عبود عبده عبود
مفصول لمخالفة قوانين المنتدى
- إنضم
- 14 يوليو 2010
- المشاركات
- 16,645
- مستوى التفاعل
- 4,598
- النقاط
- 0
(( مدد ياولدى مدد ))
مدد يا أسيادنا الجُدد
مدد ...مدد
مدد ...مدد
القصة يا ولدى
تسمعها منى
وياللى ماتعرف
إسمع معاه
تسمعها منى
وياللى ماتعرف
إسمع معاه
الخلق دية ما تعرف
وطنى ولا عمر
هواهم ييجى ف هواه
وطنى ولا عمر
هواهم ييجى ف هواه
من تلاتين سنة خرجوا
فى إعارة
لبلاد الصَحَارى
وشرع الحواة
فى إعارة
لبلاد الصَحَارى
وشرع الحواة
رجعوا لنا تانى
عايزينها تانى
ترجع للزمان أياه
عايزينها تانى
ترجع للزمان أياه
قالها زعيمهم مرة فى يوم
طظ يامصر فيكى
وطظيّنا إحنا معاه
طظ يامصر فيكى
وطظيّنا إحنا معاه
دلوقتى اية اللى راح صاير
وراح يصير يابلدى وراه ؟
وراح يصير يابلدى وراه ؟
مدد ...مدد يا أسيادنا الهواة ..مدد
*************
مُبارك عليكم يا ولاد الـ .......
بلد
خليتوا شبابنا
كمالة عَدد
مُبارك عليكم يا ولاد الـ .......
بلد
خليتوا شبابنا
كمالة عَدد
كدبتم عليهم
ضحكتهم علينا
سرقتوا الشهيد
اللى بدمه أنكتب
ضحكتهم علينا
سرقتوا الشهيد
اللى بدمه أنكتب
حرية وعدالة
ماتختشوا ..
نهبتوا الولد ؟
ماتختشوا ..
نهبتوا الولد ؟
شعاره و هتافه ؟
حتى حلمه
تحت جزامكوا
بيتوأد ؟!
حتى حلمه
تحت جزامكوا
بيتوأد ؟!
مدد يا شبابنا ... مدد ...
************
راجعين لنا
بيهرتلوا
وبيتكلموا كلام الجد
عايزين لكوا الشرع
بيهرتلوا
وبيتكلموا كلام الجد
عايزين لكوا الشرع
حَرَابة وخِتان
وهنُقيم عليكوا الحد
وهنُقيم عليكوا الحد
والنائب سيادته
يقولك تعالى
أشرح لك زيادة
أزاى تضاجع واحدة ست !!
يقولك تعالى
أشرح لك زيادة
أزاى تضاجع واحدة ست !!
عايزين ُتقيموا الحد ؟
حد فى عينك
ارجع لسيدك
وخد فى ايدك
الشرع لعبيدك
وارجع من مطرح ما كنت
ارجع لسيدك
وخد فى ايدك
الشرع لعبيدك
وارجع من مطرح ما كنت
مدد ....مدد ياشرع ...مدد
*************
باقى القصة ياولدى
خلونى أحن للزمان الغابر
زمان زمان
وزمان جمال عبد الناصر
باقى القصة ياولدى
خلونى أحن للزمان الغابر
زمان زمان
وزمان جمال عبد الناصر
وأسمع معاه انت وهو
وافتكر معايا ياللى كُنت
فى الزمان ده مُعاصر
وافتكر معايا ياللى كُنت
فى الزمان ده مُعاصر
ياولدى فى عز النكسة والهزيمة
ما انكسرنا ولا طاطينا
ولا داس علينا عبد الناصر
ما انكسرنا ولا طاطينا
ولا داس علينا عبد الناصر
ولاعمره قال يامصر طظ فيكى
وطظ فى شبابك الثائر
وطظ فى شبابك الثائر
ولاعمره فى يوم أتكلم ب شرع و دين
ولا ساب بلاده لإعارة
ولا فكرتش أمه تهاجر
ولا ساب بلاده لإعارة
ولا فكرتش أمه تهاجر
ولا فى يوم طاطى وطاطينا معاه
ولاعمره مسح للملوك الجوخ
ولا حتى لشيخ فاجر
ولاعمره مسح للملوك الجوخ
ولا حتى لشيخ فاجر
ولا جه عليه اليوم يحرض الناس
ويقعد فى بيته واخد له ساتر
ويقعد فى بيته واخد له ساتر
أوقال عن أذنكوا قضية أمى
ولازمن للسفر...أسافر
ولازمن للسفر...أسافر
أحكى ياولدى من بعدى ...وقول
أبويا جه عليه اليوم
وقال ...مدد
أبويا جه عليه اليوم
وقال ...مدد
مدد يا عم عبد الناصر..
