أسئلة واجوبة حول شهادتى

الحالة
مغلق و غير مفتوح للمزيد من الردود.

كلي أمل

عضو نشيط
عضو نشيط
إنضم
24 أغسطس 2012
المشاركات
252
مستوى التفاعل
56
النقاط
0
اخوي عبود ممكن تفسرلي هلموضوع
انا متئكد انك الوحيد الي راح تفهمني

يقولو المسلمون انو الشياطين بنربط بشهر رمضان والانسان ببطل يوسوسلو ابليس الي هو الشياطييين ...!

يعني الانسان بشهر رمضان بصير معصوم عن الغلط حسب تصريحات للمسلمين

انا بدي احط حالي مثال

انا ليش بمر علي شهر رمضان مثلو مثل اي شهر

يعني سكر و كفر الله وافطار و العمايل السودا

طبعآ قديمآ هسا ما بعمل اشي من هلحكي يعني . تبت .

اختارلي اجابه او اعطيني اجابه من عندك

1_ هل انا الشيطان نفسه

ام الشيطان اخذ اجازه من المرجم بشهر رمضان واجا يوسوسلي 2

 

عبود عبده عبود

مفصول لمخالفة قوانين المنتدى
إنضم
14 يوليو 2010
المشاركات
16,645
مستوى التفاعل
4,598
النقاط
0
أنا لم أستكمل بعد الشهادة لأن الحديث يطول ولا يزال قائماً
وبما ان الإدارة قد وافقت ( مبدئياً ) على فتح أسئلة حول الشهادة
فأنا أرحب بأسئلة حضراتكم
يُفضل أن تكون الأسئلة حول الأجزاء التى كتبتُها منعاً للتشتيت
مع أقتباس الجزء الذى يُسأل فيه ومحاولة عدم تأويل كلامى
بما لم أنطق به أو أتفوه

الأسئلة الشخصية سيكون من حقى الأمتناع عن الأجابة عليها :smi411:
الا فى الأطار العام دون التفاصيل

أنا تحت الأمر ...تفضلوا ...
 

apostle.paul

...............
إنضم
8 ديسمبر 2009
المشاركات
16,118
مستوى التفاعل
1,437
النقاط
0
لى سؤال يا استاذ عبود انك طرحت ان الرواية القرانية لم تكن كافية بالنسبة ليك لرسم ملامح شخصية ذلك المسمى " عيسى " وعجز القران عن اجابة اسئلة منطقية كتير بتدور فى عقلك وقادك ذلك للاعتراف بوهمية تلك الشخصية وانها يتخللها كثير من الامور الغامضة التى لا يمكن تفسيرها على ضوء القران الذى سكت عن كثير من الامور الجوهرية


لكن فى نفس الوقت لدى سؤال منطقى
ليس معنى غموض الرواية القرانية وانها لم ترضى عقلك ومنطقك ان بالتبعية يكون الصورة الانجيلية عن " المسيح " صورة حقيقة وهى الصورة التى ينبغى ان تؤمن بها

فيمكن ان يكون كلاهما خطأ

انت كلمتنا عن ايه اللى خلاك ترفض " عيسى القران " ولكن ايه السبب اللى خلاك تتيقن ان " يسوع الانجيل " لا يجب رفضه وهو يجب ان يكون محور ايمانك

اتمنى سؤالى يكون واضح.............
 

عبود عبده عبود

مفصول لمخالفة قوانين المنتدى
إنضم
14 يوليو 2010
المشاركات
16,645
مستوى التفاعل
4,598
النقاط
0
لى سؤال يا استاذ عبود انك طرحت ان الرواية القرانية لم تكن كافية بالنسبة ليك لرسم ملامح شخصية ذلك المسمى " عيسى " وعجز القران عن اجابة اسئلة منطقية كتير بتدور فى عقلك وقادك ذلك للاعتراف بوهمية تلك الشخصية
(1) بالنسبة لى الرواية القرآنية كانت وحى مُنَّزل ولا يمكن تكذيبه
(2) سقط عيسى القرآنى ...فبالتالى سقط الوحى
وانها يتخللها كثير من الامور الغامضة التى لا يمكن تفسيرها على ضوء القران الذى سكت عن كثير من الامور الجوهرية
(3) بمجرد سقوط الوحى أصبح مُحمداً فى العراء فيجب أعادة دراسة كلماته من البدء
ليس مجرد سكوته عنها فقط
لكن فى نفس الوقت لدى سؤال منطقى
ليس معنى غموض الرواية القرانية وانها لم ترضى عقلك ومنطقك ان بالتبعية يكون الصورة الانجيلية عن " المسيح " صورة حقيقة وهى الصورة التى ينبغى ان تؤمن بها
فيمكن ان يكون كلاهما خطأ

