طور تعليم بلدك ...قول رايك

بايبل333 · 22 مايو 2016

أعلنت وزارة التربية والتعليم عن طرح خدمة جديدة علي الموقع الرسمي لوزارة التربية والتعليم وهي خدمة جديدة ومفيدة جدا وهي خطوة ناجحة من قبل وزارة التربية والتعليم تجاه الطالب والمعلم وولي الأمر وهي الخدمة التي يمكن من خلالها التحدث والأستفسار والشكاوي وتقديم الأقتراحات بالنسبة للعملية التعليمية والمناهج والمدارس وهي خدمة يمكن من خلالها التواصل مباشرة مع وزارة التربية والتعليم .

انا عايز كل واحد يدخل ويكتب نفسه التعليم يكون فى شكله ازاى
وانا هابعث لهم كلامكم
قول رايك بكل صراحة

+ماريا+ · 22 مايو 2016

هو انا عارفه انه مفيش فايدة فى التعليم
لكن هقول رأى نفسنا يغيروا المناهج ويحطوا مناهج مبسطه
ويغيروا فكرة ان التعليم حفظ ويكون فهم
ويكون فى رقابه على المدارس ويأهلوا المعلمين دراسيا ونفسيا
لأن فى مدرسين بيطلعوا عقدهم على العيال وناس تانيه بتشرح غلط
كفاية كده عليهم

peace_86 · 22 مايو 2016

-بناء مدارس جديدة بحيث أن في كل صف لا يزيد عدد الطلاب عن 25 أو 30 .. وليس تلك الأرقام الهائلة التي تصل ل80 طالب كما نسمع بالأخبار

- الإهتمام بمواد الألعاب والرياضة البدنية.. كأن تكون أكثر من ثلاث ساعات أسبوعياً

- الإهتمام بالفن وبالذات في أول تسعة مراحل، الموسيقى شي مهم جداً لأنه يحفز على الإبداع

- في أول ست سنين لا يوجد رسوب.. فكل الطلاب يجتازون المرحلة، لكن مع إعطاء جوائز تقديرية للطلاب المتميزين والأوائل وغيرها..

- اعطاء المدرس راتب محترم كأن يكون حد أدنى 5000 جنيه شهرياً.. حتى لا يصب جل طاقته في الدروس الخصوصية.

- الإهتمام باللغة الإنكليزية وليس مجرد كم ساعة أسبوعياً.. بل تكون شي مهم جداً وليس مادة من المواد..

بايبل333 · 22 مايو 2016

شكرا على الرد من الاخت ماريا والاخ بيس
اولاً:يا أخت ماريا فى التعليم المصرى المناهج أتغيرت بنسبة كبيرة جداً والمشكلة اتحلت امام عينى ومناهج مبسطة المشكلة بتكمن فى حاجات تانية مهمة جداً مثل المدرس ..كيف يجعل المدرس ان يقدم المنهج بصورة مبسطة

الاخ بيس انا لا اعترض على ما قلته بس فى نقطة هامة جداً
5000 الاف جنية مرتب صدقنى لن يجدى نفعاً حتى لو كانت الميزانية تسمح بهذا المدرسيين سوف يستمرون فى الدروس بعد انتهاء اليوم الدراسى
احنا ممكن نقول حاجة مهمة جداً عزيزى أن المدرس الذى سوف يتخرج من الفصل الذى يدرس له طلبة تحصل على درجات نهائية يربح جائزة مالية

مثلا انا مدرس لغة انجليزية فى فصل 3/1
حصل طلاب على الدرجة النهائية 5 طلاب
بياخذ على الخمسة جائزة تقديرية مالية اى شىء
مين موافق ...؟؟؟..؟..

peace_86 · 22 مايو 2016

بايبل333 قال:
شكرا على الرد من الاخت ماريا والاخ بيس
اولاً:يا أخت ماريا فى التعليم المصرى المناهج أتغيرت بنسبة كبيرة جداً والمشكلة اتحلت امام عينى ومناهج مبسطة المشكلة بتكمن فى حاجات تانية مهمة جداً مثل المدرس ..كيف يجعل المدرس ان يقدم المنهج بصورة مبسطة

الاخ بيس انا لا اعترض على ما قلته بس فى نقطة هامة جداً
5000 الاف جنية مرتب صدقنى لن يجدى نفعاً حتى لو كانت الميزانية تسمح بهذا المدرسيين سوف يستمرون فى الدروس بعد انتهاء اليوم الدراسى
احنا ممكن نقول حاجة مهمة جداً عزيزى أن المدرس الذى سوف يتخرج من الفصل الذى يدرس له طلبة تحصل على درجات نهائية يربح جائزة مالية

مثلا انا مدرس لغة انجليزية فى فصل 3/1
حصل طلاب على الدرجة النهائية 5 طلاب
بياخذ على الخمسة جائزة تقديرية مالية اى شىء
مين موافق ...؟؟؟..؟..

