الفن والابداع , شاركنا الاشياء التى تعشقها

Desert Rose · 13 أكتوبر 2012

لانى عاشقة للفن وبعتبره من ارقى الاشياء اللى فى الدنيا فحبيت اعمل موضوع مفتوح عن الفن عموما
ممكن نحط هنا اى قطعة فنية احنا بنحبها واثرت فينا زى مثلا قطعة موسيقية , جزء من فيلم انت بتعتبره epic , لوحة فنية , صورة فوتوغرافية , , شعر , نثر , اى حاجة فنية انت بتحس معاها ان هو ده الفن

وانا هبتدى بقطعة موسيقية لزياد الرحبانى ( لانى عاشقة للرحبانية )
اسمها ياليلى

[YOUTUBE]GKnkIK-xzSQ[/YOUTUBE]

Desert Rose · 13 أكتوبر 2012

بعض صور الطبيعة من المصور المشهور Galen Rowell اللى يعتبر واحد من اشهر 10 مصورين للطبيعة فى العالم , روعة استمتعوا

الثلوج عند سفح جبل ويليمسون هاى سيرا كاليفورنيا

جلاسيار ناشونال بارك , مونتانا

منطقة ايفرست نيبال

ايفولوشن لايك , هاى سيرا , كاليفورنيا

Desert Rose · 13 أكتوبر 2012

انا مش من هواه الرقص ولكن الفرقة ديه بجد فى المقطع ده ابدعوا
اسمهم فرقة jabbawockeez شوفوا المقطع وشوفوا دقة الاداء وال synchronization مع بعض فى الحركة والمرونة بتاعت جسمهم
بجد ابداع

[YOUTUBE]ld-J2p6IPKY[/YOUTUBE]

Desert Rose · 13 أكتوبر 2012

المشهد ده من فيلم اسمه crash الفيلم بيتكلم عن العنصرية وان كل البشر عنصريين مع بعض وتقريبا كلهم بيضطهدوا بعض ويخونوا بعض بشكل او بأخر

المشهد epic وقمة الانسانية , الراجل صاحب المحل رايح يقتل النجار اللى صلحله المحل لانه فاكر انه مصلحش الباب بتاع محله كويس وهو قاصد يعمل كده ( وهو مكانش قاصد يعمل حاجة زى كده ) فالمحل بتاعه اتسرق واتكسر وطبعا اتدمر المحل فى جريمة من جرايم الكراهية العرقية و العنصرية او ال hate crimes

قمة الانسانية والمشاعر فى المشهد

[YOUTUBE]L-iyxIincCI[/YOUTUBE]

خادم البتول · 13 أكتوبر 2012

مش قادر أصدق موضوع جميل زي ده ولسه مفيش مشاركات! موضوع أكتر من رائع يا آنجـل. أنا شخصيا ممكن أملا 20 صفحة هنا لوحدي.

بس للأسف مش بعرف أرفع فيديو. :dntknw:

(أو يمكن رفع الفيديو ده تبع "الخواص" اللي الأعضاء ياخدوها لما تزيد مشاركاتهم؟ طبعا أنا قلبي اتكسر لما حسيت إني ممكن أكون محروم من امتيازات وخواص حساسة زي دي. :closedeye زمان كانوا يقولوا إديها ميه تديك طراوه هنا يقولوا إديها رسايل تديك خواص! وبعدين وأنا بدوّر في المنتدى كده لقيت موضوع اسمه +++سجل إحساسك بكلمة+++ والرسالة في الموضوع ده ممكن فعلا تكون كلمة واحدة! كلمة واحدة فقط لا غير.. يا ستي نقول كلمتين تلاتة لو يعني حبكت. طبعا مصدقتش نفسي، لأن أنا بالذات أحيانا الرسالة عندي تكون بحجم صفحة في جريدة الأهرام! الكلام ده بجد يا جدعان؟ فعلا رفع الفيديو "خاصية" ترتبط بعدد الرسائل؟ طب مانا برفع صور! لا لا لا، مش مصدق. فمن ساعتها يا عزيزتي بافترض إن أنا اللي عندي المشكلة ومش عارف أرفع فيديو، أنا اللي مش عارف فين الزرار. على فكرة أنا بتكلم جد). :t33:

* * *

لأول مرة أشوف "يا ليلي" مصورة، وهي طبعا من الروائع. أبهجتني "الحالة" كما تظهر في التصوير. أشكرك على الإضافة الرائعة والافتتاح المميز

. أخيرا، مش عارف، بس بيتهيأ لي أفلام زي Crach لازم الواحد ياخدها من بدايتها عشان يحس مشاهد الذروة، لأنه بيكون فيه شعور بيتراكم طول الفيلم وهو اللي بيأكد الذروة دي لما نوصلها، إلا إذا كنا شفنا الفيلم قبل كده طبعا. مجرد رأي.

