يلا نربى ولادنا صح- موضوع متجدد

philanthropist

أميرة الورد
عضو مبارك
إنضم
30 يوليو 2013
المشاركات
1,239
مستوى التفاعل
161
النقاط
0
الإقامة
القصر الملكى السماوى قصر الملك يسوع المسيح
#يلا_نربى_ولادنا_صح
#الحلقة_الاولى
أول حلقة من فقرة يلا نربى ولادنا صح
هنتكلم فيها عن خطأ كلنا بنقع فيه ف تربية أولادنا
ايه هو بقى ؟
الدلع الزيادة عن اللزوم ، تلاقى مثلا الأم و الأب يجيلهم عيل على كبر حتى لو عندهم عيال تانى بس ده بقى يبقى البوبوناية بتاعتهم .
اعذرونى أصل انا مفقوعة من الحتة دى بالذات .?
تلاقى ايه اللى بيحصل بقى الطفل يطلب حاجة و يقعد يعيط و احنا مش عايزينوا يعيط قومت ننفذله اللى هو عايزه حتى لو على حساب صحته أو راحة غيره . يعنى مثلا لو عنده برد و شاور على الشيبسى ف الشارع لازم الشيبسى يتجاب مع أنه ممنوع بس مش عايزين الننوس يزعل .
أو تلاقيه مثلا ييجى يقولك يا بابا الحقنى اختى ضربتنى ، هى ممكن متكونش عملت كدة بس ازاى بقى هو الننوسه بيكدب برضه و يقوم ايه بقى الأب عشان ميزعلش حد يقوم يعمل نفسه بيضرب الاخت الكبيرة عشان الصغير يسكت .
و حاجة كمان بقى انتو بتعملوها من غير قصد أو ساعات بقصد انكم تاخدوا لسان العيال ع الشتيمة و تقعدوا تضحكوا لما يشتمكم أو يشتم حد كبير من العيلة يعنى على أساس أننا عيلة و محدش هيتكلم . لا خلى بالك الناس بتتكلم فبلاش نسمحلهم يتكلموا وحش و كمان ماينفعش تعود طفلك ع الشتيمة و بعدين لما يكبر تعاقبوا انه بيشتم كدة مش هيثق فيك اصلا.
بصوا بقى انت و هى اللى انتو بتعملوه ده غلط ليه ؟ انا هقولكم.
أولا بتعلموا طفلكم الأنانية و أن كل حاجة عايزها لازم تتجاب و ده بيعلمه الطمع .
ثانيا انت كدة هتخلى في ضغينة بين الأخوات حتى لو الكبار سكتوا مرة اثنين تلاتة لازم هيزعلوا ف مرة طب ليه بس كدة .
آخر حاجة بقى انت كدة هطلع ابنك أو بنتك ما يعرفش يتحمل المسؤولية و بلاش تقعد تقول لما يكبر هيفهم لأنه اصلا لما يكبر هيبقى فات الأوان على أنه يفهم.
 

ohannes

مفصول لمخالفة قوانين المنتدى
إنضم
14 ديسمبر 2011
المشاركات
341
مستوى التفاعل
78
النقاط
0
طب انا زعلان منك خالص . مارينا
انا بونبونية العيلة ... لو الماما حتشوف الموضوع بتاعك
حتحرمتي حاجات كتيرة
يصح كده
.
.
موضوع اكثر من رائع
اسرني تواجدك القيم
جون
 

+ماريا+

نحوك اعيننا
عضو مبارك
إنضم
22 أكتوبر 2012
المشاركات
5,471
مستوى التفاعل
2,038
النقاط
113
احنا بنطلب من ربنا المعونه فى تربية اولادنا
علشان يطلعوا فى حضنه واولاده بجد
ميرسى للنصايح الجميله ومتابعه معاكى باقى الحلقات
 

philanthropist

أميرة الورد
عضو مبارك
إنضم
30 يوليو 2013
المشاركات
1,239
مستوى التفاعل
161
النقاط
0
الإقامة
القصر الملكى السماوى قصر الملك يسوع المسيح
طب انا زعلان منك خالص . مارينا
انا بونبونية العيلة ... لو الماما حتشوف الموضوع بتاعك
حتحرمتي حاجات كتيرة
يصح كده
.
.
موضوع اكثر من رائع

