أسم تااه الخفى الاعظم

صائد الذباب

عضو مبار
عضو مبارك
إنضم
7 فبراير 2006
المشاركات
354
مستوى التفاعل
10
النقاط
0
أسم الله الخفى الاعظم

أسم الله الخفى الاعظم
********

كانت تمر على أيام بها من الحزن والشرود الكثير والرهيب...بل أننى لا أهول أن قلت لقد مرت على ليالى أشنع وأفظع من الكوابيس التى شاهدتها فى حياتى كلها.....لقد كرهت حياتى وكرهت كل سنى عمرى...بل كرهت كل ما تقع عليه عيناى....وفى غوصى وغرقى فى تلك اللوجه المرعبه لا أجد حولى أحد..الجميع تركنى أغرق...أو لنقل بدقه أكثر ...هربت أنا من الجميع حتى أغرق وحدى وفى صمت ....ووسط كل هذا لا أجد نفسى الا وأنا أركع على ركبتاى وأذرف الدموع الساخنه ..التى لم تطاوعنى فى بادىء الامر أو أنا من حاولت أن أخنقها قبل النزول ..ولكننى بالنهايه بكيت...نعم بل نحت وبشده...أسأل الله ...وأصرخ للمسيح ...أن يفعل شىء ..أن يحول حزنى لفرح

أن يحول فزعى لهدوء وسلام...أن يجعلنى أرقد بسلام حتى وأن كانت رقدة الموت

ووسط كل هذا وأنا فى شدة ضعفى وهوانى على نفسى وهوان الناس على الا وأسمع صوت رنات تليفون منزلى ....فلم أنتبه له فى بادىء الامر ولكن مع تكراره الممل ..أفيق صارخاً

حتى لحظات صلاتى لا تتركنى أيها المجرب للاستراحه من حروبك التى أدمت روحى وأسخنت نفسى؟

قمت من رقدتى لارد على هذا الانسان الذى أزعجنى وأنا بين يدى المخلص

وتعجبت من المتصل...أنه صديق الطفوله....ذلك الشاب الذى تحول فجأه من الوداعه معى ومع جميع أصدقائه الى الشراسه والبعد بعدما التحى وأتبع جماعه سلفيه تكفر الجميع حتى طوب الارض

كان أندهاشى رهيب..كيف عرف رقم تليفونى بعد أن دارت بنا الايام والسنوات ..وأصبح كل منا فى طريق مناقض بل ومحارب للاخر...هو من هؤلاء الملتحين الذين أمقتهم ...وفى نفس الوقت أحزن بشده من أجلهم ومن أجل تلك الغمامه الرهيبه الضاربه على بصيرتهم وقلوبهم قبل أن تضرب عقولهم

وأكيد هو أيضاً يظن أنه من الفئه المؤمنه الوحيده

تذكرت كيف نظر لى أخر مره تلك النظره المخيفه وتذكرت ذلك القول الذى أدهشنى وأدمى قلبى

أنت كافر ومن أبناء الكفره...ياعبدت الصليب...يا عبدت الطاغوت......يا مشركين بالله الواحد الاحد ...الخ من هذه الاقوال

التى لاتشفى من مرض ولا تشبع من جوع..بل هى كالخناجر المسمومه التى تقتل وبعمى حيسى

قلت فى نفسى ...يعنى الموضوع كمان كان ناقص البنى أدم ده ..وفى الوقت اللى أنا مسخن بجراحى هكذا؟!

سمعت صوته قائلاً : ياأستاذ مدحت ..أنا بقولك السلام على من أتبع الهدى

قلت له فى هدوء وأنا أجز على أسنانى: وعليك ياعم ماهر...أتصال غريب فعلاً!

هو أنت تعبان للدرجادى علشان تفتكرنى ؟..وأنا بالذات ؟

سمعت ضحكته التى قد نسيتها منذ سنوات كثيره ثم أردف ضحكته بقوله

: أنت فى عقلى من زمان ياعم مدحت .أنت كده طول عمرك فكاهى ومش راح تتغير

قلت له بنفاذ صبر..: طب وأتغير ليه؟! ..مانا عاجبنى واضعى كده

رد قائلاً: ياعم مدحت لا تتغير ولا حاجه..واضح أنى أتصلت فى وقت مش مناسب ..طب ممكن أتصل واقت تانى ؟

ماهذا...أحسست أنه يتكلم معى بكل ذوق ورقه لم أعهدها فى أمثاله ..وخفت أن أكون أحرجته

فقلت له بسرعه : لا ..لا ياماهر..أنت بردك كنت صديقى اللدود

رد فى تلقائيه أحببتها : كنت ؟...كنت؟! لا ياعم أنا لسه ماهر بتاع زمان ..

