مواقف صغيره فى الحياه ( متجدد)

[+ماريا+]

عايزين نسمع منك حاجة يا جميل

ماتحوليش الهروب انا مرقباكي هههههههههههه

ههههههههه حبيبتى يا ملوكه لكن بعد مواقفكم القويه دى انا بقى هقول ايه انا مواقفى اغلبها عاديه فى الخدمه فى البيت والولاد و المدرسين زى اى ست بيت مصريه صميمه هههههههههه

[حبو اعدائكم]

مين دا الى قويه ؟
انا اول موقف كان موقف صرصار ميت هههههه
تانى موقف كان برص او سحليه.
تالت كان ألعربيه .... ايه بئا قوى فى مواقفى ؟
أكيد فى الخدمة شوفتى مواقف كتير ربنا كان واضح فيها
شكرتيه عليها ... حسيتى بوقفته
هو دا الى عايزين نساعد بعض نعمله
نشوف ربنا فى كل موقف ... لانه فعلا موجود .. بس احنا مش بنشوفه

[+ماريا+]

صدقينى كلامك صحيح ربنا موجود دايما وبيسندنا
طيب فكرتينى بموقف بس بقاله فتره من كام شهر عندى فى الخدمه اتنين اخوات مامتهم الشيطان لعب فى دماغها وحبت واحد زميلها فى الشغل وهربت معاه وكان قبل عيد القيامه بكام اسبوع و طبعا كانوا فى حزن كل العيله فكنا عملين حفلة العيد فقولت لازم اروح اجيب الولاد يحضروا الحفله ويخرجوا من اللى هما فيه دا باباهم كان خايف عليهم جدا لأن مامتهم عايزه تاخدهم منه وخدام كتير قالولى باباهم هيقابلك وحش وممكن يطردك لكن صليت وروحت طلبت منه الولاد اللى فى خامسه واولى ابتدائى ففوجئت بيقولى خدى كمان الولد التالت الللى فى اعدادى بالرغم احنا خدمة ابتدائى فقولت له ياريت طبعا والولاد حضروا الحفله وانبسطوا وكنت بلاعبهم هما بالذات بصراحه ففرحت اد ايه بيهم وشكرت ربنا فعلا وقولت ان الفكره دى من ربنا انا بس وسيله علشان يفرح اطفال ملايكه قلبهم اتكسر بسبب نزوه

[AL MALEKA HELANA]

حلو يا ماريا
ربنا وضع الاطمئنان والسلام في قلب الاب عشان يوافق يديلك الولاد عشان راحتهم النفسية لو انهم بردو اكيد متأثرين جامد ببعد الام عنهم ، بس ربنا مستحيل هيسبهم هيعوضهم كتير

[حبو اعدائكم]

يخبر ايه الموقف دا !!
موقف صعب جدا ... طبعا ربنا استخدمك علشان تفرحى قلب الولاد دول شويه
ربنا يمد يده و يرجعها اليه و يملأه قلب الكل بالمحبه و المسامحة من محبتها و يقبلوها من جديد ... أمين يا رب
أشكرك على الموقف
أكيد عندك كتير
احكى احكى

[+ماريا+]

اكيد متأثرين ياهيلانه البنت الصغيره صدقينى ملاك وشها جميل وكله برأه شئ يحزن لكن اكيد كمان ربنا هيعوضهم

[+ماريا+]

ياريت يا حبو جوزها طيب لما حاول يسافر كندا الشهر اللى فات طلبوا موافقة الام لكنها رفضت
فتحسى معمول لها غسيل مخ لكن ربنا قادر على شئ

[حبو اعدائكم]

كل يوم و انا رايحا لشغلى بعدى فى شارع صغير واصله من السويس لشيراتون-- فيه راجل كبير عجوز قاعد على الرصيف بيبيع مناديل جيب----
قاعد كل يوم فى الشمس-- فى البرد-- فى العواصف الرمليه --
كتير كنت اقول مش ممكن راجل فى سنه الكبير دا هينزل و يقعد كدا على طوبه فى يوم برد زى دا-- او حر جهنم زى دا او شمس اوى زى دا-- لكن كل يوم كان يكسر توقعاتى و الاقيه قاعد مكانه--وشه محفوره عليه تجاعيد الهم قبل تجاعيد السن
جيت يوم بعد ما مشيت حسيت انى لازم الف له و اديله حاجه-- و فعلا رجعت لفيت تانى و روحتله----
بقيت كل كام يوم او لما يبقى معايا بديله الى فيه النصيب اوقات اخد منه مناديل و اوقات مخدش--
كل يوم بعدى عليه الصبح فى طريقى و بقعد ابيبيله و اسلم عليه و اصبح عليه---
بقى اول ميشوفنى من بعيد يبداء يسلم و يبىبى بكل حماس و محبه
قد ايه الابتسامه الى بشوفها على وشه بتفرح قلبى و تملاه فرح قد ايه قلبى بيرفرف لما القيه بكل حماس و باديه الاتنين يقعد يبىبى و يسلم و يصبح و يدعى ههههه
لدرجه انه بقى يلقطنى كمان و انا راكبه عربيه تانيه مع حد تانى او قاعده ورا او جنب الى سايق--- بيميزنى و فى لحظه تترسم الفرحه و السلام من القلب و الابتسامه---
و الحقيقه هو مش عارف ان ابتاسمته دى هى الى بتفرح قلبى و تملانى سعاده
بتامل فى وشه الى الزمن سايب علامات عليه و بشوف ضحكته ذى ضحكت بيبى صغير --
مش عارفا-- كتير كنت بفكر هو ربنا باعت مين لمين ؟
باعتنى ليه علشان اديله الى فيه النصيب ؟ و لا باعته ليا علشان اصطبح بالضحكه الجميله دى و السلام من القلب كل يوم شغل الصبح الى بيخلينى مليانه فرح---
على كل حال اشكر ربنا على لمساته الصغيره دى الى بيزرعها لينا فى يومنا و يديله طعم تانى خاص مختلف نشكره على ترتيباته للكل--

