ما هي سلبيات او ايجابيات الزواج من امريكي او امريكية ؟؟ سؤال للجميع

عادي الزواج من اجنبيات مافيها شي اذا كانت الاسباب:
* شاب له سوابق في الدوله ومرفوض ومالقى حد ياخذه من حقه يلجأ لخارج الدوله لتكوين اسره بعد وعليه يبغي يعرس0

*شاب سافر خارج الدوله للدراسه واعجب (باخلاق) بنت وحب انها اتكون شريكة حياته وخطبها من بيت (ناس سنعين محترمين وبنتهم متربيه عدل) مافيها شي اذا تزوجها لان كفئ انها اتكون ام لعياله وحاشمه عمرها00 خير صدفه من الف ميعاد
*شاب اهله من دوله اخرى وعندهم علاقه اسريه فعادي يتزوج وحده تقرب له من دوله ثانيه مافيها شي

(0 ترى وايد من ناس اجاويد كانو ماخذين من خارج الدوله وعيالهم الي ماسك منصب والي عندها شهاده عليا والام التزمت وحافظ على تقاليد البلاد اكثر من اهل البلد نفسهم يعني الظليمه شينه 00


ولكن ما أيد الزواج من اجنبيات اذا كان:
* الشاب راعي حركات وسلوك منحرف ويسافر بره يجيب وحده ارده منه وسلوكها منحرف هذا الشيئ الي مرفوض ناقصين عاهات بالبلاد 0

*شاب شايف الممثلات في التلفزيون وماخذ مقلب في بنات البلدان الثانيه انهم جذيه فيروح على العمياني ويتزوج عاد حظه نصيبه زينه شينه يمشي الحال0

*شاب مدعي ان المهور تعيق الزواج وهذا كلام فاضي فاضي فاضي الي بيحط بعقله الزواج بيطلع الفلس من تحت الارض لكن الي كل اشوي مطلع عذر عمره ماراح يتزوج00

* وشاب الله يعينه على مخه كل اشوي ابغي وحده تشبه باريس هيلتون وابغي وحده تشبه نانسي عجرم ومادري من من هالمسبلين بعمرهم مادري هل هالشاب الي يطلب الزواج بهذي الموصفات هل اهو يشبه جورج كلوني ولا بيكهام ولا فان دام مثلا" هذا النوع من الشباب مسكين وايد لان عقله بح متأثر بالغرب وايد 000

يعني هذي اهم الاسباب الي ممكنه والغير ممكنه للزواج من خارج الديره
واختمها بحديث الرسول :عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ

أنقر للتوسيع...