والجزر اسلقي البسله والجزر لوحدهم-سوي االأرز للنهاية وقبل التقديم أضيفي البسله وقلبيها جيدا -لو اضفتيهها في بدايه الطهو ستتهري وتعجن داخل الأرز
17-اللحمه البارده لا تسوي 100 % ياعني سوي الا ربع عشان ماتتهريش اثناء التقطيع- تبرد جيدا فى الثلاجه قبل التقطيع -تقطع رفيعه جدا بسكين حامي او سكين بالكهربه
18-لعمل حشو للبط او الدجاج(أرز أو فريك )لابد ان يسوي الأرز خارجيا ثلاثة ارباع تسويه ليكمل النضج بداخل الدجاجه او البطه
19-عند انضاج اي نوع من انواع اللحوم البيضاء لابد ان تبرد ساعتين علي الأقل قبل تسويتها وبعد ذبحها اي الا تطهي وهي لحمها ساخن - لن تنضج
20-سر الكفته المشويه -ليه بنقول مش زي كفتة الحاتي - استخدمي اللليه الضاني فوق الشوايه وبجوار الكفته مع فحمه وهاتبقي احلي من بتاعة الحاتي
21- لعمل العصاج افرمي البصل واضيفيه مع اللحم المفروم في مقلايه تيفال قلبي علي نار هادئه وقلبي حتي يتغير لونه اتركيه ينزل مائه -اضيفي التوابل وقلبي جيدا -ياعني بدون اضافه دهون نهائيا -ينفع للدايت ولا يجعل الكبيبه تفك -ويقلل السعرات الحراريه للأطباق مثل المكرونه بالبشاميل
22-لمنع الغازات اضيفي الكرفس لشوربة العدس والكمون لمحشي الكرنب
23-تسلق جميع انواع البقول في ماء وتصفي ويتم تغيير الماء عند التسويه او التسبيكه -وذلك لمنع مغص القولون العصبي
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
للبشاميل عشر اسرار تعرفي عليها
عشان الذ بشاميل جربى معايا الافكار ديه
السر الاول
وانتي بتحمري الدقيق في الزبدة ضيفي ربع ملعقة قرفة مطحونة وشوفي ازاي هاتفرق في الطعم
السر الثاني
ركزى بقى فى النقطه ديه عشان البشاميل ميكلكعش منك ... سيبى الدقيق اللى حمرتيه يبرد شويه قبل ما تضيفى اللبن
السر الثالث
خلي اللبن يكون دافي وانتي بتضيفيه للدقيق مع الخفق لحد ما يدوب القيق فى اللبن و ميبقاش فيه و لا كلكوعه و بعدين حطيه على النار و افضلى قلبى فيه لحد ما يديكى القوام اللى انتى عاوزاه
السر الرابع
والبشاميل لسة بيتعمل على النار ضيفي عليه 3 معالق قشطة او كريمه لباني وشوفي الطعم الخيالي
السر الخامس
لو عاوزة الباشميل يكون له نكهة مميزة ابشري قطعة جبن رومي اوشيدر وضيفيها على الباشميل وهو بيستوي
السر السادس
ضيفي ربع ملقعة صغيرة بيكنج بودر على البشاميل تخليه هش وناجح جدا
السر السابع
افضل انك تستخدمي فلفل أبيض بدل الفلفل الاسود لو هاتضيفي ليه بيض حيخلي فيه نكهه مميزه
السر الثامن
اذا حسيتي انه خفيف معاكي دوبي معلقة نشا في ملعقيتن لبن وضيفيها عليه لحد ما توصلي للقوام المطلوب
السر التاسع
اللبن الي هاتضيفيه للبشاميل اغلي معاه عود قرفة وعود قرنفل وحبهان وقطع جزز وكرفس واتركيه يدفى وبعدين استخدميه للبشاميل
السر العاشر
علي وش البشاميل ضروري حطي قشطه او كريمه لباني لطعم بياخد العقل
