منتديات الكنيسة

العودة   منتديات الكنيسة المنتديات المسيحية المرشد الروحي

إضافة رد

الموضوع: انسان

أدوات الموضوع
قديم 13-03-2016, 06:42 PM   #1
Vanishing_Son
عضو مشارك
 
الصورة الرمزية Vanishing_Son
 
تاريخ التسجيل: Dec 2006
الدولة: Cairo
المشاركات: 156
ذكر
 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266
افتراضي

انسان


سلام ونعمة للجميع

بقالى كتير مجتش هنا والناس اللى تعرفنى عارفه انى عامل زى اسرائيل يوم اجى وعشرة مش موجود ويمكن دا جزء من المشكلة.

الموضوع مش كبير بس بالنسبة ليا حياة او موت سورى انا معرفتش احط عنوان للموضوع وممكن اى حد يعدل ويكتب الاسم اللى يليق، نقول المشكلة

اولاً كنت كتبت من فترة كبيرة عن رجوعى للكنيسة و بشكر كل انسان رد عليا
بس للاسف الرجوع كان وقتى ومستمرش كتير،

حاليا انا محتاج النصيحة لكن مش عايزها ادابية (اسف ليكم) بس انا انسان غريب ومريض مش محتاج اعرف الدواء بيتصنع ازاى على قد ما انا محتاج الدواء اكتر
انا حالاً مش فى الكنيسة وبعيد عنها تماماً وحالياً كمان مليش كنيسة احضر فيها (لو حد يعرف كنيسة قريبه من الهرم وفيصل و الدقى ياريت يقولى بس يكون فيها اجتماع كويس مش اجتماع روحى وبس)

الشيطان عامل عروض هايلة جدا بتخلينى مش بخرج من عنده، كل ما افكر ارجع لازم يحصل شىء وابعد.

انا نفسى اكون مسيحى زيكم فعلاً عايز احضر القداس و ادوق الحياة مع ربى انا بقالى سنين مش عارف اعيش يمكن قدام الناس ناجح وكلام عبيط وخلاص لكن انا مش عايز النجاح دا،
انا عايز ارجع بيتى بقى عايز اكون مع ابويا و فى حضنه عايز اتناول زى زمان
عايز اسمى يرجع زى ما كل الناس كانت بتقوله،
انا تعبت من العالم و فى نفس الوقت مش عارف ارجع للكنيسة
كل ما ارجع واحضر اجتماع احس انى اتاخرت اوى الناس بتكلم على حرب الشيطان الفكرية و الصلاة
و انا داخل قال ايه عايز اتعلم الصلاة لسه (مش اتعلمها انى اقرأ من الاجبية لكن اعيشها زيكم).

انا تعبت من العالم و كل اللى محتاجه منكم بس طريق طريق اقدر اهرب من العالم و اجرى فيه

على رأى ابويا الواحد لما بيعترف بيقلع الجلابية المتوسخه ويلبس الجلابية البيضاء
انا بقى كل جلابياتى سوداء لابسها قدام العالم عشان يقولوا شياكه انا لابسها عشان مش بتبين البقع و الاوساخ اللى عليها.

محتاج حد يكلمنى يقولى اقرا النهاردة و صلى معايا (دى مشكلة نفسية عندى فى الطريق لابد من رفيق)
محتاج اكون فى الكنيسة انا بموت فى اليوم الف مره و مش اكون مسيحى زيكم
نفسى ادخل بيت ابويا و افضل جواه
انا تعبت من الغربة
Vanishing_Son غير متصل   رد مع اقتباس الرد السريع على هذه المشاركة
قديم 13-03-2016, 08:57 PM   #2
aymonded
مشرف
 