(4) بالفعل هذا ما توصلت إليه فى السابق وخرجت من الأسلام الى اللادينية
(5) لم أتجه ( كما قلت ) للمسيحية كى أعتنقُها لكن كى أثبت سقوط الراعى الرسمى لسخافات العرب

انت كلمتنا عن ايه اللى خلاك ترفض " عيسى القران " ولكن ايه السبب اللى خلاك تتيقن ان " يسوع الانجيل " لا يجب رفضه وهو يجب ان يكون محور ايمانك
(6) بدأ يثبت لى نفسه ويكرر هذا الأثبات معى فى أكثر من وقفة
(7) ولأننى ( بمنتهى الصراحة ) من خلفية أسلامية عميقة أؤمن بالرؤيا ( الأحلام ) وأيمانى أنها رسالة
أما تكون من الرب ( الله ) أو من الشيطان
أربعة رؤي متتابعات كلها عجيبة – أخرها حدث معى منذ أسابيع قليلة

لن أذكرها هنا ولكنها ستأتى ( وهى تخص التعميد )
أعتبرتها أعلان من الله صريح وواضح بلا لبس أو غموض

(8) بخلاف الرؤى كان لأنجيل متى الذى قرأته فعل عجيب معى
بالرغم من عدم مقارنته ( لغوياً ) بالقرآن إلا أنه مسنى بشدة
الموعظة على الجبل هزتنى ...وستندهش لو قلت لك أننى اكتفيتُ بها
ستقرأ فيما بعد التفاصيل

سعيد بالمحاورة مع دكتور يوحنا بنفسه

 

عبود عبده عبود

مفصول لمخالفة قوانين المنتدى
إنضم
14 يوليو 2010
المشاركات
16,645
مستوى التفاعل
4,598
النقاط
0
سؤال جالى من الأخ ( عذاب )
يقول فيه :
اخوي عبود ممكن تفسرلي هلموضوع
انا متئكد انك الوحيد الي راح تفهمني
يقولو المسلمون انو الشياطين بنربط بشهر رمضان والانسان ببطل يوسوسلو ابليس الي هو الشياطييين ...!
يعني الانسان بشهر رمضان بصير معصوم عن الغلط حسب تصريحات للمسلمين
اختارلي اجابه او اعطيني اجابه من عندك
(1)هل انا الشيطان نفسه
(2) ام الشيطان اخذ اجازه من المرجم بشهر رمضان واجا يوسوسلي
لالالالا
مش معصوم من الخطأ ولا الغلط ...ماحدش قال كدة
لذا ستجد المبررون يقولون لك : أنه خيرٌ من الله شر من أنفُسِكُم
الشياطين نوعين شياطين الأنس وشياطين الجن
حسب الأقوال الشياطين المُصفدة هى شياطين الجن ( طبعا لا يمكنهم إنكار الحديث يعنى الشياطين متقيدة أى نعم ...والشر اللى فى رمضان دة من شياطين الإنس
يعنى فى النهاية أنت شيطان برضه :p30:
ولو شاء ( رب الكعبة ) ما ضللت ولكنه يفعل ( اللى هو عايزه )
هذا والله أعلم :11azy:
 

sha2awet 2alam

شقاوة قلم
عضو مبارك
إنضم
23 يناير 2012
المشاركات
5,276
مستوى التفاعل
1,807
النقاط
0
أستاذى :) اسمحلى افهم حاجة من حضرتك