جربى و ادعيلى يافرفوشة منك ليها
للبشاميل عشر اسرار تعرفي عليها
عشان الذ بشاميل من ايدك الحلوه جربى معايا الافكار ديه
السر الاول
وانتي بتحمري الدقيق في الزبدة ضيفي ربع ملعقة قرفة مطحونة وشوفي ازاي هاتفرق في الطعم
السر الثاني
ركزى بقى فى النقطه ديه عشان البشاميل ميكلكعش منك ... سيبى الدقيق اللى حمرتيه يبرد شويه قبل ما تضيفى اللبن
السر الثالث
خلي اللبن يكون دافي وانتي بتضيفيه للدقيق مع الخفق لحد ما يدوب القيق فى اللبن و ميبقاش فيه و لا كلكوعه و بعدين حطيه على النار و افضلى قلبى فيه لحد ما يديكى القوام اللى انتى عاوزاه
او
لو عملتيه بالطريقه التانيه
يبقي اللبن بارد والدقيق بارد وتقلبي كويس وتحطيه علي النار بس بتحطي الدقيق تدريجيا ياقمر
السر الرابع
والبشاميل لسة بيتعمل على النار ضيفي عليه 3 معالق قشطة او كريمه لباني وشوفي الطعم الخيالي
السر الخامس
لو عاوزة الباشميل يكون له نكهة مميزة ابشري قطعة جبن رومي اوشيدر وضيفيها على الباشميل وهو بيستوي
السر السادس
ضيفي ربع ملقعة صغيرة بيكنج بودر على البشاميل تخليه هش وناجح جدا
السر السابع
افضل انك تستخدمي فلفل أبيض بدل الفلفل الاسود لو هاتضيفي ليه بيض حيخلي فيه نكهه مميزه
السر الثامن
اذا حسيتي انه خفيف معاكي دوبي معلقة نشا في ملعقيتن لبن وضيفيها عليه لحد ما توصلي للقوام المطلوب
السر التاسع
اللبن الي هاتضيفيه للبشاميل اغلي معاه عود قرفة وعود قرنفل وحبهان وقطع جزز وكرفس واتركيه يدفى وبعدين استخدميه للبشاميل
السر العاشر
علي وش البشاميل ضروري حطي قشطه او كريمه لباني لطعم بياخد العقل
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
تكات فى المطبخ بس تتطلع عشان احلى منتدى :)
*******************************
اما بشوي البطاطا في الفرن بخرمها كتيير بالشوكة علشان بتنزل العسل اللي جواها
وجربي كده اخرمي واحدة وواحدة لا وهتشوفي الفرق في الطعم
اللي بتكون مخرمة اكييد طعمها هيكون احلى
الفانيليا
يا سلام عليها لو ضيفناها على اي حاجة بتخليها خيال
على العصاير خصوصا لو اي حاجة فيها لبن
بلح_جوافة_موز اي عصير هتحسي طعمه زي اللي بتشربيه في احلى الكافيهات
وعلى البشاميل
وعلى عجينة البيتزا طعمها بتكون ولا بيتزا هت
وممكن نضيفها على الفيشار
اما بسيح السمن بضيفله ورق لورى وحبهان
بيديله ريحة حلوة اوي ويتخزن لمدة سنة بنفس الريحة
صلصة الكشري اما تخلصيها أعمليلها طشة توومة بكزبرة كتيير بتفرق في طعم الكشري كله
اما تشتري اللبن وتحسي او تشكي انه ممكن يكون رايب
او هيروب وهو بيغلي اول ماتحطيه عالنار ضيفيله رشه بيكنج بودر كبيرة وقلبيها فيه
ان شاء الله مش هيروب خالص
حفظ الخضروات الورقية زي الشبت والبقدونس والجرجير أغسليهم ونشفيهم في فوطة نظيفة بس مش يكون فيه نقطة مية واحدة ولفيها في ورق ابيض نظيف مش كيس علشان الكيس بيعمل بخار مية وينزل عالخضار يسوده ويبوظه