الصورة الرمزية aymonded
 
تاريخ التسجيل: Oct 2009
المشاركات: 15,781
ذكر
مواضيع المدونة: 6
 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658
سلام في محبة ربنا يسوع
أخي الحبيب لكي تتخلص من هذه المشكلة يلزمك أن تحدد هدفك (أنت عايز ايه على وجه التحديد)، بمعنى أن لازم تحدد هدفك الشخصي بعد لما تجلس مع نفسك بهدوء وتشوف انت عايز ايه في حياتك أو الهدف الي عايز توصل له في النهاية ايه هو، لأن من الطبيعي لو كان هناك صياد يبحث عن صيد يقدر يقوت نفسه بيه، فأن خرج يبحث عنه ووجده يظل يطارده وعينه عليه، أما أن تاه الهدف منه وضاعت الرؤيا، ففوراً يتشتت ولا يعلم اين يذهب، مثل لو جدت مجموعة من الذئاب تطارد أرنب بري أن ضاع الأرنب عن عينيها تجد أن كل ذئب سار في طريق مُخالف لأنه لا يرى الهدف أمامه.. وهكذا كل واحد فينا أن لم يعرف ماذا يُريد سيضيع الهدف ولن يعرف إلى أين يذهب.

ومن الأهمية حينما تسير في الطريق الروحي لا تنظر لمستوى الآخرين الروحي، لأن لما بنبدأ بنبدأ في طفولة روحية ثم ننمو، مثل الطفل، والطفل لا يكبر في يوم وليلة بل كل شيء له وقته، وكل واحد بيحيا حسب عمره وسنه الذي لا تتناسب طريقة حياته مع آخر ناضح ونامي، وبالطبع النمو بيختلف من شخص لآخر، واحد ينمو سريعاً والآخر ببطئ لكن الأثنين سائرين في نفس الطريق ولا يوجد عيب، بل على الكل أن يستمر ببساطة قلب وينمو وفق طبيعته حسب عمل الله فيه.

وأعلم أخي الحبيب الصلاة لا تحتاج دروس ولا قوانين، بل تحتاج قلب بسيط في الإيمان، فالصلاة حلاوتها في بساطة ناطقها وقلب قائلها، فكل ما اقدر أن ساعدك به هي خبرتي الشخصية من ناحية الصلاة، لأن حينما نرفع القلب لله ببساطة قلب عن حاجة إليه يستجيب ويكون لها مفعول قوي في الحياة الشخصية، لأن الصلاة لا تقاس بطولها أو عمق كلماتها أو التوسع في معرفتها، بل تقاس على الإيمان العامل بالمحبة فقط، وعلى قدر ما يكون الإنسان بسيط كطفل أمام الله على قدر ما ينال أكثر مما يظن أو يفتكر أو حتى يتخيل أو سمع عن مجد الصلاة وعظمة قوتها.

aymonded غير متصل   رد مع اقتباس الرد السريع على هذه المشاركة
قديم 14-03-2016, 03:31 AM   #3
Vanishing_Son
عضو مشارك
 
الصورة الرمزية Vanishing_Son
 
تاريخ التسجيل: Dec 2006
الدولة: Cairo
المشاركات: 156
ذكر
 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266
اقتباس: المشاركة الأصلية كتبت بواسطة aymonded مشاهدة المشاركة
سلام في محبة ربنا يسوع
أخي الحبيب لكي تتخلص من هذه المشكلة يلزمك أن تحدد هدفك (أنت عايز ايه على وجه التحديد)، بمعنى أن لازم تحدد هدفك الشخصي بعد لما تجلس مع نفسك بهدوء وتشوف انت عايز ايه في حياتك أو الهدف الي عايز توصل له في النهاية ايه هو، لأن من الطبيعي لو كان هناك صياد يبحث عن صيد يقدر يقوت نفسه بيه، فأن خرج يبحث عنه ووجده يظل يطارده وعينه عليه، أما أن تاه الهدف منه وضاعت الرؤيا، ففوراً يتشتت ولا يعلم اين يذهب، مثل لو جدت مجموعة من الذئاب تطارد أرنب بري أن ضاع الأرنب عن عينيها تجد أن كل ذئب سار في طريق مُخالف لأنه لا يرى الهدف أمامه.. وهكذا كل واحد فينا أن لم يعرف ماذا يُريد سيضيع الهدف ولن يعرف إلى أين يذهب.

ومن الأهمية حينما تسير في الطريق الروحي لا تنظر لمستوى الآخرين الروحي، لأن لما بنبدأ بنبدأ في طفولة روحية ثم ننمو، مثل الطفل، والطفل لا يكبر في يوم وليلة بل كل شيء له وقته، وكل واحد بيحيا حسب عمره وسنه الذي لا تتناسب طريقة حياته مع آخر ناضح ونامي، وبالطبع النمو بيختلف من شخص لآخر، واحد ينمو سريعاً والآخر ببطئ لكن الأثنين سائرين في نفس الطريق ولا يوجد عيب، بل على الكل أن يستمر ببساطة قلب وينمو وفق طبيعته حسب عمل الله فيه.

