مذاكرت سفروت الشقى
النهاردة اول يوم فى الامتحانات و انا مذاكرتش غير شوية معلوماتفجتنى فكرة انما جهنمية اغش من اللى جنبى من غير اذية
فرميت عينى فى كراسة الاجابة زى ما بيرموا القذيفة من الدبابة
و فعت انقل الاجابت فى سلام محدش شايفنى و كله تمام
و فجأة قذيفة ضربتنى على قفايا ده المراقف شافنى و كانت حكاية
و قالى ارفع عينك يا حرامى و على رئيس اللجان يلا قدامى
و رئيس اللجان كان راجل ظريف عمل معايا موقف انما مخيف
علقنى من رجلى زى القرد و مكنتش طايل لا سما ولا ارض
فقلتلهم نزلونى يا بهوات ده مش غش ده تبادل معلومات
قالولى ده غش فى كل الحالات و هتفضل متعلق لحد يوم التلات
و النتيجة كانت صفر على عشرة و اتذاع خبر غشى فى النشرة
ده غير اللى عمله بابا ... اه يانى و ادينى مستنى امتحان الدور التانى
