هل تستطيع المرأة تغيير الرجل حقا ، وهل فعلا يقبل بذلك !

ميريت

عضوة مباركة
عضو مبارك
إنضم
27 مايو 2006
المشاركات
1,821
مستوى التفاعل
9
النقاط
0
هل تستطيع المرأة تغيير الرجل حقا ، وهل فعلا يقبل بذلك !

عندما تنشأ علاقة عاطفية بين الرجل والمرأة فإن البداية تكون واعدة ويحاول كل طرفين أن يكون متفهما للطرف الآخر، ومع تطور العلاقة تبدأ نقاط الخلاف بالظهور وتبدأ محاولات التغيير بالظهور.
تحاول المرأة أن تعدل من سلوك وتصرفات الرجل الذي تحب حيث أنها تلاحظ بعينها البصيرة ما يعجز الرجل المحدود الإدراك ( من وجهة نظرها ) عن إدراكه بنفسه . في هذه المرحلة يحاول الرجل التكيف سعيا منه لتجاوز أي خلاف حيث أن طبيعته الهادئة ونزعته للسلم تكون الطاغية في مراحل العلاقة الأولى.
بمجرد شعور المرأة بأن الرجل بدأ يستجيب لمحاولات التغيير، تبدأ هي بالضغط لإحداث تغييرات أخرى قد تكون أكثر جدية هذه المرة. هنا تصطدم برفض الرجل لهذا التغيير وثورته ضد هذا النوع من الاضطهاد الذي تحاول أن تمارسه عليه المرأة، إذ يكتشف أن مجاملته لها ونزعته للسلم قد تم تفسيرها على نحو خاطئ .
إذا على المرأة أن تدرك أن محاولة تغيير الرجل هي احتمالية ضعيفة حيث من الممكن أن يبدو الرجل مهادنا في البدايات إلا انه في النهاية قد ينفذ صبره ويثور وعندها لن تعرفي كيف تتصرفين.
يبقى السؤال قائما هل فعلا هناك شعور داخلي عند الرجل بقبول التغيير الذي تحاوله المرأة بشكل غير مباشر؟
الإجابة هنا واضحة الرجال لا يحبون أن تقوم المرأة بتغييرهم وما يغير تصرفات الرجال حقيقة هو العلاقة الزوجية حيث أن الزمن هو المغير الأساسي للتصرفات.
 

Coptic Man

ابن المـــــ†ـــــلك
مشرف سابق
إنضم
5 أكتوبر 2005
المشاركات
12,801
مستوى التفاعل
302
النقاط
83
الإقامة
Earth
طيب ليه التحيز ده يا ميريت

مش جايز المراة هي اللي المفروض تتغير وبتنظر للرجل نظرة خاطئة

وجايز هي نفسها اللي غلطانه

راجعي الموضوع من زواية تاني او حددي نقاط معينة

ثانكس ميريت
 

ramyghobrial

The Love Faithful
مشرف سابق
إنضم
23 ديسمبر 2005
المشاركات
4,039
مستوى التفاعل
20
النقاط
0
الإقامة
Cairo
وهل لازم يستعي انة يتغير ماهو ممكن يكون فية جوانب ايجيابية
ممكن اكون معاكي انها تساعدة على التغيير بس في سلبياتة بس وانا لو شريكة حياتي هاستاعدني في تغيير سلبياتي اكيد هاكون موافق ومبسوط جدا
 

ميريت

عضوة مباركة
عضو مبارك
إنضم
27 مايو 2006
المشاركات
1,821
مستوى التفاعل
9
النقاط
0
Coptic Man قال:
طيب ليه التحيز ده يا ميريت

مش جايز المراة هي اللي المفروض تتغير وبتنظر للرجل نظرة خاطئة

وجايز هي نفسها اللي غلطانه

راجعي الموضوع من زواية تاني او حددي نقاط معينة

ثانكس ميريت



تحيز ايه بس
دي حاجه نفسيه
علي راي المثل
جوزك علي ما تعوديه
حاجه موروثه من العاات والتقاليد
 