فى ردك على دكتور يوحنا أقريت بإيمانك بالاحلام و الرؤى .. بس مش وارد تكون الاحلام رد فعل طبيعى لعقلك الباطن ؟ حضرتك معانا بأستمرار فى منتدى مسيحى .. قارئ جيد جدًا .. مفيش موضوع مش بتقراه .. مش وارد يكون عقلك الباطن بيخزن كل دة و بيطلع فى صورة احلام ! انا مش بشكك فى الرؤى و مش بقول ان مفيش رؤى بالعكس مذكور فى الكتاب المقدس رؤى كتير .. انا بقول لحضرتك سؤال ممكن يجى فى بال أى حد غير مسيحى و يخاف يسأله احسن ياخد شريطة مدى الحياة

هل فيه حاجة تانية جنب الرؤى اعتمدت عليها فى ايمانك بالمسيحية ؟ ولا كان اعتمادك الكلى على الموعظة على الجبل و ال 4 رؤى ؟

ناس كتير كل ما تكلمهم فى المسيحية يقولو انها عقيدة صعبة الفهم .. فهل واجهتك الصعوبة دى فى فهم العقيدة المسيحية كالتثليث و التوحيد ؟

حضرتك اتكلمت عن طمس الاسلام لحاجات كتير و منها طبعًا رفض فكرة الفداء و التجسد شكلاً و موضوعًا .. ازاى قدرت تتقبل فكرة ان الله تجسد بعد حفظك و قناعتك بالآية " لم يلد و لو يولد " ؟ و للامانة هل تقبل الفكرة دى بياخد مجهود ذهنى و تفكير و تشكيك كتير ولا بعد تفنيد صحة الوحى و عصمته من الخطأ بقا سهل عليك تقبل أى فكرة !

أخدت فترة أد ايه فى اللادينية ؟ و هل خطر فى بالك فكرة انك تبقى لادينى أضمن من انك تتبع ديانة ربما متكونش الصواب ؟ السؤال دة بيتعب ناس كتير من اللادينيين و العلمانيين

اسفة لو غلست عليك بس بصراحة مينفعش ألاقى الفرصة دى للفهم و اسيبها :) ميرسيه مقدمًا على الاجابات :)
 

apostle.paul

...............
إنضم
8 ديسمبر 2009
المشاركات
16,118
مستوى التفاعل
1,437
النقاط
0
هسمع باقى الاجابات يا عبود وبعدين هعلق على نقط تانية
 

e-Sword

عضو مبارك
عضو مبارك
إنضم
27 مايو 2012
المشاركات
858
مستوى التفاعل
176
النقاط
43
سلام المسيح ملك السلام الذى تجثو لة كل ركبة ممن فى السماء ومن على الارص ومن تحت الارض

اولا مبرووووووووووووك عليك السيد المسيح و ثق انك اختارت الطريق المؤدى الى الحياة الحقيقة

لدى بعض الاستفسارات اذا سمحت لضعفى انا اشارك

1- ما الذى دفعك الى البحث عن الحيقيقة هل هى معجزة ؟ هل بحثك ؟ هل تجربة شخصية ؟ ما الذى دفعك الى البحث فى الاسلام و بالتالى تيقتنت كل اليقين انة ليس من دينا سماويا و ليس نبى من اساسة ؟

2- ما الذى جذبك للمسيحية و الى معرفة شخص السيد المسيح و قبلوة ربا و مخلصا لحياتك ؟

3- مش خايف انك تتقتل ؟

4-كثير من العابرين يعانون من مشاكل الاوراق المالية و عدم القدرة على الزواج و غيرة من المشاكل اى بالمعنى الصح عايشين بوجهين و بعض الاحيان يحسون بانهم وحيدين فى الدنيا بلا صديق و بلا عون ....فماذا فعلت لكى تتغلب على هذا الشعور و على تلك المشاكل بدون ذكر تفاصيل شخصية

و اكرر لحضرتك و اقول مبررررررررررررررروك عليك المسيح يا ابن مــــــــــــــــــــــــــــلك المــــــــــــــــــــــــــــــــــــــلوك
 

+إيرينى+

واحدة معاكم
عضو نشيط
إنضم
26 أبريل 2009
المشاركات
11,235
مستوى التفاعل
2,952
النقاط
113
ما تأثير ذلك البحث و التغيير من الاسلام الى المسيحية على أسرتك ؟
 