وأعلم أخي الحبيب الصلاة لا تحتاج دروس ولا قوانين، بل تحتاج قلب بسيط في الإيمان، فالصلاة حلاوتها في بساطة ناطقها وقلب قائلها، فكل ما اقدر أن ساعدك به هي خبرتي الشخصية من ناحية الصلاة، لأن حينما نرفع القلب لله ببساطة قلب عن حاجة إليه يستجيب ويكون لها مفعول قوي في الحياة الشخصية، لأن الصلاة لا تقاس بطولها أو عمق كلماتها أو التوسع في معرفتها، بل تقاس على الإيمان العامل بالمحبة فقط، وعلى قدر ما يكون الإنسان بسيط كطفل أمام الله على قدر ما ينال أكثر مما يظن أو يفتكر أو حتى يتخيل أو سمع عن مجد الصلاة وعظمة قوتها.


انكلى العزيز واخويا الكبير
مع احترامى لك كلام حضرتك ليا تعليق بسيط صغير نونو (واسف جدا لو فى اى كلمة هضايق حضرتك)
انا عايز ايه!! انا عايز اكون مسيحى افضل فى الكنيسة اعيش مع ابويا اكون فى حضنه اصلى و اصوم ارنم اسمه
زمان كانوا بينادونى فى كل حتى من اول شغل و مدرستى و الشارع باسم عماد المسيحى دلوقتى كله بيقولى يا عماد
يا عماد وبس اللى عايزه هدفى انى ابقى عماد المسيحى تانى.
وزى ما قولت فى كلامى فى الاول واسف طبعا لو كلامى ضايقك بس فعلا انا مش عايز وعظ انا عايز حياة
سيدى الفاضل الصلاة لا تحتاج لدروس دى شىء انا عارفه لكن انت مفهمتش قصدى لانك عايش فى بيت ابوك مش مرمى برا فى الشارع زى
اللى قصدى عليه وبكل بساطه زى ما انت قولت كدا قطيع الذئاب قطيع مش فرد مش ذئب واحد
اللى عايزه هو انى اعيش مسيحى و مش ببص على قامة حد لكن زى ما انت قولت الطفل لا يكبر فى يوم وليلة
وانا كل اللى حواليا من ناس و كنيسة واشخاص شايفين انى كبرت خلاص مش طفل
اللى محتاجه فعلا صديق يمشى معايا الطريق مرشد روحى يقولى صليت النهارده يسالنى عملت ايه فى يومك كلمت ابوك كام مره
اللى محتاجه شىء كان موجود واختفى
زمان كان الخدام بيسالوا ويطمنوا ويعرفوا دلوقتى اب اعترافى بقى عنده سكرتيرة بتبعت كروت المعايده فى مواعيدها بالكشوفات
انا طفل زى ما انت بتقول ط%» ^ر1 واعى وعارف الصح من الغلط لكن مش عارف يعيش الصح
عارف زمان انا دوقت حلاوة المسيح دوقت العيشه فى بيت ابويا كنت اسعد انسان دلوقتى مش عارف اروح كنيسة تخيل
بتلكك لاى حد عشان يفتح موضوع فى اسم ربنا عشان اقعد احكى واتكلم واقول للناس ربنا بيحبنا مش جايبنا عبيد
اللى نفسى فيه اجتماع او حتى مكان او حتى صفحة نت اعرف اتكلم فيها عن ابويا و حد يعلمنى ويفهمنى
يا سيدى دا ان خطايا الجهاله عندى اكتر من الخطايا العاديه
دا انا كنت بصلى و اطلب المشورة من المسيح فى الخطيه واقوله اعملها ولا لا
نفسى ابكى زى ما كنت نفسى اعيش تعبت من العالم
بقيت زى ما ابونا قالى دوقت حلاوة ابويا ومقعدتش معاه و عيشت فى العالم ومش عارف ابقى منه
بقيت منبوذ من كل مكان

Vanishing_Son غير متصل   رد مع اقتباس الرد السريع على هذه المشاركة
قديم 14-03-2016, 01:31 PM   #4
aymonded
مشرف
 
