- إنضم
- 22 ديسمبر 2013
- المشاركات
- 53
- مستوى التفاعل
- 5
- النقاط
- 0
انا عاااارف كويس قووووى
انى مش بعرفك زى التانيين
وعاااارف كويس قووووووى
انى منيل واخطأ الخاطيين !!
........................................
بس عاااارف , انك عارف اللى فى قلبى
وانك شايف اللى ف فكرى
ولامس اللى فى زوايا نفسى ,
حتى اللى مش باين ف العينين ؟!
.........................................
انا مش قديس
ولا عندى القاب قبل اسمى
ولا صاحب قداسة
ولا حتى بملك لقب نيافة
مانيش امام ولا شيخ
ولا عالم ولا فيا حتى ميزة
وان كان باللى فيا , شرى يسد العين !!!
..........................................
انا واحد شافك عن قرب
وبحاول اكون زى ماشفت
يا ازلى يا ابدى , يا قبل البداية والنهاية
لا يقدر يوصفك شخص ولا يقدر يحدك دين
................
...... هانى
Hany Samouel
...................