عبود عبده عبود

مفصول لمخالفة قوانين المنتدى
إنضم
14 يوليو 2010
المشاركات
16,645
مستوى التفاعل
4,598
النقاط
0
فى ردك على دكتور يوحنا أقريت بإيمانك بالاحلام و الرؤى .. بس مش وارد تكون الاحلام رد فعل طبيعى لعقلك الباطن ؟ .. مش وارد يكون عقلك الباطن بيخزن كل دة و بيطلع فى صورة احلام ! انا مش بشكك فى الرؤى و مش بقول ان مفيش رؤى بالعكس مذكور فى الكتاب المقدس رؤى كتير .. انا بقول لحضرتك سؤال ممكن يجى فى بال أى حد غير مسيحى و يخاف يسأله احسن ياخد شريطة مدى الحياة
لأ مش وارد ...هو أكيد ...( حسب طرحك للسؤال )
العقل الباطن لما يكون أنا لوحدى ...أوافقك ..و ممكن أشك

لكن لما تيجى " طليقتى " اللى بينا وبين بعض مصانع الحداد وعراك مستمر ( ربنا مايقطع لها عادة )
و يوم قبولى للمسيح رباً ومُخلصاً تروى لأولادها حُلماً بأننى دخلت عليها غرفة النوم وأنا احمل صليب كبير ..!!!!!
عقلى الباطن له دخل هنا ؟

الأعجب بقى ( وهى اللى نوهت عنها للدكتور يوحنا أعلاه ) وكنت ناوى أضعها فى الشهادة
لكن سأرويها الآن

فى الشتاء الماضى أشتريت أطقم ملابس داخلية ...ركنت طقم منهم فى ( علبته ) كما هو لأستخدامه يوم العماد
وحتى لا أستخدمه عن طريق الكسل او الأستسهال قمت بركنه فى أعلا بلاكار الغرفة ...أستخدمت السلم لهذا الغرض
لا احد يعلم مكانه ولا حتى والدتى ومن المستحيل أن تراه أو تصل اليه لأرتفاعه من ناحية ولأنه أسفل أشياء كثيرة من ناحية أخرى

ركنت الطقم ونسيت أمره تماماً ...
بعدها بشهور بدأت بعض الأتصالات بأصدقائى خارج مصر للترتيب للعماد ( لا أحد على علم بما أفعل )
فوجئت بأولادى يروون لى قصة وهم يضحكون ...قالوا لى :
أن أمهم قالت ( شوفوا أبوكوا مخبى أية فى الدولاب ومش عايز حد يعرف ) ...!!!!!!!!!!!!!!!!!!
لم أنتبه للقصة لأننا تعودنا منها على ذلك ...حيث أعتقد الجميع أنها تُلمح على ( فلوس ) مخبيها !!
قعدت أقول دولاب أية وبتاع أية ...الولية دى مش عايزة تبطل تخاريف
لكنها عادت لتروى لأولادها بكل ثقة واصرار
أنها رأت رجُلاً يدخل غرفة نومى فى بيت والدتى ويفتح ضلفة الدولاب ويطمئن على صندوق داخلها ثم يغلقه ويخرج
ووصفت الشخص أنه طويل وأبيض وملامحه هادئة وشعره بنى يُقطر ماءاً ...!!!!!!!!!!!!!!!
العجيب أن قدميها لم تطأ بيت والدتى أكثر من سبع سنوات
والأعجب أنها وصفت مكان العلبة وشكلها بكل دقة ..!!!!
تُرى ...هل لايزال عقلى الباطن هو من يعمل هنا ؟!!
هل فيه حاجة تانية جنب الرؤى اعتمدت عليها فى ايمانك بالمسيحية ؟ ولا كان اعتمادك الكلى على الموعظة على الجبل و ال 4 رؤى ؟
لأ فيه لبس هنا ...الموعظة على الجبل هى أول شئ وقعت عليه عيناى فى الأناجيل وصدفة ( راجعى هنا – الصفعة الثالثة النبى الكذاب )
لو قرتيها هتفهمى قصدى اللى قلته للدكتور يوحنا
لكن بعدها أن تابعت موقع الأنبا تكلا وسنوات مع أسئلة وأيميلات الناس للبابا شنودة
وتابعت المنتدى هنا واشتركت فى دورة الدفاع اللاهوتى ونقلت أسئلتها وأجوبتها على ملف وورد ووضعت ملخصها للأعضاء
ولا أترك أى سؤال أو شُبهة تُعرض فى المنتدى إلا وأتابعها
صحيح أننى لا أشترك بالتعليق أو الرد لكننى متابع جيد لها
ناس كتير كل ما تكلمهم فى المسيحية يقولو انها عقيدة صعبة الفهم .. فهل واجهتك الصعوبة دى فى فهم العقيدة المسيحية كالتثليث و التوحيد ؟

