"تكلمت إليكِ فى راحتكِ. قلتِ لا اسمع. هذا طريقكِ منذ صباكِ أنكِ لا تسمعين لصوتى" (إر21:22 )
وقّف طول بـالك ليش مش سائل عن حالك ناسي إنه جاى نهار بجهلك راح توصل عالنار
سـاعتهـا شو راح بيفيدك لـو دهـبك قـنـطار صدقني راح تخسر حالك لـو كـنت تُقـلك اموالك
جايي يوم وراح بتوقف قدام الديـان فكرك اعمالك بتخفف عنك يا انسـان
من ميلة بتعطي الفقـيـر ومن ميلة بتسكر وبتزني وبتعمل حسنات كتـير وعن شهواتك ما بتستغني
مين قلك انه بأعمالك قـادر إنـه تخلص نفسـك كل كلمة فيه عليها حسـاب حاجي تتخبى بخيالك
فتح لي إذنيك منيح إسمعني شـو راح قلك كرمالك (من أجلك) صلبوا المسـيح حتى إنت ما تهلك
مـات ودفع حسابك عنك حماك من الموت وصانك هلق كل شي بيطلب منك إنـك تعـلـن له إيمانـك
لا أموالك ولا أعمالك تقـدر تـرفع عـنك ذنبك ســلم نفسك للي حـبـك واللى سلم نفسـه كرمالك
أحبائى
مستعجبين ايه الضيقات و المشاكل اللى ورا بعضها كدا. متستعجبش حبيبى. الرب بيقول تكلمت اليك فى راحتك قلت لا اسمع. ربنا حاول كتير و الدنيا هاديه حواليك و رحبه يكلمك وانت و لا هنا ماشى فى طريقك و دايس. العالم مالى قلبك والاشياء اللى فيه مزغلله عينيك. الرب بيحبك علشان كدا مش هاين عليه يتركك لفكرك اللى قايده ابليس لهلاك نفسك. الكتاب بيقول "لانه كما علت السموات عن الارض هكذا علت طرقي عن طرقكم وافكاري عن افكاركم" (اش9:55). علشان تمشى فى سكة ربنا و فى رضاه لازم تقرا كلمته علشان تعرف ماذا يريد الرب منك ان تفعل. متسألش غيرك لأن بطرس بعد ما قال للمسيح انت هو المسيح ابن الله الحى رجع قال للرب حاشاك يا رب ان تُصلب و الرب انتهر ابليس اللى اتكلم على لسانه بعد كدا بجمله واحده بس. متستهونش بإبليس دا ممكن يجيلك فى شكل ملاك نور و يخلى لك البحر طحينه. علشان كدا ربنا بيطالبنا نصحى لنفسنا و منجهلش افكار ابليس و نلتصق بالرب و بكلمته لأن الرب وحده هو اللى يضمن طريقك و يحفظك من حيل ابليس. إزاى؟ بإنك تتعرف على الرب يسوع من خلال كلمته الحيه اللى بتشهد عنه و عن محبته ليك. و الحقيقه ما حدش يقدر يوصل ليك محبة ربنا و فكر ربنا غير ربنا نفسه فالموضوع محتاج انك انت بنفسك تاخد من ايد ربنا نفسه, دا إعلان شخصى ليك انت من خلال الكلمه الحيه و الفعاله و اللى امضى من كل سيف ذو حدين. بجد. اصل ابليس شرير جدا جداً و ممكن يخدعك بطرق حتى لن تتخيلها. علشان كدا محتاج تلتصق إلتصاق شديد بالرب إلهك علشان ربنا من رقته, صوته زى الهمس, هادى جدا فهتسمعه بس لما تهدى خالص مع نفسك و تسكت صوت كل الناس و حتى صوتك انت شخصياً علشان تسمع صوت الله وحده اللى هيقودك الى بر النجاة. لكن انا بحذرك النهارده انك تمشى ورا اى حد حتى ورايا انا. انت محتاج تختبر بنفسك اللى بنتكلم عليه. دى اختبارات شخصيه مع الرب الهك. انت العروس و هو العريس و مينفعش حد ابدا يدخل بينكم حتى اقرب الناس الى قلبك. بص ايوب بيأكد اللى بقوله لك "ها إن ذا قد بحثنا عنه. كذا هو. فإسمعه و إعلم أنت لنفسك." (اي 26:5) "و عندنا الكلمه النبويه و هى أثبت التى تفعلون حسناً إن إنتبهتم إليها كما الى سراجٍ منير فى موضع مُظلم الى ان ينفجر النهار و يطلع كوكب الصبح فى قلوبكم."( 2 بطرس1:19). اهل بيريه مدحهم بولس قائلاً "وكان هؤلاء اشرف من الذين فى تسالونيكى فقبلوا الكلمه بكل نشاطفاحصين الكتب كل يوم هل هذه الامور هكذا." (أع 17:11) هو دا اللى ربنا عاوزه منك تختبره شخصياً, الزيت اللى فى انيتك مينفعنيش و الزيت اللى فى انيتى مينفعكش "إعلم انت لنفسك". الله جواك فمتدورش عليه براك زى البابا شنوده ما قال فى قصيدته
اغلق الباب وحاجج في دجي الليل يسوعا واملا الليل صـــــلاهوصراعــــــــاودموعـــــــا
أيها الحائر يا مــــــــن تهت في فكرعميق تسأل الناس وتشكو صارخا أين الطريـــق
هل وجــــدت الحل يا مسكين والقلبالشفيق
هل أزال النـــــاس ما عندك من هم وضيـــــق؟!