خدوا بالكوا من الابتسامه او السلام الى بتشوفوها حواليكم-- اكيد دى طاقت محبه مبعوته من ابونا السماوى و ملك المحبه و الفرح و السلام--
فتحوا عيونكم و استقبلوا لمسات الرب الجميله --
اكيد هتفرق كتير

[حبو اعدائكم]

موقف صغير جدا لكن مش نسياه أكيد ...
فى يوم كنت راجعه من عند ماما على البيت .... طريق باخده علطول ... مفيش مجال للخبطه
فيه يمين لازم أخده علشان انزل على السويس غير كدا بتطر انزل نزله بعدها تودى مصر الجديده
فجئه الاقى نفسى بكمل و رايحا مصر الجديده ... قولت فى بالى ايه السرحان الى انا فيه دا
ازاى اعمل كدا المهم نزلت و لفيت تانى و بقيت اتجاه السويس متجها لبيتى ...
كان فيه يوترن جاى قدامى لقيتنى جوايا اصرار أنى الف منه و اروح مصر الجديده اشوف محل و مقدرتش اقف قدام اصراره و لاقتنى بلف منه !!!!!!!!!!!

انا الحقيقه بقيت بكلم فى نفسى .... انا مالى !!! فيه ايه !! جرالى ايه ! ايه الى بيحصل دا !!
ضيعت ربع ساعه على الفاضي كدا !!! محل ايه دا تلى هشوفه و ليه الف مرتين دلوقتى ايه العبط دا !!
و قررت الف تانى اروح البيت ههههه
و فعلا لفيت و انا بكلم نفسى و أقول يا رب انا بخرف ولا ايه و فجئت لقيت قدامى دنيا زاحمه جدا اقرب اكثر الاقى ولا ظ،ظ¥ عربيه و مقطوره كبيرا داخلين فى بعض و الناس ملمومه و بتلحق الى فى العربيات
حسب المنظر و التوقيت لاحظت ان لولا التخاريف الى حصلت و لفى و رجوعى مرتين كام زمانى مليون فى الميه ضمن العربيات دى الى فى الحادث
فى لحظتها فهمت الى حصل و نور الموضوع قدامى و بقيت ماشيا عماله اشكر ربنا على محبته و حمايته و تدبيره للأمور رغم أنى كنت مفروسه من الوقت الى ضيعته فى اللف على الفاضى لكن بعدها فهمت ان دا كله كان تدخل الرب لحمايتى
واثقا ان دا بيحصل معانا كلنا
متديقوش لو حصل شىء اخركم او حاجه عطلتكم متستبعدوش أبدا ان دى يد الرب لحمايتكم من حاجه كبيره
و ربنا يحمى الكل ....
نشكرك يا رب على حمايتك

[paul iraqe]

موقف صغير جدا لكن مش نسياه أكيد ...
فى يوم كنت راجعه من عند ماما على البيت .... طريق باخده علطول ... مفيش مجال للخبطه
فيه يمين لازم أخده علشان انزل على السويس غير كدا بتطر انزل نزله بعدها تودى مصر الجديده
فجئه الاقى نفسى بكمل و رايحا مصر الجديده ... قولت فى بالى ايه السرحان الى انا فيه دا
ازاى اعمل كدا المهم نزلت و لفيت تانى و بقيت اتجاه السويس متجها لبيتى ...
كان فيه يوترن جاى قدامى لقيتنى جوايا اصرار أنى الف منه و اروح مصر الجديده اشوف محل و مقدرتش اقف قدام اصراره و لاقتنى بلف منه !!!!!!!!!!!

انا الحقيقه بقيت بكلم فى نفسى .... انا مالى !!! فيه ايه !! جرالى ايه ! ايه الى بيحصل دا !!
ضيعت ربع ساعه على الفاضي كدا !!! محل ايه دا تلى هشوفه و ليه الف مرتين دلوقتى ايه العبط دا !!
و قررت الف تانى اروح البيت ههههه
و فعلا لفيت و انا بكلم نفسى و أقول يا رب انا بخرف ولا ايه و فجئت لقيت قدامى دنيا زاحمه جدا اقرب اكثر الاقى ولا ظ،ظ¥ عربيه و مقطوره كبيرا داخلين فى بعض و الناس ملمومه و بتلحق الى فى العربيات
حسب المنظر و التوقيت لاحظت ان لولا التخاريف الى حصلت و لفى و رجوعى مرتين كام زمانى مليون فى الميه ضمن العربيات دى الى فى الحادث
فى لحظتها فهمت الى حصل و نور الموضوع قدامى و بقيت ماشيا عماله اشكر ربنا على محبته و حمايته و تدبيره للأمور رغم أنى كنت مفروسه من الوقت الى ضيعته فى اللف على الفاضى لكن بعدها فهمت ان دا كله كان تدخل الرب لحمايتى
واثقا ان دا بيحصل معانا كلنا
متديقوش لو حصل شىء اخركم او حاجه عطلتكم متستبعدوش أبدا ان دى يد الرب لحمايتكم من حاجه كبيره
و ربنا يحمى الكل ....
نشكرك يا رب على حمايتك

الحمد والشكر للرب الخالق القدير على كل شئ

زي المثل اللي بيقول : رب ضارة نافعة

يعني من الاخر - لولا التخاريف اللي بتقولي عليها ولولا اللف والدوران كان رحتي يا حبو فيها
لكن الرب نجاكي من الحادثة دي

شكرا للموضوع
تحياتي وتقديري