للعزاب والعازبات حصريا.. asmicheal

[asmicheal]

للمسيحيين صيامى و للسحور
طريقة عمل فول بالطماطم المصري

المقادير:

5 أكواب من الفول المدمس
4 حبات طماطم متوسطة مقطعة
ليمونة كبيرة "حامض"
نصف فنجان قهوة زيت
ربع ملعقة طعام ثوم مفروم
نصف ملعقة طعام كمون
شطة "حسب الرغبه"
ملح "حسب الرغبه"
3 ملاعق كبيرة طحينة سادة "مطحون السمسم"

الطريقة:

- يوضع الزيت فى الطاسة ثم يضاف إليه الثوم ويوضع على النار مع التقليب حتى يتغير لون الثوم.
- يضاف الكمون والملح (والشطة) ويقلب مع الثوم حتى يختلطوا جيدا.
- تضاف قطع الطماطم مع التقليب حتى تذبل.
- يضاف الفول ويقلب جيدا مع الخليط ويترك قليلا على النار الهادية.
- يضاف الطحينة وعصير الليمونة ويقلب الجميع جيدا.
- يقدم ساخن مع الخبز الأسمر و حاذر أثناء الأكل من أن تأكل أصابعك وبألف هنا وشفا.

=

[asmicheal]

صنفين كبدة من كيلو الكبدة + كبدة الشارع

نييجى بقى للكلام المهم
الكبدة
احب اقول لكم
انى بعمل صنفين كبدة من كيلو الكبدة
قلتيللى لية
لانى باخد الطروف داير ما يدور
اعملها كبدة اسكندرانى
الصافى من الكبدة اعملة مقلى روعة
طبعا حرام اكل الدم
لكن الكبدة يادوب تشم النار
وتقلب على الوجة الاخر لتحتفظ بعصارتها
اروع كبده الكبد الضانى

1 كيلو كبدة خروف ( ضاني )
2 ثمرة بصل كبير مفروم ملح و فلفل و بهارات و ليمون
3 ملعقة كبيرة سمن
2ملعقة كبيرة خل
3فص ثوم مفروم
افرمي البصل و الثوم جيدا جدا و يضاف اليهم التوابل و الخل ضعي الكبدة في الخليط السابق و تترك نصف ساعة الي ساعة
ثم في مقلاة علي النار سخني السمنة و تشوح الكبدة حتي تمام النضج حوالي10- 20  دقيقة
تقدم ساخنة مع ارز ابيض و يسكب الصوص علي الارز
------------------------


طريقة عمل الكبدة - احلى كبده اسكندرانى
المقادير :

كيلو كبدة مقطعة شرائح رفيعة
ثوم مدقوق
البهارات شطة ( فلفل حار ) ، كمون ، كزبره ناشفة
فلفل حار أو رومي مقطع شرائح
طماطم مقطعة
3 ملعقة كبيرة خل
عصير ليمونة

الطريقة :

- تبلّي الكبدة بالثوم و البهارات و الخل و الملح ، و دعيها ساعة في التتبيلة .

- نضع زيت على النار حتى يسخن ثم نسقط فيه الثوم المدقوق ونقلبه ثم نضع الكبدة ونقلب و ستظهر فوراً الرائحة الطيبة ، ونخفض الحرارة بعد أن يتغير لون الكبدة و نضيف حلقات الفلفل الأخضر ليكمل نضجه مع الكبدة و لا نغطيها و نتركها ربع ساعة و لا داعي لإضافة الماء .

- قدميها ساخنة مع الخبز و سلطة الطحينة و السلطة الخضراء والبطاطس المحمرة .