ميريت

عضوة مباركة
عضو مبارك
إنضم
27 مايو 2006
المشاركات
1,821
مستوى التفاعل
9
النقاط
0
ramyghobrial قال:
وهل لازم يستعي انة يتغير ماهو ممكن يكون فية جوانب ايجيابية
ممكن اكون معاكي انها تساعدة على التغيير بس في سلبياتة بس وانا لو شريكة حياتي هاستاعدني في تغيير سلبياتي اكيد هاكون موافق ومبسوط جدا



رامي معاك انه الي بيحب حد بيتغير عشانه بس دي موروثات
جوزك علي ما تعوديه
ولازم الست هي الي تغير الراجل
وامها تفضل ترط في ودنها
متسيبيش في جيبه قرش
اعملي مش عارفه ايه عشان ميبصش لغيرك
وهكذااااااااااااااااا
واصلا الست لو خدت بالها انها لو حاولت ترضي جوزها جوزها هيحاول يرضيها
عشان هو بيحبها
وكل اتنين هيرضوا بعض لو محدش تالت دخل في النص
ههههههههههههههه غاتوت يعني
 

ramyghobrial

The Love Faithful
مشرف سابق
إنضم
23 ديسمبر 2005
المشاركات
4,039
مستوى التفاعل
20
النقاط
0
الإقامة
Cairo
mirit_thabet قال:
رامي معاك انه الي بيحب حد بيتغير عشانه بس دي موروثات
جوزك علي ما تعوديه
ولازم الست هي الي تغير الراجل
وامها تفضل ترط في ودنها
متسيبيش في جيبه قرش
اعملي مش عارفه ايه عشان ميبصش لغيرك
وهكذااااااااااااااااا
واصلا الست لو خدت بالها انها لو حاولت ترضي جوزها جوزها هيحاول يرضيها
عشان هو بيحبها
وكل اتنين هيرضوا بعض لو محدش تالت دخل في النص
ههههههههههههههه غاتوت يعني

عارفه يامرمر من اكتر الحاجات اللي هاختبر فيها خطيبتي انشاء الله هي مدى تدخل الحاجة امها في حياتنا لان الموضوع دة ممكن يسبب مشاكل كتير
مش تخافي عليا :spor22:
 

ميريت

عضوة مباركة
عضو مبارك
إنضم
27 مايو 2006
المشاركات
1,821
مستوى التفاعل
9
النقاط
0
ramyghobrial قال:
عارفه يامرمر من اكتر الحاجات اللي هاختبر فيها خطيبتي انشاء الله هي مدى تدخل الحاجة امها في حياتنا لان الموضوع دة ممكن يسبب مشاكل كتير
مش تخافي عليا :spor22:


هههههههههههههه
طب افرض يا رامي كانت علاقتها باماتها مش قد كدا
انت عارف انه البنت بتربي عيالها زي ماهي اتربت وبتقا حاجه نفسيه كدا
حتي لو قالت انا لازم اكون صحبتها ومش عارف ايه
لكن وقت الجد بتربي البنت بنفس قسوه الام لانه دا فعلا الي بيكون في مصلحتها
وهي بتكتشف انه مامتها عندها حق في كل الي عملته
ودا ممكن يكون صح او مش صح
لكن اتعودت علي كدا
بقت عادات بالنسبه ليها واستحاله تتغير
ومعروف انه البنت بتبقا نسخه طبق الاصل من امها
حتي لو كانت البنت كويسه يا رامي ترضي انها تكون علاقتها وحشه بعيالها
 

ramyghobrial

The Love Faithful
مشرف سابق
إنضم
23 ديسمبر 2005
المشاركات
4,039
مستوى التفاعل
20
النقاط
0
الإقامة
Cairo
mirit_thabet قال:
هههههههههههههه
طب افرض يا رامي كانت علاقتها باماتها مش قد كدا
انت عارف انه البنت بتربي عيالها زي ماهي اتربت وبتقا حاجه نفسيه كدا
حتي لو قالت انا لازم اكون صحبتها ومش عارف ايه
لكن وقت الجد بتربي البنت بنفس قسوه الام لانه دا فعلا الي بيكون في مصلحتها
وهي بتكتشف انه مامتها عندها حق في كل الي عملته
ودا ممكن يكون صح او مش صح
لكن اتعودت علي كدا
بقت عادات بالنسبه ليها واستحاله تتغير
ومعروف انه البنت بتبقا نسخه طبق الاصل من امها
حتي لو كانت البنت كويسه يا رامي ترضي انها تكون علاقتها وحشه بعيالها

