يا ربّ بثقة الأبناء منوضع طلباتنا ورغبات قلوبنا بين ايديك،
من أجل كلّ عيلة مفككة.
من أجل كلّ الشبيبة الضايعة، وارتداد كلّ الخطأة.
من أجل كلّ العاطلين عن العمل.
من أجل كلّ زوجين ناطرين فرحة طفل.
من أجل كلّ شاب وصبية عم بيتحضروا لقبول سّر الزواج.
من أجل كلّ اللي عم يدرسوا ويخضعوا لامتحانات.
من أجل كلّ وحيد ومشرّد.
من أجل كلّ ختيار انتسى بعجقة هالعالم.
من أجل هالنوايا ومع كلّ اللي طلبوا منّا نصلي منقدملك..........
ملينا يا ربّ من روحك القدوس لنعيش بوصاياك، ولتكن مشيئتك على كلّ واحد منّا.
بشفاعةامنا مريم العذراء و القديس شربل والقديسة ريتا
نسألك يا ربّ.