طريقه عمل (( الباستا ))
المقادير
اول شي نبدء بعمل الصلصه الحمره ..
وهي عباره عن طماطم .. وفلفل اخضر .. ومعجون طماطم .. ومايه
وتقريبا .. 3 حبات طماطم .. و نص فلفل اخضر متوسطه .. و معجون طماطم .. كاس مايه
نحطهم بالخلاط ونخلطهم ..
وبعدين نحطهم بقدر صغير.. ونخليهم على نار هادئه لما يصير متماسك
بعضهم يحبون الصلصه حمره .. لما تشوفون لونها فاتح زيدوا عليها معجون طماطم بعد واحد ..
انا هنا حطيت 2 ..
بعدين نضيف لها البهار .. ( فلفل اسود .. دقوس .. فلفل احمر .. ثوم مطحون .. كمون.. واشوي ملح ) واي بهار تحبونه ..
وبعدين ننتقل للصلصه البيضه ..
في انواع وايد للصلصه البيضه ..
كل اشخاص يسونها بطريقه ..
وانا سويتها .. 3 مكعبات جبن كيري .. و1 قيمر .. و 4 كاس مايه .. 6 ملاعق حليب بودره .. 7 الى 10 ملاعق طحين .. وشويه ملح
ونخلطهم بالخلاط ..
وبعدين نحطهم في قدر على نار هاديه .. لما يصير متماسك
مثل صلصه الباشميل ..
نقطع كوسه .. ومشروم
ونقطع بروكلي
و نقطع شرايح دجاج .. او بعضهم يحبون سجق .. او ربيان ..
و نسلق المكرونه
ناخذ مقلايه شويه واسعه .. ونحط فيه شويه زيت ونحط فيه شويه كوسه ومشروم و بروكلي .. ونحركه
بعدين نضيف عليه الدجاج .. مع شويه مايه .. ونحركه لما يستوي الدجاج .. ويتبخر المايه ..
لما يتبخر .. نضيف عليه شويه من المكرونه .. و تقريبا 4 ملاعق كبار صلصه بيضه و ملعقتين كبار صلصه حمره
وحسب المزاح .. بعضهم يحبونه حار اكثر .. فيزيدون الحمره .. والعكس
اذا حسيتوا انها غليظه .. ضيفوا شويه مايه ..
ونخليهم يغلوا شويه
ونحط عليه جبن الموزريلا .. او اي جبن تحبونه .. ونطفي النار ونخلطه معاه
لانه الجبن يذوب بسرعه
بالهنا والشفا