كلمات ترنيمة يسوع - بقلمي

يسوع انت الهنا حي
مالي حياتنا ضي
ملكش في الدنيا زي
جمالك يا يسوع فتان
وقلبك بالحب والحنان مليان
وتفضل طول العمر علينا سهران
وادي ايام وشهور وسنين بتعدي
ومراحمك تجدد كل صباح
وانا عنها غفلان
بيك يا يسوع نجتاز الجبال ونهدم الاسوار
وبيك نعدي البحار والانهار
لا يهمنا جب اسود ولا نار
ما انت معانا يا الهنا البار
يا يسوع كلك حلاوة ومشتهيات
كلك رأفة واحسانات
وايه يعني ضيق والامات
ما انت اله التعويضات
ومسيرها تنتهي لمجدك وللخيرات
وحتى لو سمحتنا نمر بالاتون
ما انت معانا فيه مهما يكون
حتى وان طال وجودنا فيه
دي حكمتك وهاترفعنا منه يا اله الكون