الآن اسمحيلي أن أشارك في هذا التوبيك الرائع ده بمشاركة متواضعة، ولكن ما دمنا خرجنا ـ سامحيني ـ من لحظات الإبداع الدرامي والرومانسي ودخلنا إلى الإبداع الكوميدي، اسمحيلي أن أبدأ بمشهد كوميدي: الثنائي العبقري عبد السلام النابلسي مع العملاق محمود المليجي، مع حوار القدير "يوسف جوهر" في فيلم "يوم من عمري".

خادم البتول · 13 أكتوبر 2012

في هذا المشهد نرى رئيس التحرير (محمود المليجي) يمثـل حالة الرضا التام عن عمل يونس المصور (عبد السلام النابلسي) وصديقه الصحفي صلاح (حليم):

رئيس التحرير: أهلا وسهلا أهلا، حمد الله ع السلامة..
صلاح: الله يسلمك.. الموضوع عجب سيادتك؟
رئيس التحرير: يا سلام، ده موضوع عظيم جدا جدا.. أهنيكو عليه.
يونس: على كده الصور ممتازة؟
رئيس التحرير: صور؟ حرام عليك تسميها صور! دي تابلوهات حية. دي تحـف.
يونس (يهمس لصلاح في فخر): سامع؟
صلاح: أمال الموضوع متنشرش ليه يافتدم؟
رئيس التحرير: أنا أجلته لبكره عشان حجزت له نص الصفحة الأولى.
يونس (في دلال): على كل حال أنا كنت جاي وجواب الاستقالة في جيبي!
رئيس التحرير: ليه لا سمح الله؟ وتحرمنا من تابلوهاتك؟ ده أنا كنت أقفل الجريدة.. ده أنا كنت أبطل صحافة.. ده إنت موهبة فذة!
يونس: ده صحيح..

(يتصل رئيس التحرير بالسكرتارية ويطلب الموضوع والصور التي يدور حولها الحوار)

رئيس التحرير (يضع سماعة الهاتف وبقول ليونس): أنا ح اجيبلك التحف بتاعتك عشان تشوفها بنفسك.

يونس: عارفهم.. لقطتهم في لحظة تجــلي.

رئيس التحرير (لا يتحمل المزيد فينفجر أخيرا): قصدك في لحظة تغفيل.. في لحظة غبااااااء...

يونس: أنا....

رئيس التحرير: إنت ما يتفعش تكون مصور صحفي..

يونس: احتجاجي...

رئيس التحرير: ولا كلمة.. وإيه اللي انت شايله ده، إيه ده؟

يونس: دي كاميرات....

رئيس التحرير: إنت تروح تشتغل في سيرك...

يونس: أنا؟؟؟

رئيس التحرير: إنت تغور من وشي.. استقالتك، طلع استقالتك.. طلع استقالتك حالا.. مانتش قاعد هنا أبدا.. الاستقالة.. الاستقالة بسرعة..

يونس: سحبتها.

رئيس التحرير: سحبتها يا جبان؟ ع العموم أنا مش في احتياج لاستقالتك.. إنت مرفود.. بره..

يونس: إنما أنا.....

رئيس التحرير: برررررره

يصل الموضوع ويونس على وشك الخروج فيصرخ رئيس التحرير: استنى عندك.. هات الزفت بتاعك ده.. أنا لازم أعذبك بصورك زي ما عذبتني..

..............................

* * *

هذا المشهد التاريخي يبدأ هنـــــــــا في الدقيقة 12:10.

مشهد ثان لا يقل اقتدرا بينهما، بل لعله يزيد، ولكن لابد من مشاهدته لا قراءته، يبدأ هنــــــــا في الدقيقة 46:35، وهو المشهد الذي أخذ فيه يونس صورة واحدة فقط لتغطية التحقيق، وحين يسأله رئيس التحرير: "صورة واحدة؟" يرد عليه: صورة واحدة لكن فيها إعجاز، أخدتها وأنا منبطح على أرض المطار تدوسني الأقدام..

