يوم الولادة و ذكرياته

عن نفسى لا يمكن أن أنسى يوم ولادة إبنى

ليس لأنى كنت سعيدة بالحدث (فأنا لم أشعر بالسعادة أصلًا) :love34:

بل بسبب الأحداث الل حصلت فيه

و قبل أن أحكى عن ذكريات هذا اليوم

يجب أن تعرفوا

أنى فى أثناء فترة الحمل كنت قد قرأت مرجع طبى باللغة الانجليزية عن الولادة و ما يحدث فيها

هذا المرجع يخص أمى (الطبيبة) فبالتالى قرأته كله

هذا المرجع تكلم عن وضع الجنين الطبيعى و الغير طبيعى

تكلم عن آلام الولادة كيف تبدأ و كيف يزداد معدلها حتى الولادة

تكلم عن المدة الطبيعية من بداية الألم حتى الولادة سواء فى الولادة الأولى أو غيرها

و علمت أن هذه المدة = 16 ساعة (للحالات الطبيعية) فى الولادة الأولى

علمت أنه مع أول ألم يتم إفراز بعض الإفرازات الدمويةالتى تسمى بالعلامة (تعبير دارج فى مصر)

ما علينا

قبل الولادة بيومين بالظبط ذهبت لإحدى مراكز الأشعة المعروفة بالاسكندرية لعمل سونار و معرفة ميعاد الولادة

و كانت نتيجة الأشعة تقول ستلدين بعد 7 أيام

لكن الواقع كان غير ذلك

بدأ أول ألم للولادة بعد الأشعة بيومين الساعة 2:00 فجرًا

كنت نائمة فى ساااااااااااااابع نومة (فى بيت أبى و أمى فى حجرتى) عادة أنام 9 مساء

كان يوم 25 ديسمبر

و الجو تلللللللللللللللج

و بيت بابا و ماما بحرى تلللللللللللج

لكن طبعا الحامل بتبقى حاسة إن الدنيا حر

المهم

لما حسيت بالألم : كان نفس إحساس ألم الإسهال بالظبط

فقومت على الحمام فشاهدت العلامة و علمت أنها الولادة

لم أشأ أن أقوم بإيقاظ أى أحد من المنزل

لسة 16 ساعة يعنى المفروض أولد 6 مساء

أسيبهم ياخدوا نومتهم عشان ح يبقى يوم طوييييييييييييل

قعدت فى الصالة متتبعة معدل الألم (الذى كان مظبوط بالظبط على المرجع)

إستيقظت أمى الساعة 5 الفجر (كالعادة)

مالك ؟

أنا ح أولد يا ماما النهاردة

حاسة بالألم ؟

أيوة زى الكتاب

و شوفتى العلامة ؟

أيوة زى الكتاب

أول ألم كان إمتى ؟

الساعة 2

طب تحبى تروحى المستشفى دلوقتى ؟

لا طبعا _ لما تقوموا تفطروا كدة و تدخلوا الحمام و تفوقوا نفسكوا _النهاردة يوم طويل _ و لازم تكونوا فايقين _ لسة 13 ساعة

و قد كان

يتبع


:blush2:


​

هو الانسان يحب يتدلع : عااااااااااادى جدا :t23:

بس أنا كنت هممنى مصلحتى و عايزاهم فايقين معايا كدة :smile01

قولت فى بالى : لو صحيتهم بدرى كدة _ على آخر اليوم ح يناموا _ و أنا ح أكون محتاجاهم و ح أكون معايا نونو كمان :2:


​

أنا شايفة : عادى ممكن فى الشغل

ما فيهوش حاجة : واحدة بتولد :new6:

​

الباشا : نوعية شغله سفر

فما كانش موجود :smil12:

​

المهم

ماما أيقظت بابا و قالت له : البت ح تولد النهاردة

بابا : يا بنتى تروحى المستشفى دلوقتى يلا بينا مش مهم نفطر يلا يلا

لا لا لايمكن _ إفطروا و خدوا الدوش بتاع الصبح و اشربوا قهوتكوا

يا بنتى افرضى حصل حاجة

مش ح يحصل حاجة يلا يلا قوموا افطروا

_______________


آلام الولادة تشبه كثيرا آلام الدورة الشهرية

عبارة عن مغص أسفل البطن تزداد مدته و قوته و معدله تدريجيا

________

على الساعة 9 الصبح

بدأت الآلام تزداد مدتها و قوتها و معدلها لكنها كانت محتملة

إتصلت بالدكتور فقال لى : روحى المستشفى دلوقتى

مش لسة بدرى ؟

لا روحى دلوقتى عشان يفتحوا أوضة العمليات و أنا ح أكلم المستشفى و ح آجى

و بالفعل روحت المستشفى و معايا بابا و ماما

دخلونى على أوضة رقم 303

جاءت الساعة 11 صباحا

و الآلام مستمرة (على وزن الثورة مستمرة)

و هنا بدأت أبرطم فى الكلام مع أمى

أنا نفسى أفهم : إنتى كنتى متسربعة على جوازى ليه ؟ إيه العذاب دا ياربى _ و المهم إنك جربتى نفس الألم _ غريبة أوى الصراحة يعنى _ إنتى بتفكرى إزاى ؟

لسة ماما ح ترد أوم بابا منعها و قالها : سيبيها عشان هى متألمة

أوم أنا موجهة كلامى لبابا : لا سيبها ترد

و فجأة زااااااااااادت الآلام جدا جدا

أأأأأأأأأأأأأأأأأأأأأأه _ الله يخربيت الل يفكر فى الجواز عل الخلفة عل الل جوزوا عيالهم
أنا متخلفة إنى سمعت كلامكوا

أأأأأأأأأأأأأأأأأأأأأأأه _ يارب خدنى

إيه دا إن شاء الله و أنا لسة ح أستحمل 7 ساعات على كدة ؟؟

فصوت و قولت : هاتوا الدكتور ولدونى قيصرى

ماما :يابت إستحملى ما تبقيش عبيطة

أيوة أنا عبيطة _ عبيطة و ستين عبيطة إنى سمعت كلامكوا و اتجوزت

ولدوووووووووووووووووووونى قيصرى

طلعت للممرضة و سألتها فين الدكتور ؟

أهو لسة واصل تحت و طالع لك فى الاسانسير _ إتفضلى عل السرير _ عشان الكشف

جه الدكتور _ لبس الجوانتى _ كشف و قال : 2 fingers لسة شوية

أنا نازل تحت و لو فيه أى حاجة الممرضة ح تقول لى

ماما سألته : ح تولد طبيعى ؟

أيوة

الدكتور كان رفيع و قصير و بنظارة و أبيض اللون (الدكتور المتابع لحالتى من أول الحمل)

كان لابس قميص كاروهات أبيض * أحمر * كحلى و جيليه كحلى و بنطلون أسود و سويتر إسود

بعد ما مشى الدكتور

دخل بابا الأوضة و سألنى : هو دا الدكتور الل ح يولدك ؟

قولت له : أيوة

و دا حيولدك إزاى ؟

زى ما ولد غيرى

الل أعرفه إن دكاترة النسا لازم يبقوا بدى body (جتة يعنى)

ليه يعنى هو ح يولد بقرة و لا جاموسة و لا يمكن حمارة ؟ :w00t:

أنا حمارة إنى إتجوزت

بابا ساعتها : هاتك يا ضحك :11azy:

يتبع


​

جاءت الساعة 12 ظهرا

لم يكن الألم طبيعى

الألم لا ينفصل _ مستمر _ و قوى جدا جدا

و بدأت مرحلة العرق

ما كنتش قادرة أقف

إستلقيت على جانبى الأيمن على السرير فى الأوضة 303

و لفيت المخدة حوالين دماغى و هاتك يا صوييييييييييت

الألم مسك فى بطنى كلها _ ما بقاش أسفل البطن بس لا لا لا بقى كل البطن

فقولت لماما : خلاص ديه لحظة موتى

يا بت بلاش عبط

إزاى لسة 6 ساعات إزاى ؟ حأموت صدقينى

و هاتك يا صويت و عرق و دموع و عياط

الألم ما كانش طبيعى

الممرضة شافت حالتى _ إتصلت بالدكتور _ جاء الساعة 12:30

لبس الجوانتى _ كشف : 4fingers ح تولد دلوقتى

ماما سألته : طبيعى ؟

قيصرى

لا إستنى عليها شوية

الدكتور كان واقف جانبى و باصص ناحيتى فى أثناء ما أمى كانت بتكلمه

فمسكته (أنا) من ياقة السويتر بتاعه بإيدى الاتنين و دفعته ناحيتى بقوة

و قولت له : ولدنى قيصرى و سيبك منها _ أنا صاحبة الشأن

إهدى إهدى

مش ح أستحمل كمان 5 ساعات _ ح أمووووووووووووووووت

فتدخلت ماما و قالت : ما ينفعش كدة أبدا _ البنت ماشية على الكتاب حرام يعنى أصبر عليها

قال لها : الجنين بيدخل جوة وقت الطلق

ماما عوجت بؤها

و الدكتور خرج من الأوضة

___________

يا بت استحملى _ الراجل دا بيكذب ما فيش حاجة إسمها أثناء الطلق الجنين بيدخل _ إصبرى فاضل 5 ساعات

يا ماما كلامه صح _ أنا حاسة بالنونو فعلا بيدخل جوة مش بيطلع

إنتى الل خايفة

يا ماما ح أمووووووووووووووت مش ح أستحمل دقايق

________________

و فجأة دخلت الممرضة و معها بدلة العمليات و كرسى بعجل

لبست البدلة بالعافية لأنى ما كنتش عارفة أقلع الهدوم الل أنا لابساها

الممرضة هى الل قلعتنى و لبستنى

ماما قالت : لا دا شغل عمليات مش شغل ولادة طبيعية دا

ماما كانت متضايقة جدا

______________

دخلت أوضة العمليات فعلا

يتبع​

دخلت أوضة العمليات الساعة 1:00pm

السرير الل فى العمليات كان مرتفع

يعنى تطلع له بسلالم

ممرضة العمليات قالت لى : إتفضلى هنا و بتشاور عل السرير

ساعدينى

فسندونى إتنين ممرضات و نمت على السرير

دكتور التخدير دخل

كان كبير فى السن هادىء _ كانت عيناه زرقاء

فسألنى : إسمك إيه ؟

قولت له : إيرينى

طب قولى أبانا الذى فى السموات

فقولت أبانا الذى فى .............................. و روحت ما حسيتش بالدنيا

على حد قول ماما إنها سمعت صوت واااااااااااااااااااء الساعة 1:20pm

و انى خرجت من العمليات الساعة 2:00pm

الغريبة إن أمى سابتنى و راحت تشوف شكل النونو و معاها بابا :new6: فى حجرة خاصة بالأطفال المولودين

المهم

رجعت على الأوضة 303

أنا شايفة كل حاجة مزغللة لكن حاسة بالجرح أسفل البطن (أنه مؤلم جدا)

رجعت أمى و أبى للحجرة

بابا قال لى : الولة شكله جميل يا إيرينى و وزنه طبيعى و حالته طبيعية

ما كنتش لسة فوقت أوى

الناس كلها مزغللة

بعدها بشوية دخل شخص (طبعا مزغلل) ضخم الجثة و معاه واحدة لابسة أخضر (مزغللة روخرة)

ثم فجأة جاء هذا الرجل و مسك بطنى كأنه بيعصرها

طبعا شد على الجرح _ فآلمنى جدا _ فمسكت يداه الاثنتين كرد فعل سريع منى لم أكن أستطيع حتى الكلام

فقالت الممرضة الل لابسة أخضر و قالت لى : دا بيعصر لك

قولت فى سرى : ليه ميتة ؟؟ :new6:

و خرج الضخم الأبيض هو و الممرضة الخضرا

بعدها بمدة قليلة

حدثت حساسية مفاجئة فى الحنجرة و القصبة الهوائية أدت إلى إختناقى

ما كنتش عارفة أسحب هواء خالص

وشى إزرق و بدأت أتنفض زى الل بتطلع فى الروح

ماما بسرعة نادت على الممرضة _ الل اتصلت فى ثانيتها بدكتور البنج _ الل إداها أمر بحقنة معينة فى الوريد