بواقي الكيك
لو عندي بواقي كيك فتتيه واعمله تورتة جيلي
بعمل في قالب جيلي واما يجمد بفتت عليه نص الكيك وبعدها طبقة كريم شانتي وبعد كده باقي فتافيت الكيك واصب باقي الجيلي واسيبه يبرد في التلاجة تاني
الملوخية ضيفى لها كزبرة خضرا وتتخرط معاها بتكون لذيذة اوي
اما تخزني خضار او فاكهة في الفريزر ما تنسيش تخرجي الهوا اللي في الكيس علشان الحاجة اللي جوا ما تسودش وتفضل محتفظة بلونها
لو عاوزة تعملي اكلة شكلها شيك وموفرة في نفس الوقت ممكن تعملي الشيش طاووق بس بدل الفراخ تحطي بطاطس مكعبات وطعمها يجنن وشكلها جمييل
لو عندك بواقي رز ممكن تضيفي عليه بيضة وبهارات وتعمليها في الكبة تكوريها زي الكبيبة وتفتحيها من النص وتحشيها جبنة بزيتون وفلفل وتقليها في زيت
التكة 12
لو السويسرول اتكسر او اتفتت منك وانتي بتلفيه اعمليه تورتة مستطيلة اقسميها اتنين بالطول واعمليها زي ما بتعملي التورتة عادي احشيها كريم شانتي من النص وضيفي النص التاني وزوقيها على زوقك
تكة 13
لو هتعملي رز بالخلطة ومكسلة تعملي الكراميل ممكن تضيفى معلقتين عسل اسود طعمه بيكون حلو اوي بجد
 

ABOTARBO

أنت تضئ سراجى
مشرف سابق
إنضم
21 نوفمبر 2009
المشاركات
30,377
مستوى التفاعل
2,099
النقاط
0
الإقامة
Je rêve que je suis un papillon
شوية تكات بسيطة لكن الطعم هيفرق
1-عايزة الملوخية مزبوطة حطى ذرة سكر فيها وحطى فصين توم.مدقوقين نيين غير التقلية ومعاهم كزبرة ناشفة غير اللى فى التقلية
2-عايزة السمك والجمبرى المقلى متقرمش ومتماسك بعد الدقيق قبل التحمير هاتى طبق فيه مية غطسيه فى المية واحدة.واحدة بسرعة وحطى على النار...لالالالا مش هتطرطش خالص لاتقلقو لأن المية بتلزق فى الدقيق وتثبته
3-الكرنب عشان يبقى اطعم حطى فى الشوربة اللى هتتشربه توم مدقوق وكمون ومعلقتين صلصة
4-البامية عشان تبقى احلى حطى التوم على مرحلتين مرحلة مع تشويح البصل والمرحلة التانية مع الطماطم المعصورة وخليها كلها بالطماطم بلاش صلصة صناعية تبقى احلى
5-سلطة الكول سلو او الكرنب حطى مع المايونيز زبادى وسكر طعهمها هيبقى زى المطاعم بس سبيها فى التلاجة الأول كام ساعة فى الخليط
6-البهارات الصحيحة قبل ماتطحنيها شوحيها ع النار طعمها هيبان اكتر
7-البيتزا حطى على اطرافها زبدة وتوم بودرة متسيحين فى المايكرويف كلهم هياكلو الأطراف مش هيسيبوها بس إحشيها بجبنة
8-التومية حطى نشا متدوب فى مية ع النار لما تبقى مهلبية سيبيه يبرد وإضربيه مع فصين توم وخل وبعدين زيت طعمها افضل
9-ماتحطيش لمون خالص بقشره على صوانى السمك او الجمبرى او فى الشوربة فى النار الطعم هيبقى مر ضفيه بعد مايستوى المقصود القشر فقط
10-الكبدة الاسكندرانى حطى عليها طحينة قبل السوا حبة صغيرين
هفتكر حاجات تانية واقولكم عليها جربو التكات دى...
 
أعلى