لا مش بتكلم في النقطة دي انا بتكلم في تدخل الام في كل حاجة في حياتها الشخصية
لكن تاشبهها مع الام عادي مانا هابقى برضة قبل ماخطب هاختبر الام كمان :t33:
 

ميريت

عضوة مباركة
عضو مبارك
إنضم
27 مايو 2006
المشاركات
1,821
مستوى التفاعل
9
النقاط
0
ramyghobrial قال:
لا مش بتكلم في النقطة دي انا بتكلم في تدخل الام في كل حاجة في حياتها الشخصية
لكن تاشبهها مع الام عادي مانا هابقى برضة قبل ماخطب هاختبر الام كمان :t33:


ربنا ييني العمر واشوف اخرت اختباراتك دي ايه
اما نشوف وقعتك يا رميو
 

Bero

عضو مبارك
عضو مبارك
إنضم
17 ديسمبر 2006
المشاركات
234
مستوى التفاعل
0
النقاط
0
الإقامة
الساكن فى ستر العلى
يبقى السؤال قائما هل فعلا هناك شعور داخلي عند الرجل بقبول التغيير الذي تحاوله المرأة بشكل غير مباشر؟
الإجابة هنا واضحة الرجال لا يحبون أن تقوم المرأة بتغييرهم وما يغير تصرفات الرجال حقيقة هو العلاقة الزوجية حيث أن الزمن هو المغير الأساسي للتصرفات.
انا مش معاك يا ميريت فانا شخصيآ كنت مرتبط قبل كده وكنت بقول لحبيبتى قوللى ايه العيوب اللى مش بتحبى تشوفيها وانا كنت بحاول كل وقت ممكن ان اغير العيوب اللى فى اللى هى مش بتحبها علشان هى اللى بتكملنى وهى جزء منى وانا بحبها انا ليها وهى ليا احنا واحد
ملحوظة : مش كل حاجة احيانآ نشوفها انها وحشة فى مكملى بتيقى غلط ولكن فى حاجات غلط وحاجات صح وانا مع تغيرى للافضل مهما كان

 

tina_tina

مسيحية للأبد
عضو مبارك
إنضم
8 أكتوبر 2006
المشاركات
2,555
مستوى التفاعل
18
النقاط
0
الحكاية مش مين هغير مين
اعتقد ان هما الاتنين بيتفقوا على حاجة محددة
وهما الاتنين بيتغيروا علشان حياتهم تمشى صح
واللى بيتقدم فى التغير الاول اعتقد ده اللى بيحب اكبر
 

الرائحة الذكية

HaPpY MemBeR
عضو مبارك
إنضم
18 أبريل 2006
المشاركات
436
مستوى التفاعل
4
النقاط
0
الإقامة
فى بيت أبى
الإجابة هنا واضحة الرجال لا يحبون أن تقوم المرأة بتغييرهم وما يغير تصرفات الرجال حقيقة هو العلاقة الزوجية حيث أن الزمن هو المغير الأساسي للتصرفات.

وأنا لى رأى مخالف وهو اننا لا نتزوج لنقوم بتغيير بعضنا ..
فالرجل له طباعه ونمطه الخاص وكذلك المرأة , كل طرف له ما يميزه وتكون هذه الصفات هى المكونة لشخصيته فى النهاية.

فكيف تريدين ان تغيرى حياته وشخصيته؟ وكيف تريد انت ان تغيرها هى؟؟!
قد يأتى التغيير ولكنه يأتى من الشخص ذاته ولا يأتى من الخارج.
فأنا مثلا لا اتوقع ان اتزوج رجلا يشبهنى تماما ويناسب افكارى ونمطى فى الحياة , ولكن علىّ ان أتأقلم معه وهو ايضا يتأقلم معى..
فلا يوجد بشر متشابهون .. وليست غاية الزواج ان تغير المرأة رجلها او ان يغير الرجل امرأته.

