مواقف صغيره فى الحياه ( متجدد)

[AL MALEKA HELANA]

ملاك الرب حال حول خائفية وينجيهم ( مزمور 34: 7 )

الف حمدالله علي سلامتك حبيبتي حبو اعدائكم

[حبو اعدائكم]

ملاك الرب حال حول خائفية وينجيهم ( مزمور 34: 7 )

الف حمدالله علي سلامتك حبيبتي حبو اعدائكم

اشكرك هيلانه الغاليه --
دا موقف من فطرا --- نشكر ربنا على عنايته و حمايته و تدبيره ---
انزلى بموقف من المواقف الكتيرا الى عندك -- متبقيش بخيله
وحشانى جدا يا ملكتنا الجميله

[حبو اعدائكم]

جيت احكلكم على موقف افتكرته مع ماما---
زمان و انا صغيره --- ماما كانت مهتمه بسيده -- من اقارب بابا من بعيد
سيده عجوزه مريضه وحيده--
محدش كان بيروح لها اولادها مهاجرين و هى لوحدها--
لسى فاكرا ماما و هى بتحضر الاكل و تسبنى انا و اخويا و تروح لها و ترجع

اخويا كان متعب جدا فى مذكرته رغم ذكائه الرهيب--

لكن ميذاكرش غير و ماما فوق دماغه-- او جواها ههههه
كان عنده امتحان اخر العام و تصدف ان السده حالتها كانت بتصعب اكثر و بتتعب اكثر
و ماما مقدرتش تسبها و قالت خلاص نسبها على ربنا و الى يحصل يحصل


و راحت للسيده و السيده فعلا كانت تعبانه جدا -- طلبوا الدكتور و قال لهم قدامها ساعات

ماما فضلت معاها لحد ما العيله جت بس هى كانت خلاص نامت بين ايد ماما---
تانى يوم كان امتحان اخويا --- ماما كانت اعصابها بايظه و كانت بتقول لو كان قدامنا يومين بس كنت لحقت اراجع معاه -- بس نعمل ايه -- ربنا معاه -


و هو واقف فى الطابور -- و احنا لسى واقفين--
لقينا مدير المدرسه مسك المكرفون-- و اعتزر للكل و قال اول مره تحصل ان حد يدخل الكنترول و اوراق الامتحانات مشكوك انها اتسربت بليل-- و لهذا السبب هيتم تاجيل الامتحان يومين !


طبعا كنا فى زهول !!!!!! اول مره تحصل ان الجدول كله يتشفت يومين كملين -- معقوله يعنى !
بس طبعا الى مش معقول عندنا -- معقول عند الرب هههه
و الى مش ممكن عندنا --عنده هو كل شىء ممكن
و تلف الايام و تدور و يتكرر نفس الموقف معايا ! هههه
كان عندى بردوا تسليم مشروع تخرج و عرض و مناقشه المشروع--
و لمرض زوجى اتاخرت انى اخلص و كنت عايزا يومين الحق الم فيهم
و فعلا لقيت الدكتوره بعثت و قالت انها اجلت يومين !
ههههههه
عجيب و جميل انت يا رب
ماما بتقول لى معقوله دى صدفه !
قولت لها هو فيه عند الرب حاجه اسمها صدفه؟ كل حاجه عنده مترتبه و محسوبه

نشكرك يا رب على ترتيباتك

[حبو اعدائكم]

موقف صغير
كنت بتمشى و لقيت شجره منزله ورد ابيض كبير زى نوع يسمين على الارض حواليها
قعدت الملم الورد من الارض و قولت اروح احطه فى طبق مايه علشان يشرب -- حرام يموت كدا--
نسيت الورد فى الشنطه
صحيت تانى يوم لقيته كله خلاص دبلان--
قولت مش مهم احط له مايه يشرب حتى لو خلاص دبل و بيموت --
نزلت الشغل و رجعت المفاجئه لقيت الورد صحصح و كل ورده فتحت و كائنى لسى جيباها من الشجره-- مش من على الارض !!
قد ايه نقطت مايه اعتط الورود حياه -- مابالكم بالرب لما يلمس حد محتاج لمسته او بروحه يغمر انسان
ياريت مننساش نعطى الزرع مايه --- لو كنوا بيقدروا يتكلموا لغيتنا -- كنا هنسمع بكاء و تضرع و طلب -- لان كتير مننا بينساهم لحد ما يموتو !

[أَمَة]

روعة يا حبو... كلام أثمن من الجواهر.