بغض النظر عن إننا موافقين ولا لا عشان ولا راح يتغير حاجة إنشالله لو قعدنا نصارخ للصباح :new6::new6:

وكمان خطتك هي وسيلة جيدة بالنسبة لبعض المدارس اللي ممكن تطبقها والبعض الآخر لا وهكذا.. لكن هذا لن يتم على مستوى الدولة ككل..

يعني ماهو القانون الذي ستؤسسه الدولة لإعطاء كل مدرس جوايز تقديرية بناءاً على نجاح الطلاب؟ مازال الفساد ينخر في أجساد المدارس.. فكيف ستضمن عدم وجود تلاعب وتحايل في الموضوع؟
لذلك أقول أن الحل هو من فوق، من الوزارة التعليمية نفسها، بأن تزيد رواتب المعلمين هذا أولاً، وثانياً بأن تزيل السيء وتحط بداله الجيد وبكل سهولة وتأتي بكوادر متعلمة وتأسست صح.

أستطيع أن أقول لك أن عمليات التصفية والفرز لن تأخذ أكثر من سنة، فالموضوع أسهل بكثير مما تخيل..

كل ما تطلبه الدولة هو أمرين: خطة حقيقة، وتنفيذ حقيقي.. فقط

بايبل333 · 22 مايو 2016

يعني ماهو القانون الذي ستؤسسه الدولة لإعطاء كل مدرس جوايز تقديرية بناءاً على نجاح الطلاب؟ مازال الفساد ينخر في أجساد المدارس.. فكيف ستضمن عدم وجود تلاعب وتحايل في الموضوع؟

هما يخترعوا اى قانون
الخوف من حتة واحدة مهمة جداً هى الغش فى الامتحانات مهو ممكن يكون المدرسة تتفق كلها فى الامتحانات تسيب الطلبة تغش من بعض او هما يحطوا درجات نهائية لجميع الطلبة والكل ياكل عيش ههههههههههههه

لذلك أقول أن الحل هو من فوق، من الوزارة التعليمية نفسها، بأن تزيد رواتب المعلمين هذا أولاً، وثانياً بأن تزيل السيء وتحط بداله الجيد وبكل سهولة وتأتي بكوادر متعلمة وتأسست صح.

لن يكون الحل زيادة المرتبات نهائى

+إيرينى+ · 23 مايو 2016

يحطوا كاميرات فى الفصول و فى الممرات و فى الحوش

+ماريا+ · 23 مايو 2016

طيب حاجه كمان لما يحبوا يحذفوا ياريت يكون من اللى لسه متشرحش
مش زى السنه دى الوزير حذف الوحدة اللى اتشرحت واتفهمت واتراجعت كذا مرة

soul & life · 23 مايو 2016

بيقولك فى دول الغرب لما بيكون فى طفل مخطىء وبيعاقبوه بيحرموه من المدرسة !
معنى كده ان المدرسة بالنسبة ليه مكان ممتع ومريح ومسلى!
ليه احنا ولادنا بيهربوا من المدارس ومبيحبوهاش؟
ليه ميكونش المدرسة بيته التانى تعليم وانشطة وتنمية مهارات وهوايات؟
كمان المدرسين مدرسين الانجلش مبينطقوش صح والعيال بيستهزءوا بيهم وبيصححولهم
ده عيب فى حق المدرس والتعليم
مدرس الدراسات بيدى معلومات غلط للولاد العيل مبقاش زى زمان بيجى يبحث على النت وبيعرف الحقيقة بنفسه فإذا مكنش المدرس قادر على مواكبة العصر اللى احنا فيه والتكنولوجية ووسائلها فيبقا ميلزمش ومينفعش يكون مدرس للاجيال دى

ohannes · 23 مايو 2016

تحديث الكادر التعليمي ... على مستوى دكاترة الجامعات
التاكد من شهادة الدكتوراه ... وعن جهة المانحة
تطوير البحث العلمي ورفد الكادر اامناسب .والميزانية المناسبة له

احترام الحقوق الملكية والغكرية لابحاث العلماء والباحثين
اعتماد نظام الاتمتة في الجامعات العرببة

احترام الحقوق الملكية والفكرية لكاتب هذه المشاركة
حيث ان ابحاثي تدرس في اكثر من 10 جامعات عرببة
بدون اخذ اذن مسبق ... حيث ان جميعها مسجلة ضمن الحقوق الملكية الفكرية ان كان على المستوى الاقليمي ... او العالمي