أندهشت بشده ..وتعجبت غايه العجب مما أسمع..يالهامن أيام التى ستجعلنى أجن
كل شىء أصبح غريب ..وعجيب..كأننى أعيش حلم تتشقلب فيه الاوضاع

قلت له : بس سيدتك يا أستاذ ماهر ..أكيد فاكر أخر كلمات صدرت من فمك

رد قائلاً : معلش ..أصل كنت لسه جديد فى موضوع الجماعات الاسلاميه

وكانت وخدانى الجلاله..والحميه ..والخوف على كلمه الله ..وعلى دين الله

أبتسمت قائلاً : ويعنى الله مش قادر يدافع عن نفسه من الكفره اللى هو أحنا

رد قائلاً : بقولك أيه...ماتحاول تنسى كده ..وأنا بتأسفلك غايه الاسف فعلاً

قلت له: مش محتاج أسفك...أنا اللى أسف عليك وحزين فعلاً من أجلك

رد قائلاً : ماهو علشان أنى شعرت من نظراتك وقتها ومن معرفتى ليك ولسماحه دينك ومحبتكم لبعض اللى ربنا وهبهلكم ..علشان كل الاسباب دى ملقتش حد أكلمه الا أنت

أصبح أندهاشى كالقنبله التى أنفجرت أنفجار رهيب ..وتطايرت أشلاء تفكيرى فى كل أنحاء غرفتى

قلت له فى تسائل : هو فيه أيه؟؟...أيه حكايتك بالظبط ياماهر؟

كلامك كله غموض فى غموض...وكأنك تتحايل على بحيله من حيل الله أحسن الماكرين

أنتظرت أن ينفجر فى لتهجمى هكذا على ربه الاعلى..ولكن أرتفع معدل الاستعجاب والاستغراب وكل ماهو أب أب عندما سمعته ينفجر ضاحكاً وليفتره طويله حتى أحسست أنه كاد أن يموت ضاحكاً

رد أخيراً قائلاً : يامدحت ..كفايه تقطيم وتقطيع فى..مافيش حاجه أسمها أحسن الماكرين

يايوم مش راح يعدى بالساهل ...هو أتجنن والا أكونش أنا بيتهيألى كل الكلام ده!؟!

قلت له : بس الكلام ده مكتوب عندكم ؟!

رد : سيبك من المكتوب عندنا....ما كفايه علينا القسيس زكريا

ضحكت قائلاً له: هو أنت بتشوف البرنامج بتاعه؟

رد قائلاً: بشوفه..ده أنا بتابعه ومشترى كل الكتب اللى بيتكلم منها

وعلشان الكلام ده وغيره ..أنا بكلمك دلوقتى

قلت له: طب عايز أيه ؟

رد : الكلام مش راح ينفع فى التليفون ..لازم نتقابل أنا وأنت

أيوه...أيوه.. أهو بانت لبتها ..هو عايز يجرجرنى لحد عنده وبعدين ..هوب..سكينه أو مسدس أو رشاش ..وبعد ما يجيب كرشى يرفع سكنته قائلاً الله أكبر ...الله أكبر...ظهر الحق وزهق الباطل..أن الباطل كان زهوقا...طب أنا مش غبى للدرجادى..أروح للارهاب وتلامذة بن لادن برجلى...هو عايز ينتقم من الاب زكريا فى العبد لله!

قلت له : الموضوع ده مستحيل..عايز حاجه منى ..أتكلم أنا مش ماسكك

رد : مدحت ..أنت خايف منى؟...ياعم أنا كنت عايز أستفسر عن حاجه

قلت له: أى حاجه

قال : الموضوع ببساطه ..أنا لى أبن أخت ..كان عليه عفريت ركبه...ومنفعش معاه أى دكتور

فأخذته ورحت لكتير من المشايخ عندنا ..ومنفعش معاه أى حد ..والاخر رحت بيه لاميرنا

قلت له فى دهشه : أميرنا!..هو خلاص مصر بقت مملكه من تانى وفيها ملك وأمير كمان؟!