الصورة الرمزية aymonded
 
تاريخ التسجيل: Oct 2009
المشاركات: 15,781
ذكر
مواضيع المدونة: 6
 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658
سلام لك يا محبوب الله والقديسين، ولو اني مش كنت باوعظك خالص، وكمان انا مش زعلان من كلامك ولا هازعل منك نهائياً، ولو ركزت في كلامي هاتلاقيه إرشاد ينفعك ويبني نفسك، فلازم تعرف أن مش في حد هايسألك انت عملت ايه في حياتك الشخصية يا غالي ويسألك صليت والا مش صليت، لأن موضوع الصلاة هو حركة قلب حُرّ عايز الله وبيرفع قلبه في أي وقت وأي ساعة عن احتياج، ربما تحتاج صديق مقرب منك عايش نفس الحياة لتحيا في شركة معه، لكن الشركة مع شخص لا تغني عن الحياة الشخصية في مخدعك..

وأن لم تتحرك انت بنفسك في الصلاة لن يدفعك أحد إليها قط، ومش لازم تنتظر أن يبان عليك والناس تناديك باسم مسيحي، لأن الحياة في الخفاء هي دعوة الله للجميع، لأنه مكتوب أن مجد ابنه الملك من الداخل، فالمجد الإلهي بيكسي النفس من الداخل سراً، لأن الله بيزرع الكلمة في القلب في الخفاء ربما الناس تراك كما انت لا شيء فيك مميز لأن الكنز في القلب مدفون داخلياً، بالعكس ربما الناس تقف ضدك وتدخل في حروب، وما أنت فيه الآن هو امتحان الإيمان وصدقه، فعليك ان ترفع قلبك لله على الدوام وتنتظر الرب لكي يتعامل معك...


عموماً لو عايز صفحه تفيدك في الإرشاد الروحي ولا تأخذها كوعظ ليك بل للخبرة والحياة وممكن تبنيك وتفيدك كتير هاتجدها هنا:
aymonded غير متصل   رد مع اقتباس الرد السريع على هذه المشاركة
قديم 14-03-2016, 01:49 PM   #5
soul & life
روح وحياة
 
الصورة الرمزية soul & life
 
تاريخ التسجيل: Nov 2011
الدولة: باريس الشرق
المشاركات: 10,540
انثى
 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978
اخى العزيز بدون وعظ لانك مش حابه وكلامى هيكون عملى جدا جدا زى متفضل استاذ ايمن وقالك انت لازم تعرف اولا عاوز ايه وده واضح من كلامك عاوز ترجع فى حضن ابوك وتعيش فى بيته تمام
لازم كمان تعرف انت خرجت ليه ؟ بقصد يعنى تعرف الخطية فى حياتك ايه هى ايه سبب بعدك عن المسيح اى شر فعلته بعدك عن ربنا !
اذا عرفت مصدر الخطية وايه هى وبعدت عنها كده يبقا ابتديت فعلا طريق الرجوع لربنا
ثانيا اخى كلنا بنتعلم مهما كبرنا ومهما عليت قامتنا الروحية كلنا بنتعلم ازاى تزيد نفسك معرفه اقرا كتير واسأل اكتر ومتتكسفش انك تسأل انا واحده من الناس دخلت المنتدى هنا عن طريق الصدفة لانى كنت ببحث عن اجابا لاسئلة بتدور فى ذهنى وابتديت اسأل واسأل ولسه بسأل وبقرأ اسئلة الاخرين والاجابة عليها وبستفيد ومع الوقت بشعر انى بتعلم وبعرف اكتر

صلى كتير وطول الوقت كلم ربنا كأنك بتكلم صاحبك لانه دايما موجود امامك كلمه واطلب منه المعونة وبصدق وبقلب خاشع وصدقنى فورا هيستجيب
الرب معك .