فانا ارى ان الزواج هو تأقلم مع الاخر ومن ثمّ قبوله .

شكرا ,
ناردين
 

christ my lord

منقوش على كفية
عضو نشيط
إنضم
13 ديسمبر 2006
المشاركات
3,117
مستوى التفاعل
13
النقاط
0
موضوع رائع .. وانا ارى ان المراة بالفعل تستطيع تغير الرجل بحبها الطاغى ولكن هناك ملحوظة التغير هنا ينحصر فى التصرفات ام الطباع فانة من الصعب تغيرة .. فمن الممكن ان المراة تغير تصرف معين يصدر من الرجل وهى تكرهة كمثل العادات السيئة كالتدخين عند الرجل هنا تظهر قوة المراة فى حبها لزوجها على مقدرتها بتغير مثل هذا السلوك ويتوقف الامر هنا على مدى استجابة الرجل للمراة على قدر حبة لها ... اما بالنسبة للطباع فهو امر صعب تغيرة للطرفين حيث يدخل فية عامل الوراثة والجينات ... وكل ما سبق يطبق على الطرفين
 

ميريت

عضوة مباركة
عضو مبارك
إنضم
27 مايو 2006
المشاركات
1,821
مستوى التفاعل
9
النقاط
0
يبقى السؤال قائما هل فعلا هناك شعور داخلي عند الرجل بقبول التغيير الذي تحاوله المرأة بشكل غير مباشر؟
الإجابة هنا واضحة الرجال لا يحبون أن تقوم المرأة بتغييرهم وما يغير تصرفات الرجال حقيقة هو العلاقة الزوجية حيث أن الزمن هو المغير الأساسي للتصرفات.
انا مش معاك يا ميريت فانا شخصيآ كنت مرتبط قبل كده وكنت بقول لحبيبتى قوللى ايه العيوب اللى مش بتحبى تشوفيها وانا كنت بحاول كل وقت ممكن ان اغير العيوب اللى فى اللى هى مش بتحبها علشان هى اللى بتكملنى وهى جزء منى وانا بحبها انا ليها وهى ليا احنا واحد
ملحوظة : مش كل حاجة احيانآ نشوفها انها وحشة فى مكملى بتيقى غلط ولكن فى حاجات غلط وحاجات صح وانا مع تغيرى للافضل مهما كان



الاول يا بيرو
انا بنت مش ولد
تاني حاجه بقا اي ست تحب انه شخصيه الراجل تبقا الاقوي
وحاجه طبيعيه انها تحاول تغيره
الحكمه بقا في الراجل انه يتغير للاحسن
مش علي مزاج الست
لانه لو نفذ كل الي هي عاوزاه هتتنطط عليه

يتغير لو فيه داعي للتغير

يعني مثلا السجاير الشيشه البنات
دي حجات اكيد لازم تتغير ومفيش ست تقبلها
لكن عمال علي بطال تفرمته وتحطله سوفت وير جديد دي غلط
 

ميريت

عضوة مباركة
عضو مبارك
إنضم
27 مايو 2006
المشاركات
1,821
مستوى التفاعل
9
النقاط
0
الحكاية مش مين هغير مين
اعتقد ان هما الاتنين بيتفقوا على حاجة محددة
وهما الاتنين بيتغيروا علشان حياتهم تمشى صح
واللى بيتقدم فى التغير الاول اعتقد ده اللى بيحب اكبر



معاكي حق يا تينا
طبيعي الاتنين بيتغيروا
وكل واحد بيحاول علي قد ما يقدر انه يتغير للاحسن
بس الست طبيعي فيها الحكايه دي
علي راي المثل
جوزك علي ما تغيريه وابنك علي ما تربيه
بس الراجل بقا مش يسمع الكلام عال علي بطال
 

ميريت

عضوة مباركة
عضو مبارك
إنضم
27 مايو 2006
المشاركات
1,821
مستوى التفاعل
9
النقاط
0
الرائحة الذكية;161449 قال:
وأنا لى رأى مخالف وهو اننا لا نتزوج لنقوم بتغيير بعضنا ..
فالرجل له طباعه ونمطه الخاص وكذلك المرأة , كل طرف له ما يميزه وتكون هذه الصفات هى المكونة لشخصيته فى النهاية.