اسرني تواجدك القيم
جون
لا طبعا مش يرضينى ابدا ههههههههههه
سلملى ع الماما بقى
نورت الموضوع
 

philanthropist

أميرة الورد
عضو مبارك
إنضم
30 يوليو 2013
المشاركات
1,239
مستوى التفاعل
161
النقاط
0
الإقامة
القصر الملكى السماوى قصر الملك يسوع المسيح
احنا بنطلب من ربنا المعونه فى تربية اولادنا
علشان يطلعوا فى حضنه واولاده بجد
ميرسى للنصايح الجميله ومتابعه معاكى باقى الحلقات

ربنا يعطينا جميعا حكمة و إرشاد
نورتى الموضوع
 

philanthropist

أميرة الورد
عضو مبارك
إنضم
30 يوليو 2013
المشاركات
1,239
مستوى التفاعل
161
النقاط
0
الإقامة
القصر الملكى السماوى قصر الملك يسوع المسيح
صباح الخير
النهاردة هنكمل فقرة
#يلا_نربى_ولادنا_صح
وبعتذر عن التأخير
كنا اتكلمنا ف المرة اللى فاتت عن الدلع الزيادة عن اللزوم و ازاى ده بيدمر شخصية الطفل.
النهاردة بقى هنتكلم عن حاجة جديدة و هى عدم الاتساق و ده أشد خطرا من الدلع الزائد.
أولا يعنى ايه عدم اتساق ؟
عدم اتساق يعنى تناقض فى تعليم الطفل و مقصدش التعليم الأكاديمي أقصد التعليم الحياتي .
بمعنى لو مثلا عندكم ضيوف والولد جه يأكل بيده تزعقله و تقوله لا كل بالشوكة و السكينة وهو يسمع كلامك و يعرف أن دى حاجة غلط . تيجى بقى ف موقف تانى تكونوا قاعدين ع السفرة و مفيش ضيوف ولا أى حد غريب و ييجى الولد يكرر نفس العملة و يأكل بيده وهو خايف انك تزعقله تقوم أنت تقول يلا خلى الواد يأكل براحته .
هو ده بقى عدم الاتساق انت دلوقتى اتعاملت مع نفس التصرف لكن بطريقة متناقضة و بدون توضيح لأسباب رد فعلك ف الحالتين ماهو مش هيفهم لوحده انه قدام الضيوف لازم ياكل بطريقة و مع بعضهم بطريقة تانية لازم انت تفهمه ده .
أسلوب تانى لعدم الاتساق . تيجى الأم تقول لابنها لو حد ضربك روح للميس اشتكيلها و ييجى الأب يقوله لو حد ضربك اضربه .
هنا بقى التناقض بيبقى من الطرفين الأم والأب هو بيعلم حاجة و هى بتعلم حاجة تانية خالص .
أو مثلا لما ييجى طفل صغير خالص يشتم مامته وهى تقعد تضحك و فرحانة ولو عمل كدة قدام حد غريب تضربه. طب أضرار عدم الاتساق ايه؟
بينشا طفل مزدوج الشخصية تلاقيه مع ناس مؤدبا و مع ناس تانية بيتعامل بحرية زيادة شوية . وكمان بيكون الطفل متردد ف كل تصرفاته هو مش عارف امتى يعمل ده وامتى ميعملوش وده طبعا يخليه ميقدرش ياخد قرار سوى ف حياته العملية ابدا ده غير أنه بيكون فيه شىء من العدوانية ف سلوكه .
إلى هنا اعاننا الله
يتبع.
 
أعلى