لأ هى مش صعبة الفهم ...هى مستحيلة الفهم أو الأستيعاب على ضوء الثقافة الأسلامية ...ولمن لم يولد مسيحى
لأن الأسلام قائم على عقد أرهاب بين الله والبشر
ستأتى فى تتمة الشهادة الشرح - كيف فهمت ولماذا

حضرتك اتكلمت عن طمس الاسلام لحاجات كتير و منها طبعًا رفض فكرة الفداء و التجسد شكلاً و موضوعًا .. ازاى قدرت تتقبل فكرة ان الله تجسد بعد حفظك و قناعتك بالآية " لم يلد و لو يولد " ؟ و للامانة هل تقبل الفكرة دى بياخد مجهود ذهنى و تفكير و تشكيك كتير ولا بعد تفنيد صحة الوحى و عصمته من الخطأ بقا سهل عليك تقبل أى فكرة !
دى جاية فى الشهادة ولا تتعجلى
أخدت فترة أد ايه فى اللادينية ؟

حوالى تلات سنين ...فيه ربنا ؟ أيوة طبعا موجود ..بس شكله أية ومين هو ؟
و هل خطر فى بالك فكرة انك تبقى لادينى أضمن من انك تتبع ديانة ربما متكونش الصواب ؟ السؤال دة بيتعب ناس كتير من اللادينيين و العلمانيين
خطر فى بالى طبعاً وأكيد ...ومش حكاية أضمن أو أوفر
الحكاية هو مين ؟؟
اسفة لو غلست عليك بس بصراحة مينفعش ألاقى الفرصة دى للفهم و اسيبها :) ميرسيه مقدمًا على الاجابات :)
دة العادى بتاعك ..متعود على كدة ...عادتك وألا هتشتريها ؟
 

عبود عبده عبود

مفصول لمخالفة قوانين المنتدى
إنضم
14 يوليو 2010
المشاركات
16,645
مستوى التفاعل
4,598
النقاط
0
1- ما الذى دفعك الى البحث عن الحيقيقة هل هى معجزة ؟ هل بحثك ؟ هل تجربة شخصية ؟ ما الذى دفعك الى البحث فى الاسلام و بالتالى تيقتنت كل اليقين انة ليس من دينا سماويا و ليس نبى من اساسة ؟
كل الأجابة موجودة فى الشهادة بجزئيها
2- ما الذى جذبك للمسيحية و الى معرفة شخص السيد المسيح و قبلوة ربا و مخلصا لحياتك ؟
بداية بحثى عن صحة الوحى المحمدى
3- مش خايف انك تتقتل ؟
من مين ؟؟ ...لأ مش خايف ولا خطر على بالى أصلاً
4-كثير من العابرين يعانون من مشاكل الاوراق المالية و عدم القدرة على الزواج و غيرة من المشاكل اى بالمعنى الصح عايشين بوجهين و بعض الاحيان يحسون بانهم وحيدين فى الدنيا بلا صديق و بلا عون ....فماذا فعلت لكى تتغلب على هذا الشعور و على تلك المشاكل بدون ذكر تفاصيل شخصية
كل ما فعلته هو أنى ( أكون نفسى ) ...عبود فقط ...لن أعيش من أجل أرضاء الآخرين أو رواية ما يريدون سماعه أو قرائته
وكتبت مقالة عن هذا تجده ( هنا )
عزيزى العابر كُن نَفسك
بالنسبة للحياة الزوجية أنا مُطلق وعندى ولد وبنت ...وفكرة زواجى مرة أخرى سايبها على ربنا ...يمكن آه ويمكن لأ
 
التعديل الأخير:

white.angel

فيلسوفه مسيحيه
عضو مبارك
إنضم
6 يوليو 2010
المشاركات
3,777
مستوى التفاعل
1,303
النقاط
0
تسجيل مذاكره .. مش متابعه ..
واول ما ييجى فى بالى سؤال ... مش هتأخر :smile01
بس بأنتظار التتمه :)
 