*************
أوعى يابنى ف يوم تصدق
أن دولا جاين بشرع
والا صحابين معاهم دين
أوعى يابنى ف يوم تصدق
أن دولا جاين بشرع
والا صحابين معاهم دين
ده كلام م الكلام يتقال
يملى أسفار
يحصد وياكل م السنين
يملى أسفار
يحصد وياكل م السنين
وكل اللى قالها وَحَل بلاده
فى البلوى
يغرزها
تصبح مطينة بطين
فى البلوى
يغرزها
تصبح مطينة بطين
دولا يابنى كدابين
أياك تصدق ياولدى
ما خلاص كبرت
أياك تصدق ياولدى
ما خلاص كبرت
مدد ..مدد يا ولدى مدد
*************
مجلس ما يجلس عمره ما شافها
فرحة وهيصة ولمة وزفة
وحصانة تهمه صدق؟!
ما صدقها
فرحة وهيصة ولمة وزفة
وحصانة تهمه صدق؟!
ما صدقها
مناخيره تهمه
ورُقية يرتقاها
عايزين الحكومة تلم أشلائها
ورُقية يرتقاها
عايزين الحكومة تلم أشلائها
شيل لنا الوزارة يامجلس
قالهم مش راح أشيلها
قالوا له خلاص
هنعلق الجلسة
قال عندك الحيطة بالراس ... وتضربها
قالهم مش راح أشيلها
قالوا له خلاص
هنعلق الجلسة
قال عندك الحيطة بالراس ... وتضربها
وسُمعة من فجره
أمه بينكرها !!
ماراحت بلاد العم
ولا سام فى يوم عرفها !!
يقولوا له أحلف
يحلف بـ ... تسقط اللجنة
أمه بينكرها !!
ماراحت بلاد العم
ولا سام فى يوم عرفها !!
يقولوا له أحلف
يحلف بـ ... تسقط اللجنة
وأولاده ما تهمه كَبشة م الحفنة
ع الدفاع حاشرهم
والعسكر راح ضاربها
ع المدنة يتلموا بالآلى يحصدها
ع الدفاع حاشرهم
والعسكر راح ضاربها
ع المدنة يتلموا بالآلى يحصدها
طب ما تقولوا لنا مين ؟
مين اللى كان عايز خرابها ؟!
مين اللى كان عايز خرابها ؟!
مدد ...مدد يامسجد النور مدد ...
*************
خلونا يابنى نكفر بثورة
قامت بشباب دفعت تمنها
يهتفوا
وغلاوتك يامصر
لأرويكى
بالدمع
وبالدم
اللىّ فى وريدى
قامت بشباب دفعت تمنها
يهتفوا
وغلاوتك يامصر
لأرويكى
بالدمع
وبالدم
اللىّ فى وريدى
طلعوا دول سببوا لنا الغَم
لا حكومة تعجبهم
ولا عاد القانون بِيهِم
طلعوا لنا منين وامتى ؟!
ما يِهم
ولا عاد القانون بِيهِم
طلعوا لنا منين وامتى ؟!
ما يِهم
المهم ياولدى ....
دور على الى يخاف على البلد
ويحقن الدم
دور على الى يخاف على البلد
ويحقن الدم
دور يا عُمَرَى على اللى
ما يورثك الهَم
ما يورثك الهَم
دور عليه ياولدى
ماعدت فى السن قاصر
والا أروح أنده له من رقدته
وأزعق واقول
قوم ياعبد الناصر
ماعدت فى السن قاصر
والا أروح أنده له من رقدته
وأزعق واقول
قوم ياعبد الناصر
إلحق ولادى
وولادك
قوم ألحق
بلادك
وولادك
قوم ألحق
بلادك
بيصدروا لنا الهَم
قوووووووووووم
ما تقوم ياعَم
قوووووووووووم
ما تقوم ياعَم
