ياترى العالم من غير مهندسين شكله ازاى؟؟؟

elmafdy قال:

أهلا أهلا أهلا leasantr leasantr

هو أنتوا طلعتوا زمل , يا مراحب يا مراحب , يعنى أنا نفسى أنسى أنى مهندس شويه و أروح حته ما فيهاش مهندسين , أجى الاقيكم هنا ورايا ورايا .:t32:

أصل احنا المهندسين غلابه جدا , أولا من أول ما بندخل الكليه و بنأخد اسطمبه واحده كلنا كده , بنفكر زى بعض و بنتكلم زى بعض و بنبقى شكل واحد , حتى البنات سبحان الله بيدخلوا هندسه بنات حلوين قمرات :t23: , و هما محاضرتين وصفيه على محاضرتين فيزياء على محاضرة ميكانيكا , تبتدى يحصل لها تغيرات و تلاقيها بطلت تسرح شعرها و بطلت تحط بارفان , شهرين تلاته تلاقيها بطلت تلبس - ما تفهموش غلط , استنوا لما اكمل - بطلت تلبس لبس شيك و هو بنطلون جينز واحد جربان و قميص واسع كده مالوش ملامح و كوتشى مطين كل يوم لأخر السنه :crazy_pil , و اللى حالتها بتتطور بعد خمس أو ست شهور كده تلاقيها سابت دقنها و شنبها , و تحس انك لو قعدت مع عم فهمى فراش المدرج ها تحس فيه بأنوثه اكتر منها .ld:

الله يسامحكم خلتونى اتسحب من لسانى و انزل تقطيع فى بنات هندسه مع ان مش ده موضوعى .

اللى انا كنت عاوز اقوله ان احنا المهندسين ربنا يكون فى عوننا , طبيعة حياتنا و دراستنا بتحكم علينا اننا نفضل فى خلقة بعض طول عمرنا , من أول يوم فى الكليه و بعد كده فى الشغل و غالبا شلة الاصحاب , كله مهندسين فى مهندسين , لما الواحد بيحس انه بقى متوازى الاضلاع .

المهم أنى جيت هنا بناء على أوامر الدكتور , اللى قال لى ابعد عن الانفعال و المهندسين و تروح أى منتدى هادى كام يوم تغير جو , أجى الاقى المنتديات هنا بتشغى مهندسين - و للعلم بتشغى دى كلمه يفهمها المصريين كويس و غالبا ما تطلق على الدماغ اللى مليانه و لا مؤاخذه قمل - , عموما اهلا بالزملاء و وداعا لأجازه الهندسه اللى كنت بأحلم بيها .

و الرب يبارك و يهدى الجميع

المفدى

أنقر للتوسيع...