وهو نفسه المشهد الذي يقول في نهايته محمود المليجي عبارته الشهيرة: اسمع أما اقولك، هي حاجة من اتنين: يا إنت تبطل تصوير.. يا أنا أبطل صحافة! :t33:

وزمان يا فــــن!

Desert Rose · 13 أكتوبر 2012

خادم البتول اسعدتنى جدا مشاركتك هرجع للرد عليك تانى بالتفصيل
بس علشان تعرف ازاى تنزل فيديو راجع الموضوع ده فيه الشرح

http://www.arabchurch.com/forums/showthread.php?t=136685

إيمليــآ · 13 أكتوبر 2012

,.

بصى أنآ دآخلة خآرجة فى آلتوبيكـ من آلصبح ومش عآرفة أشآركـ

بس مشكلة خآدم آلبتول شجعتنى أتكلم
آلنت عندى مش مسآعد خآلص أنزل أى فيديو

بس آلتوبيكـ رآئع حقيقى يآ آنجل
وكل آلمشآركآت بجد تحف

وبم إن مآليش حظ أنزل فيديوهآت
فهجمع كم حآجة لفن تصوير آلمآكرو macro photography
إللى حقيقى متيمة بيه ^_^

وكلهآ صو حقيقية مش ملعوب فيهآ
هى بس بتتلقط بعدسة دقيقة جداً

.،

خادم البتول · 13 أكتوبر 2012

أشكرك جدا جدا.. فعلا عرفت الطريقة واشتغلت! ومش مصدق! سيادتك أنا من إبريل الماضي وأنا بجرب كل حاجة! :t33: صحيح اللي يسأل ما يتوهش، بس أنا أصلا المفروض عندي خلفية كافية عن التكويد! يا للخيبة! :t33:

على فكرة يا آنجـل الطريقة دي اللي في اللينك كمان فشلت معاي.. على الأقل في الفايرفوكس. أنا الطريقة اللي جربتها دلوقت واشتغلت جات لي كده رباني.. انت عارفه فيه ملايكة كده انفيزيبل في كل حته، على رأي أخونا عبود :t33:. (على فكرة هو غالبا عبود اللي حط في دماغي موضوع الخواص ده من ساعة ما كتب في حكاية الإنفيزابل دي. بهت عليا. لأنه هو أصلا عنده أكيد خواص أكتر مني، فلما هو اتكلم ع الموضوع ده خلاني حسيت إن أي حاجة مش عارف اعملها تبقى "خواص". ربنا يسامحك ياعبود. ده انا كنت ح ابعت اللي فوق ده لـ"روك" مباشرة! صحيح ربك بيسترها مع الغلابة).

وما دمنا الآن نرفع فيديو، في الحالة دي بقى اسمحي لي أهديكي "Ave Maria".. لا يمكن أفتتح مساهماتي الفيديوهية غير بآفي ماريا

.

[YOUTUBE]2bosouX_d8Y[/YOUTUBE]

لمن لا يعرفها: آفي ماريا كلمات تسبحة كاثوليكية لاتينية للسيدة العذراء، وفي نفس الوقت ترنيمة بأكثر من لغة، وغنتها تقريبا كل مغنيات العالم، وهي من روائع "شاعر الموسيقى" شوبرت، لها أكثر من إصدار ولكن ما زالت هذه النسخة الأصلية، الأوبرالية الكلاسيكية، هي الأفضل. :16_4_10:

* * *

R.O.R.O · 13 أكتوبر 2012

احيكى بجد يا انجل على التوبيك الاكثر من رائع وده يدل على انك
انسانة حساسة جدا وبتحبى الفن
انا بحب اووووووى موسيقى سمير سرور وعمرو خيرت
بس دلوقتى هنزل مقطع موسيقى لسمير سرور الف ليلة وليلة
http://www.youtube.com/watch?v=S_TFJjM7bMk&feature=related http://www.youtube.com/watch?v=t6fAPKcHYis&feature=related

Desert Rose · 14 أكتوبر 2012

مش قادر أصدق موضوع جميل زي ده ولسه مفيش مشاركات! موضوع أكتر من رائع يا آنجـل. أنا شخصيا ممكن أملا 20 صفحة هنا لوحدي.

اشكرك ياخادم البتول على كلامك ومشاركتك وطبعا اهلابيك يارب تملا 100 صفحة

لأول مرة أشوف "يا ليلي" مصورة، وهي طبعا من الروائع. أبهجتني "الحالة" كما تظهر في التصوير. أشكرك على الإضافة الرائعة والافتتاح المميز .