و قد كان _ أعطتنى الحقنة _ و بعدها إستطعت التنفس عادى

يتبع​

إنها الحقيقة المفزعة

بس أهم حاجة يا عبد يسوع إنك شاركت فى موضوعى

ديه معجزة فى حد ذاتها : تُكتَب فى ذكرياتى :flowers:
​

طما تحكى لنا ذكرياتك طا :smil12:

دول 3 ولدات

يعنى ح نظييييييييييط :w00t:
​

يُحزَّق إيه يا عم

هو الواد دا كان ينفع معاه حزق

دا كان حالف ماهو طالع :smil12:

أما لو حبو كتبت ذكرياتها هى روخرة

يبقى موضوع الموسم :w00t:

​

لسة لسة إصطبرى

التقيل جاى أودام
​

على الساعة 6pm كنت بدأت أوعى كويس و أشوف الناس واضحين جدا

و قدرت على الكلام لكن ما كنتش أقدر أقعد

جاءت واحدة (دادة) من أوضة الأطفال و سألتنى : أجيب لك النونو ترضعيه ؟

لا ما تجيبيش حاجة خليه عندك

طب ما نفسكيش تشوفيه ؟

لا خااااااااااالص خليه عندك و ما تجيبيهوليش النهاردة مش عايزة أشوف خلقة أبوه الله يكرمك

الست سكتت و مشيت

بعدها بربع ساعة جاءت و معاها النونو

أنا مش قولت لك ما تجيبيهوش ؟

ما هو لازم يرضع

الولة شكله ما كانش عاجبنى

عبارة عن لحمة حمرا على زرقا على سودة على ما تفهمش كدة شبه الأخطبوط و ضوافره طويلة و شعره طويل

يع يع _ إيه المنظر دا ؟

الست قالت لى : دا أجمل ولد إتولد هنا فى المستشفى

يا ساتر يارب

فقعدتنى و آل إيه بتعلمنى إزاى أرضعه

الولة مش عارف يشفط أيتوها حاجة

و أنا كمان ما فيش لبن (حليب) خااااااااااالص بينزل و لا نقطة

فقولت للدادة : خدى الواد دا _ إديله لبن صناعى يلعن أبو شكله _ عنه ما رضع

أخدته منى و راحت بيه على أوضة الأطفال

_____________

على الساعة 7 أمى قالت لى : ح يبدأوا الناس يزوروكى و ما يلاقوش جنبك النونو ؟ _ ما ينفعش ح أبعت أجيبه

و فعلا جه النونو

على الساعة 8 جاءت زيارة من حماتى و جوز بنتها الصغيرة (الل كانت لسة والدة بنوتة من قبلى بشهر قيصرى)

حماتى بتسأل ماما : ليه ولدت كيسرى (قيصرى) ؟ و عملت كدة حركة بحواجبها (نزلت حاجب و طلعت حاجب)

ماما بدأت تحكى لها الحوكاية

قامت حماتى مصمصت ببؤها و قالت : لازم الحود ديأ (الحوض ضيق)

قامت أمى وشها جاب ألوان من الغيظ

حماتى شالت الولة و قالت : بسم السليب (الصليب) (كأنها شافت عفريت) مش تالع (طالع) حلو زى أبوه (طبعا قصدها وحش زى أمه اللى هى أنا)

كان لسة بابا ح يرد فلحقت أنا و رديت : بس يطلع فى نباهة الوحشة أمه و يدخل هندسة و لا صيدلة زى خاله و لا طب زى سته أم أمه

أوم حماتى مصمصت تانى بشفايفها

مشيت حماتى و جوز بنتها

ماما قالت لى : شوفتى لو كنتى استحملتى ما كاتش قالت الحود ديأ

يا ماما مش فاكرة لما بابا حكى إن أخوه الكبير كان خاطب حماتى ديه و فك الخطوبة عشان قال إنها عبيطة ؟

أيوة فاكرة

طب تعملى عقلك بعقل عبيطة ؟ _ كنتى تقولى لها الحود مكسور أسلًا _ بس الغريبة إن بابا كان عارف الحكاية ديه و ما قالهاليش قبل الجواز و خلانى أتجوز ابن العبيطة

:t23::t23::t23:

يتبع

​