- إنضم
- 20 يناير 2008
- المشاركات
- 7,756
- مستوى التفاعل
- 50
- النقاط
- 0
ازيكم وكل صيام وانتوا طيبين
بصوا بقى بما ان الرجيم باظ
فنبوظوا بالمرة
هقولكم على طريقة مولوخية صيامى انما ايه طريقة انجى
متقولوش لعدوكم عليها يلا بينا
اول حاجة هنجيب حمص بلدى ونغسلة كويس اوى
ونروح نغليه فى ماية
وبعد مايطيب شوية ناخد المايه بتاعتة ودى هتبقى الشوربة
بتاعت المولوخية
ونكون جايبن مرقة الخضروات من عم حسين خلى بالكم الاتنين باربعين قرش
بدل ما يضحك عليكم ويدهالكوا بخمسين
ما علينا بعد ما المايه بتاعت الحمص تغلى كويس نحط المرقة وندوب كتير لحد لما المرقة تدوب خالص
ونكون مجهزين المولوخية الخضراء او الناشفة
ونحطها على طول فى الشوربة
وخدوا بالكوا بقى نصيحة منى ليكم مش تغطوا المولخية وهيا سخنة
علشان مش تسقط (وندخلها دور تانى هههههههههههه)
فاضل ايه القدحة
ونيجى لنوعين القدحة
لو كانت الملوخية خضراء
يبقى نحط الزيت لحد ما يتقدح شوية ونحط الثوم المهروس وشوية ملح على فلفل
ولو قرن فلفل اخضر سخن ايه هتبقى فل اوى
ومش تنسوا الكسبرة ونستنى شوية لما التومة تصفر وبلاش تحمر علشان مش يبقى شكلها وحش فى الملوخية
ونحطها على الملوخية وبالهنا والشفا
نيجى بقى لو الملوخية ناشفة
نفس الى عملناه فى القدحة بتاعت الملوخية الخضراء
بس هنزود نص او كوباية عصير طماطم ونحوطة على الثوم
ونسيبها تتسبك
وعلى طول نحطهم على المولوخية ودوقى احلى ملوخية
وبالهنا والشفا
استنى متنسيش تشهقى على القدحة تلات مرات قبل ما تكوبيها على الملوخية
ومتنسونيش بطبق بقى
يلا باى
بصوا بقى بما ان الرجيم باظ
فنبوظوا بالمرة
هقولكم على طريقة مولوخية صيامى انما ايه طريقة انجى
متقولوش لعدوكم عليها يلا بينا
اول حاجة هنجيب حمص بلدى ونغسلة كويس اوى
ونروح نغليه فى ماية
وبعد مايطيب شوية ناخد المايه بتاعتة ودى هتبقى الشوربة
بتاعت المولوخية
ونكون جايبن مرقة الخضروات من عم حسين خلى بالكم الاتنين باربعين قرش
بدل ما يضحك عليكم ويدهالكوا بخمسين
ما علينا بعد ما المايه بتاعت الحمص تغلى كويس نحط المرقة وندوب كتير لحد لما المرقة تدوب خالص
ونكون مجهزين المولوخية الخضراء او الناشفة
ونحطها على طول فى الشوربة
وخدوا بالكوا بقى نصيحة منى ليكم مش تغطوا المولخية وهيا سخنة
علشان مش تسقط (وندخلها دور تانى هههههههههههه)
فاضل ايه القدحة
ونيجى لنوعين القدحة
لو كانت الملوخية خضراء
يبقى نحط الزيت لحد ما يتقدح شوية ونحط الثوم المهروس وشوية ملح على فلفل
ولو قرن فلفل اخضر سخن ايه هتبقى فل اوى
ومش تنسوا الكسبرة ونستنى شوية لما التومة تصفر وبلاش تحمر علشان مش يبقى شكلها وحش فى الملوخية
ونحطها على الملوخية وبالهنا والشفا
نيجى بقى لو الملوخية ناشفة
نفس الى عملناه فى القدحة بتاعت الملوخية الخضراء
بس هنزود نص او كوباية عصير طماطم ونحوطة على الثوم
ونسيبها تتسبك
وعلى طول نحطهم على المولوخية ودوقى احلى ملوخية
وبالهنا والشفا
استنى متنسيش تشهقى على القدحة تلات مرات قبل ما تكوبيها على الملوخية
ومتنسونيش بطبق بقى
يلا باى