لاحظت حاجه ف كذا قسم انا وبتصفح المنتدي
إن في مواضيع عدد الردود فيها zero
ولا حتي مشرف القسم رادد علي الموضوع
إيه المشكله إن كل اللي بيقرأ الموضوع دا دلوقت
ياخد باله ونشجع الناس اللي ماحدش رد علي مواضيعها
انا عن نفسي مش بيفرق معايا اوي الموضوع ده واعضاء كتير برضو كده
لكن فاكر لما كنت مشترك جديد ف المنتدي لما كنت بحط موضوع
كنت بستني ردود الناس
والكتاب بيقول شجعوا صغار النفوس
وحقيقه إن أي حد أيا كان مين محتاج اننا نشجعه
ودي هتخلي الناس اللي بتحط مواضيع تستمر
العكس مثلا حد حط كذا موضوع وبالصدفه كذا موضوع محدش رد عليه
اكيد هيتضايق او يفتكر انه حاطط موضوع مش حلو
وحتي لو حد حاطط موضوع ما عجبكش
سيبله تعليق علي تعبه انه جاب الموضوع
ودا شئ هيزود الترابط بين كل الأعضاء
وممكن روك يعمل جزء اسمه المواضيع التي لم يتم الرد عليها
شفتها ف كذا منتدي
وبمجرد الرد الموضوع يختفي من الجزء ده
اتمني اننا نشجع الناس
وربنا يعوض محبتكم
سلام الرب يكون معاكم