التعديل الأخير تم بواسطة soul & life ; 14-03-2016 الساعة 01:52 PM
soul & life غير متصل   رد مع اقتباس الرد السريع على هذه المشاركة
قديم 14-03-2016, 01:56 PM   #6
aymonded
مشرف
 
الصورة الرمزية aymonded
 
تاريخ التسجيل: Oct 2009
المشاركات: 15,781
ذكر
مواضيع المدونة: 6
 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658
----- ملحوظة مهمة -----
أخي الحبيب لو انتظرت تلاقي اللي يشجعك على ان تصلي وتعود للكنيسة عمرك لا هاتعود ولا هاتصلي، فمن حين لآخر سيأتي وقت أنك تشتاق لله وللصلاة والرجوع للكنيسة والتناول وقراءة كلمة الله، لكن الاشتياق بعد فترة الإحساس والحاجة إليه هاتعبر لأنك منتظر العودة عن طريق أنك تتعرف عىل شخص يسألك ويشجعك (طبعاً مش غلط في حد ذاته طبعاً، لكن الاتكال عليه هو الغلط الكبير)، لكن الاشتياق اللي عندك ده عمل الله فيك لأنه هو بيحركك نحوه، فقم الآن صلي واطلبه واذهب للقداس في اقرب وقت، ومن المهم زي الأخت العزيزة قالت لك أنك: تذكر من أين سقط وتتب وتعود للأعمال الروحية الأولى التي كنت تعملها.
aymonded غير متصل   رد مع اقتباس الرد السريع على هذه المشاركة
قديم 15-03-2016, 03:15 AM   #7
Vanishing_Son
عضو مشارك
 
الصورة الرمزية Vanishing_Son
 
تاريخ التسجيل: Dec 2006
الدولة: Cairo
المشاركات: 156
ذكر
 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266 نقاط التقييم 379266
اقتباس: المشاركة الأصلية كتبت بواسطة aymonded مشاهدة المشاركة

سلام لك يا محبوب الله والقديسين، ولو اني مش كنت باوعظك خالص، وكمان انا مش زعلان من كلامك ولا هازعل منك نهائياً، ولو ركزت في كلامي هاتلاقيه إرشاد ينفعك ويبني نفسك، فلازم تعرف أن مش في حد هايسألك انت عملت ايه في حياتك الشخصية يا غالي ويسألك صليت والا مش صليت، لأن موضوع الصلاة هو حركة قلب حُرّ عايز الله وبيرفع قلبه في أي وقت وأي ساعة عن احتياج، ربما تحتاج صديق مقرب منك عايش نفس الحياة لتحيا في شركة معه، لكن الشركة مع شخص لا تغني عن الحياة الشخصية في مخدعك..

وأن لم تتحرك انت بنفسك في الصلاة لن يدفعك أحد إليها قط، ومش لازم تنتظر أن يبان عليك والناس تناديك باسم مسيحي، لأن الحياة في الخفاء هي دعوة الله للجميع، لأنه مكتوب أن مجد ابنه الملك من الداخل، فالمجد الإلهي بيكسي النفس من الداخل سراً، لأن الله بيزرع الكلمة في القلب في الخفاء ربما الناس تراك كما انت لا شيء فيك مميز لأن الكنز في القلب مدفون داخلياً، بالعكس ربما الناس تقف ضدك وتدخل في حروب، وما أنت فيه الآن هو امتحان الإيمان وصدقه، فعليك ان ترفع قلبك لله على الدوام وتنتظر الرب لكي يتعامل معك...



عموماً لو عايز صفحه تفيدك في الإرشاد الروحي ولا تأخذها كوعظ ليك بل للخبرة والحياة وممكن تبنيك وتفيدك كتير هاتجدها هنا:


يا انكلى العزيز انا اسف بس يعنى انا مخى على قدى فا مش عارف افهمك قصدى ايه بالضبط
بس هاحاول اشرح لحضرتك قصدى ايه على قد ما اقدر
انا مش عايز حد يسحبنى للطريق لا انا عايز حد يشاركنى الطريق دا اللى قصدى عليه يعنى عارف كدا زى زمان كان فى نوته روحيه كدا كنا بنكتبها نكتب الاسبوع بالايام ونكتب القراءة و الصلاة والصوم ونشجع بعض دا اللى قصدى عليه يعنى كفايه صباح الخير كفايه عامل ايه مش مستنى حد يسال صليتى ولا لا لكن مستنى حد يقولى امبارح سمعت كلمة تأمل جميل او ايه رايك فى الاية دى