ضحك ماهر قائلاً : لا..لا لا..أنا قصدى أميرنا أحنا..أمير الجماعه بتاعتنا..وقعد الامير يقرأ عليه أيه الكرسى ..والمعوذتين ..وأيات كتيره من البقره وغيرها..والاخر قال مش راح ينفع معاه الا أسماء الله الحسنى

ومن الساعه أتناشر بالليل لحد صلاه الفجر وأحنا كلنا قاعدين نقرأ كل أسماء الله الحسنى...ونعيد ونزيد
ترتيل وتجويد

أنت عارف أسماء الله الحسنى يامدحت؟

قلت له وأنا ممسك بأعصابى: أيوه ..طبعاً ..أسماء ذى النار على العلم..مش فيها الجبار القهار المتعال الصمد المهيمن...الخ الخ..مش هما تسعه وتسعون أسم يا أخ ماهر

رد بسرعه: أيوه هما تسعه وتسعون أسم...واللى يقرأهم ويحفظهم يدخل الجنه

قلت له : طب مبروك عليك الجنه وحور العين والولدان المخلدون وبحور الخمر ...الخ ..طب أنا مالى ومال كل الموضوع ده

رد بسرعه: حيلك على ..وخاللى عندك شويه صبر على أخيك ماهر

قلت له : ماشى ..أكمل أخى ماهر

رد : وبعد كل الساعات دى بردك منفعش معاه حاجه ..لدرجه أن الامير نزل تلطيش فى الواد

وخنق ...فخفت لحسن يموت فى أيديه..فصرخت فيه أن يتركه ...وطبعاً رجعنا أنا وهو من غير نتيجه...وبخف حنين....لحد ما ناس تعرف أبو الولد ..قالوا له أن يذهب به لقس من عندكم..أسمه..أسمه

مش فاكر أسمه أيه..هو له كنيسه فى الفجاله...المهم أنا أعترضت بصراحه ولكن بعد فتره

وافقت وذهبت أنا وأبو الولد والراجل المسيحى اللى بيروح الكنيسه عند القس ده

أنا طبعاً مكنش ممكن أدخل بهيئتى دى ولا ذقنى الطويله دى..فقلت لهم سأنتظركم بالخارج..وفعلاً ذهبت لجامع الفتح الموجود برمسيس وجلست فتره مع بعض الاخوه

ورجع الجميع وهالنى وأدهشنى ماشاهدت

قلت لماهر بسرعه : ها..أيه اللى أدهشك يا أخ ماهر؟

رد ماهر : الولد رجع لشكله الطبيعى ..يعنى وشه كان أسود وغامق ومنتقع اللون بشده..لقد أكون مهول أن قلت لقد لمحت نور وصفاء عجيب فى وجه الولد..وأبوه أخذنى بالحضن وهو يبكى قائلاً

الراجل البركه القسيس الله يحسن اليه ويغنيه من عنده..عمل معجزه لابنى...أخرج الشيطان من جسده

قلت لابو الولد : أهل أنت متأكد يا أخى ..هل شاهدت بعينيك ما فعله

رد قائلاً : نعم نعم ..لقد وضع على جبهة أبنى صليب كبير ..وتكلم بكلمات لم أسمع منها شىء

وبعد فتره بدء أبنى يرتعش ويقع على الارض ..وبدء يتكلم بصوت أخر ...وصرخ فيه القس وطلب منه أن يخرج ..فقال له ..لا لن أخرج منه

ولكنه قال له بضع كلمات ..مع أننى وكل الحاضرين سمعناها ..الا أننى لم أعرف معناها ..ولم أستطع أن أسأل صديقى عنها

المهم هو دعى بأسم أحد أو شىء فصرخ الشيطان..وحاول التملص والهروب ولكننا أمسكنا بالولد عندما طلب القس ذلك حتى لا يجرى خارج الكنيسه..وبعد أن أعاد نفس الاسم عليه حتى صرخ الشيطان وطلب الخروج من جسد أبنى

وفعلاً حدث ذلك

قلت لابو الولد: طب يعنى مش فاكر الاسم ده خالص أو أى حرف حتى؟

رد أبو الولد : والله العظيم مش فاكر من شده رعبى وهلعى وحزنى على أبنى ..بس ده كان أسم عجيب ...لم أسمع به من قبل..أسم له طعم وبهاء..

رديت على ماهر: طب يا أخ ماهر وأنا مطلوب منى أيه دلوقت؟؟

رد ماهر: اللى أنا أعرفه وسألت للتأكد منه الامير بتاعنا..عن الاسم ده ..فقال...هو أكيد القسيس ده عارف أسم الله رقم مائه ..وهذا الاسم غامض ..ومخفى بين طيات القرأن الكريم والذى يعلمه ويقوله ..ينال كل مأرب وطلب

وهذا الاسم لا يصل اليه الا كل رجل متصوف وبدرجه كبيره جداً وفى أعلى مراتب التصوف

قلت لماهر : هرجع لنفس سؤالى ...وأنا عايز منى أيه يا ماهر من الاخر ؟

قال ماهر فى صوت كأنه يستعطفنى وكأنه سيبكى : أنت أكيد تعرف حاجه عن الاسم ده..أو تعرف مكانه عندكم ..أو تعرف حد يقدر يعرفهونى

