شباب اليومين دوول ..

ezzzak

مشرف
عضو مبارك
إنضم
19 أكتوبر 2005
المشاركات
775
مستوى التفاعل
13
النقاط
0
شباب اليومين دوول ..

حمادة: شوفت اللى بيحصل للفلسطينيين ...إحنا لازم نعمل حاجة يا ميزو..!

ميزو: عندك حق بقولك إيه..ماتيجى نِهُب هَبَّة على جامعة عين شمس دى المظاهرات على ودنه.

حمادة: عين شمس إيه يا قلة..جامعة القاهرة أشد..دى مدعكة هناك أهو نخرج الكبت اللى هيقتلنا ده..

ميزو: قشطة..كلم ميمى وبيرى وشاهندة وشلتهم..وانا هكلم هوبة وباقى المقاطيع...يااااه...أخيرا حاسس إن بقى فيه قضية مهمة فى حياتى.. هنوريهم احنا نقدر نعمل إيه..( موسيقى تصويرية : أغنية القدس دى أرضنا )

حمادة: الوو..أيوة يا شيرى..ازيك ؟..هاو آر يو دوينج توداى ؟..

ميمى( تبكى ): نوت باد . . شايف اللى بيحصل للفلستينيين حراام..موش معقول العالم ساكت كده..!!

حمادة: عشان كدة انا بكلمك..لازم نعمل حاجة..احنا هنروح بكرة جامعة القاهرة ...عشان نشارك فى المظاهرات إيه نظامك؟

ميمى( بتتشحتف ): شغالة تبعا ( اللى يشوفك وانتى صاحيه من النوم يقول شغالة فعلا )....وهكلم باقى الناس..هتتقابلوا امتى ؟

حمادة: بكرة على تسعة كدة..عند كنتاكى عباس..متتاخريش

ميمى: تسعة موش هينفع..روحوا انتوا وانا هاخد تاكسى واحصلكوا

حمادة: تاكسى ايه انتى بتستعبطى..انتى مصاحبة عيال ولا ايه..ماتروحيش فى تاكسى لوحدك طبعا هنعدى عليكى بالعربية و نستناكى..(لأ راجل يله)

ميزو: قول لها تيجى بالديرتى جينز عشان البهدلة..( لأ نبيه ياه )

ميمى: أوكيه سى يو تومورو..بون نوِى.( الله يرحم ستك ستوتة)


اليوم التالى للمظاهرة ،،،،،


حمادة: هتروحوا بكرة المظاهرة اللى هتخرج من وسط البلد؟

ميزو: لأ فى عرضك ..دنا كتفى واجعنى طحن من العصاية اللى اخدتها امبارح...وبعدين الشيخ سيد بيه على كيفهم قال المظاهرات حرام عشان جيه من التظاهر يعنى

الايحاء بغير ما فيك يعنى كدب يعنى حرام ( حُرمت عليك عشتك يابعيد).

ميمى: لأ مش تالبة ناخد زنب انا كمان سمعت الشيخ المفتى أبو فَتوَى السكرة بيقول ما هو حرام فهو حرام وما هو حلال فهو حلال وخد فتواك على هواك..! ( وأتمنى لو أنساك)

حمادة: يعنى إيه نسكت...!!! إحنا لازم ناخد موقف..الناس بتموت هناك و احنا ساكتين هنا..!!..بقول لكم ايه ..إيه رأيكم فى موضوع نظام المقاطعة؟

بيرى: صح إحنا لازم نقاطع.... كل المنتجات المصرية عشان الحكومة تسمعنا..!!! ( يا منجى الوحش من الجحش)

ميزو: قصدك المنتجات الامريكية يا قلة.

بيرى: ماشى أى حاجة مش فارقة..

حمادة: ياعنى نديها مؤمن وكوك دور وكويك وسمايلز وبلاش بيتزا هت وكنتاكى وماك دونالدز..

ميزو: طب و الساقع؟ ( عفريت ياد يابن....تانت فكيهة )

حمادة: اديها فيروز وشويبس

ميمى: تب بلاش بيتزا هت..آكل بيتزا فين يعنى..!! مقدرش ابتل البيتزا..آى لايك إت سو ماتش..( رحمكم الله يا فتيات فلسطين)

ميزو: المهم بكرة التليفزيون هيصورعندنا فى الإيه يو سى..عايزين نحضر اعلام ويوفط وكمان عايزين علم اسرائيل نولع فيه.

ميمى: ياه انا سخنانة موت... عايزين نسبت للعالم ان احنا مع الفلستينيين (سخنانة يا حلوة ..اعمليلها كمادات توتى فروتى يا تهانى)

شاهندة: باى زا واى..احنا عاملين عندنا حفلة لصالح ضحايا فلسطين..هتبقى فى لوس أميجوس ومينيمام تشارج 90 ج والدخول كابلز..

حمادة: كتير أوى90 ج

شاهندة: يا أخى بقولك عشان التبرعات..انت إيه ما عندكش دم؟!! (صحيح انت إيه..!! بتقولك لوس أميجوس وكابِلْز ورقص وهتهيص كله فى سبيل فلسطين)...

ميزو: كنت هنسى صحيح...الخميس اللى جاى بالليل التليفزيون هيصورنا واحنا بنعبى التبرعات فى العربيات والمخرج قال لى عايز ناس كتير عشان هيبعتوه قناة الجزيرة قولوا لكل اللى تعرفوهم عايزين عدد كبير

حمادة: ويا ترى التبرعات دى هتوصل؟

ميزو: واحنا مالنا ياكشى يولعوا فيها احنا بنعمل اللى علينا !!!

ميمى: ايوه انا سمعت الشيخ محمد حكاية بيقول التبرعات أهم من الجهاد والجهاد موش وقته أساسا.