ياليلى رائعة من روائع الرحبانية ومعاك حق التصوير اداها بهجة خاصة زيادة عن البهجة اللى بتحسها اصلا من مجرد سماع المقطوعة

أخيرا، مش عارف، بس بيتهيأ لي أفلام زي Crach لازم الواحد ياخدها من بدايتها عشان يحس مشاهد الذروة، لأنه بيكون فيه شعور بيتراكم طول الفيلم وهو اللي بيأكد الذروة دي لما نوصلها، إلا إذا كنا شفنا الفيلم قبل كده طبعا. مجرد رأي.

معاك حق جدا فى كلامك عن الفيلم ده , الفيلم ده فيه كمية مشاعر انسانية تتراكم معاك وتوصل معاك للذروة مع نهاية الفيلم
بس صراحة مقدرتش امنع نفسى من انى اشارك المشاهد ال epic اللى فيه وان كان الفيلم كله epic :new8:

Desert Rose · 14 أكتوبر 2012

خادم البتول قال:
في هذا المشهد نرى رئيس التحرير (محمود المليجي) يمثـل حالة الرضا التام عن عمل يونس المصور (عبد السلام النابلسي) وصديقه الصحفي صلاح (حليم):

رئيس التحرير: أهلا وسهلا أهلا، حمد الله ع السلامة..
صلاح: الله يسلمك.. الموضوع عجب سيادتك؟
رئيس التحرير: يا سلام، ده موضوع عظيم جدا جدا.. أهنيكو عليه.
يونس: على كده الصور ممتازة؟
رئيس التحرير: صور؟ حرام عليك تسميها صور! دي تابلوهات حية. دي تحـف.
يونس (يهمس لصلاح في فخر): سامع؟
صلاح: أمال الموضوع متنشرش ليه يافتدم؟
رئيس التحرير: أنا أجلته لبكره عشان حجزت له نص الصفحة الأولى.
يونس (في دلال): على كل حال أنا كنت جاي وجواب الاستقالة في جيبي!
رئيس التحرير: ليه لا سمح الله؟ وتحرمنا من تابلوهاتك؟ ده أنا كنت أقفل الجريدة.. ده أنا كنت أبطل صحافة.. ده إنت موهبة فذة!
يونس: ده صحيح..

(يتصل رئيس التحرير بالسكرتارية ويطلب الموضوع والصور التي يدور حولها الحوار)

رئيس التحرير (يضع سماعة الهاتف وبقول ليونس): أنا ح اجيبلك التحف بتاعتك عشان تشوفها بنفسك.

يونس: عارفهم.. لقطتهم في لحظة تجــلي.

رئيس التحرير (لا يتحمل المزيد فينفجر أخيرا): قصدك في لحظة تغفيل.. في لحظة غبااااااء...

يونس: أنا....

رئيس التحرير: إنت ما يتفعش تكون مصور صحفي..

يونس: احتجاجي...

رئيس التحرير: ولا كلمة.. وإيه اللي انت شايله ده، إيه ده؟

يونس: دي كاميرات....

رئيس التحرير: إنت تروح تشتغل في سيرك...

يونس: أنا؟؟؟

رئيس التحرير: إنت تغور من وشي.. استقالتك، طلع استقالتك.. طلع استقالتك حالا.. مانتش قاعد هنا أبدا.. الاستقالة.. الاستقالة بسرعة..

يونس: سحبتها.

رئيس التحرير: سحبتها يا جبان؟ ع العموم أنا مش في احتياج لاستقالتك.. إنت مرفود.. بره..

يونس: إنما أنا.....

رئيس التحرير: برررررره

يصل الموضوع ويونس على وشك الخروج فيصرخ رئيس التحرير: استنى عندك.. هات الزفت بتاعك ده.. أنا لازم أعذبك بصورك زي ما عذبتني..

..............................

..............................

* * *

هذا المشهد التاريخي يبدأ هنـــــــــا في الدقيقة 12:10.

مشهد ثان لا يقل اقتدرا بينهما، بل لعله يزيد، ولكن لابد من مشاهدته لا قراءته، يبدأ هنــــــــا في الدقيقة 46:35، وهو المشهد الذي أخذ فيه يونس صورة واحدة فقط لتغطية التحقيق، وحين يسأله رئيس التحرير: "صورة واحدة؟" يرد عليه: صورة واحدة لكن فيها إعجاز، أخدتها وأنا منبطح على أرض المطار تدوسني الأقدام..