فكيف تريدين ان تغيرى حياته وشخصيته؟ وكيف تريد انت ان تغيرها هى؟؟!
قد يأتى التغيير ولكنه يأتى من الشخص ذاته ولا يأتى من الخارج.
فأنا مثلا لا اتوقع ان اتزوج رجلا يشبهنى تماما ويناسب افكارى ونمطى فى الحياة , ولكن علىّ ان أتأقلم معه وهو ايضا يتأقلم معى..
فلا يوجد بشر متشابهون .. وليست غاية الزواج ان تغير المرأة رجلها او ان يغير الرجل امرأته.

فانا ارى ان الزواج هو تأقلم مع الاخر ومن ثمّ قبوله .

شكرا ,

ناردين


ناردين وحشتينـــــــــــــــــــــــــــــــــــــــــــــــــــــــــــــــي اوي اوي
ووحشتني ردودك اللذيذه
فينك من زمان

بس انا اختلف معاكي
طبيعي يبقا فيه فروق بين الازواج
وطبيعي تحصل مشاكل في الاول
لانهم مش متربين في بيت واحد
لانه دا جاي من بيئه ودي جايه من بيئه تانيه
لازم الاتنين يتعودوا علي طباع بعض والطباع تتغير
بحيث انهم يوصلوا لحاجه وسط في النص
يعني هو وهي يتغيروا
بس مش عمال علي بطال
والوحش بس الي يتغير للاحسن
بس
الست بقا بتتحكم عمال علي بطال
 

ميريت

عضوة مباركة
عضو مبارك
إنضم
27 مايو 2006
المشاركات
1,821
مستوى التفاعل
9
النقاط
0
موضوع رائع .. وانا ارى ان المراة بالفعل تستطيع تغير الرجل بحبها الطاغى ولكن هناك ملحوظة التغير هنا ينحصر فى التصرفات ام الطباع فانة من الصعب تغيرة .. فمن الممكن ان المراة تغير تصرف معين يصدر من الرجل وهى تكرهة كمثل العادات السيئة كالتدخين عند الرجل هنا تظهر قوة المراة فى حبها لزوجها على مقدرتها بتغير مثل هذا السلوك ويتوقف الامر هنا على مدى استجابة الرجل للمراة على قدر حبة لها ... اما بالنسبة للطباع فهو امر صعب تغيرة للطرفين حيث يدخل فية عامل الوراثة والجينات ... وكل ما سبق يطبق على الطرفين

شكرا يا يوساب علي ردك
بس مش كدا وبس الستات في المجتمع هنا قويه
بتحاول علي قد ما تقدر تعمل الراجل علي مزاجها
وتمشيه تحت طوعها
ياعيني مسكينه
من نصايح الامهات
ادبحيله انتي القطه قبل ماهو يدبحهالك
ومش عارف ايه
للاسف العادات والتقاليد في المجتمعات الشرقيه
لغت جانب الدلال والرقه والنعومه في الست
خلتها زي الافلام القديمه
قويه وجباره
زي ماري منيب كدا في حماتي قنبله زريه
للاسف هو دا المجتع الشرقي
انا من رائي الست ممكن تاخد كل الي هي عاوزاه
بس بزكاء من غير ما تلغي شخصيه الراجل
تخليه يعمل كل الي هي عاوزاه عشان هو بيحبها
بس مش تلغيله شخصيته زي ما بيحصل وبنشوف
 

tina_tina

مسيحية للأبد
عضو مبارك
إنضم
8 أكتوبر 2006
المشاركات
2,555
مستوى التفاعل
18
النقاط
0
معاكي حق يا تينا
طبيعي الاتنين بيتغيروا
وكل واحد بيحاول علي قد ما يقدر انه يتغير للاحسن
بس الست طبيعي فيها الحكايه دي
علي راي المثل
جوزك علي ما تغيريه وابنك علي ما تربيه
بس الراجل بقا مش يسمع الكلام عال علي بطال


لا بالعكس
لو بيحبها بجد هتغير ويعمل المستحيل علشان خاطرها
 
أعلى