عايزة اناقشكوا في قضية مهمة

طبعا انتو عارفين ان الدراسة بدات انا عن نفسي كنت مبسوطة بده و لسة لكن في حاجة حصلت سببتلي صدمة نوعا ما و هي زواج صديقتي لما اصحابي قالوللي الخبر اتصدمت جدا لانها لحد اخر يوم في الامتحانات مكنتش مخطوبة فجاة نعرف انها اتجوزت المشكلة مش في الجواز المشكلة انها قعدت في البيت مامتها لما كلمناها قالت انها هتقعد السنة دي بس طب ليه مش عايزة تقول وكدة يبقي في احتمالين اما انها حامل وده معناه انها هتقعد سنتين سنة للحمل و سنة للرضاعة ولو مش ده السبب يبقي في حاجة كبيرة يمكن الباشا اللي اتجوزتوا مش عايزها تكمل مثلا او تكون فيها ح جة مش عايزة حد يعرف المهم هي عليها بايه من ده كله ايه اللي يخليها تعمل ف روحها كدة احنا عندنا بنات متجوزين و في منهم حوامل و بيصعبوا علينا اللي هما فيه و الماسي اللي بيحكوهالنا عشان مش عارفين يواكبوا ما بين شغل البيت و المذاكرة
اه نسيت اقولكم ان اهلها من الصعايدة اللي مابحبوش البنت تقعد كدة من غير جواز اول ما تتم ال18يجوزوها
ومش مهم بقي التعليم و الشهادة ايه اللي يخلي ام تبهدل بنتها ما بين شغل البيت و تربية العيال و المحاضرات والمذاكرة و ليه ما يصبروش عليها لحد ما تخلص دراسة عشان ع الاقل تبقي دماغها رايقة و معندهاش حاجة واخدة معظم وقتها او ميدخلوهاش كلية بقي من اولها لكن يدخلوها و يبهدلوها كدة حرام
انا بجد اتصدمت جدا للي حصل لصاحبتي صحيح هو بارادتها لكن ليه تعمل في نفسها كدة
انا عايزة رايكو هل ممكن تجوزوا بناتكم و هما بيدرسوا و هل انتي بكلم بنات المنتدي ممكن تتجوزي اثنا الدراسة

ايوة هارفض لاني عارفة اني مش حمل مسولية كبيرة زي دي دلوقتي انا عارفة قدر نفسي كويس انتي عارفة انا وصلت بيا الدرجة اني بقيت اصلي لربنا انه ما يبعتليش الانسان المناسب ليا غير بعد ما اتخرج عشان انا عارفة اني مش حمل المسولية دي

علي فكرة انا قلت انهم من الصعايدة اللي بيحبوا كدة لكن ا نا اهلي صعايدة و ضد كدة تماما

انتو عندكو حق ممكن يكون مفيش ما يمنع الجواز قبل اكمال الدراسة و انه ممكن التوفيق بين البيت و الكلية لكن مع وجود البيبي صعب انا زعلانة علي صاحبتي مش لانها اتجوزت انا قولت فوق ان المشكلة مش في الجواز او انها اتجوزت لكن المسكلة انها قعدت من الكلية هي صعبانة عليا انها تبقي ملبوخة بين البيت و الدراسة و العيل او متقدرش تكمل تعليمها انا خايفة وزعلانة عليها بس مش اكتر صدقوني
بالنسبة لي انا شخصية عندها طموح عالي ونفسي ربنا يبعتلي الشخص اللي يساعدني علي بنا مستقبلي بس انا عارفة. قدر نفسي انا لو عارفة اني هاقدر. اوفق بين البيت و الدراسة مكنتش هاطلب من ربنا طلبة زي دي
لكن ف الاول و الاخر بنت زي كل البنات نفسها تتجوز و تستقر ويكون عندها اسرة و اولاد و ناجحة عمليا و اسريا و روحيا و نفسي ف الانسان اللي يساعدني و يقف جنبي مايقفش ف طريقي و انا من جوايا نفسي الانسان اللي اتجوزوا اكبروا و اعليه و اخلي احسن واحد ف الدنيا و عشان كدة عايزة اتجوز او ارتبط غير بعد ما انتهي من دراستي عشان تكون مداركي وسعت و خبرتي ف الحياة زادت و اعرف احط نفسي علي اول الطريق اللي فيه اكبر نفسي انا و الشخص اللي هارتبط بيه
صدقوني الجواز شي جميل انا عارفة بس انا بتصعب عليا ابنت اللي بتتجوز و ب شيل الهم من صغرها كدة اللي بشوفه في زميلاني المتزوجاتي منتعب و شقي و هم بسبب المسولية الكبيرة اللي عليهم بخاف اقع ف نفس حوستهم