============
جديد : كبدة الشارع
المقادير
نصف كيلو كبدة شرايح رفيعة كالشاورما
فلفل رومى مقطع عصيان
فلفل حامى مقطع دوائر
2 ملعقةصغيرة ثوم
ليمونة
ملعقة ملح - نصف ملعقة فلفل - نصف ملعقة كارى- ملعقة كبيرة كمون - نصف ملعقة كزبرةناشفة
ملعقتين خل
قطعة صغيرة ليه خروف تدوب فى الزيت والزبدة

الطريقة
- الكبدة لا تغسل
- انزل خلطة التوابل والثوم والفلفل ( ملقة ثوم واحدة والباقى للزيت )
- نقلب بالراحة نتركها نصف ساعة بالثلاجة
- زيت + ملعقة كبيرة زبدة + قطعة صغيرة لية
- الخلطة السابقة انزل بيها فى الزيت والزبدة لتاخد ريحة الخلطة
ملعقةصغيرة ثوم
ليمونة
ملعقة ملح - نصف ملعقة فلفل - نصف ملعقة كارى- ملعقة كبيرة كمون - نصف ملعقة كزبرةناشفة
ملعقتين خل كبار
- على نار عالية انزل بالكبدة فى الزيت والثوم بتوابلة
-لا تغطى الكبدة لتحدث صدمة ولا تنزل ميه
- تقليب بسيط على النار
- اخر 5 دقائق اوطى عليها واسيبها بلا تقليب

فيديو روعة

https://www.youtube.com/watch?v=SHng...ih7UKxTfaMaCAw


=

=

[asmicheal]

شياطة الارز

لافضل ارز مفلفل
احب اعرفكم ب شياطة الارز
توضع تحت حلة الارز حين نوطى نارة ليفلفل
قووووووووم يا بية اشتريها لمراتك
asmicheal

=

[asmicheal]

ارز مفلفل

الارز المفلفل

3 ملاعق كبيرة من السمنه او الزيت النباتي
كوبان من الأرز
2كوب ماء وقيراط من الماء
ملعقة كبيرة من الملح
فلفل اسود

الطريقة
- بغسل الارز فى مصفاة حتى يصبح ماء الغسل صافياً
- نسخن السمنة او الزيت
- نضع الارز ونقلبة 5 دقائق
-نغلى ال كوبان وربع ماء ونضع علية ملعقة الملح الكبيرة
-نضع الماء المغلى على الارز مع اضافة رشة فلفل اسود
-نقلب حتى يغلى
-نضع شياطة الارز ونهدا النار حتى يستوى الارز حوالى 15 دقيقة

ملحوظة
لو هتستخدمى الارز الطويل (لا احبة احب الارز المصرى وافضلة فايز السوهاجى والضحى ) كوب الارز الطويل ياخد 2 كوب ماء


الوصفة بايدك وانتى بتطبخى


https://www.youtube.com/watch?v=VisT...82%D9%88%D9%84


=

[asmicheal]

حمص الشام - حلبسة

صيامى دة ولا مش صيامى يا متعلمين يا بتوع الزيت والنباتى هههههههههه
طريقه عمل الحلبسه (حمص الشام) تحفه -طريقه سهله وبسيطه جدا

المكونات:-

1/2 كيلو حمص الشام من عند محل البقاله (افضل نوع الضحى وفايز السوهاجى )
حبه 3 طماطم حمراء جدا بس طريه مش ناشفه تقشريها
ليمون
ملح
كمون
شطة
5 فصوص توم كبيره
حبه بصله صغيره

طريقه التحضير:-

جيبى حمص الشام ونقيه واغسليه كويس جدا وانقعيه فى الميه مده طويله يعنى مثلا من بالليل للصبح او من الصبح لبالليل بعد ما اتنقع خلاص كلى واحده وحسيتيها طريه طيب كده تمام

تاخدى بقى الحمص بميه النقع بتاعته تنقليها فى حله اكبر وتزوديها ميه وترفعيها على النار

وبعد ذلك تضربى الطماطم المقشرة فى الخلاط وتضيفيها وتضعى البصلة صحيحة بعد تقشريها وبعدين تتضعى ال 5 فصوص ثوم بدون هرس
عند اتمام السواء ترمى البصلة وفصوص الثوم