اقتباس: المشاركة الأصلية كتبت بواسطة soul & life مشاهدة المشاركة

اخى العزيز بدون وعظ لانك مش حابه وكلامى هيكون عملى جدا جدا زى متفضل استاذ ايمن وقالك انت لازم تعرف اولا عاوز ايه وده واضح من كلامك عاوز ترجع فى حضن ابوك وتعيش فى بيته تمام
لازم كمان تعرف انت خرجت ليه ؟ بقصد يعنى تعرف الخطية فى حياتك ايه هى ايه سبب بعدك عن المسيح اى شر فعلته بعدك عن ربنا !
اذا عرفت مصدر الخطية وايه هى وبعدت عنها كده يبقا ابتديت فعلا طريق الرجوع لربنا
ثانيا اخى كلنا بنتعلم مهما كبرنا ومهما عليت قامتنا الروحية كلنا بنتعلم ازاى تزيد نفسك معرفه اقرا كتير واسأل اكتر ومتتكسفش انك تسأل انا واحده من الناس دخلت المنتدى هنا عن طريق الصدفة لانى كنت ببحث عن اجابا لاسئلة بتدور فى ذهنى وابتديت اسأل واسأل ولسه بسأل وبقرأ اسئلة الاخرين والاجابة عليها وبستفيد ومع الوقت بشعر انى بتعلم وبعرف اكتر

صلى كتير وطول الوقت كلم ربنا كأنك بتكلم صاحبك لانه دايما موجود امامك كلمه واطلب منه المعونة وبصدق وبقلب خاشع وصدقنى فورا هيستجيب
الرب معك .

الخطية فى حياتى ايه هى!!! دا انا حافظها
مصدر الخطية عندى حاجتين، حاجه مقدرش اغيرها بايدى و حاجه مفروضه عليا
انا مش عارف افهمكم قصدى او يمكن شوشو واقف فوق دماغى عشان مقدرش اشرحلكم قصدى
فعلا مش عارف اقول ايه او افهمكم ازاى
انا متشكر جدا على تعبكم ومححبتكم
يمكن فى يوم شوشو يكون نايم و سايبنى اعرف اقولكم انا قصدى ايه و افهمكم قد ايه انا بموت يوم عن يوم
اسف على تضييع وقتكم

اقتباس: المشاركة الأصلية كتبت بواسطة aymonded مشاهدة المشاركة
----- ملحوظة مهمة -----

أخي الحبيب لو انتظرت تلاقي اللي يشجعك على ان تصلي وتعود للكنيسة عمرك لا هاتعود ولا هاتصلي، فمن حين لآخر سيأتي وقت أنك تشتاق لله وللصلاة والرجوع للكنيسة والتناول وقراءة كلمة الله، لكن الاشتياق بعد فترة الإحساس والحاجة إليه هاتعبر لأنك منتظر العودة عن طريق أنك تتعرف عىل شخص يسألك ويشجعك (طبعاً مش غلط في حد ذاته طبعاً، لكن الاتكال عليه هو الغلط الكبير)، لكن الاشتياق اللي عندك ده عمل الله فيك لأنه هو بيحركك نحوه، فقم الآن صلي واطلبه واذهب للقداس في اقرب وقت، ومن المهم زي الأخت العزيزة قالت لك أنك: تذكر من أين سقط وتتب وتعود للأعمال الروحية الأولى التي كنت تعملها.
Vanishing_Son غير متصل   رد مع اقتباس الرد السريع على هذه المشاركة
قديم 15-03-2016, 07:48 AM   #8
soul & life
روح وحياة
 
