منتديات الكنيسة

العودة   منتديات الكنيسة المنتديات العامة المنتدى العام

إضافة رد

الموضوع: صبّح تاتا 2 × 3 وصبح صبح يا عم الحج ...!!!

أدوات الموضوع
قديم 29-08-2009, 04:09 PM   #1
mickol
عضو نشيط
 
الصورة الرمزية mickol
 
تاريخ التسجيل: Apr 2009
الدولة: شبرا
المشاركات: 318
ذكر
 نقاط التقييم 119 نقاط التقييم 119
Wink(1)

صبّح تاتا 2 × 3 وصبح صبح يا عم الحج ...!!!




ازيكوا يا شباب عاملين ايه يا رب تكونوا كويسين معلش مبقتش بنزل مواضيع خالص بس قولت انزل النهاردة موضوع تهييس كدا قبل ما أظبط ش بقى ويا رب ينول اعجابكم وندخل بقى فى صلب الموضوع ...

تعمل ايه لو صحيت النهاردة ولقيت نفسك امبارح ..؟؟؟
ممكن قوى طبعا يحصل.. ان اصحى النهاردة الصبح الاقى نفسى لسه فى امبارح او الاقى نفسى اول امبارح او الاسبوع الى فات او الشهر الى فاتت .. ما هى مش غريبة يعنى .. وهو ايه الى عدل فى حياتنا علشان اصحى الصبح وما الاقيش نفسى امبارح يعنى
فى الاول اكيد مش هتاخد بالك .. وبعد كده لما تلاقى المواقف بتتكرر قصادك .. فى الاول مخك هيهنج وهتروح تغسل وشك ومش بعيد تضرب نفسك كام قلم على وشك علشان تفوق .. وبعد كده

هتحاول تركز ..وتفتكر اخر حاجة حصلت قبل ما تنام كانت ايه .. او ااخر حاجة كلتها كانت ايه .. واذا كنت بتستعطى حاجة هتحاول تفتكر اخدتها من مين وبلبعت منها اد ايه ؟؟؟ وفى الاخر حتى لو افتكرت هتستلم لانك هتلاقى نفسك مش فاهم حاجة .. وممكن لو حاولت تفهم هتلاقى نفسك بتاخد تاكسى على اول دكتور نفساني مع ان مشوار الدكتور ماكنش حصل امبارح من اساسه .. ركز كده معايا وبلاش تهييس

طيب لو انا صحيت امبارح وده بقى امر واقع .. اكيد هيحصلي تاني كل الى حصل امبارح .. ما هو اصلا كان حصل خلاص .. يعنى كل الى شفته هشوفه تانى .. (هااه .. لسه مركز) يا تري هعمل ايه .. ؟؟

هل كل الى عملته امبارح سواء كان صح ولا غلط هعمله تانى برضة ؟؟؟ وهل هعمله بنفس الطريقة ؟؟ الناس الى اتخنقت معاهم ..هتخانق معاهم تانى النهاردة ؟؟ الدرج الى فتحته فى المصلحة امبارح .. هفتحه تانى النهاردة .. ؟؟ وقفتى على النواصى ومعاكساتي للبنات والستات هل هكررها تانى ..؟ شفت امبارح واحد محتاج مساعده ونفضتله .. ؟؟ صلة رحم وما عملتهاش .. ؟ غيبة ونميمية وما سبتهاش .. ؟؟ صلاتى الى اتاخرت عليها ولا حتى ممكن ما صلتهاش ؟

مريض قصرت فى حقه وما زرتهوش ؟؟ صاحبي محتاج مساعدة وما ساعدتهوش ؟؟ قشر اللب الى قزقزته وفى الارض ورميته وما لمتهوش ؟؟؟ مسؤوليتى لامي وابويا ومراتى وجوزى واخواتى واولادى الى قصرت فى حق ليهم وما وفتهوش ؟؟

امبارح الى عدى عليا وكان ليا حق وما اخدتهوش .. سلبيتى فى حياتي الى سبتها زى ما هيا ولا جددت فى نفسى ولا طورت فى حياتي وحياة الى حواليا واى جديد ممكن اعمله وما عملتهوش ؟؟
امبارح الى كان زى اول امبارح وزى الى قبله وقبل الى قبله ولا فرق معايا .. واهوا كله فى الاول يوم وفي الاخر ما عشتهوش

يا ترى لو نمت احب اصحى فى انهوا امبارح علشان اغير اى حاجة نيلة انا عملتها .. اصحى فى يوم شتمت فيه حد .. ولا اصحى فى يوم ظلمت فيه حد.. ولا اصحى فى يوم سرقت ونهبت فيه حد ؟؟ ولا اصحى فى يوم قصرت فيه فى شغلي وعمل كارثة واذيت فيها حد .. ؟؟ ... ولا اصحى فى يوم قتلت فيه حد.. ؟؟؟

يا ترى احب اصحى امتى ولا امتى .. ما هى ايامي وانا عارفها ... وكلها مليانة بلاوي والى فات خلاص عدى ومش هيرجع تانى ..

طب اصحى اصلا ولا ما اصحاش .. ولو صحيت النهاردة هفرق عن امبارح ؟ .. ولو ما صحيتش النهاردة وصحيت بكره .. هل بكره هيفرق عن النهاردة وعن امبارح (هاااه ... لسه معايا .. ؟؟)
ولا مش عاوز تصحي علشان ما تفاجاشي بواقع مظلم
هاااااااااه ......... لسه معايا ....؟؟ ولا انت فقت خلاص
هاااااه ......... لسه معايا ........؟؟ ولا عاوز تقرأ الموضوع تانى
اقولك ركز في الموضوع هتلاقي واقع الناس عيشاه



MiCko0o0o0o0o0o0o0oL
mickol غير متصل   رد مع اقتباس الرد السريع على هذه المشاركة
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
يلا نصبح ونمسي علي بعض tamav maria المنتدى العام 1085 16-11-2018 08:40 AM
ليتنا نصبح كما هو.. kalimooo المرشد الروحي 9 30-05-2011 06:53 PM
كيف نصبح اولاد الرب؟؟ النور الجديد المرشد الروحي 16 01-03-2010 08:37 AM
نسبح نهتف نعطيه المجد foba h الترانيم 3 03-01-2009 11:16 PM
قصة ستّي thelife.pro المنتدى العام 0 04-06-2007 01:51 AM


الساعة الآن 01:08 AM.



دعم خاص من vBulletin لمنتديات الكنيسة
©2000 - 2019، Jelsoft Enterprises Ltd
جميع حقوق الطبع محفوظة لمنتديات الكنيسة