يا صديقي: سوف لا يجديفي الدنيـــــــــا صديـــــق
ليس عند الناس رأى ثابت شـــــــــافيليـــــق
إنما عندي علاج قد خبرناه جميعا اغلق الباب وحاجج في دجى الليليسوعا
و املأ الليل صلاة و صراعا ودموعا
أيها المصلح يا من تملأالدنيا لهيبا ثائرا للحق والإصلاح محتدا غضوبا
كم لقيت العنت والتجريح والقول المعيبا تحمل اليوم صليبا و غدا أيضا صليبا
يا صديقي : إن مضى الوقتنزاعا وحروباو استمر الحال مثل الأمس صعبا وعصيبا
فأدخل المخدعواركـــــــــع و اسكب النفس سكيبا
قل له اشتدت وضاقت فأفتح الباب الرحيبا
قل له يا رب إني عاجز لن استطيعا
واعرض الأمر وحاجج في دجى الليل يسوعا
و املأ الليل صلاة و صراعا ودموعا
حبيبى المسيحيه دى مش ديانه تعمل حاجات كويسه علشان كَفِتك تطب - لا يا حبيبى. الله ما تنازلش كل التنازل دا علشان فى الآخر تبقى علاقتك بيه من بعيد لبعيد. الله مش عاوز اعمال ايديك دا عاوزك انت بشخصك. انت و مش اللى جنبك و مش اللى وراك ولا اللى قدامك و مش القديسين اللى بنعرفهم. هو خلاص بطل يعمل غيرهم؟ دا انت فى ايده تخرج اعظم قديس على وجه البسيطه. دعوتك بإسمك انت لى. الكلام ليكى يا جاره: مش بس لمارجرجس و مارمرقس و الانبا كيرلس و الانبا شنوده. حبيبى انت غالى جدا على قلب الرب و مش واحد فى الزحمه و مش العدد فى الليمون. دا بيقول لك "قبلما صورتك فى البطن عرفتك" يا حبيبى الناس كلها بتتلهف على الحب. بتدور فى كل مكان لعلها تجد محبه حقيقيه صادقه بلا غرض و بلا شروط و بلا قيود و بلا تغيير. حبيبى أأكد ليك لا يمكن - سامع لا يمكن - تجد هذه المحبه غير عند المسيح اللى الكلمه المقدسه تقول عنه و نحن بعد خطاة مات المسيح لأجلنا. اولا مات و هو البار و انت الاثيم. تقولى ما هو مات من اجل الكل اشمعنى بتكلمينى انا. ارجع و اقولك لو كنت الوحيد فى كل الارض كان برضه مات علشانك. ليه؟ لأنك غالى.