الصورة الرمزية soul & life
 
تاريخ التسجيل: Nov 2011
الدولة: باريس الشرق
المشاركات: 10,540
انثى
 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978 نقاط التقييم 36169978
لا متتأسفش على طلبك انك ترجع لبيت ابوك بالعكس احنا فرحانين بيك وانت كمان لازم تكون مبسوط وتحاول تساعد نفسك لان اللى جواك ده صوت الروح القدس بيصحيك وبيقولك فوق ويلا على بيت ابوك كفاية غربة
انا عارفة احساسك ده زمان كنا بنلاقى مدرس الدين يقولنا اعملوا نوته واكتبوا مواعيد اعترافاتكم والتزمتوا بالقانون الروحى او لا وكان فى افتقاد من الكنيسة سواء كانوا خدام او اب الاعتراف صدقنى كلنا مش انت بس مفتقدين الافتقاد ده لانه فى الكنايس حاليا الافتقاد اصبح شبه معدوم او تقدر تقول بيكثفوا مجهودهم للناس اللى بضييع وظروفهم تبان صعبه
ومع كترة الشعب فالكهنة مبيكونوا عارفين يهتموا بمين على حساب مين ..
لكن انا قريت مشاركة استاذ ايمن وفعلا مقتنعة بكلامه انك لازم انت تكون رقيب على نفسك وتكون دافع لنفسك انك تلتزم بصلاتك وانجيلك وحضور قداسك ..
اسمع بس الكلام وابعد فترة عن الخطية ومصدرها وانت هتلاقى الروح القدس جواك منبه بتنبهك وقت القداس ووقت الاعتراف لان من كثرة خطايانا وبعدنا عن حضن رب المجد يسوع الروح القدس اللى جوانا بينطفى ومبيكونش جوانا الدافع والتنبيه والتوبيخ عند الخطأ
ربنا يكون معاك ويحافظ عليك ويبعد عنك الشيطان وكل مؤامراته الشريرة
soul & life غير متصل   رد مع اقتباس الرد السريع على هذه المشاركة
قديم 15-03-2016, 09:41 AM   #9
حبو اعدائكم
حبو...
 
الصورة الرمزية حبو اعدائكم
 
تاريخ التسجيل: Oct 2011
الدولة: مصر
المشاركات: 13,504
انثى
مواضيع المدونة: 7
 نقاط التقييم 49446913 نقاط التقييم 49446913 نقاط التقييم 49446913 نقاط التقييم 49446913 نقاط التقييم 49446913 نقاط التقييم 49446913 نقاط التقييم 49446913 نقاط التقييم 49446913 نقاط التقييم 49446913 نقاط التقييم 49446913 نقاط التقييم 49446913
منور من جديد-- فعلا انا فاكرا طبعا انك بتيجى كام يوم و تغيب شهووووووووووووووور\
تروح و ترجع بنفس المشكله تقريبا
طيب جرب كدا تفضل هنا
عندنا مواضيع كتير هنا مفيده--
كتير بنفتح مناقشات و اسئله-- حتى لو مشاركتش فى الاسئله و الاجابه كفايا انك بتشوف السؤال و تقراء الرد عليه ..
ممكن عماد المسيحى يكون عنده صديق مسيحى ساكن جنبه و يتفق معاه يروحوا كل اسبوع مع بعض الكنيسه و الاجتماع !
انا عملت كدا-- كنت بكسل كل يوم أحد اروح الكنيسه-- لقيت زميله ليا بتروح-- اتفقت معاها انى اروح معاها كل يوم حد و نتابع بعض--
بقيت مروحش اجى القاها جايالى المكتب بتقول لى فيه ايه الشطان كسب ولا ايه
اقول لهل ايوا كسب المرادى للاسف-- و بتشجع و اروح المره الى بعدها--




يعنى نشكر ربنا انه شغال جواك و عمال يزوء فيك انك ترجع--






نصيحه بئا ابدا بالكلام معاه-- اتكلم كتير-- اتكلم طول الوقت و فى اى وقت--
اتكلم فى كل حاجه و فى اى حاجه
حتى لو حاجه شايفها تافها
يعنى سايق العربيه اتنرفزت من عربيه كسرت عليك لو شتمت-- افتكر انه قاعد جنبك -- اعتزر له و قول له ساعدنى المره الجايه امسك لسانى--
لو زايد فى الوزن و عايز تخس -- كلمه هو و قول له يا رب ساعدنى اقفل بقى شويه عايز اخس-- شجعنى يا رب--




عيش معاه-- خد رائيه احكى معاه-- شغل فى عربيتك ترانيم - رنم له--
مش لازم تبقى قدام الناس عماد المسيحى المهم تبقى قدامه هو عماد ابنه
انا عن نفسى بيقولو عليا فى الشغل:
حبوا دى مسلم ارثوزوكس-- حبو دى شويه و تحول !
تخيل --و عادى جدا و لا يفرق معايا يقولوا حبو المسيحيه و لا حبوا المسلمه الارثوزوكس و لا حبو الكافره ههههههههههه يقولوا الى يقولوا-- المهم انا عند ربى ايه؟ بنته و لا مش بنته--