وهو نفسه المشهد الذي يقول في نهايته محمود المليجي عبارته الشهيرة: اسمع أما اقولك، هي حاجة من اتنين: يا إنت تبطل تصوير.. يا أنا أبطل صحافة! :t33:

وزمان يا فــــن!

ههههههههههه زمان يا فن فعلا انا مش هواه الافلام القديمة لكن المشهد ده تحفة جدا والعبقرية اللى فيه هى استخدام شخصية جادة جدا زى محمود المليجى علشان تعمل المشهد الكوميدى ده وهنا تشوف ال contrast اللى يخليك تضحك
شكرا خادم البتول

Desert Rose · 14 أكتوبر 2012

Secret_flower قال:
,.

بصى أنآ دآخلة خآرجة فى آلتوبيكـ من آلصبح ومش عآرفة أشآركـ
بس مشكلة خآدم آلبتول شجعتنى أتكلم
آلنت عندى مش مسآعد خآلص أنزل أى فيديو

بس آلتوبيكـ رآئع حقيقى يآ آنجل
وكل آلمشآركآت بجد تحف

وبم إن مآليش حظ أنزل فيديوهآت
فهجمع كم حآجة لفن تصوير آلمآكرو macro photography
إللى حقيقى متيمة بيه ^_^

وكلهآ صو حقيقية مش ملعوب فيهآ
هى بس بتتلقط بعدسة دقيقة جداً

.،

روووووووووووعة ياسيكرت صراحة انا استمتعت بيهم جدا
فن فعلا , امتزاج الفن والتكنولوجيا مع روهة الطبيعة
رائعة masterpiece

Desert Rose · 14 أكتوبر 2012

خادم البتول قال:

خادم البتول قال:
أشكرك جدا جدا.. فعلا عرفت الطريقة واشتغلت! ومش مصدق! سيادتك أنا من إبريل الماضي وأنا بجرب كل حاجة! :t33: صحيح اللي يسأل ما يتوهش، بس أنا أصلا المفروض عندي خلفية كافية عن التكويد! يا للخيبة! :t33:

على فكرة يا آنجـل الطريقة دي اللي في اللينك كمان فشلت معاي.. على الأقل في الفايرفوكس. أنا الطريقة اللي جربتها دلوقت واشتغلت جات لي كده رباني.. انت عارفه فيه ملايكة كده انفيزيبل في كل حته، على رأي أخونا عبود :t33:. (على فكرة هو غالبا عبود اللي حط في دماغي موضوع الخواص ده من ساعة ما كتب في حكاية الإنفيزابل دي. بهت عليا. لأنه هو أصلا عنده أكيد خواص أكتر مني، فلما هو اتكلم ع الموضوع ده خلاني حسيت إن أي حاجة مش عارف اعملها تبقى "خواص". ربنا يسامحك ياعبود. ده انا كنت ح ابعت اللي فوق ده لـ"روك" مباشرة! صحيح ربك بيسترها مع الغلابة).

وما دمنا الآن نرفع فيديو، في الحالة دي بقى اسمحي لي أهديكي "Ave Maria".. لا يمكن أفتتح مساهماتي الفيديوهية غير بآفي ماريا .

[YOUTUBE]2bosouX_d8Y[/YOUTUBE]

لمن لا يعرفها: آفي ماريا كلمات تسبحة كاثوليكية لاتينية للسيدة العذراء، وفي نفس الوقت ترنيمة بأكثر من لغة، وغنتها تقريبا كل مغنيات العالم، وهي من روائع "شاعر الموسيقى" شوبرت، لها أكثر من إصدار ولكن ما زالت هذه النسخة الأصلية، الأوبرالية الكلاسيكية، هي الأفضل. :16_4_10:

* * *

ههههههههههه معلش انت كل حاجة تجبها على عبود ؟ الراجل فى حاله خالص
المهم انك عرفت تنزل الفيديو فى الاخر :new8:
وانا كمان هديهالك بصوت المبدع Luciano Pavarotti

[YOUTUBE]bPvAQxZsgpQ[/YOUTUBE]