عبود عبده عبود

مفصول لمخالفة قوانين المنتدى
إنضم
14 يوليو 2010
المشاركات
16,645
مستوى التفاعل
4,598
النقاط
0
انا سئلت قبل كدة
مستنى الرد عشان اكمل
مش نسيتك ياغالى
دى كانت أسئلتك ...
انت رايت ان الاسلام ليس مقنع هذا ما كتبتة
كيف رايت فى المسيحية الاقناع والبديل لة
لأنه ببساطة المسيحية لا تقوم على عقد رعب بين البشر والرب
هى علاقة محبة ..وشتان وبون شاسع أن تقرأ عن رب ( بيتلكك لعباده ) ورب يعلن عن ذاته للناس
كيف استوعبت اساس المسيحية من الاساس ( الثالوث المقدس- فكرة الفداء والخلاص - والمعضلة الكبرى امام اى شخص ذو خلفية اسلامية... التجسد الالهى)
ستأتى فى الشهادة
1-كيف رايت قرارك هذا وتاثيرة على اسرتك؟؟؟
لا علاقة لأسرتى او عائلتى بالقصة
2-هل قرارك بقبول المسيح مخلصا كان قبل انفصالك عن زوجتك ام بعدة ؟؟ لماذا هذا السؤال لانى يروادنى تساؤل ان فكرة الطلاق والزواج فى الاسلام مقابل المسيحية ليست لها محل من الاعراب
أجبت على هذا السؤال فى الجزء الثانى ...تحت عنوان تنفيض رقم (1)
وشرحتها تفصيلاًُ
وطلاقى جاء قبل ايمانى بفترة طويلة
فهل كان يكون تفكيرك هكذا اذا لم يتم الانفصال ؟؟
لآ أعرف
 

عبود عبده عبود

مفصول لمخالفة قوانين المنتدى
إنضم
14 يوليو 2010
المشاركات
16,645
مستوى التفاعل
4,598
النقاط
0
ما تأثير ذلك البحث و التغيير من الاسلام الى المسيحية على أسرتك ؟
لا علم لأسرتى بالموضوع حتى الآن
وأتكلم مع أولادى على الأيمان بشكل عام ..
وآخرها كان سؤال لأبنتى عن كيف يقول المسيحى أن المسيح هو أبن الله ؟
فقلت لها ببساطة ( أمال هو مين ) ؟
قالت لى هو نبى ...قلت لها اتولد أزاى ؟
قالت لى من غير أب ...قلت لها / يبقى مين أبوه ؟
قالت مش عارفة ...قلت / يبقى تقرى علشان تعرفى
وسيبتها على كدة
لكن غالباً ( الواد ) ممكن ياخد خط أبوه ...بس على مهله وبطريقته هو مش أنا
 

Coptic Man

ابن المـــــ†ـــــلك
مشرف سابق
إنضم
5 أكتوبر 2005
المشاركات
12,801
مستوى التفاعل
302
النقاط
83
الإقامة
Earth
انا ليا سؤال خايف اكون ما اخدتش بالي من اجابته

امتي امنت بالرب يسوع سنة كام او من كام سنة ؟

وهل زوجتك امنت بالمسيح ام لا تعرف بايمانك ؟

وربنا يباركك يجذبني اسلوبك للغاية اعتقد اني مهنة كاتب كانت هتبقي متفصلة عليك و هتشتهر
 

AL MALEKA HELANA

عضو نشيط
عضو نشيط
إنضم
20 يوليو 2011
المشاركات
3,814
مستوى التفاعل
1,433
النقاط
113
الإقامة
ســفـر الحــيـاة

أُحييك أخى عبود على جرأتك فى نقدك للإسلام .. الرب يسوع يحميك ويرشدك لطريق النور


لا علم لأسرتى بالموضوع حتى الآن


معنى ذلك أنك ما زلت تمارس الشعائر الإسلامية من صلاة وزكاة وأعياد ..... !!!!!!!
فهل تُحب أن تتعرف على الطقوس المسيحية ؟؟؟
وهل لك من الوقت لكى تقرأ بالكتاب المُقدس ؟؟
هل هناك مَن يُفسر لك العقيدة المسيحية ؟؟ ... هنا بالمنتدى أم أنت على صلة بهم عن قريب !!!