محدش عارف انا صايمه و لا مش صايمه -- محدش عارف انا بصلى و لا مش بصلى كتير قدام الناس ملقبين بالمسيحين لكنهم عايشين تقوس فقط و مش عايشين حياه شركه مع يسوع
ابداء قول صباح الخير ابدا قول تصبح على خير يا رب-- ابداء اشكر كل يوم على اى حاجه-- فيه موضوع هنا للشكر --ادخل كل يوم و اكتب له كلمه شكر على شىء فى حياتك
حبو اعدائكم غير متصل   رد مع اقتباس الرد السريع على هذه المشاركة
قديم 15-03-2016, 11:20 AM   #10
aymonded
مشرف
 
الصورة الرمزية aymonded
 
تاريخ التسجيل: Oct 2009
المشاركات: 15,781
ذكر
مواضيع المدونة: 6
 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658 نقاط التقييم 53067658
أخي الحبيب صدقني انا فاهم قصدك ومش قصدي أقول ان طلبك خكأ في ذاته، لكن قد يكون صعب في هذه الأيام لظروف كتير، لكن اتكل على الرب بكل قلبك وابدأ ولو بداية بسيطة، الابن الضال رجع إلى نفسه وقال أقوم الآن واذهب إلى أبي، سيبك من النوتة الروحية وحتى المشاركة مع إنسان مع أنها ضرورية مش ملغية، لكن طالما في قلبك حركة نحو الله انتهزها ولا تتركها تعبر عليك لأن ده حركة الروح القدس، ولا تتأسف على أو الأوقات اللي ضاعت بل قم الآن في تلك اللحظة والساعة أرفع قلبك وامسك في الله لأن الطريق الروحي يتلخص في كلمتين (مش هاسيبك) ده كل الطريق الروحي من جهتنا احنا، والله بيكمل الباقي لأن هو اللي بيغير القلب من الداخل، أحنا فقط مش هانسيبه، لأنه مكتوب: تعلق بي أنجيه، ومن طول الأيام اشبعه واُريه خلاصي، ده كل الطريق الروحي باختصار وتركيز.

لما كنا في الطفولة كنا نعتمد على اشياء خارجية نوتة روحية وخلافه، الله بيشيل هذه الاحتياجات علشان يخلي النفس انها ترتفع فوق كل هذه الأشياء لتتكل عليه وحده وتعمل بإرادتها الحرة بإخلاص وتتجه إليه تاركه كل حياتتها القديمة ورائها ولا تفكر فيها قط، فاترك ورائك كل ما سبق تماماً واتجه نحو العلي بكل قلبك، واعتمد عليه وحده بالتمام، لأن ده بداية النضوج الروحي والخروج عن الطفولة الروحية التي بدأت بيها زمان، ودية مش خبرتك لوحدك يا غالي دية خبرة كل رجال الله في الطريق الروحي السليم، في البداية نوتة روحية وسند بعض الناس وفي النمو لا توجد تعزية أو سند ويتم رفع كل شيء للدخول في عمق الإيمان الحي العامل بالمحبة والاتكال على الله في كل الأحوال، وتشدد وتشجع انتظر الرب لأنه سيرسل لك معين لكن في الوقت المناسب بعد ~أن تتحرك ولا تفكر في ايام الطفولة السابقة بل لكي تتقدم خطوة للأمام لها شكل ىخر وعمق آخر وقوة أخرى ثابتة غير متزعزعة.
aymonded غير متصل   رد مع اقتباس الرد السريع على هذه المشاركة
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
(( ..... انا انسان ..... )) h.cat93 المنتدى العام 4 09-08-2012 10:38 AM
قصيدة : اسمي انسان للشاعر راوي عزيز .. تتحدث عن كل انسان .. rawy aziz المرئيات و الأفلام المسيحية 1 06-05-2012 02:43 PM
هل تبحث عن انسان يفهمك ؟؟؟...انسان بمعنى الكلمه ABOTARBO المنتدى العام 8 10-06-2010 10:48 AM


الساعة الآن 09:17 AM.



دعم خاص من vBulletin لمنتديات الكنيسة
©2000 - 2020، Jelsoft Enterprises Ltd
جميع حقوق الطبع محفوظة لمنتديات الكنيسة