وتحطى معلقه الكمون الكبيره كمان وبعدين تسيبيه يغلى على النار حوالى تلت ساعه
وبعدين تحطى فى الكوبيات

والملح والليمون والشطه حسب الرغبه بس لكل فرد فى كوبايته


الوصفة بايدك على موبيلك فى مطبخك

https://www.youtube.com/watch?v=p75E...A8%D8%AE%D9%83



بالهنا والشفا

[asmicheal]

صينيه سردين فى الفرن

صينيه سردين فى الفرن

المقادير

كليو سردين
بصل وطماطم وفلفل حلقات وتوم مدقوق
بهارات (ملح وفلفل وكمون )


اضافات سبشيال بضعها
-----------------------------------
2 ليمونة مقطعه حلقات
3 فلفل اخضر حامى
زعتر ناشف وعصير ليمون
الطريقه

بتجبيى السردين وتنطفيه زى اى سمك عادى وتغسيله كويس اووى واعصرى عليه نص ليمونه

جهزى الصينيه بتاعتك حطى شويه زيت وعليهمبعض شرايح البصل والطماطم والفلفل ورصى السردين المحشى بالتتبيليه بتاعتك 00توم مدقوق وكمون وملح وفلفل وطماطم صغيرة وفلفل قطع صغيرة وعصرة ليمون ونقطتين خل 00

وعلى الوش نفس الشرايح مع شويه توم من التتبيليه ولو عندك بصل اخضر وبتحبيه قطعيه حلقات وضعيه


وحطى الصينيه على البوتاجاز واول ما تحسى انه دخل فى السوا رشى على الوش زيت واعصرى ليمونه

وبعدين دخليه الفرن يدوب دقايق وشغلى الشوايه ياخد وش ويطلع بالشكل ده


وده بعد ما طلع جزء مقلى وجزء من الصينيه طعمه وريحته مش قادرة اقول



يارب يعجبكوا .



الوصفة بايديك على موبيلك وانتى فى مطبخك



https://www.youtube.com/watch?v=Oc9D...82%D9%88%D9%84

[asmicheal]

كفتة الارز على طريقتى روعة

كفتة الارز على طريقتى روعة
كفتة داود باشا
المقادير
كيلو لحمة مفرومة
علبة سبايسى كامينا للكفتة المشوية ( العلبة كيسان هتستخدمى كيس واحد فقط )
1 كوب ارز يضرب فى مطحنة البهارات ضرب خفيف وليس بودرة
زيت للقلى

الصلصة
2 ثمرة طماطم تقشريها ثم تضعيها فى الخلاط
ربع ملعقة ثو مفرى
ملعقة سمنة

الطريقة
يخلط كيلو اللحم مع الاسبايسى مع ال الارز المفرى
تكورى كور صغيرة قد البلى (لانة ينفش ) او اصابع حسب رغبتك
تقلى الكور فى الزيت حتى اللون الذهبى
ترفع وتترك تبر قليلا
ويمكن تخزينها كور مقلية فى اكياس وتوضع ب ال ديب فريزر لحين استخدامها
توضع فى الصلصة

الصلصة
يسخن السمن
يوضع ربع ملعقة الثوم حتى تصفر
يضاف عصير ثمرتين الطماطم
تترك حتى تغلى لا تسبك جامد
بمجرد ما تغلى غلوتين
ضعى الكفتة الكور المقلية
وطى النار
واتركيها تستوى ( حوالى 10 دقائق )
وبالهنا والشفا
عيد سعيد

asmicheal


الوصفة بايدك وانتى بتطبخى

https://www.youtube.com/watch?v=ts3T...82%D9%88%D9%84


=

الارز المفلفل

=

[asmicheal]

تقديم الفاكهة باشيك وارقى الطرق
asmicheal

=

=

[asmicheal]

ميلك شيك الفراولة
تكفي لـ 4 أشخاص
المقادير
آيس كريم بالفراولة ,2 ملعقة كبيرة
سكر , حسب الرغبة
حليب , لتر
فراولة , كيلو

طريقة التحضير
- تغسل ثمار الفراولة وينزع الجزء الأخضر منها.
- تضرب بالخلاط الكهربائي مع الحليب.
- ثم يضاف الآيس كريم لإعطاء الميلك شيك كثافة أكثر.
- يضاف السكر حسب الرغبة.
- قبل التقديم تزيين الأكواب بشرائح من الفراولة.