وأتكلم مع أولادى على الأيمان بشكل عام ..

ربنا يخليك لأولاد أخ عبود
ولكنى لا أعلم ماذا تقصد بعبارة ( الإيمان بشكل عام )

أعتذر لو الأسئلة خاصة ومن حققك رفض الإجابة عليها أو حذف المشاركة
......... تحياتى للجميع
 
التعديل الأخير:

عبود عبده عبود

مفصول لمخالفة قوانين المنتدى
إنضم
14 يوليو 2010
المشاركات
16,645
مستوى التفاعل
4,598
النقاط
0
انا ليا سؤال خايف اكون ما اخدتش بالي من اجابته

امتي امنت بالرب يسوع سنة كام او من كام سنة ؟
الشتاء الحالى لم أُكمل سنة على ما أعتقد

وهل زوجتك امنت بالمسيح ام لا تعرف بايمانك ؟
لأ أنا مُطلق ...ولا احد يعرف عن مسألة أيمانى
 

Coptic Man

ابن المـــــ†ـــــلك
مشرف سابق
إنضم
5 أكتوبر 2005
المشاركات
12,801
مستوى التفاعل
302
النقاط
83
الإقامة
Earth
الشتاء الحالى لم أُكمل سنة على ما أعتقد

لأ أنا مُطلق ...ولا احد يعرف عن مسألة أيمانى

ياه سنة بس ياتري هل للمنتدي تاثير في ايمانك بالمسيحية ؟

وبدال سينجل انا عرفت ازاي بتجيب وقت لابداعاتك
 

عبود عبده عبود

مفصول لمخالفة قوانين المنتدى
إنضم
14 يوليو 2010
المشاركات
16,645
مستوى التفاعل
4,598
النقاط
0
أُحييك أخى عبود على جرأتك فى نقدك للإسلام .. الرب يسوع يحميك ويرشدك لطريق النور

مع احترامى الشديد لحضرتك ...
هذه ليست مقالات عن نقد الأسلام
دة شرح مُبسط – صادق – وواعى لكل حرف – عن رحلة " إنسان " فى عالم الإيمان " تصادف " أنه وُلِدَ من أبوين مُسلمين
لو لاحظتى أننى أستهللتُها بأنها ( شهادة أنسانية )
لو عايز أنتقد الأسلام كنت رحت لمنتديات تانية خالص أخدت فيها راحتى ع الآخرررر
لكن هنا أنا باحترم الإدارة وبأحترم كل الأعضاء وباحب أحترم نفسى قوى
معنى ذلك أنك ما زلت تمارس الشعائر الإسلامية من صلاة وزكاة وأعياد ..... !!!!!!!

ارى أنك نسيتى ذكر الصوم مع الشعائر الأسلامية
من أين أتيتينى بـ لفظة ( معنى ذلك ) ثم أتبعتيها بعلامات تعجب (!!!)
وليس علامة أستفهام (؟؟؟) فهل هو سؤال كان أم إستنكار ؟
لا ياملكة ...أنا لآ " أُحييّى " شعائر الإسلام منذ فترة طويلة
فيما عدا ( الصدقة ) فلا علاقة لها بأية شعائر ولا أتبع لها اُسس محددة أو معينة
فهل تُحب أن تتعرف على الطقوس المسيحية ؟؟؟
هل هناك مَن يُفسر لك العقيدة المسيحية ؟؟ ... هنا بالمنتدى أم أنت على صلة بهم عن قريب !!!
أتابع من خلال كثير من المشرفين والأعضاء هنا
والحمد لله كلهم حبايبى وأكتر من أصدقاء واخوة :t4:
وهل لك من الوقت لكى تقرأ بالكتاب المُقدس ؟؟
نعم لدى
ربنا يخليك لأولاد أخ عبود
ولكنى لا أعلم ماذا تقصد بعبارة ( الإيمان بشكل عام )

أى الأيمان بالله فى المُطلق ...اما مسألة ( من هو ) هتيجى فى وقتها
أعتذر لو الأسئلة خاصة ومن حققك رفض الإجابة عليها أو حذف المشاركة
ولية أحذف ؟ ...جاوبتك يا ملكة
 
الحالة
مغلق و غير مفتوح للمزيد من الردود.
أعلى