الست الشرقية معمولها غسيل مخ وبتربى عيالها على نفس غسيل المخ اللى اتعملها
وعلشان ياسول تفهمى احنا نقصد ايه ياريت تشوفى اول حلقة فى مسلسل حكاية بنت اسمها ذات , الام مصممة انها تعمل عملية ختان لبنتها والاب هو اللى رافض رغم ان الام اتعملها العملية ديه وهى صغيرة واتأذت منها الا انها هى اللى مصممة تكمل نفس القرف مع بنتها
طيب ديه يعملولها ايه ديه ؟
الراجل مش هيغير اى حاجة فى المجتمع الذكورى لان هو المستفيد
وطبعا تعليق الاخطاء كلها على الست ديه طبيعة المجتمعات الذكورية لان الراجل فيها بيكون مدلل والمجتمع مدلعه ومبيعرفش يتحمل مسئولية اخطائة لان المجتمع عوده ان اخطائة مغفورة وعادى بتعدى انما الست لا
اذا كان متحرش ولا مغتصب مش ذنبه ياعين امه لان الست اللى ماشية لابسة من غير هدوم هى اللى اغرته
مجتمع بيكافئ المغتصب انه بيجوزه الضحية بتاعته علشان يدارى على الفضيحة , يعنى الفضيحة اهم من البنت ومن نفسيتها انها تتكسر مرتين مرة فى اغتصابها ومرة انها تتجوز حيوان زى ده
الراجل شرقى مدلل ومتعودش انه يتحمل مسئولية اخطائة ولا حتى يصلحها ولا يطور من شخصيته وعلى فكرة ده بيرجع للام اللى بتربى الولد وبتدلعه وتنفخ فيه زى البلونة لانه ولد