وشكرآ

soul & life · 23 مايو 2016

الاتمتة في الجامعات العرببة يعنى ايه؟؟؟

R.O.R.O · 24 مايو 2016

بتفتحونى ليه بس يا بشر ما تخلونى ساكتة وكافية شيرى خرى
التعليم فى مصر فاااااااااااااااااشل من كل النواحى ومحدش يدخل يقولى ماتقوليش كدا
لاحسن ممكن انط فى كرشه هو حر بقى
هاقولك ع حاجة انا هاتكلم ع التعليم ف ايامى الاول
اه كنا بننجح وكل حاجة بس تعالى كدا قولى حد فاكر حاجة من اللى خده
ع مدار سنين التعليم كلها هايقولك لا طبعا ودا ليه ؟؟
هاقولك ليه لانه كان بيعتمد ع الحفظ واعتقد لا زال نظام خزن معلومات
لحد ما المخ يرجع من كتر اللى شايله الله يكون ف عون العيال
حاجات كتيررررررررررر غلط فى التعليم
بس خلى نفسك طويل معايا
اولا- مرتب المدرسين قليل جدا ودا بيخليهم يدوا دروس ودا بيخلى كل الناس بتعتمد ع الدروس كعامل اساساى فى التعليم فى حين انه ممكن ياخد كل المعلومات دى ف المدرسة
بس طبعا المدرس بيستخسر لانه مش لاقى مقابل ع تعبه دا
ثانيا _ تغيير المناهج المناهج صعبة جداااا العيال بتاخد حاجات كنا بناخدها ف الثانوية العامة
دا بياثر ع الطفل تاثير سلبى جدا بتلاقى الطفل تعبان ومجهد وفى استرس عصبى طول الوقت
لانه مش قادر ع التعب دا مخه صغير اكيد مش هايستوعب يذاكر كل دا
دا غير الوجبات الكتير اللى بياخدها ومطالب يخلصها ويذاكر وياخد درس او اتنين ف اليوم
دا غير كمان اليوم الدراسى انا نفسى تعبت مجرد ما ذكرتهم
ثالثا _ لازم يهتموا بجوانب تانية فى المدرسة
يعلموا الاطفال كمبيوتر كويس جدا
لازم يبقى فى تعليم موسيقى بكل انواعها عشان الطفل يطلع عنده مهارات كتير
التركيز ع تعليم النضافة والاتيكيت فى المدرسة دا مهم جدااااا
يزرعوا فى الطفل الحس الفنى وخصوصا ان ف اطفال بتبقى موهوبة
رابعا _ اعداد الفصول بسمع ارقام بشعة ف الفصل حتى فى المدارس الخاصة واللغات
المفروض يبقى عدد الاطفال فى الفصل الواحد لا يتعدى ال 15 طفل
خامسا _ ودى اهم نقطة المفروض يبقى فى كل مدرسة
دكتور اخصائى نفسى يتعامل مع الاطفال فى فترة المدرسة تحددها
زى حصة كدا تبقى اساسى فى اليوم الدراسى
ودا دوره انه يبقى متابع سلوك الاطفال النفسى ويتعامل معاهم لو ف حد محتاج لدا
لانى اعرف ناس كتير اولادهم بتعانى من مشاكل نفسية وهما مش عارفين يتعاملوا معاهم
انا ايدى وجعتنى من الكتابة
ليا رجعة تاني

عبود عبده عبود · 24 مايو 2016

R.O.R.O قال:
لازم يبقى فى تعليم موسيقى بكل انواعها عشان الطفل يطلع عنده مهارات

:new6::new6::new6:

R.O.R.O · 24 مايو 2016

عبود عبده عبود قال:
:new6::new6::new6:

:new6::new6::new6::new6:

بايبل333 · 24 مايو 2016

حد شاف البرنامح داة يا جماعة ..؟

الرجاء الكل يدخل على هذا الرابط

https://www.youtube.com/watch?v=sISnSW5THPE

طور تعليم بلدك ...قول رايك

بايبل333

حن يارحمــــــن

+ماريا+

نحوك اعيننا

peace_86

مبارك اسم يسوع

بايبل333

حن يارحمــــــن

peace_86

مبارك اسم يسوع

بايبل333

حن يارحمــــــن

+إيرينى+

واحدة معاكم

+ماريا+

نحوك اعيننا

soul & life

روح وحياة

ohannes

مفصول لمخالفة قوانين المنتدى

soul & life

روح وحياة

R.O.R.O

اسندنى فى ضعفى

عبود عبده عبود

مفصول لمخالفة قوانين المنتدى

R.O.R.O

اسندنى فى ضعفى

بايبل333

حن يارحمــــــن