بتقابلك أخر الليل بدموعها
و فى عز البرد
قلقها عليك يغلبها
فتعيش الضلمة مداين دمع
وكأنك ناقص هم الدنيا يحط عليك
لحظتها كل الغربان اللى فى مخك
طارت حواليك
وسؤالك ليها اترد فى وشك طوبة
وكأن الرد رصاصة موت
مش عايزة تقولك
ولا حتى تلمح ليك
ولا عايزاك تتخيل
ساعة ما بتبعد عنها بتحس بإيه
كل اللى بتقدر هى عليه
ترسم ضحكة فى ساعة حزن
وأنت بتقدر على إيه؟
بس المرة دى ضحكتها حزينة
والجرح قريب
كان كل الدمع بيتسرسب
مش عايزاك تعرف
ان المنديل من أخر مرة
لساه مبلول بدموعها
و انها بتحافظ تحت الجلد
على وعد وكلمة اديتهالك
مالك؟
مليانة عنيك بصورتها؟
دلوقتى بس عرفت قيمتها؟
مع ان كلامك اخر مرة معاها
كان بيقول
انك مش هتقدر تحفظ وعدك ليها
وان البراح فى ايديك
مش مرسوم على قد الحضن فى كف ايديها
مالك؟
فنجان القهوة المرة دة
طعمه ممر كده ليه؟
يمكن علشان البن اتحمص حبة زيادة
ولا عشان دمعتها بتقدر
تهزم كل القصب المزروع
فى غيطان الدنيا بحالها
بس انت بتعرف
ترسم ضحكتها بجد
وبتتحايل طول الوقت عليها
انها ماتقولشى لحد
وتحافظ عالبذرة
اللى هى رميتها فى قلبك
علشان فى الآخر
ومهما يطول الوقت
البذرة مسيرها هتطرح
و فى عز البرد
قلقها عليك يغلبها
فتعيش الضلمة مداين دمع
وكأنك ناقص هم الدنيا يحط عليك
لحظتها كل الغربان اللى فى مخك
طارت حواليك
وسؤالك ليها اترد فى وشك طوبة
وكأن الرد رصاصة موت
مش عايزة تقولك
ولا حتى تلمح ليك
ولا عايزاك تتخيل
ساعة ما بتبعد عنها بتحس بإيه
كل اللى بتقدر هى عليه
ترسم ضحكة فى ساعة حزن
وأنت بتقدر على إيه؟
بس المرة دى ضحكتها حزينة
والجرح قريب
كان كل الدمع بيتسرسب
مش عايزاك تعرف
ان المنديل من أخر مرة
لساه مبلول بدموعها
و انها بتحافظ تحت الجلد
على وعد وكلمة اديتهالك
مالك؟
مليانة عنيك بصورتها؟
دلوقتى بس عرفت قيمتها؟
مع ان كلامك اخر مرة معاها
كان بيقول
انك مش هتقدر تحفظ وعدك ليها
وان البراح فى ايديك
مش مرسوم على قد الحضن فى كف ايديها
مالك؟
فنجان القهوة المرة دة
طعمه ممر كده ليه؟
يمكن علشان البن اتحمص حبة زيادة
ولا عشان دمعتها بتقدر
تهزم كل القصب المزروع
فى غيطان الدنيا بحالها
بس انت بتعرف
ترسم ضحكتها بجد
وبتتحايل طول الوقت عليها
انها ماتقولشى لحد
وتحافظ عالبذرة
اللى هى رميتها فى قلبك
علشان فى الآخر
ومهما يطول الوقت
البذرة مسيرها هتطرح