ميزو: حد فيكو يعرف مكان نجيب منه الغطرة الفلسطينية؟

بيرى: هاهاي..أنا عندى خمسة جبتهم من دهب لما كنا مع بعض السنة اللى فاتت. ( دهب وما أدراك ما دهب..العيب موش عليكى العيب على الاريال اللى رباكى ووجِّهك وبيستقبل كل الأقمار الصياعية فى بيته)

وبعد 3 أشهر من أحداث الاجتياح الاسرائيلى (انسى يا عمرو)

حمادة: بقول إيه..ماتيجوا نروح سينما النهاردة ؟

بيرى: ده فيه فيلم حلو قوى بتاع ميل جبسون اسمه كنا جنود..

ميمى: ده عن فايتنام تصويره جامد موت

حمادة: بس ده أمريكى..احنا موش مقاطعين؟!!

ميزو: يا عم انت لسه فاكر..ده انته شكلك عايش فى البِخ

بيرى: وبعدين ده فيلم..وفلوسه رايحه لمصر..وبعدين السينما الامريكية أقوى وأحلى سينما أصلا..

ميمى: ايوه مامى قالت لى انها سألت الشيخ أبو فتوى وقال لها مادام الفيلم موش خارج عن الحدود يعنى موش أكتر من 10% من وقت الفيلم بوس بس.. يبقى موش حرام.

بيرى: طب وقت الفيلم ده شامل المقدمة والنهاية والاستراحة؟

ميمى: هو قال إن لو السينما جنبك يبقى الوقت يبدأ مع بداية الفيلم..لكن لو بعيد عنها يبقى من أول ما تنوى تروحى السينما. {اللهم لا تؤاخذهم بما فعل السفهاء منهم} (ليس بعيدا أن نسمع هذه الفتاوى عما قريب)

حمادة: وله يا ميزو ما تعرفش اى أخبار عن التبرعات وصلت للفلسطينيين والا لسه؟

ميزو: ده انت قديم موت.. يابا توصل والا ما توصلش. وبعدين بقى الفلسطينيين اللى انت خايف عليهم قوى كده ما يستهلوش..مش السادات قال لهم سلام وهم رفضوا..!!!! ياما حاربنا علشانهم..( بالذمة ... أنت تعرف تحارب دبانة..)

ميمى: حمادة من فضلك بتَل تبعتلى الإيميلزاللى فيها الصور الفزيعة بتاعة الفلستينيين..منازر فزيعة..وبعدين مامى قالت لى إن الفرجة على الصور دى حرام عشان بتئزى النفس ..

بيرى: المهم هتتغدوا فين..آم سووو هانجري

ميمى: بيتزا هت ...او ماك دونالدز

حمادة: برضه مطاعم أمريكية؟!!

ميزو: يييييه.. ياعنى احنا لما نقاطعها أمريكا هيحصلها حاجة!!! يابا صلِّى

ميمى: وبعدين فيه ناس بيشتغلوا فى المحلات الامريكية يعنى احنا لازم نشترى منهم عشان نساعدهم (وحياة خالتك صافيناز!!)

ميزو: ها.. جاى معانا و الا لأ؟

حمادة (مع نفسه): ياعم رضينا ربنا وعملنلنا كام مظاهرة كوول على كام إيميل فى الجون...وشوية بيانات مقاطعة...على كام صورة تقطع القلب...إيه ...هو أنا هفضل أقطع فى قلبى على طول!!!....ساعة لقلبك بقى.

حمادة: الهُبَّة يا ولاد

ميزو: أيوه كده خليك بِِِِرِنْجِى

بيرى: هاهاى ..طب و الساقع؟

الكل فى نفس واحد: بيبسااااوى على طووووووول
 

ميرنا

مشرف سابق
مشرف سابق
إنضم
15 أكتوبر 2005
المشاركات
22,034
مستوى التفاعل
562
النقاط
0
الإقامة
عند اقدامك اجثوا
هوه ده شباب مصر التفاهه ثم التفاهه ثم التفاهه

بس مش دى المشكله هما عاوزين يتحركو علشان ياخدو حقوق فلسطنين طب احنا نعمل ايه علشان حقوقنا
 

Coptic Man

ابن المـــــ†ـــــلك
مشرف سابق
إنضم
5 أكتوبر 2005
المشاركات
12,801
مستوى التفاعل
302
النقاط
83
الإقامة
Earth
يا جدعان صلوا علي النبي ( موسي طبعا )

الموضوع ترفيهي ايه الحلاوة دي يا زيكوا

يا استاذ نقل من غير منقول هههههههه وانتا فاهمني
 

My Rock

خدام الكل
مدير المنتدى
إنضم
16 مارس 2005
المشاركات
27,311
مستوى التفاعل
3,159
النقاط
113
الإقامة
منقوش على كفيه
لا اله الا المسيح

لا تقلبوها عزى علينا هههه

سلام و نعمة
 

KERO KINGOOO

لا يوجد فى الجحيم من يشكر
عضو مبارك
إنضم
6 ديسمبر 2005
المشاركات
4,050
مستوى التفاعل
30
النقاط
0
الإقامة
فى مكان بعيد
لا صح
لا اله الا الله و يسوع ابن الله
شكرا على الموضوع
 

ezzzak

مشرف
عضو مبارك
إنضم
19 أكتوبر 2005
المشاركات
775
مستوى التفاعل
13
النقاط
0
kero Kingooo قال:
لا صح
لا اله الا الله و يسوع ابن الله
شكرا على الموضوع


اي خدمه يا حبيبي ويارب تكون عجبتكم



ويا مينا الي بيته من قزاز


هههههه منقول
 
أعلى