أبتسمت قائلاً : أنا هقولك ...أنا فعلاً أعرف الاسم اللى خرج بيه الشيطان أو الروح النجسه من جسد أبنك

وهو نفس الاسم اللى بيه بنحارب أبليس..وبيه هيكون شفاعتنا أمام الديان العادل

رد ماهر بسرعه قائلاً : ها ..أيه هو الاسم.؟

قلت له: طب أنتظر لحظات هجيب الكتاب المقدس علشان أقولهولك

رد قائلاً : أيه دة هو الاسم ده عندكم فى الكتاب؟

قلت له : أيوه..ومن أكبر راهب وقديس عندنا ..لحد أصغر طفل فى الكنيسه يعرف الاسم ده

قمت فعلاً ورجعت للتليفون قائلاً : أسمع ياماهر

رد : أنا معاك....كلى أذان صاغيه

قلت له وأنا أقرأ:الحق الحق أقول لكم من يؤمن بى فالأعمال التى أنا أعملها هو أيضاً يعملها ويعمل أعظم منها لأنى ماض إلى أبى ومهما سألتم بإسمى فذلك أفعله
الكلام ده من أنجيل معلمنا يوحنا

وكمان :وهذه الآيات تتبع المؤمنين يخرجون الشياطين بإسمى ويتكلمون بألسنه جديدة يحملون حيات وإن شربوا شيئاً مميتاً لا يضرهم ويضعون أيديهم على المرضى فيبرأون

والكلام ده من أنجيل معلمنا مرقس البشير

أنزعج ماهر قائلاً بلهفه رهيبه لم أسمعها من أحد قبلاً : أسم مين ده اللى يشفى المرضى وينجى من الحيات ويخرج الشياطين..ولو شرب سم مينفعش معاه ؟؟؟

قلت له بكل بساطه : يا أخى الكريم ...هو أسم فوق كل أسم....رئيس السلام..ملك ملوك كل الارض والاكوان....الجالس عن يمين القدوس

الاسم ده هو أسم المسيح..أسم يسوع

رد ماهر فى ذهول مهول : يسوع عيسى أبن مريم ؟!!!!!

قلت له : أيوه ..ودمعت عيناى ..وكأننى أتكلم مع نفسى وأبكتها على ضعفى وخزى وعارى الذى لم أكن أعلمه..

معى كل الوقت ملك السلام .ولا سلام بداخلى!

مع كل الوقت الله المحبه..وأنا كاره للكل ولنفسى!

معى كل الوقت ملك الملوك ..وأنا أدعى الفقر وقله الحيله والعوز

بل أنا أسمى على أسمه

أنا أسمى مسيحى ..كنايه عن أسم تهتز له الجبال وتسقط منه الاكمه..وتهرب من أمام وجهه الشياطين

أرحمنى ياالهى..سامحنى يايسوع على ضعفى

فأنت فعلاً الاسم الغامض على القلوب المغلقه

فأنت الاسم الاول والاخير فى أسماء الله الحسنى

فأنت أسم الله الخفى الاعظم

فأنت الاسم الحق
 

Scofield

New member
إنضم
16 سبتمبر 2006
المشاركات
6,240
مستوى التفاعل
92
النقاط
0

قصة جميلة فعلا حبيبى مدحت بس بسألك هى فعلا حقيقية و أيه مصير الأخ ماهر بعد ما عرف؟
وربنا يباركك
 

صائد الذباب

عضو مبار
عضو مبارك
إنضم
7 فبراير 2006
المشاركات
354
مستوى التفاعل
10
النقاط
0


طبعاً حقيقيه بس فيه أسماء متغيره لدواعى أمنيه

وبصراحه أنا كمان عايز أعرف ماهر عمل أيه..لاننى بعد المكالمه دى وافقت أقابله بس هو قاللى هو مسافر وبعد رجوعه هنقعد مع بعض...

 

Scofield

New member
إنضم
16 سبتمبر 2006
المشاركات
6,240
مستوى التفاعل
92
النقاط
0


طبعاً حقيقيه بس فيه أسماء متغيره لدواعى أمنيه

وبصراحه أنا كمان عايز أعرف ماهر عمل أيه..لاننى بعد المكالمه دى وافقت أقابله بس هو قاللى هو مسافر وبعد رجوعه هنقعد مع بعض...



أنا واثق من عمل المسيح فى حياتة وسيتمجد المسيح و يجعله يعرف الحقيقة
وأصلى له ليعرفها
أشكرك حبيبى مدحت على الأخبار الحلوة و لو عرفت أى جديد أخبرنا
 
أعلى