هاى ياشباب
دى حاجة من الى بتعملهم ماما
هى ملهاش اسم بس انا مسمياها شكولاتة مرمر
بس دى اسهل حاجة وبعرف اعملها لوحدى
والمفاجاة انها صيامى
المقادير :
علبة كورن فلكس الى هى الرقائق الخفيفة دى
شكولاتة خام
سودانى مقشر
زيت
ورق كوريشة ودى تلاقيها عند بتوع الحلويات الى فى العتبة او الموسكى
او اى حتة
الطريقة :
تجيبى الشكولاتة وتحطيها فى حلة صغيرة بايد وتجيبى حلة كبيرة وتحطى فيها ماية
وتحطى الحلة الكبيرة الى فيها ماية على النار وتمسكى الحلة الضغيرة ام ايد
الى فيها الشكولاتة وتجيبى معلقة وتبتدى تقلبى الشكولاتة على بخار الماية
وتحطى معلقتان زيت وتفضلى تقلبى لحد لما الشكولاتة تسيح
وبعد كدة تجيبى الكورن فلكس تقسمية نصفين والودانى برضو تقسمية نصفين
وتحطى السودانى والكورن فلكس فى الشكولاتة وتقلبى كويس وبعد كدة تيجى ورق الكورشة
وتطلعى بالمعلقة فى الورق دة وتسبية ينشف
وبالهنا والشفا
عايزة ارائكم
