رد على: ترنيمة أحنا كلنا ملايكة
ممكن الاقى عندك الترنيمة دى؟ هى قديمة أوى وربنا يعوضك
1- احنا كلنا ملايكه كلنا نعمة كلنا بركة
ندخل بشويش في الكنيسة من غير دوشه من غير هيصة
ق:صوتنا واطي واطي واطي ما احنا كلنا ملايكه
2- ندخل على طراطيف صوابعنا أصل بابا يسوع شايفنا
في بيته الحلو مجمعنا وأمام الهيكل سجدنا
3- مش ممكن نجري ولا نهيص ده بيتك يارب مقدس
باركنا يارب وعلمنا نحافظ على كنيستنا
4- احنا الملايكه الحلوين قاعدين كده متطمنين
بعناية ربنا محروسين شاكرين ربنا كل حين
أنا طلبت الترنيمة دى بس ماحدش رد عليا... طب لو سمحتم محدش حتى يعرف اسم الشريط؟ :75_75:
وليا طلب تانى وهو لو حد عنده الترنيمة دى...
ق: فى يوم من الأيام وأنا نائم فى سلام
شفت ثلاث رهبان ومعاهم جندى كمان
فى يوم من الأيام وفى أجمل الأحلام
شفت ثلاث رهبان ومعاهم جندى كمان
1- الأول دقنه بيضة عجوز وفى أيده عصاية
قاعد فى مغارة بعيدة وفى أيده ثانية وصايا
فيها تعاليم كثيرة بتحذر من الخطايا
دا حبيبى الأنبا أنطونيوس اللى بركاته معايا
وبسرعة جريت عليه بست الصليب فى أيديه
وقال لى أوعى تنسى اللى وصيتك بيه
2- الثانى أسود على ظهره كان فى شوال كبير
شايله وماشى على مهله بيوقع منه كثير
بيقول ده خطايا عمرى نساها لى الشرير
دا حبيبى الأنبا موسى اللى مادانش الغير
وبسرعة مشيت معاه شايل الشوال وياه
وقال لى أوعى تنسى محبة الخطاة
3- الثالث شفته راكع على الأرض شوية
قاعد جوه قلايته مع طشت كان فيه ميه
قدامه يسوع بعظمته يغسل له رجله الغالية
دا حبيبى الأنبا بيشوى صاحب المحبة العالية
بسرعة رحت له جرى قال لى استنى أنا جاى
وقال لى أوعى تنسى محبة كل حى
أرجو أن حد يرد عليا المرة دى حتى لو يقول ان الترانيم مش موجودة وربنا يعوضكم