هللويا انا غالى فى عينيك حلو بحالى عمره ما بيضيع جمالى لو للحظه فى عينيك
هللويا فيك شفائى رغم نقصى رغم دائى رغم كل جروح فى نفسى دا علاجى فى ايديك
هللويا انت برى رغم عارى انت سترى رغم ذلى رغم فقرى انت لى و انا ليك
هللويا انى ملكك انى اخصك انى قدسك مش لحاجه حلوه فى دى محبه ثابته فيك
بص يا سيدى. لو عندك 5 عيال و تاه منهم واحد هتقول مش مهم ما انا عندى لسه اربعه و الا هتجرى تدور علي الواحد اللى تاه بكل جهدك. طبعاً هتقلب الدنيا عليه. ليه؟ إسأل نفسك ليه؟ لأن الضنا غالى. اللى منكم متجوز و عنده اولاد يفهم كويس اللى بقوله دا. كل ابن صغير كان او كبير مؤدب او حتى غير مؤدب, صحته كويسه او مريض, عاقل او حتى مجنون والا منغولى: هتلاقيه غالى جدا جدا جدا على قلب ابوه و امه. دا الطبيعى لأن الله حط فى قلوبنا حته صغيره قوى من المحبه اللى جوه قلبه الكبير لينا كأولاد احباء ليه. إذا كانت دى محبتنا لأولادنا و احنا خطاه فكم و كم حب الله اللى هو خالق المحبه بل هو المحبة ذاتها. و الكتاب بيأكد المعنى دا و يقول " فان كنتم وانتم اشرار تعرفون ان تعطوا اولادكم عطايا جيدة فكم بالحري ابوكم الذيفي السموات يهب خيرات للذين يسألونه" (متى 11:7) و بيدى خيرات ليه؟ و بيسمع لينا ليه؟ لأننا اولاد احباء. مش احباء علشان بنعمل حاجه كويسه ابدا. دا حتى الكتاب بيشهد عننا و يقول وانتم اشرار!!! بيحبنا ليه لأنه الله المحبه و محبته كانت مش بالكلام لكن بالفعل و العمل لما مات بدلا عنك على الصليب لكى لا يهكك انت يا حبيب الرب
الله هو أبويا وأنا على قلبه غالى الله هو أبويا و دارى بكل حالى
إذا كان بنفسه نسبنى ليه و مين يهز إيمانى بيه
ودا مش أمل و لا رأى و لا فكر فى خيالى بأرتاح إليه
بحق دم إبنه اللى سال بحق سلطانه عالمحال بحق حب فاق الخيال
و مهما جانى العدو و قال و مهما قال
لا يتوصف إحساس بإنى منتسب لله و يقين بيجرى فى عروقى إن لىَ حياة
لا مجال للشك فى حضوره اللى يسبى أو وضوح صوته يقولى إنت إبنى
معنى بيخلينى فى الضيقات أسلم ألقى نفسى فى عز تجربتى أرنم
إذا كان بنفسه نسبنى ليه و مين يهز إيمانى بيه
ودا مش أمل و لا رأى و لا فكر فى خيالى بأرتاح إليه
بحق دم إبنه اللى سال بحق سلطانه عالمحال بحق حب فاق الخيال
و مهما جانى العدو و قال و مهما قال
لا يتوصف إحساس بإنى منتسب لله و يقين بيجرى فى عروقى إن لىَ حياة
لا مجال للشك فى حضوره اللى يسبى أو وضوح صوته يقولى إنت إبنى
معنى بيخلينى فى الضيقات أسلم ألقى نفسى فى عز تجربتى أرنم
عارفين ليه الناس الغريبه مش قادرين يصدقوا ان الله ظهر فى الجسد. لأن الناس مش قادره تدرك ان ربنا دا أب واى أب!!!و انه علشان هو أبونا لما ادانا الحريه و احنا اسأنا استخدامها اضطر يتدخل ويشيل هو مسئولية نتيجة الخطيه و القصاص ياخده من نفسه. لأنه لم يحتمل فكرة هلاكى الى الابد و الحل البديل الوحيد كان انه ياخد موتى علشان يقدر يدينى حياته. محبة ربنا لينا قويت عليه و غلبته اه صدقونى غلبته. علشان كدا ضحى بكل مجده. و هما بيقولوا ازاى ربنا يتضرب و يتلطم و يتهزأ و يموت. اه لو يعرفوا و يتفتح مخهم و تستنير عينيهم فيفهموا عظم المحبه اللى الكتاب بيقول عنها "..حتى تستطيعوا ان تدركوا مع جميع القديسين ماهو العرض والطول والعمق والعلو و تعرفوا محبة المسيح الفائقة المعرفه" (اف 18:3) علشان كدا بقول ان الموضوع محتاج اعلان الهى و ما حدش يقدر يأتى الى المسيح ان لم يجتذبه الآب اولاً و لا احد يقدر ان يقول يسوع رب الا بالروح القدس.