=

[asmicheal]

الكشرى وتريكاته الخاصة

يعنى هانت كلها 9 شهور ونفطر ههههههههههههههههه

حقيقى اروع بكتير من اكل الشوارع
بس محلات الكشرى بتخم
المقادير بتكون (كيس مكرونة اسباجتى يقطع 3 سم مع كيس مكرونة كشرى مع كوب واحد ارز مع ربع كوب عدس بجبة )
تريكات الكشرى
المقادير الطبيعية مش محلات الكشرى
4 اكواب ارز (قد الارز قد الماء )
فرى 3 بصلات متوسطين
1 كوب عدس بجبه
1 كوب مكرون كشرى الصغننه
4 بصلات تقطع حلقات لزينه الوجه
زيت وشطه وملح و فلفل اسود

الطريقه
-نسخن 3 ملاعق زيت
نضع فيها ال 3 بصلات المفريين المتبلين بالملح حتى يصفر
يوضع الارز ليحمر مع البصل
تسخن 4 كوب حتى يغلى ضيف ملح وشطه وفلفل اسود
وضع الماء المغلى على الارز بالبصل
واتركه يستوى
- اسلق كوب العدس بجبه المغسول
يادوب يستوى على نار هاديه بلا تهريه
صفيه من ماء السلق
سخن زيت حمر العدس بجبه حتى يفلفل
يضاف
العدس بجبه المفلفل على وجه الارز
- اسلق المكرونه يادوب تستوى
سخن زيت
فلفل المكرونه فى الزيت واتركها
- البصل الحلقات يرش بملح ودقيق خفيف
يحمر بالزيت ليصبح ذهبيا
لتجميل الوجه


الدقه
المقادير:
8فصوص ثوم
3-4ملاعق ص كمون
3ملاعق ص شطة حمراء ناعمة
2لمونة
2معلقة ص ملح
نصف كوب خل
الطريقة:
نهرس الثوم والكمون والشطة والملح جيدا. ونضعهم فى اناء, ثم نضيف لهم اليمون والخل ونزيدهم بقليل من الماء بحسب الرغبة, ثم نقلبهم على النار..
وفى اثناء تقليبهم نرى اذا احتاج الخليط الى قليل من الملح فنزيده, ثم نتركه حتى بغلى

الاروع
نصف كوب ماء ضعى فية المقادير السابقة واضربيهم بالخلاط وصفى بمصفاة واسعة قليلا عن مصفاة الشاى

ويمكن اضافة ملعقة دقة بودرة من العطار ( عطار ريم بجانب الكنيسة سانت فاتيما )
=


صلصه الكشرى
مقادير
ملعقه ثوم مفروم
زيت ملعقتين خل
تقشر 4 حبات طماطم وتضرب عصير
الطريقه
نسخن الزيت
نضع الثوم حتى يصفر
نطش الثوم بملعقتين الخل
ثم نضيف الطماطم المعصوره
ونتركها تتسبك
بس لا تتخنيها
=



ملحوظة
كل حاجة لوحدها بحلة خاصة
مكرونة
ارز
عدس بجبة
صلصة
كوب الدقة

يعنى
5 اوانى
بتتسخن فوق مصفاة تحتها ماء يغلى
يفضل اكلة بنفس اليوم





الوصفة بايدك على موبيلك فى مطبخك



https://www.youtube.com/watch?v=sBL5...A8%D8%AE%D9%83










=