خواطر مسيحية (متجددة) بقلم/ناجح ناصح جيد

معاني لا تستقيم مع الايمان القويم
فأبتعد يالئيم ما ادراك بكتابنا العظيم
......
ناجح ناصح جيد​

ابنى حبيبى
اب ابنه
..

عاش لاجله
اعطاه كل مايتمنى
رواه بمحبته
اطعمه بابوته
كان يلاحظه
وجد فيه مالم يجد
ماالسر وراء التغير
صمت صمت المحب
وفجأة جاء الى ابيه
ابى
نعم يافلذة كبدى
لقد زهقت وسئمت هذه الحياة
دمع قلب ابيه
ماذا تقول ياابن عمرى
نعم ياابى انى اريد ان ارحل ،لكن اعطنى ما يخصنى
هنا ارتجف الاب ونزف القلب
وبعد حوار طال ام قصر
نفذ الاب مايريد صغيره
لم تأخذه حمية الاب الشرقى الذى يتحكم فى كل مجريات حياة ابناؤه
ورغم كلمات الابن المسمومة التى جعلت قلبه ينبض الما ويدفق سما فى كيانه
حقق لابنه مايريد
وهنا اخذ الابن مااخذ ورحل غير عابئ بأبيه ولا بذكريتهما معا
ماهذا الجحود والتحجر القلبى
لكن قلب الاب هو قلب الحب
لم يسقط امله على عودة ابن حبه
الذى سقاه محبته واطعمه حنيته
راقب الطريق من بعيد
وكلما طال الغياب لم يجتر الاحزان
بل اجتر الحب الذى نشئه عليه
ماهذا ياانسان الم يتركك الم يبيعك
هذا ابنا جاحد
كل هذا اعرفه لكن محبتى لن تسقط
لمسات يدي لن تضيع
لن اناقش ماحدث له
لكنى متيقن مما فعلته معه بكل صدق ويقين
كلى يقين بعودته برجوعه لحضنى
وفجأة وبعد طول انتظار
لمح الاب ابنه
ربما تضاربت كل المشاعر الابوية
الا ان الحب الذى تدفق والباقى والموجود فى قلبه قد تدفق مجددا
انه ابنى قلبى يدرك ذلك قبل عيناي
وَإِذْ كَانَ لَمْ يَزَلْ بَعِيدًا رَآهُ أَبُوهُ، فَتَحَنَّنَ وَرَكَضَ وَوَقَعَ عَلَى عُنُقِهِ وَقَبَّلَهُ
. (لو 15 : 20)

لوقا 15 :12 فَقَالَ أَصْغَرُهُمَا لأَبِيهِ: يَا أَبِي ‍أَعْطِنِي الْقِسْمَ الَّذِي يُصِيبُنِي مِنَ الْمَالِ. فَقَسَمَ لَهُمَا مَعِيشَتَهُ.
لم يشرح لنا الرب يسوع المشاعر الابوية للاب واعتقد جازماً ان قلب الاب كان يدمى قبل عيناه الدامعة
لم تعترض ايها الاب المحب بالرغم انك من خلفية شرقية وتعرف ماذا يعنى لك ابنك فلذة كبدك .. اعتقد ان روحك انتزعت منك ... رحلت معه
ويالا رجاءك وقلبك المتطلع لعودته
وَإِذْ كَانَ لَمْ يَزَلْ بَعِيدًا رَآهُ أَبُوهُ،
اه يالله على قلبك وعمق اعماقك اانت بشرياً ربما
ياسيدى لا تسمح ان اولادنا يضيعوا بعيداً عن شخصك
ربما لو حدث هذا فى زماننا لانهالت الكلمات كأسواط على قلوب الاباء والامهات الذين لمثل هؤلاء ساعدنى لكى لا أدين حتى لا اشرب من ذات الكأس الذى يشرب منه هؤلاء الذين يتجرعون مرارة عقوق ابنائهم
ويارب ياسيدى لتعيد كل تارك وكل نافر وكل من فر من ذويه لتعيده لاحضانك أولاً فيعود لعائلته بعدها!!!!​