"ما الذى جعلك ترضى بذلك ايهان العظيم؟ ايذل الممجد؟ ايوضع المرتفع؟! يا لعظم حبك. نعم هو حبك العظيم الذى جعلك تقبل إحتمال كل ذلك العذاب من اجلى أشكرك يا إلهى و تشكرك عنى ملائكتك و خليقتك جميعا لأنى عاجز عن القيام بحمدك كما يستحق حبك. فهل رأينا حباً اعظم من هذا؟ فإحزنى يا نفسى على خطاياك التى سببت لفاديك الحنون هذه الآلام. إرسمى جرحه امامك و إحتمى فيه عنما يهيج عليك العدو. فإعطنى يا مخلصى ان اعتبر عذابك كنزى و إكليل الشوك مجدى و اوجاعك تنعمى و مرارتك حلاوتى و دمك حياتى و محبتك فخرى و شكرى. يا جراح المسيح إجرحينى بحربة الحب الإلهى. يا موت المسيح اسكرنى بحب من مات من اجلى. يا دم المسيح طهرنى من كل خطيه. يا يسوع حبيبى اذا رأيتنى عضوا يابسا رطبنى بزيت نعمتك.ثبتنى فيك غُصنا حيا ايها الكرمه الحقيقيه. و حينما اتقدم لتناول اسرارك إجعلنى مستحقا لذلك و مؤهلا للإتحاد بك. (القداس الإلهى)
انت بقى يا حبيبى بتحبه بالكلام و الا بالفعل و العمل. لو بتحبه احفظ وصاياه واحياها. اتبعه فى كل طرقه زى ما سلك المسيح اسلك انت ايضا فى حياة جديده بتوبه حقيقيه لمجده. لو بتحبه ابعد عن الدنس و كل ما يثيرك لكى لا يتدنس ذهنك او خيالك او كيانك. لو بتحبه امسك فى كلمته المقدسه و اخدمه خدمه بلا غرض لمجده مش لمجدك ." طوبى للرجل الذي تؤدبه يا رب وتعلمه من شريعتك"(مز12:94) "طوبى لحافظي شهاداته . من كل قلوبهم يطلبونه" (مز2:119)" طوبى للكاملين طريقا السالكين في شريعة الرب" "طوبى للحافظين الحق وللصانع البر في كل حين"(مز3:106) "طوبى للشعب العارفين الهتاف . يا رب بنور وجهك يسلكون"(مز15:89) "طوبى لاناس عزهم بك . طرق بيتك في قلوبهم"(مز84:5) "طوبى للرجل المتقي الرب المسرور جدا بوصاياه" (مز 112:1) يا بختك و يا هناك و يا سعدك لو فعلا حبيت الرب من كل قلبك و سلمت نفسك بالكامل ليه و كان هو متكلك و سندك و عزك و ترسك و حياتك و كل اللى ليك فى السما و على الارض. دا انت تعيش السما على الارض و قلبك يبقى مش سايعاه الفرحه و حياتك تكون مجد فى مجد. امتى بس لما عينك تتفتح عليه و تعرفه فتعرف قد ايه بيحبك و محبته تملى قلبك. هتشوف العجب صدقنى. مبارك انت يا رب و مبارك هو قلبك الكبيراللى بيحتملنا فى جهلنا و فى ضعفنا و فى عنادنا و فى شرودنا و مباركه هى محبته اللى كلها اسرار. ليك كل المجد يا سيدى. ليك كل المجد. آمين.
خطاة تعالوا تعابى تعالوا انا فاتح ايدى
الله المحبه الله اللى كلم موسى وايليا بينادى تعالوا جميعا تعالوا تعالوا الى
إسأل نفسك ازاى عايش فى الدنيا دى أحزان كتيره وهموم غزيره ويا الخطيه
دايماً فى حيره وخايف من الأيام اللى جايه مهما العالم ضحك فى وشك الحيره هى
أنا بحبك ودليل حبى جروح إيدى ياما يحزنى إنك تفضل العالم على
إن كنت عايز تعيش فرحان ضامن الابديه غير طريقك توب عن شرورك إرجع الى
__________________
