يا جماعة أنا شايفة تعليقاتكم
كأنكم أول مرة تشوفوا مدرس بيضرب
طب دا المدرس دا أطيب مدرس شوفتوا فى حياتى
ح تتعجبوا.............مش كدة
بصوا ......أنا كبيرة و أم ......يعنى مش صغيرة....قربت على 37 سنة
أنا كنت و أنا صغيرة فى مدرسة حكومة
و كان كل يوم ضرب و شتيمة
دا أنا ياما إضربت على أسباب تافهة جدا
و ابنى حاليا فى المدرسة .....و إضطريت أديله دروس خصوصية عشان ما يضربش
و كمان عايزة أقولكم على حاجة غريبة جدا
أولياء الأمور هم اللى بيروحوا للمدرس
و يقولوله : إضرب الولد و ما ترحمهوش لو عمل حاجة غلط و أنا ح أكمل عليه فى البيت
و يقولوا لبعض : المدرس دا شاطر جدا...... الله يكرمه......كويس إنه بيشد على العيال....أصله لو ما شدش عليهم
مش ح يذاكروا
ح تستغربوا مش كدة
طيب ح أفكركم بالمدرس اللى موت تلميذ فى الاسكندرية
جه بعديها حوار مع والد التلميذ فى التليفزيون
الوالد بيقول إيه : ماشى تضرب الولد على إيده ....على رجله " مد " لكن تموته لأه
من رأيى لو إتمنع الضرب ماحدش ح يموت
الغريبة الأخيرة :
فاكرين حسين بدر وزير التعليم الأخير للنظام السابق لما قال : لازم يرجع الضرب للمدارس عشان ترجع للمدرس هيبته