الأب يضرب بأيد وبأيد يطبطب
فى الأيد الأولى عقله اللى بيفكر ويريد
وفى الأيد التانية قلبه اللى بيحب حب شديد
عاوز تعرف قيمة أبوك
لما يشد الرحال ولما يحصل ندمك ما يفيد
اللى له أب يارب عمره يكون مديد
بص لعينيه هاتلاقى اللى بتريد
ولما يرحل هتشتاقله وتتمنى عمره يرجع ويزيد .​

اهدم كنيسة
كل بيت كنيسة ياابن التعيسة
حركاتك حركات ابليسة
ونهايتك ياعبد ابليس تعيسة
مبنى بيهزك وبيشعلل النار فى حياتك
امال نار الابدية تعمل فيها ايه ياابن المفترية
تقول الله والقلب بلاه
اللى يقول الله يعيش لله​

اهتم دون هم
مُلْقِينَ كُلَّ هَمِّكُمْ عَلَيْهِ، لأَنَّهُ هُوَ يَعْتَنِي بِكُمْ.
(1بط ٥ : ٧)
لِتَكُنْ سِيرَتُكُمْ خَالِيَةً مِنْ مَحَبَّةِ الْمَالِ. كُونُوا مُكْتَفِينَ بِمَا عِنْدَكُمْ، لأَنَّهُ قَالَ:"لاَ أُهْمِلُكَ وَلاَ أَتْرُكُكَ"حَتَّى إِنَّنَا نَقُولُ وَاثِقِينَ:"الرَّبُّ مُعِينٌ لِي فَلاَ أَخَافُ. مَاذَا يَصْنَعُ بِي إِنْسَانٌ؟" (عب١٣: ٥-٦)

نعول الهم بالوادوالبت بالرجل والست بالشقة والفيلا والبيت
بحتة الارض والغيط
نحزن نتضايق من ضيق الامكانيات وتكتر الاحباطات
معايا ومش معايا
ساكن فى عزبة وساكن فى كموبند
عاوز استقر عاوز اهاجر
عاوز اكون وكتير بتكون مجنون
بينما الحل كل الحل
انك لازم تهتم من غير ما تعول الهم
وتحط الواد والبت والرجل والست
تحط الارض والعرض
تحط الشقة والمنطقة
بين ايدينا الرب
طموحات وإمكانيات
والحكاية مبقتش ألوفات
بتقارن نفسك وتحسر نفسك لغاية ما تخسر نفسك
والنهاية شوية تراب
حط الامر امام بمن بيده الامر*
علشان هو مهتم لو فى مشيئته هيكون
ومش قدرية دى ثقة البنوية
تسليم مش استسلام

​

الحب حياة
البغضة موت
الحب شفاء
البعضة وباء
الحب قلب الله
البغضة قلب إبليس
الحب تواصل
البغضة فواصل
الحب اتصال
البغضة تنصل
تحيا الحب
تسقط البغضة
الحب ثابتة
العواطف متقلبة



​

كان يا ما كان فيه انسان
جسد الانسانية ورجعها لأصلها
عاشها بكل مافيها جرب بلاويها
خال من الخطية والعيوب
جاى يقدم نفسه ذبيحة
كامة تامة يحرر القلوب
علشان كده بقى مصلوب
كان بيتحرك بالروح وهو الله
وده مش تناقض دا كمال الكمال
خطية وخطايا واوجاع البشرية شال
ولا كل ولا مل من الاحمال
ومازال منتظر الخطاة هو منبع الامال
مسيحى ربي وإلهى علاج الخطية والشك والنكران
بأحاول اعبر عن شخصه وأوصف لكن محال
محال انى اوضح اكثر لقصور الأقوال
طيب تعرفه ازاى زى ما هو زى الكتاب ماقال
افتح قلبك يدخل يسكن فيه ويكسر الاقفال
تعرف شخصه تتمتع بحبه وتتخلص من الاحمال
يبقى رفيقك فى السكنى والترحال
يحررك من عيوبك وينور دروبك زى ما قال
خدها من مجرب ومتجرب داق حبه وجرب
مفيش احلى منه ، والدنيا من غيره عذاب
بصدق هو احب الاحباب واخلص الصحاب
هتلاقى صعاب لكن ياغالى مش لوحدك
معاه هتعدى وتخطى اصعب الجبال


​