القرعة الهيكلية فى اختيار البطرك مش فى أختيار العروسة ..
أنت تصلى لربنا وتطلب منه ارشادك ..
وتشوف الأمور المتفقة والمختلفة وبينكم ومدى توافقكم مع بعض ..
ده اللى يحدد مش القرعة .
سلام لشخصك المحبوب من الله أخي الحبيب الموضوع كله يتلخص في شخصيتك ومدى توافقك مع الشخصية اللي هاتختارها لتكمل معاها مسيرة حياتك، فالزواج شركة بين طرفين بيكملوا حياتهم مع بعض على حلوها ومرها، فأن لم يكن هناك توافق منذ البداية واختيار سليم فولا واحد فيكم هايقدر يكمل مسيره حياته مع التاني ومش هاتقدروا تواصلوا وهاتبدأ مشاكل لا تنتهي وتتفاقم مع الأيام إلى أن تصل للفراق وسيستحيل الصلح فيا اما تفارقوا بعض وتسعوا للطلاق، او تقبلوا بعض عافية ومش حد فيكم طايق التاني وبيتلكك على غلطة علشان يتخانق ويسيب البيت.
والموضوع مش مسألة قرعة تختار منها، انت لازم تطلب معونة الله لكي يعينك بالحكمة علشان تقدر تختار الاختيار السليم للشخصية اللي تقدر تتكيف معاك وتقبل عيوبك قبل ميزاتك، وانت كمان لازم تشوف عيب الشخصية اللي قدامك وتحسبها هل تقدر تحتمل هذا العيب وتتعامل معاه إلى نهاية حياتكم والا لأ، ولا تضع في ذهنك أنك هاتقدر تغير عيب اللي قدامك، لأن كتير من الناس غلطوا هذه الغلطة وفي النهاية مش قدروا يغيروا حد وضاعت حياتهم بسبب عدم القدرة على تغيير الآخر، ومش عرفوا يتعاملوا مع العيوب وقبلوها على ما هي.. فاحسبها بالعقل والتعقل واطلب الحكمة من الله الحي علشان تقدر تختار صح، وربنا يوفقك في اختيارك.
انا اعرف القرعه دى بتتعمل
لما الواحد يكون محتار بين عروستين
او لسه هيتقدم لواحده لكن بعد
الخطوبه يعنى قعدت واتكلمت معاها
عموما صلى واطلب مشورة ومعونةربنا
و انك مش مرتاح ممكن يكون
المشكله عندك مش عندها هى