Desert Rose · 14 أكتوبر 2012

رورو ايهاب قال:
احيكى بجد يا انجل على التوبيك الاكثر من رائع وده يدل على انك
انسانة حساسة جدا وبتحبى الفن
انا بحب اووووووى موسيقى سمير سرور وعمرو خيرت
بس دلوقتى هنزل مقطع موسيقى لسمير سرور الف ليلة وليلة
http://www.youtube.com/watch?v=t6fAPKcHYis&feature=related

ميرسى يارورو جدا على ذوقك وكلامك وانا كمان بموت فى عمر خيرت جدا وهبقا انزله شوية مقطوعات ليه هنا

Desert Rose · 14 أكتوبر 2012

موسيقى للعبقرى Hans Zimmer واحد من اشهر مؤلفى الموسيقى فى هوليوود حاليا
من فيلم Gladiator واسمها Now we are free او نحن الان احرار

قمة الروعة

[YOUTUBE]w9_ZudrAojc[/YOUTUBE]

Desert Rose · 14 أكتوبر 2012

]I actually don't know how they did it
انا بصراحة مش عارفه هما عملو ا الابداع ده ازاى ؟ ايه ده ؟ ايه ده بجد ؟
ايه الروعة والابتكار والفن اللى عملوه ده ؟ وقعدوا يتدربوا قد ايه ؟ مفيش غلطة ولا حد بينشز كده ولا كده
طبعا هى افضل افتتاح للالعاب الاوليمبيه على الاطلاق

وهى افتتاح دورة الالعاب الاوليمبية فى بكين , الصين عام 2008
استمتعوا بالفن والابتكار والابداع الذى لا حدود له واللى ممكن يعمل المعجزات
it amazed me

[YOUTUBE]j5y5zzlrCz4[/YOUTUBE]

[YOUTUBE]woDJi-ta5JI[/YOUTUBE]

Desert Rose · 14 أكتوبر 2012

واحدة من اكثر الاغانى انسانية ومشاعر عميقة هى الاغنية اللى اعاد انتاجها المغنى مايكل جاكسون سنة1993 واسمها Gone too soon او رحل سريعا

الاغنية اهداها مايكل جاكسون لروح الطفل Ryan White اللى جذب انتباه وسائل الاعلام وقتها لانه تم طرده من المدرسة لاصابته بمرض الايدز وتوفى الطفل راين عام 1993 واهدى مايكل الاغنية ديه لروحه
وغناها مايكل ايضا فى حفل تنصيب الرئيس الامريكى وقتها بيل كلينتون
كلماتها قمة فى الانسانية, هنقل الفيديو واترجم الكلمات

[YOUTUBE]MBFr43vQiSM[/YOUTUBE]

كلماتها بتقول

مثل نجم متوهج فى السماء , رحل سريعا
مثل قوس قزح يختفى فى غمضة عين , رحل سريعا

لامع ومشرق ورائع
موجود بيننا اليوم ورحل فى يوم

مثل فقدان اشعة الشمس فى يوم ملئ بالغيوم ,رحل سريعا

مثل قلعة مبنيه على شاطئ من الرمال , رحل سريعا
مثل زهرة جميلة ابعد من ان تصل لها , رحل سريعا

وُلد ليُلهم , يُسعد ويرسم البهجة
اليوم كان بيننا ورحل فى يوم

مثل غروب الشمس عندما تموت وقت ظهور القمر
رحل سريعا , رحل سريعا

Anas2 · 14 أكتوبر 2012

موضوع تحفة مثل كل مواضيعك

أنا من عشاق الفن لذلك سيكون موضوعك محطتي المفضلة

لي عودة....

Desert Rose · 14 أكتوبر 2012

Anas2 قال:
موضوع تحفة مثل كل مواضيعك
أنا من عشاق الفن لذلك سيكون موضوعك محطتي المفضلة
لي عودة....

اشكرك جدا Anas2 سعيدة ان الموضوع عجبك وانا كمان من عشاق الفن والابداع لانه بينقلنى لحالة تانية وعالم تانى ساحر
مرحبا بيك فى اى وقت

الفن والابداع , شاركنا الاشياء التى تعشقها

I have a dream

I have a dream

I have a dream

I have a dream

عضو نشيط

عضو نشيط

I have a dream

نحوكـ عيّني ..&#9829;

عضو نشيط

اسندنى فى ضعفى

I have a dream

I have a dream

I have a dream

I have a dream

I have a dream

I have a dream

I have a dream

I have a dream

عضو نشيط

I have a dream

نحوكـ عيّني ..♥