قرار الهجرة دا انا ما فهمتش قصدك منه ايه بس ما علينا...
عالمة ذره تعتني بابنها الصغير لفتره معينه من الوقت دا ضروري انما تلغي كيانها بالكلية تماما لاجل ارضاء زوج حانق علي المرأه و نجاحها غلط..الواحدة تضحي للشخص الصح الي يستاهل و للسبب الصح...يمكن دي مش نظره فيمينست اوي بس انا مش عبدة اي منطق انا عبدة عقلي بس!
ابن الواحده نور عينها لو مافيش امها او امه ترعاه تسيب شغلها سنتين تلاته لحد ما يبطل رضاعه و يتنيل يروح مدرسته هههههههههه...التضحية لاجل ابن ممكنه انما لاجل زوج حاقد علي نجاحي نفسه يلغيني غلط.ايه يا راجل..متضرر من شغلي ليه؟ بشتغل شغل محترم ...بروح الكباريه يعني هههههه والله حصلت معايا و رفضت اكمل للسبب دا انا حد محترم و بشتغل في مكان محترم اسيب ليه شغالة في البار و لا هوا لازم اترزع في البيت زي الكرسي و اقعد زهقانه و في فراغ و اقعد اكل و ابقي 500 كيلو و جوزي برا عايش حياته....غيران من شغلي مانا ممكن اعمل بلاوي و انا في بيتي عادي يعني...مخافه الرب هي اهم شئ بيعصم الشخص...
و الواحده ستخلص بتربية البنين دي جمله ليها معني روحي عميق جدا و توجيه تربوي سامي من سيدنا بولس الرسول الي برضه كان عايش من 2000 سنه مش دلوقتي....
معناها ان لو الواحده جاهدت في تربية ابنها تربية مسيحيه صالحه و علمته محبه الرب و مخافته من الصغر و خلته فرد صالحة فدا هيكون سبب بركة و خلاص ليها ...انما افرض واحده مالهاش بنين يبقي مش هتخلص؟ و افرض واحده ربت ابنها تربية فالته مفهاش للرب مكان هتخلص برضه؟ واحده بوذية او ايزيدية ربت ابنها هتخلص بيه؟ لا طبعا
الاية معناها انه الابن الصالح الي امه هتربيه و تكافح في غرس قيم الكتاب المقدس في قلبه و هيطلع خائف الرب صالح دا هيكون سبب بركة ليها هيا و خلاص ليها...
و بعدين ايه علاقه الهجره بالبنين...افرض انا واحده معنديش بنين ما اهاجر براحتي بقي!...واحده نذيرة للرب او مكرسه ما اتجوزتش و لا خلفت حبت تغور و تهاجر ايه المشكله ساعتها ههههههه ايه مشكلتك يعني مع الهجرة..المحرم؟
الايه بتاعت سيدنا بولس الي بتقول ان المرأة ستخلص بولادة البنين دا توجيه للي خلاص خلفت و عندها ولاد و تكون اصلا تقية و مؤمنه انما واحدة معندهاش عيال مثلا لاي سبب:smi411: ايه بقي و فين المشكلة هنا
لازم تجيب عيل عشان تخلص؟ حتما لا الاية فيها توجيه تربوي للام كل تكون مخلصه في تربية ابنها...مخلصه بنهج مسيحي مخلص ...و الا فكل الامهات لهن بنين و كل الامهات رحيمات...حتي العاهرات منهن..و لكن سبب الخلاص هو زرع قيم الانجيل و مخافه الرب في الطفل منذ الطفوله لكي يشب علي محبة الرب
اي كلام في الكتاب المقدس هعملها لك مناظره و ابوظ موضوع اخويا الجميل بيس 86 الي اصلا طلب يكون النقاش عام لا علاقه له بالدين نظرا لان هناك مسلمين مثل الاخت الجميلة هيفاء او ملحدين او اننا كمسيحيين اصلا فينا طوائف فيها اختلافات عقيدية سوء كانت قليله او كتيره
مشكله كمان
حضرتك فهمك للكتاب المقدس يعوزه العمق....الحرفيه الشديده جدا في فهم الكتاب ادت باليهود الي رفض المسيح نتيجه عدم التعمق الروحي في فهم النبؤات الكتابيه...
بس كدا
ربنا يباركك و اوعا تزعل مني!
سلام المسيح للكل
التعديل الأخير: